លោកជំទាវ ខូវ សុខលាង គឺជាឧត្តមភរិយា ឧកញ៉ា លី សាមឺឌី អគ្គនាយកក្រុមហ៊ុន ASPOR ដែលជាក្រុមហ៊ុនធំមួយនាំចូលឈុតខារ៉ាអូខេដែលល្បីល្បាញពេញប្រទេសកម្ពុជា។ ពេលនេះលោកជំទាវបានសម្រេចវិនិយោគរួមគ្នាជាមួយលោកស្រី រស់ សុភ័ក្ត្រ ស្ថាបនិក និងលោកស្រី សុខ ចន្ថា សហស្ថាបនិក ក្រុមហ៊ុន B Nature Import_Export Co.,Ltd។
អ្នកទាំងបីសម្រេចនាំចូលផលិតផលសុខភាពស្ត្រី ផលិតផលថ្មី(SS3)ដែលមានរូបមន្តផ្សំពីប្រទេសជប៉ុននិងបានរកឃើញដោយជនជាតិអាមេរិក។

ការសហការនាំចូលផលិតផលនេះ ត្រូវបានលោកជំទាវ ខូវ សុខលាង បញ្ជាក់ថាដោយសារមើលឃើញពីផលិតផលនេះមានគុណភាពខ្ពស់ ហើយនៅមានតម្លៃស័ក្ដិសមជាមួយប្រជាជនកម្ពុជា។

លោកជំទាវមានប្រសាសន៍ថា៖ បងប្អូនបានដឹងហើយថាផលិតផលល្អ តែងតែមានតម្លៃថ្លៃដូច្នេះបងប្អូនប្រជាជនរបស់យើងមួយចំនួនគ្មានលទ្ធភាពប្រើប្រាស់ទេ ។
ដោយចង់ឪ្យបងប្អូនប្រជាជនយើងមានផលិតផលដែលមានគុណភាពខ្ពស់ និងមានតម្លៃសមរម អាចប្រើប្រាស់បានទាំងអស់គ្នា ទើបនាងខ្ញុំសម្រេចចិត្តសហការជាមួយក្រុមហ៊ុន Bnature Import_Export Co.,Ltd ជាក្រុមហ៊ុនមួយដែលជោគជ័យលើវិស័យគ្រឿងសំអាងជាច្រើនប្រភេទ ដែលបានឈរលើទីផ្សារច្រើនឆ្នាំមកហើយ សំរេចនាំចូល ផលិតផលថ្មី (SS3) នេះមកកាន់ទីផ្សារប្រទេសកម្ពុជា។

លោកជំទាវបន្តទៀតថា ផលិតផលរបស់យើងបានទទួលស្គាល់ដោយក្រសួងសុខាភិបាលរួចទៅហើយ ហើយពេលឆាប់ៗខាងមុននេះ យើងនិងមានកម្មវិធីសម្ភោធជាផ្លូវការផងដែរ៕

The post សហគ្រិនស្ត្រីឆ្នើម 3រូប សហការគ្នានាំចូលផលិតផលថែរក្សាសម្រស់ស្ត្រីរូបមន្តផ្សំពីប្រទេសជប៉ុន appeared first on .

តារាចម្រៀងលោក ចឺម និង កញ្ញា វីរៈនិច្ច បានឲ្យដឹងថា អ្នកទាំងពីរ ពិតមានអារម្មណ៍សប្បាយរីករាយនិងមានមោទនភាព ដែលត្រូវបានក្រុមហ៊ុនជ្រើសរើសពួកគេ តំណាងឲ្យម៉ាកសញ្ញា «ASPOR»ជាម៉ាកល្បី កំពុងវាយលុកទីផ្សារទាំងនៅលើពិភពលោក និងក្នុងប្រទេសកម្ពុជា។

លោកឧកញ៉ា លី សាមឺឌី អគ្គនាយក ក្រុមហ៊ុន «ASPOR»  បានបញ្ជាក់ថា  មូលហេតុដែលនាំឲ្យលោកជ្រើសរើសតារាចម្រៀងទាំងពីខាងលើ  មកធ្វើជាទូតសុឆន្ទៈ របស់ក្រុមហ៊ុនបន្ថែមលើ ទូតសុឆន្ទៈផ្សេងទៀតដែលមានស្រាប់ ក៏ព្រោះតែលោកឧកញ៉ា បានមើលឃើញថាលោក ចឺម និងកញ្ញា  វីរៈនិច្ច កំពុងតែមានប្រជាប្រិយភាព វាសាកសមនិងក្រុមហ៊ុនរបស់លោក ដែលទទួលបានការគាំទ្រលើទីផ្សារបច្ចុប្បន្នផងដែរនោះ។ 

សូមបញ្ជាក់ផងដែរថា  «ASPOR» ជាក្រុមហ៊ុនមួយ ផ្តោតសំខាន់ទៅលើគុណភាព និងសុវត្ថិភាពអ្នកប្រើប្រាស់ ជាពិសេសគ្រឿង Accessories ផ្សេងៗដូចជា ឆ្នាំងសាកទូរស័ព្ទ, Power Bank, ឈុតការ៉ាអូខេ និងកាស់ស្ដាប់ ជាដើមនោះ សុទ្ធសឹងតែមានគុណភាពល្អ លំដាប់អន្តរជាតិ ពេញនិយមច្រើន ក្នុងការប្រើប្រាស់សម្រាប់អតិថិជនទាំងក្នុង និងក្រៅប្រទេស។

សម្រាប់តំណែងទូតសុឆន្ទៈនេះផងដែរ «ASPOR» តារាចម្រៀង លោក ខាន់ ជេមស៍ ក៏កំពុងតែក្ដាប់តំណែងនេះជាង១ឆ្នាំមកហើយ និងពេលនេះតារាសម្លេងផ្អែមរូបនេះបានវិវឌ្ឍខ្លួនក្លាយជាសមាជិកក្រុមប្រឹក្សាភិបាលបន្ថែមទៀតផងដែរ។ លោកឧកញ៉ា លី សាមឺឌី បន្ថែមជាចុងក្រោយថា វត្តមានរបស់ លោក ចឺម និងកញ្ញា  វិរៈនិច្ច  នឹងធ្វើឲ្យក្រុមហ៊ុន «ASPOR»  កាន់តែមានប្រជាប្រិយភាពថែមទៀត៕

The post ឧកញ៉ា លី សាមឺឌី សម្រេចចិត្តជ្រើសរើសទូតសុឆន្ទៈម្តងពីរក្នុងពេលតែមួយប្រចាំក្រុមហ៊ុន «ASPOR » គឺ លោកចឺម និងកញ្ញា វីរៈនិច្ច appeared first on .

ការឧបត្ថម្ភឧបករណ៍ និងសម្ភារៈចាំបាច់ក្នុងការប្រយុទ្ធប្រឆាំងកូវីដនៅពេលនេះ មិនមែនជាលើកទីមួយឡើយលើការបរិច្ចាគជួយដល់សង្គម របស់ក្រុមហ៊ុនទាំងពីរគឺ ក្រុមហ៊ុន LIXIN GROUP និងក្រុមហ៊ុន ASPOR ELECTRONIC CO.,LTD ខណៈដែលលកាលពីពេលថ្មីៗនេះ ក្រុមហ៊ុនបាននាំយកផលិតផល GERMAGIC ទឹកថ្នាំបាញ់សម្លាប់មេរោគបែបឆ្លាតវៃ ចំនួន ៣១៥០ដប គិតជាទឹកប្រាក់ជាង ២ម៉ឺនដុល្លារ ជូនក្រុមគ្រូពេទ្យយុវជនស្មគ្រ័ចិត្តសម្ដេចតេជោ(TYDA) ដើម្បីរួមចំណែកជាមួយសមាគមក្នុងយុទ្ធនាការប្រឆាំជំងឺកូវីដ-១៩ ផងដែរ។

គួរជម្រាបជូនថា GERMAGIC គឺជាថ្នាំបាញ់សម្លាប់មេរោគ វីរុស បាក់តេរឺ និង មេរោគជាង១០០ប្រភេទផ្សេងៗទៀតជាពិសេសគឺមេ កាចសាហាវដែលពិភពលោកកំពុងតែប្រយុទ្ធប្រឆាំង។ ផលិតផលនេះវាមានប្រសិទ្ធភាពយូរអង្វែងនិងអត្រាសម្លាប់រហូតដល់99.9%វាជាផលិតផលការពារនិងសម្លាប់មេរោគបែបឆ្លាតវៃមានប្រសិទ្ធភាពយូររហូតដល់៣០ថ្ងៃ។ លោកអ្នកអាចប្រើប្រាស់ផលិតផល GERMAGIC បានយ៉ាងមានទំនុកចិត្ត ធានានិងការពារសុខភាពសុវត្តិភាពអ្នកនិងក្រុមគ្រួសារអ្នកទាំងអស់គ្នា។

GERMAGIC មាន២៤ប្រទេសជុំវិញពិភពលោកបានប្រើប្រាស់ផលិតផលរបស់យើងនេះ ចំពោះនៅប្រទេសកម្ពុជាវិញផលិតផលមួយនេះកំពុងតែទទួលបានការគាំទ្រជាខ្លាំងផងដែរ៕

The post ឧកញ៉ា លី សាមឺឌី ឧបត្ថម្ភទឹកថ្នាំបាញ់សម្លាប់មេរោគ និងឧបករណ៍បាញ់ថ្នាំ ជូនបញ្ជាការដ្ឋានជាតិកម្លាំងពិសេសប្រឆាំងភេរវកម្ម ជាទឹកប្រាក់ជិត ៣ម៉ឺនដុល្លារ appeared first on .