ប.ស.ស. មានភារកិច្ចផ្ដល់នូវសន្ដិសុខសង្គម ជាមូលដ្ឋានជូន ប្រជាជន កម្ពុជានិយាយជារួម និង កម្មករ និយោជិតទាំងអស់ ដែលធ្វើការក្នុងវិស័យឯកជន។ ជាមួយគ្នានឹងចក្ខុវិស័យ ដើម្បី ក្លាយ ជាអង្គភាពនាំមុខគេ ក្នុង ការផ្តល់ឱ្យ នូវសេវាសន្តិសុខសង្គម។

យោងតាមការចេញផ្សាយរបស់បេឡាជាតិសន្តិសុខសង្គម (ប.ស.ស.) និយោជក ដែលស្ថិតនៅក្រោម បទប្បញ្ញត្តិ នៃច្បាប់ស្តីពីរបបសន្តិសុខសង្គម និងនៅក្រោមបទប្បញ្ញត្តិ នៃច្បាប់ស្តីពីការងារ ត្រូវមានកាតព្វកិច្ច បង់ភាគទានជូន ប.ស.ស.ផ្នែកថែទាំសុខភាព តាមរយៈគ្រឹះស្ថាន មីក្រូហិរញ្ញវត្ថុដែលជាដៃគូររបស់ ប.ស.ស.។

គ្រឹះស្ថានហិរញ្ញវត្ថុដែលជាដៃគូរបស់ ប.ស.ស. មានសរុបទាំងអស់ចំនួន១០។ ថ្ងៃនេះ គេហទំព័រឧកញ៉ាញូស៍ សូមណែនាំឱ្យស្គាល់ ធនាគារជាដៃគូ ចំនួន៦ ជារបស់ អ្នកឧកញ៉ា ឧកញ៉ា ចំនួន ៥រូបនៅកម្ពុជា។ ធនាគារទាំង នោះ រួមមាន៖

១. ធនាគារ កាណាឌីយ៉ា ក.អ របស់អ្នកឧកញ៉ា ពុង ឃាវសែ

២. ធនាគារ វីង (ខាមបូឌា) ម.ក របស់អ្នកឧកញ៉ា គិត ម៉េង

៣. ធនាគារ ជេ ត្រាស់ រ៉ូយ៉ាល់ របស់អ្នកឧកញ៉ា គិត ម៉េង

៤. ក្រុមហ៊ុន លី ហួរ ផេ ប្រ៉ូ ភីអិលស៊ី (លី ហួរ វេរលុយ) របស់ឧកញ៉ា លី សុភាព
៥. ធនាគារ វឌ្ឍនៈ របស់ អ្នកឧកញ៉ា សំ អាង

៦. ធនាគារ អេស ប៊ី អាយ លីហួរ ម.ក របស់អ្នកឧកញ៉ា លី ហួរ

សូមជម្រាបជូនផងដែរថា ប.ស.ស. ត្រូវបានបង្កើតឡើងក្រោមគោលបំណងចំនួន៧ធំៗ គឺ ទី១, រៀបចំ និង គ្រប់គ្រងរបបសន្តិសុខសង្គមយោងតាមបទប្បញ្ញត្តិ នៃច្បាប់ដែលបានបង្កើតសន្តិសុខសង្គមនេះសម្រាប់ជនទាំង ឡាយដែលស្ថិតនៅក្រោមបទប្បញ្ញត្តិនៃ ច្បាប់ស្តីពីការងារ។ ទី២, ធានាការផ្តល់តាវកាលិកដល់សមាជិក ប.ស.ស. (ជនដែលបានធានារ៉ាប់រង) ក្នុងគោលបំណងផ្តល់ឲ្យសមាជិក នូវសន្តិសុខប្រាក់ចំណូល ក្នុងករណី ដែលសមាជិករូបនោះ មានយថាភាព ដូចជា ជរាភាព និងមរណភាពជាដើម។

ទី៣, ប្រមូលភាគទានពីសមាជិក និងនិយោជកទាំងអស់។ ទី៤, ជួយសម្រួល និងរៀបចំបទប្បញ្ញត្តិនៃ សេវា សង្គម និងសុខភាពជូនសមាជិកទាំងអស់។ ទី៥, សហប្រតិបត្តិការជាមួយអង្គការនានា សម្រាប់ការអប់រំ និង ផ្សព្វផ្សាយយុទ្ធសាស្រ្តក្នុងការការពារហានិភ័យការងារ និងវិធានការស្តីពីសុខភាព និងសុវត្ថិភាពនៅកន្លែង ធ្វើការ។ ទី៦, សហប្រតិបត្តិការជាមួយនឹងអង្គការពាក់ព័ន្ធដើម្បីសិក្សា និងស៊ើបអង្កេតជម្ងឺវិជ្ជាជីវៈ និងទី៧, គ្រប់គ្រងការវិនិយោគនៃមូលនិធិសន្តិសុខសង្គម៕

អត្ថបទ៖ សុកធា

The post មកដឹងពីធនាគាររបស់ អ្នកឧកញ៉ា ឧកញ៉ា ៥រូប ជាដៃគូរបស់ ប.ស.ស. appeared first on .

កិច្ចសហការ​រវាង​ក្រុមហ៊ុន​ទាំង​ពីរ​នេះ​ ​ធ្វើ​ឱ្យ​ប្រជាជនកម្ពុជាដែលកំពុងរស់នៅក្រៅប្រទេស អាចធ្វើការផ្ញើប្រាក់​ត្រឡប់មកកាន់ប្រទេសកម្ពុជាបានយ៉ាងរលូន និងមានប្រសិទ្ធភាពខ្ពស់ ហើយរហ័សទៅដល់ក្រុម​គ្រួសាររបស់​ពួកគេ តាមរយៈការប្រើប្រាស់ MoneyGram។ ក្រុមហ៊ុន លី ហួរ ផេ ប្រ៉ូ ភីអិលស៊ី បានធ្វើការតភ្ជាប់ប្រព័ន្ធ​ហេដ្ឋា​រចនាសម្ព័ន្ធ​ព័ត៌មានវិទ្យាជាមួយក្រុមហ៊ុន MoneyGram ដើម្បីផ្តល់ភាពងាយស្រួល សម្រាប់អ្នកផ្ញើប្រាក់​ក្នុងការ​ផ្ទេរ​ប្រាក់មកកាន់គណនីអ្នកទទួលនៅក្នុងប្រទេស​កម្ពុជា តាមរយៈប្រព័ន្ធទូទាត់បាគង។

ឧកញ៉ា លី សុភាព អនុប្រធាននាយកប្រតិបត្តិ ​ក្រុមហ៊ុន លី ហួរ គ្រុប និង​ជា​ប្រធានក្រុមប្រឹក្សាភិបាលក្រុមហ៊ុន លី ហួរ ផេ ប្រ៉ូ បាន​ថ្លែងឱ្យដឹង​ថា សេវាកម្ម​ថ្មី​នេះ​​មាន​ភាពងាយស្រួលបំផុត គឺថាគ្រាន់តែផ្តល់ព័ត៌មាន​របស់អ្នក​ទទួល ដូចជាឈ្មោះ​ធនាគារ និងលេខគណនីធនាគារប៉ុណ្ណោះ បន្ទាប់មកទៀត អ្នកទទួលគឺសើ្ទរតែអាចដក​ប្រាក់​បានភ្លាមៗ​តាមរយៈ​គណនីធនាគារបស់គាត់ ហើយ​សេវាថ្មីនេះគឺមានភាពងាយស្រួល រហ័ស និងតម្លៃសមរម្យ​ផង​ដែរ៕

The post ឧកញ៉ា លី សុភាព ចាប់ដៃគូជាមួយក្រុមហ៊ុន MoneyGram ពង្រីកសេវាកម្មផ្ទេរប្រាក់ពីគ្រប់បណ្តាប្រទេស មកកាន់កម្ពុជា appeared first on .

ទទឹម​នឹង​ភាព​ជោគជ័យ​របស់​ក្រុមហ៊ុន លី ហួរ គ្រុប ​​ដែល​មាន​​អ្នកឧកញ៉ា លី ហួរ ជា​ប្រធាន​នាយក​ប្រតិបត្តិ​​​នោះ ​​ក៏​មាន​ភរិយា​​របស់​លោក​គឺ លោក​ជំទាវ​ឧកញ៉ា ស៊ាង លីម និង​កូន​ប្រុស​ស្រី​ ៣​​នាក់​ទៀត ​​ចូល​រួម​ជួយ​ជ្រោម​ជ្រែង​​​ និង​កាន់​តួនាទី​ជា​អនុប្រធាន​នាយក​ប្រតិបត្តិ​ផង​ដែរ។

ខាង​ក្រោម​នេះ​ ជា​សមាសភាព​កូន​ប្រុស​ស្រី ៣​​នាក់​របស់​​ឧកញ៉ា លី ហួរ៖

១. ឧកញ៉ា លី សុភ័ក្ត (កូនប្រុសច្បង)៖ អនុប្រធាននាយកប្រតិបត្តិ ​ក្រុមហ៊ុន លី ហួរ គ្រុប

ឧកញ៉ា លី សុភ័ក្ត កើតនៅឆ្នាំ១៩៧៨ ក្នុងខេត្តកំពង់ចាម និងត្រូវបានតែងតាំង​ជាអនុប្រធាននាយកប្រតិបត្តិ​នៅថ្ងៃទី២០ ខែកក្កដា ឆ្នាំ២០១១ ។ ឧកញ៉ា ជាធុរជនខ្មែរមានភាពស្វាហាប់ និងប្រជាប្រិយមួយរូប ព្រម​ទាំង​មានបទពិសោធន៍ជាង១០ឆ្នាំ ក្នុងការគ្រប់គ្រងអាជីវកម្មនៅក្នុងប្រទេសកម្ពុជា។ ឧកញ៉ា បានចូលរួម​ពង្រីក​អាជីវកម្ម និងវិនិយោគក្នុងវិស័យជាច្រើនរួមមានវិស័យសំណង់ និងវិស័យហិរញ្ញវត្ថុជាដើម ។

ឧកញ៉ា មានមុខតំណែង និងតួនាទីសំខាន់ៗផ្សេងទៀតដូចជា សមាជិកក្រុមប្រឹក្សាភិបាល​នៃគ្រឹះស្ថានមីក្រូ​ហិរញ្ញវត្ថុ លី ហួរ និងជាប្រធានក្រុមប្រឹក្សាភិបាលនៃក្រុមហ៊ុន លី ហួរ លីស៊ីង។ ឧកញ៉ាបានខិតខំចូលរួម​ជម្រុញ និងលើកកម្ពស់ការអភិវឌ្ឍវិស័យឯកជនប្រកបដោយនិរន្តភាពតាមរយៈការវិនិយោគក្នុងប្រទេស។

២. ឧកញ៉ា លី សុភាព (កូនប្រុសទី២)៖ អនុប្រធាននាយកប្រតិបត្តិ ​ក្រុមហ៊ុន លី ហួរ គ្រុប

ឧកញ៉ា លី សុភាព កើតនៅខែមករា ឆ្នាំ១៩៨៣ និងត្រូវបានតែងតាំងជាអនុប្រធាននាយកប្រតិបត្តិ​នៅថ្ងៃ​ទី២០ ខែកក្កដា ឆ្នាំ២០១១។ ឧកញ៉ា បានបញ្ចប់ការសិក្សាកម្រិតបរិញាបត្រជំនាញផ្នែកគណនេយ្យ នៅ​ប្រទេសសិង្ហបុរីក្នុងឆ្នាំ១៩៩៩។ ឧកញ៉ាក៏បានទទួលសញ្ញាបត្របរិញ្ញាបត្រផ្នែករចនាប្រព័ន្ធ ពហុផ្សព្វផ្សាយ​ពីសាកលវិទ្យាល័យ Huddersfield University of Manchester ចក្រភពអង់គ្លេសក្នុងឆ្នាំ ២០០៤។

ឆ្នាំ២០១៦ ឧកញ៉ាត្រូវបានតែងតាំងជាប្រធានក្រុមប្រឹក្សាភិបាលនៃក្រុមហ៊ុន លី ហួរ ផេ ប្រ៉ូ និងជានាយក​ប្រតិបត្តិក្រុមហ៊ុនរតនៈអលង្ការតាំងពីឆ្នាំ២០០៧។ លើសពីនេះ ឧកញ៉ាមានក្រុមហ៊ុនអាជីវកម្មមួយចំនួន​ទៀត រួមមានក្រុមហ៊ុន 3rd Generation ក្រុមហ៊ុនចែកចាយចំណីអាហារឈ្មោះ IKVM Distribution និងក្រុមហ៊ុនផ្តល់សេវាកម្មធនធានមនុស្សឈ្មោះ IG Consultant បង្កើតនៅឆ្នាំ២០០៩។

៣. ឧកញ៉ា លី សុភារី (កូនស្រីទី៣)៖ អនុប្រធាននាយកប្រតិបត្តិ ​ក្រុមហ៊ុន លី ហួរ គ្រុប

ឧកញ៉ា លី សុភារី ត្រូវបានតែងតាំងជាអនុប្រធាននាយកប្រតិបត្តិនៅឆ្នាំ២០១១។ ឧកញ៉ាបានបញ្ចប់ការ​សិក្សានៅមជ្ឈមណ្ឌលអប់រំផ្នែកទេសចរណ៍ និងសណ្ឋាគារ ប្រទេសសឹង្ហបុរី ជាកន្លែងដែលឧកញ៉ាបាន​ទទួល​សញ្ញាបត្រជំនាញផ្នែកគ្រប់គ្រងសណ្ឋាគារក្នុងឆ្នាំ ២០១០។

ឧកញ៉ាជាធុរជនវ័យក្មេង និងស្វាហាប់ម្នាក់ ដោយបានចាប់ផ្តើមអាជីវកម្មផ្ទាល់ខ្លួនតាំងពីអាយុ២៤ឆ្នាំ និង​មានក្រុមហ៊ុនអាជីវកម្មមួយចំនួននៅក្នុងប្រទេសកម្ពុជា។ អាជីវកម្មដែលឧកញ៉ាបានវិនិយោគ​ក្រៅពី​ក្រុមហ៊ុន លី ហួរ គ្រុប រួមមាន អាជីវកម្មលក់គ្រឿងស្រវឹង និងភេសជ្ជៈ សេវាក្លឹបកំសាន្ត សាឡន ស្ប៉ា និងសេវាផ្នែកសម្ភស្សជាដើម។

គួរ​រំឭក​ថា ក្រុមហ៊ុនដែលជាបុត្រសម័្ពន្ធរបស់​ក្រុមហ៊ុនមេ​ លី​ ហួរ គ្រុប របស់មហាសេដ្ឋីនៅកម្ពុជា​រូបនេះ​រួមមាន៖ ក្រុមហ៊ុន លី ហួរ អ៉ិចឆេង, ក្រុមហ៊ុនសេវាបញ្ចាំ លីហួរ ផនសប, បុរីវិមានភ្នំពេញ ទាំង ១០គម្រោង​នៅក្នុងរាជធានីភ្នំពេញ, លី ហួរ លីស៊ីស ក្រុមហ៊ុនជួល លក់ និងផ្តល់ឥណទានសម្រាប់​ទិញ​រថយន្ត, ក្រុមហ៊ុនសេវាកម្មវេលុយទូទាំងប្រទេស លី ហួរ ផេប្រ៉ូ(លីហួរវេលុយ), ក្រុមហ៊ុនធនារ៉ាប់រង លី ហួរ, ក្រុមហ៊ុនវិនិយោគចម្រុះក្នុងផ្នែកកសិ-ឧស្សាហកម្ម ទេពី​អាហ្គ្រូ​ ដូចជា ដំណាំកៅស៊ូ និងគ្រាប់ស្វាយចន្ទី​ និងធនាគារ SBI លី ហួរ៕

The post ណែនាំឱ្យស្គាល់កូនប្រុសស្រី ៣រូប របស់អ្នកឧកញ៉ា លី ហួរ កំពុងកាន់តំណែងជាន់ខ្ពស់ appeared first on .