អ្នកឧកញ៉ា លី ហួរ ប្រធាននាយកប្រតិបត្តិ លី ហួរ គ្រុប បានមានប្រសាសន៍ថា៖ “ក្នុងឱកាសពិសេសនេះ ខ្ញុំពិតជាមានក្តីសោមនស្សរីករាយណាស់ ដែលក្រុមហ៊ុន ហូ ថៃ ហ្វាយណែន ខូអិលធីឌី ផ្តល់ទំនុកចិត្តចូលរួមវិនិយោគ ជាដៃគូយុទ្ធសាស្រ្តអាជីវកម្មក្នុងវិស័យហិរញ្ញវត្តុជាមួយក្រុមហ៊ុន លី ហួរ លីស៊ីង ដែលប្រទេសកម្ពុជាយើង គឺជាប្រទេសដែលមាន សុខសន្តិភាព ស្ថិរភាព និងសក្តានុពលសេដ្ឋកិច្ចរីកចម្រើនខ្លាំង នៅក្នុងតំបន់ និងមានការអភិវឌ្ឍឥតឈប់ឈរ ព្រមទាំងមានសក្តានុពលធនធានមនុស្សខ្លាំងក្នុងវិស័យហិរញ្ញវត្ថុ ក៏ដូចជាវិស័យផ្សេងៗទៀតដែលជួយជំរុញដល់ការរីកចម្រើនសេដ្ឋកិច្ចជាតិកម្ពុជាទាំងមូល”។

ដោយឡែក ឧកញ៉ា លី សុភ័ក្ត ប្រធានក្រុមប្រឹក្សាភិបាលក្រុមហ៊ុន លី ហួរ លីស៊ីង ក៏បានមានប្រសាសន៍ថា៖ “ខ្ញុំបាទ ពិតជាមានក្តីសោមនស្សរីករាយណាស់ ចំពោះវត្តមានក្រុមហ៊ុន ហូថៃ ហ្វាយណែន ខូអិលធីឌី ក្នុងពេលនេះ។ ក្រុមហ៊ុន ហូថៃ ហ្វាយណែន ខូអិលធីឌី ជាក្រុមហ៊ុនភតិសន្យាហិរញ្ញវត្ថុនាំមុខគេក្នុងតំបន់ ហើយក្រុមហ៊ុននេះបានបង្កើតឡើងតាំងពីឆ្នាំ១៩៩៩ ដែលផ្តោតសំខាន់ទៅលើសេវាកម្មបង់រំលស់រថយន្ត គ្រឿងចក្រ និងសម្ភារៈបរិក្ខារផ្សេងៗជាច្រើនទៀត។ ក្រុមហ៊ុននេះក៏បានចុះបញ្ជីក្នុងទីផ្សារភាគហ៊ុនក្នុងឆ្នាំ២០១៩ ផងដែរ។ ការផ្តល់ទំនុកចិត្តចូលរួមវិនិយោគរួមគ្នាជាដៃគូយុទ្ធសាស្រ្ត ជាមួយក្រុមហ៊ុន លី ហួរ លីស៊ីង ភីអិលស៊ី នេះ ជាមោទនភាពមួយរបស់ខ្ញុំបាទ ក៏ដូចជាថ្នាក់ដឹកនាំទាំងអស់ ហើយវាក៏ជាកត្តាជំរុញទឹកចិត្តបន្ថែមអោយខ្ញុំ និងក្រុមការងាររឹតតែខិតខំប្រឹងប្រែង ដើម្បីអភិវឌ្ឍខ្លួនទទួលបានការវិនិយោគថ្មីៗបន្ថែមទៀត”។

ចំពោះលោកប្រធាន លីវ យៀនស៊ឹង (LIU YUANSHENG) ក្រុមហ៊ុន ហូថៃ ហ្វាយណែន ខូអិលធីឌី បានមានប្រសាសន៏ថា៖ “ថ្ងៃនេះខ្ញុំមានសេចក្តីសោមនស្ស និងមានកិត្តិយសខ្លាំងណាស់ ដែលមានវត្តមាននៅទីនេះ ក្នុង នាមតំណាងអោយក្រុមហ៊ុន ហូថៃ ហ្វាយណែន ខូអិលធីឌី និងធ្វើជាសក្ខីភាពអោយ ក្រុមហ៊ុនឆ្នើមទាំងពីរ ដែលបានធ្វើកិច្ចសហការរួមគ្នា ដើម្បីស្វែងរកឧត្តមភាព និងភាពច្នៃប្រឌិតថ្មីៗឥតឈប់ឈរ។ កិច្ចសហប្រតិបត្តិការនេះ តំណាងឱ្យការចាប់ផ្តើមនៃសមិទ្ធិផលដែលសម្រេចបាន និងក្តីស្រមៃកាន់តែច្រើន”។

លោកបានបន្តថា៖ “ជាការពិតណាស់ យើងខ្ញុំពោរពេញដោយទំនុកចិត្តខ្ពស់ លើទស្សនវិស័យនៃការអភិវឌ្ឍរបស់ ប្រទេសកម្ពុជានាពេលអនាគត។ កម្ពុជាបច្ចុប្បន្នកំពុងស្ថិតក្នុងដំណាក់កាលនៃកំណើនសេដ្ឋកិច្ច ហើយសក្តានុពល នៃការប្រើប្រាស់ទីផ្សារ និងការពង្រីកអាជីវកម្មនៅទីនេះនៅតែមានទំហំធំ។ នៅពេលអនាគត ក្រុមហ៊ុន ហូថៃ ហ្វាយណែន ខូអិលធីឌី និងក្រុមហ៊ុន លីហួរ លីស៊ីង មានកិច្ចសហប្រតិបត្តិការួមគ្នា។ ក្រុមហ៊ុន ហូថៃ ហ្វាយណែន ខូអិលធីឌី នឹងផ្តល់នូវបទពិសោធន៍ជោគជ័យក្នុងការអភិវឌ្ឍន៍អាជីវកម្ម រួមផ្សំជាមួយមូលដ្ឋានគ្រឹះប្រតិបត្តិការក្នុងស្រុកដ៏ស៊ីជម្រៅរបស់ក្រុមហ៊ុន លីហួរ លីស៊ីង។ នៅក្រោមសម្ព័ន្ធភាពដ៏រឹងមាំ ពិតជាអាចបង្កើតការអភិវឌ្ឍន៍ប្រកបដោយប្រសិទ្ធភាពមួយដ៏ធំទូលំទូលាយ និងនាំមកនូវភាពរីកចម្រើនយ៉ាងខ្លាំងដល់អាជីវកម្ម ហើយបន្ទាប់មកនឹងជោគជ័យនៅជំនួញថ្មីៗបន្តទៀត”។

សូមបញ្ជាក់ថា ក្រុមហ៊ុន លី ហួរ លីស៊ីង ភីអិលស៊ី បានបង្កើតឡើងក្នុងឆ្នាំ២០១៥ ដោយបានចុះបញ្ជីលេខ ០០០០០៦៩៤ ជាមួយក្រសួងពាណិជ្ជកម្ម ដើម្បីជំរុញអោយមានសេវាកម្មភតិសន្យារថយន្តនៅលើទីផ្សារកម្ពុជា។ ក្រុមហ៊ុន លី ហួរ លីស៊ីង បានបោះជំហ៊ានយ៉ាងលឿន ដោយធនាគារជាតិនៃកម្ពុជា បានផ្តល់អាជ្ញាប័ណ្ណជាផ្លូវការ នៅថ្ងៃទី ០៨ ខែមេសា ឆ្នាំ២០១៦ ព្រមទាំងបង្កើតសេវាកម្មភតិសន្យាម៉ូតូនៅឆ្នាំ២០១៧ និងសេវាកម្ម Lease-back នៅឆ្នាំជាបន្តបន្ទាប់ទៀត ដោយបង្កើនដើមទុនពីមួយឆ្នាំទៅមួយឆ្នាំផងដែរ។ ក្នុងឆ្នាំ ២០២៣នេះ គឺក្រុមហ៊ុនគម្រប់ខួប៨ឆ្នាំ ហើយក្រុមហ៊ុននៅតែបន្តនិរន្តរភាព ប្រកបដោយចក្ខុវិស័យវែងឆ្ងាយ និងយូរអង្វែងដើម្បីអោយក្លាយជាមជ្ឈមណ្ឌលបង់រំលស់ឈានមុខគេនៅកម្ពុជា។ ដោយមើលឃើញពីភាពលូតលាស់ឥតឈប់ឈររបស់ក្រុមហ៊ុន មជ្ឈដា្ឋនដៃគូសហការបានចាប់អារម្មណ៍វិនិយោគរួមគ្នា ដើម្បីពង្រីកសក្តានុពលក្រុមហ៊ុនកាន់តែធំទូលាយទូទាំងប្រទេស។

The post អ្នកឧកញ៉ា លី ហួរ និងឧកញ៉ា លី សុភ័ក្ត បង្ហាញអារម្មណ៍បែបណា ក្រោយក្រុមហ៊ុន លី ហួរ លីស៊ីង ចាប់ដៃគូវិនិយោគរួមគ្នាជាមួយ Hotai Finance Co.,Ltd? appeared first on .

កម្មវិធី​អបអរសាទរព្រឹត្តិការណ៍​​​​ខាង​លើ​នេះ​ មានការ​អញ្ជើញ​ចូល​រួម​ពី​សំណាក់ភ្ញៀវសំខាន់ៗ ក្រុមហ៊ុនបុត្រសម្ព័ន្ធ ក្រុមតារាចម្រៀងនិង​សិល្បករ​ល្បីៗ។ ​ក្នុងឱកាស​នោះដែរ​ ក៏​មាន​ការ​អញ្ជើញ​ចូល​រួម​ពី​​ ​លោក​ឧកញ៉ា ហេង​ បូរិន អគ្គនាយក​បុរី ហេង បូរិន គ្រុប និង​លោកស្រី​ឧកញ៉ា ស្រ៊ៀត មុំសុភា ស្ថាបនិក និងអគ្គនាយិកា​ក្រុមហ៊ុន សុហ្វីយ៉ាខបផូរ៉េសិន ខេមបូឌៀ។

សូមជម្រាប​ថា ក្រុមហ៊ុន លី ហួរ លីស៊ីង ភីអិលស៊ី បាន​បង្កើត​ឡើង​ដោយ​លោកឧកញ៉ា លី សុភ័ក្ត នៅ​ឆ្នាំ២០១៥ ។ ក្រុមហ៊ុន លី ហួរ លីស៊ីង ជាមជ្ឈមណ្ឌលបង់រំលស់រថយន្ត និងម៉ូតូ​ឈានមុខគេ​នៅកម្ពុជា ព្រម​ទាំង​សេវាកម្ម Lease-back។ រីឯ Hotai Finance Corporation ជា​ស្ថាប័ន​ហិរញ្ញវត្ថុ​ដ៏​ធំ​មួយ បង្កើត​ឡើង​តាំងពីឆ្នាំ១៩៩៩ ហើយ​ក្រុមហ៊ុន​នេះ​ ក៏​មាន​សេវាកម្ម​បង់រំលស់​​រថយន្ត​ និង​គ្រឿងចក្រ​​ ផងដែរ៕ ​

The post អ្នកឧកញ៉ា លី ហួរ រៀបចំពិធីអបអរសាទរ ការវិនិយោគរួមគ្នារវាងក្រុមហ៊ុន លី ហួរ លីស៊ីង និង Hotai Finance appeared first on .

ក្រុមហ៊ុន លី ហួរ លីស៊ីង បានបោះជំហ៊ានយ៉ាងលឿន ដោយធនាគារជាតិនៃកម្ពុជា បានផ្តល់អាជ្ញាប័ណ្ណ​ជាផ្លូវការ នៅថ្ងៃទី ០៨ ខែមេសា ឆ្នាំ២០១៦ ព្រមទាំងបង្កើតសេវាកម្មភតិសន្យាម៉ូតូនៅឆ្នាំ២០១៧ និងសេវាកម្ម Lease-back នៅឆ្នាំជាបន្តបន្ទាប់ទៀត ដោយបង្កើនដើមទុនពីមួយឆ្នាំទៅមួយឆ្នាំផងដែរ។

ក្នុងឆ្នាំ២០២៣នេះ គឺក្រុមហ៊ុនគម្រប់ខួប៨ឆ្នាំ ហើយក្រុមហ៊ុននៅតែបន្តនិរន្តរភាព ប្រកបដោយចក្ខុវិស័យ​វែង​ឆ្ងាយ និងយូរអង្វែង ដើម្បីអោយក្លាយជាមជ្ឈមណ្ឌលបង់រំលស់ឈានមុខគេនៅកម្ពុជា។ ដោយមើលឃើញ​ពី​ភាព​លូតលាស់ឥតឈប់ឈររបស់ក្រុមហ៊ុន មជ្ឈដា្ឋនដៃគូសហការបានចាប់​អារម្មណ៍វិនិយោគរួមគ្នា ដើម្បីពង្រីក​សក្តានុពលក្រុមហ៊ុនកាន់តែធំទូលាយទូទាំងប្រទេស។

ព្រឹត្តិការណ៍ដ៏ធំមួយនឹងកើតឡើង គឺកម្មវិធីអបអរសាទរ ការវិនិយោគរួមគ្នារវាង ក្រុមហ៊ុន លី ហួរ លីស៊ីង ភីអិលស៊ី និង Hotai Finance Co. Ltd ដែលនឹងប្រព្រឹត្តិទៅនៅថ្ងៃទី ១៨ ខែតុលា ឆ្នាំ២០២៣ នៅសណ្ឋាគារ ហ្គាឌែនស៊ីធីភ្នំពេញ ដែលមានការចូលរួមពីសំណាក់ភ្ញៀវសំខាន់ៗ ក្រុមហ៊ុនបុត្រសម្ព័ន្ធ ក្រុមតារាចម្រៀងនិង​សិល្បៈល្បីៗមកចូលរួមអបអរសាទរផងដែរ។

សូមបញ្ជាក់ផងដែរថា ក្រុមហ៊ុន លី ហួរ លីស៊ីង ជាមជ្ឈមណ្ឌលបង់រំលស់ឈានមុខគេ​នៅកម្ពុជាក្នុងការផ្តល់​សេវា​ភតិសន្យា រថយន្ត និងម៉ូតូ ព្រមទាំងសេវាកម្ម Lease-back ផងដែរ។

The post ក្រុមហ៊ុន លី ហួរ លីស៊ីង៖ ព្រឹត្តិការណ៍ដ៏អស្ចារ្យ ដំណើរឆ្ពោះទៅកាន់ភាពលូតលាស់ឥតឈប់ឈរ នឹងមកដល់ក្នុងពេលឆាប់ៗនេះ appeared first on .

ទទឹម​នឹង​ភាព​ជោគជ័យ​របស់​ក្រុមហ៊ុន លី ហួរ គ្រុប ​​ដែល​មាន​​អ្នកឧកញ៉ា លី ហួរ ជា​ប្រធាន​នាយក​ប្រតិបត្តិ​​​នោះ ​​ក៏​មាន​ភរិយា​​របស់​លោក​គឺ លោក​ជំទាវ​ឧកញ៉ា ស៊ាង លីម និង​កូន​ប្រុស​ស្រី​ ៣​​នាក់​ទៀត ​​ចូល​រួម​ជួយ​ជ្រោម​ជ្រែង​​​ និង​កាន់​តួនាទី​ជា​អនុប្រធាន​នាយក​ប្រតិបត្តិ​ផង​ដែរ។

ខាង​ក្រោម​នេះ​ ជា​សមាសភាព​កូន​ប្រុស​ស្រី ៣​​នាក់​របស់​​ឧកញ៉ា លី ហួរ៖

១. ឧកញ៉ា លី សុភ័ក្ត (កូនប្រុសច្បង)៖ អនុប្រធាននាយកប្រតិបត្តិ ​ក្រុមហ៊ុន លី ហួរ គ្រុប

ឧកញ៉ា លី សុភ័ក្ត កើតនៅឆ្នាំ១៩៧៨ ក្នុងខេត្តកំពង់ចាម និងត្រូវបានតែងតាំង​ជាអនុប្រធាននាយកប្រតិបត្តិ​នៅថ្ងៃទី២០ ខែកក្កដា ឆ្នាំ២០១១ ។ ឧកញ៉ា ជាធុរជនខ្មែរមានភាពស្វាហាប់ និងប្រជាប្រិយមួយរូប ព្រម​ទាំង​មានបទពិសោធន៍ជាង១០ឆ្នាំ ក្នុងការគ្រប់គ្រងអាជីវកម្មនៅក្នុងប្រទេសកម្ពុជា។ ឧកញ៉ា បានចូលរួម​ពង្រីក​អាជីវកម្ម និងវិនិយោគក្នុងវិស័យជាច្រើនរួមមានវិស័យសំណង់ និងវិស័យហិរញ្ញវត្ថុជាដើម ។

ឧកញ៉ា មានមុខតំណែង និងតួនាទីសំខាន់ៗផ្សេងទៀតដូចជា សមាជិកក្រុមប្រឹក្សាភិបាល​នៃគ្រឹះស្ថានមីក្រូ​ហិរញ្ញវត្ថុ លី ហួរ និងជាប្រធានក្រុមប្រឹក្សាភិបាលនៃក្រុមហ៊ុន លី ហួរ លីស៊ីង។ ឧកញ៉ាបានខិតខំចូលរួម​ជម្រុញ និងលើកកម្ពស់ការអភិវឌ្ឍវិស័យឯកជនប្រកបដោយនិរន្តភាពតាមរយៈការវិនិយោគក្នុងប្រទេស។

២. ឧកញ៉ា លី សុភាព (កូនប្រុសទី២)៖ អនុប្រធាននាយកប្រតិបត្តិ ​ក្រុមហ៊ុន លី ហួរ គ្រុប

ឧកញ៉ា លី សុភាព កើតនៅខែមករា ឆ្នាំ១៩៨៣ និងត្រូវបានតែងតាំងជាអនុប្រធាននាយកប្រតិបត្តិ​នៅថ្ងៃ​ទី២០ ខែកក្កដា ឆ្នាំ២០១១។ ឧកញ៉ា បានបញ្ចប់ការសិក្សាកម្រិតបរិញាបត្រជំនាញផ្នែកគណនេយ្យ នៅ​ប្រទេសសិង្ហបុរីក្នុងឆ្នាំ១៩៩៩។ ឧកញ៉ាក៏បានទទួលសញ្ញាបត្របរិញ្ញាបត្រផ្នែករចនាប្រព័ន្ធ ពហុផ្សព្វផ្សាយ​ពីសាកលវិទ្យាល័យ Huddersfield University of Manchester ចក្រភពអង់គ្លេសក្នុងឆ្នាំ ២០០៤។

ឆ្នាំ២០១៦ ឧកញ៉ាត្រូវបានតែងតាំងជាប្រធានក្រុមប្រឹក្សាភិបាលនៃក្រុមហ៊ុន លី ហួរ ផេ ប្រ៉ូ និងជានាយក​ប្រតិបត្តិក្រុមហ៊ុនរតនៈអលង្ការតាំងពីឆ្នាំ២០០៧។ លើសពីនេះ ឧកញ៉ាមានក្រុមហ៊ុនអាជីវកម្មមួយចំនួន​ទៀត រួមមានក្រុមហ៊ុន 3rd Generation ក្រុមហ៊ុនចែកចាយចំណីអាហារឈ្មោះ IKVM Distribution និងក្រុមហ៊ុនផ្តល់សេវាកម្មធនធានមនុស្សឈ្មោះ IG Consultant បង្កើតនៅឆ្នាំ២០០៩។

៣. ឧកញ៉ា លី សុភារី (កូនស្រីទី៣)៖ អនុប្រធាននាយកប្រតិបត្តិ ​ក្រុមហ៊ុន លី ហួរ គ្រុប

ឧកញ៉ា លី សុភារី ត្រូវបានតែងតាំងជាអនុប្រធាននាយកប្រតិបត្តិនៅឆ្នាំ២០១១។ ឧកញ៉ាបានបញ្ចប់ការ​សិក្សានៅមជ្ឈមណ្ឌលអប់រំផ្នែកទេសចរណ៍ និងសណ្ឋាគារ ប្រទេសសឹង្ហបុរី ជាកន្លែងដែលឧកញ៉ាបាន​ទទួល​សញ្ញាបត្រជំនាញផ្នែកគ្រប់គ្រងសណ្ឋាគារក្នុងឆ្នាំ ២០១០។

ឧកញ៉ាជាធុរជនវ័យក្មេង និងស្វាហាប់ម្នាក់ ដោយបានចាប់ផ្តើមអាជីវកម្មផ្ទាល់ខ្លួនតាំងពីអាយុ២៤ឆ្នាំ និង​មានក្រុមហ៊ុនអាជីវកម្មមួយចំនួននៅក្នុងប្រទេសកម្ពុជា។ អាជីវកម្មដែលឧកញ៉ាបានវិនិយោគ​ក្រៅពី​ក្រុមហ៊ុន លី ហួរ គ្រុប រួមមាន អាជីវកម្មលក់គ្រឿងស្រវឹង និងភេសជ្ជៈ សេវាក្លឹបកំសាន្ត សាឡន ស្ប៉ា និងសេវាផ្នែកសម្ភស្សជាដើម។

គួរ​រំឭក​ថា ក្រុមហ៊ុនដែលជាបុត្រសម័្ពន្ធរបស់​ក្រុមហ៊ុនមេ​ លី​ ហួរ គ្រុប របស់មហាសេដ្ឋីនៅកម្ពុជា​រូបនេះ​រួមមាន៖ ក្រុមហ៊ុន លី ហួរ អ៉ិចឆេង, ក្រុមហ៊ុនសេវាបញ្ចាំ លីហួរ ផនសប, បុរីវិមានភ្នំពេញ ទាំង ១០គម្រោង​នៅក្នុងរាជធានីភ្នំពេញ, លី ហួរ លីស៊ីស ក្រុមហ៊ុនជួល លក់ និងផ្តល់ឥណទានសម្រាប់​ទិញ​រថយន្ត, ក្រុមហ៊ុនសេវាកម្មវេលុយទូទាំងប្រទេស លី ហួរ ផេប្រ៉ូ(លីហួរវេលុយ), ក្រុមហ៊ុនធនារ៉ាប់រង លី ហួរ, ក្រុមហ៊ុនវិនិយោគចម្រុះក្នុងផ្នែកកសិ-ឧស្សាហកម្ម ទេពី​អាហ្គ្រូ​ ដូចជា ដំណាំកៅស៊ូ និងគ្រាប់ស្វាយចន្ទី​ និងធនាគារ SBI លី ហួរ៕

The post ណែនាំឱ្យស្គាល់កូនប្រុសស្រី ៣រូប របស់អ្នកឧកញ៉ា លី ហួរ កំពុងកាន់តំណែងជាន់ខ្ពស់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ក្រុមហ៊ុន​ ទេពី អាក្រូ វិនិយោគ ( Tepi Agro Investment Co., Ltd ) គឺជាក្រុមហ៊ុនឯកជនទទួលខុសត្រូវមានកម្រិត បង្កើតឡើងនៅឆ្នាំ ២០១១​ ដែលជាបុត្តសម័្ពន្ធក្រុមហ៊ុន លី ហួរ គ្រុប របស់អ្នកឧកញ៉ា លី ហួរ មានទីតាំងនៅសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។ ដោយឡែកសម្រាប់ទីតាំងវិនិយោគដាំដុះចំការកៅស៊ូ និងស្វាយចន្ទី ស្ថិតនៅក្នុងស្រុកប្រសាទបាល្ល័ង្គ និងស្រុកសន្តាន ក្នុងខេត្តកំពង់ធំ និងស្រុកត្រពាំងប្រាសាទ ខេត្តឧត្តរមានជ័យ ភាគខាងជើងនៃប្រទេសកម្ពុជា។

អាចនិយាយបានថា ទេពី អាក្រូ កំពុងទទួលបានជោគជ័យ និងក្លាយជាក្រុមហ៊ុនអភិវឌ្ឍន៍វិស័យកសិ-ឧស្សាហកម្ម ដ៏ធំមួយនៅកម្ពុជា ខណៈដែលក្រុមហ៊ុនក៏មានមហិច្ឆតាចង់ក្លាយជាអ្នកផលិតជ័រកៅស៊ូ និងស្វាយចន្ទីច្រើនជាងគេនៅពេលដ៏ខ្លីខាងមុខ។ ស្របពេលបច្ចុប្បន្ន ទេពី អាក្រូ មានផ្ទៃដីវិនិយោគប្រមាណ ៦.៧១០ ហិកតា។

ជុំវិញដំណើរការអភិវឌ្ឍន៍ និងភាពជោគជ័យរបស់ក្រុមហ៊ុន Tepi Agro Investment គេហទំព័រឧកញ៉ាញូស៍ សូមសង្ខេបខ្លីប៉ុណ្ណេះ ដោយទុកពេលវេលាដ៏ល្អនេះ នាំប្រិយមិត្តឲ្យស្គាល់អ្នកវិនិយោគិនម្ចាស់ភាគទុនិក លោកឧកញ៉ា លី សុភ័ក្ត ជាថ្នាក់ដឹកនាំឆ្នើមនិងមានចក្ខុវិស័យច្បាស់លាស់ក្នុងការអភិវឌ្ឍន៍ប្រកបដោយភាពសហ្វាហាប់ ដែលសម្រេចចិត្តវិនិយោគលើក្រុមហ៊ុន Tepi Agro ដើម្បីលើកស្ទួយកំណើនសេដ្ឋកិច្ចកម្ពុជា។

ឧកញ៉ា លី សុភ័ក្ត កើតនៅឆ្នាំ ១៩៧៨ ក្នុងស្រុកកំពង់សៀម ខេត្តកំពង់ចាម ដែលមានឪពុកឈ្មោះ អ្នកឧកញ៉ា លី ហួរ អ្នកម្តាយ លោកជំទាវឧកញ៉ា ស៊ាង លីម។ លោកត្រូវបានតែងតាំងជាអនុប្រធាននាយកប្រតិបត្តិក្រុមហ៊ុនយក្ស លី ហួរ គ្រុប នៅថ្ងៃទី ២០ ខែ កក្កដា ឆ្នាំ២០១១ ។

លោកឧកញ៉ា ត្រូវបានចាត់ទុកថា ជាធុរជនខ្មែរដ៏មានភាពស្វាហាប់ និងប្រជាប្រិយមួយរូបនៅក្នុងពិភពជំនួញនៅប្រទេសកម្កុជា ដែលមានបទពិសោធន៍ជាង ១០ ឆ្នាំក្នុងការគ្រប់គ្រងអាជីវកម្ម។ លោកបានចូលរួមពង្រីកអាជីវកម្ម និងវិនិយោគក្នុងវិស័យជាច្រើនរួមមាន វិស័យសំណង់ និងវិស័យហិរញ្ញវត្ថុជាដើម ។

ក្រៅពីការកាន់តំណែងជាប្រធានក្រុមប្រឹក្សាភិបាលក្រុមហ៊ុន ទេពី អាក្រូ វិនិយោគ លោកឧកញ៉ា លី សុភ័ក្ត បានខិតខំចូលរួមជម្រុញ និងលើកកម្ពស់ការអភិវឌ្ឍវិស័យឯកជនប្រកបដោយនិរន្តភាពតាមរយៈការវិនិយោគក្នុងប្រទេស ដោយពេលបច្ចុប្បន្នលោកក្តោបក្តាប់តួនាទីសំខាន់ៗ ជា សមាជិកក្រុមប្រឹក្សាភិបាលនៃគ្រឹះស្ថានមីក្រូហិរញ្ញវត្ថុ លី ហួរ និងជាប្រធានក្រុមប្រឹក្សាភិបាលនៃក្រុមហ៊ុន លី ហួរ លីស៊ីង។

ភាពជោគជ័យជាមួុយនឹងកំណើនភាគហ៊ុនរាប់ពាន់លានដុល្លារកើនឥតឈប់ឈររបស់ក្រុមហ៊ុន លី ហួរ គ្រុប នៅពេលនេះ គេក៏មិនអាចមើលរំលងបានឡើយនូវនៅលោកឧកញ៉ា លី សុភ័ក្ត ឥស្សរជនដែលជាមគ្គុទេសន៍ដ៏ឆ្នើម និងជាអ្នកជំនួញមានបទពិសោធន៍យូឆ្នាំម្នាក់ក្នុងការធ្វើជំនួញក្នុងស្រុក និងក្រៅប្រទេសផងដែរ៕

The post កូនអ្នកកំពង់ចាមម្នាក់ឡើងកាន់តំណែងធំ នាំភាពជោគជ័យមកឲ្យក្រុមហ៊ុនដាំកៅស៊ូ និងស្វាយចន្ទី ជាបុត្តសម្ព័ន្ធ លី ហួរ គ្រុប appeared first on .