ពាណិជ្ជករមានងារឧកញ៉ា  ត្រូវបានព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារ អ្នកឧកញ៉ា រួមមាន៖ ស្ថាបនិក និងជាអគ្គនាយកក្រុមហ៊ុន SUN & MOON Group ឧកញ៉ា ជា រតនា និងឧត្តមភរិយា គឺឧកញ៉ា លី លីហៀក ទទួលងារ «អ្នកឧកញ៉ា» តាមព្រះរាជក្រឹត្យ នស/រកត/០១២៣/០០៩ នៅថ្ងៃទី២ ខែមករា ឆ្នាំ២០២៣។

ឧកញ៉ា លី សេងឃាង អគ្គនាយកក្រុមហ៊ុន BS Land and Home និងជាអនុប្រធាន​សមាគម​អ្នកអភិវឌ្ឍន៍លំនៅឋាន​កម្ពុជា ទទួលគោរមងារ «អ្នកឧកញ៉ា» នៅថ្ងៃទី៤ ខែមករា ឆ្នាំ២០២៣នេះ តាមរយៈព្រះរាជក្រឹត្យលេខ នស/រកត/០១២៣/០៣២។

ឧកញ៉ា ចាប ហុងលី ប្រធានក្រុមប្រឹក្សាភិបាល ក្រុមហ៊ុន ខាង ស៊ាងលី ប្រផឹធី ឌីវេឡុបម៉ិន ឯ.ក និង​ជាអនុប្រធាន​សមាគម​អ្នកអភិវឌ្ឍន៍លំនៅឋាន​កម្ពុជា ព្រះមហាក្សត្រ ត្រាស់បង្គាប់ផ្តល់គោរមងារ «អ្នកឧកញ៉ា» តាមព្រះរាជក្រឹត្យលេខ នស/រកត/០១២៣/០៣១ ចុះ​ថ្ងៃទី​ថ្ងៃទី៤ ខែមករា ឆ្នាំ២០២៣។

ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រី គឺឧកញ៉ា លី ឃុនថៃ ត្រូវបានព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារជា «អ្នកឧកញ៉ា» តាមរយៈព្រះរាជក្រឹត្យលេខ នស/ករត/០១២៣/០៣០ ចុះថ្ងៃទី៤ ខែមករា ឆ្នាំ២០២៣។ បច្ចុប្បន្នឧកញ៉ាជាអនុប្រធាន​សភាពាណិជ្ជកម្ម​កម្ពុជា, ប្រធានសមាគមស្បែកជើងកម្ពុជា, ប្រធានកិតិ្តយសសមាគមផលិតផលធ្វើដំណើរ និងស្បែកនៅកម្ពុជា (CTLA), សមាជិកក្រុមប្រឹក្សាធុរកិច្ចអាស៊ីខាងកើត, ប្រធានក្រុមហ៊ុន អាល់ហ្វា គ្រុប (ALPHA Group) និងប្រធានក្រុមប្រឹក្សាភិបាលធនាគារពាណិជ្ជ អាល់ហ្វា ម.ក ។

នៅថ្ងៃទី២ ខែមករា ឆ្នាំ២០២៣ អគ្គនាយករងក្រុមហ៊ុន SUN & MOON GROUP ដែលជាកូនស្រីបង្កើត និងកូនប្រសារ អ្នកឧកញ៉ា ជា រតនា គឺលោក រ៉ាត់ ដារ៉ារ័ត្ន និងលោកស្រី ជា ឡាក់គី ត្រូវបានព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» តាមព្រះរាជក្រឹត្យលេខ នស/រកត/០១២៣/០០៨។

យ៉ាងណាម៉ិញ ក្រៅតែពីការផ្តល់គោរមងារ ឧកញ៉ា អ្នកឧកញ៉ាជូនដល់ពាណិជ្ជករជាម្ចាស់ក្រុមហ៊ុនគ្រាក់ៗ ៧រូបហើយនោះ តាមដំណើររបស់ប្រមុខរាជរដ្ឋាភិបាលកម្ពុជា ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រ ក៏បានចេញព្រះរាជក្រឹត្យតែងតាំងមុខដំណែង និងផ្តល់ឋានៈដល់មន្ត្រីជាន់ខ្ពស់រាជរដ្ឋាភិបាល នៅតាមបណ្តាក្រសួង ស្ថាប័ននានា ដូចជា ក្រសួងមហាផ្ទៃ ក្រសួងពាណិជ្ជកម្ម ក្រសួងការពារជាតិ ទីស្តីការគណៈរដ្ឋមន្ត្រី ព្រមទាំងខុទ្ទកាល័យសម្តេចតេជោនាយករដ្ឋមន្ត្រី ហ៊ុន សែន ៕

The post ត្រឹមពេលមិនដល់មួយសប្តាហ៍ មានពាណិជ្ជករខ្មែរប្រមាណ ៧រូបទទួលគោរមងារ«ឧកញ៉ា អ្នកឧកញ៉ា» appeared first on .

ក្នុងឱកាសដ៏វិសេសវិសាលនេះដែរ ខ្ញុំសូមជូនពរអ្នកឧកញ៉ា ព្រមទាំងក្រុមគ្រួសារ មានសុខភាពល្អបរិបូរណ៍ អាយុយឺនយូរ កម្លាំងខ្លាំងក្លា ប្រាជ្ញាឈ្លាសវៃ ដើម្បីចូលរួមចំណែកក្នុងការអភិវឌ្ឍន៍ប្រទេសឲ្យកាន់តែរីកចម្រើន រុងរឿងថ្កុំថ្កើង ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិតរបស់ សម្ដេចតេជោ ហ៊ុន សែន នាយករដ្ឋមន្ត្រី។

សូមអ្នកឧកញ៉ា និងលោកជំទាវ ព្រមទាំងក្រុមគ្រួសារ ជួបតែសុភមង្គល វិបុលសុខ និងប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឧកញ៉ា សុខ ស្រស់ ផ្ញើសារអបអរសាទរឧកញ៉ា លី សេងឃាង ដែលត្រូវបានព្រះមហាក្សត្រផ្តល់គោរមងារ «អ្នកឧកញ៉ា» appeared first on .

ការដែលផ្តល់គោរមងារអ្នកឧកញ៉ា ដល់ឧកញ៉ា លី សេងឃាង ត្រូវបានធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។

ឧកញ៉ា លី សេងឃាង បច្ចុប្បន្នជាអនុប្រធានសមាគមអ្នកអភិវឌ្ឍន៍លំនៅដ្ឋានកម្ពុជា ដែលគេស្គាល់ថា ជាពាណិជ្ជករម្នាក់ស្និទ្ធស្នាលជាមួយអ្នកឧកញ៉ា លី ហួរ ថៅកែក្រុមហ៊ុន លី ហួរ គ្រុប។

ឧកញ៉ា សេងឃាង ជាអគ្គនាយកក្រុមហ៊ុន BS Land and Home ដែលវិនិយោគលើបុរី ចតុមុខ ទាំង៣គម្រោង ស្ថិតនៅតំបន់អរិយក្សត្រ បុរីអ៊ីស្ដ លែន អេន ហូម និង អុីស្ដ កៀនស្វាយ ស៊ីធី៕

The post ព្រះមហាក្សត្រ ត្រាស់បង្គាប់ឧកញ៉ា ដៃស្តាំអ្នកឧកញ៉ា លី ហួរ ម្នាក់ជា«អ្នកឧកញ៉ា» appeared first on .

ការសហការនេះ នឹងផ្ដល់នូវអត្ថប្រយោជន៍ជាច្រើនដល់អតិថិជន ទាំងអតិថិជនថ្មី និងអតិថិជនចាស់ ឲ្យទទួល​បាននូវកញ្ចប់ឥណទានគេហដ្ឋានពិសេសនិងងាយស្រួល ដោយមិនតម្រូវឲ្យមានទ្រព្យធានា និង​មិនមានសេវាអនុម័តឥណទាន ទទួលបានអត្រាការប្រាក់ចាប់ពី ០,៧០% ទទួលបានទំហំឥណទាន​រហូត​ដល់ ៩៥ ភាគរយនៃតំលៃផ្ទះ និងរយៈពេលបង់រហូតដល់២០ឆ្នាំ ជាមួយនឹងការអនុម័តឥណទានឆាប់​រហ័ស។

អ្នកឧកញ៉ា លី ហួរ​ បាន​បញ្ជាក់​ឱ្យ​ដឹង​ថា​ មូលហេតុដែលធនាគារ អេស ប៊ី អាយ លី ហួរ របស់អ្នកឧកញ៉ា សម្រេចចុះអនុសារណៈយោគយល់គ្នាជាមួយក្រុមហ៊ុន ប៊ី អេស លែន & ហូម និងក្រុមហ៊ុន អ៊ីស្ត លែន & ហូម គឺដើម្បីជួយជំរុញ និងស្តារវិស័យអចលនទ្រព្យ និងសំណង់លំនៅដ្ឋាននៅកម្ពុជា ដែលបាន និងកំពុង​រងផលប៉ះពាល់ដោយសារ វិបត្តិកូវីដ-១៩ និងការអូសបន្លាយនៃសង្គ្រាមរវាងរុស្ស៊ី និងអ៊ុយក្រែន ព្រម​ទាំង​ចង់​ជួយសម្រួលបន្ទុករបស់អ្នកអភិវឌ្ឍន៍លំនៅដ្ឋាន និងបុរីក្នុងការគ្រប់គ្រងអតិថិជនបង់ប្រាក់ប្រចាំខែ។

ឧកញ៉ា លី សេងឃាង ក៏​បានគូសបញ្ជាក់​ផង​ដែរ​ថា ហេតុដែលក្រុមហ៊ុនរបស់លោកឧកញ៉ា​សម្រេច​ចាប់ដៃ​ជាមួយធនាគារ អេស ប៊ី អាយ លី ហួរ ដោយសារធនាគារនេះមានលក្ខណៈផ្តល់កម្ចីងាយស្រួល និងមាន​តម្លៃខ្ពស់ និងមានរយៈពេលវែង។ ជាពិសេស អេស ប៊ី អាយ លី ហួរ ជាធនាគារដែលមានប្រតិបត្តិការរឹងមាំ ដែលមានកំណើនទ្រព្យសកម្មជារៀងរាល់ឆ្នាំ ទោះបីស្ថិតក្នុងវិបត្តិកូវីដ-១៩។ ជាក់ស្តែងកាលពីឆ្នាំ២០២១ កន្លងទៅធនាគារនេះមានកំណើនទ្រព្យសកម្ម ១៥០% និងកំណើនប្រាក់បញ្ញើ ២៧០%។

សូមបញ្ជាក់ថា កញ្ចប់ឥណទានគេហដ្ឋានពិសេសនេះ ជាសមិទ្ធិផលថ្មី នៃការចូលរួមសហការពីធនាគារ ដែលផ្តល់នៅអត្ថ​ប្រយោជន៍​ទៅដល់អតិថិជនស្ថិតក្នុងគម្រោងទាំង៤ រួមមាន៖ ១)បុរីចតុមុខស៊ីធី១, ២)បុរីចតុមុខស៊ីធី២, ៣)បុរីអ៊ីស្ដ លែន អេន ហូម និង ៤)អុីស្ដ កៀនស្វាយ ស៊ីធី៕

The post ធនាគារ SBI របស់អ្នកឧកញ៉ា លី ហួរ ចុះ MOU ជាមួយក្រុមហ៊ុនអចលនទ្រព្យចំនួនពីរ appeared first on .

គឺគ្មាននរណាក្រៅពីឧកញ៉ា លី សេងឃាង នោះឡើយ ដែលជាអនុប្រធានសមាគមអ្នកអភិវឌ្ឍន៍លំនៅដ្ឋានកម្ពុជា និងអគ្គនាយកក្រុមហ៊ុន BS Land and Home ជាក្រុមហ៊ុនវិនិយោគផ្នែកសំណង់ផ្ទះល្វែង វិឡា និងខុនដូ។

ខាងក្រោមនេះជាគម្រោងធំៗវិនិយោគដោយឧកញ៉ា លី សេងឃាង៖

គម្រោងបុរី ចតុមុខស៊ីធីទីមួយ

គម្រោងបុរី ចតុមុខស៊ីធីទី១ ស្ថិតនៅទីតាំងគោលដៅនៃការពង្រីកក្រុងរបស់រាជរដ្ឋាភិបាល និងគម្រោងសាងសង់ស្ពានជ្រោយចង្វា-ស្វាយជ្រុំ ជិតបង្កើយនៃរាជធានីភ្នំពេញ ចម្ងាយត្រឹមតែ ៣គីឡូម៉ែត្រប៉ុណ្ណោះ។

គម្រោងបុរី ចតុមុខស៊ីធីទី ២

គម្រោងបុរី ចតុមុខស៊ីធីទី ២ ស្ថិតក្នុងតំបន់កំពុងអភិវឌ្ឍន៍មានចម្ងាយត្រឹមតែ 4 គីឡូម៉ែត្រប៉ុណ្ណោះពីរាជធានីភ្នំពេញ  ជិតគម្រោងសាងសង់ស្ពានជ្រោយចង្វា-ស្វាយជ្រុំ។

គម្រោង សីហនុ ស៊ីធីវីយូ ខុនដូ កម្ពស់ ២៥ជាន់

ជិតបង្កើយរង្វង់មូលតោពីរ ជាគម្រោងមួយត្រូវបានសាងសង់យ៉ាងយកចិត្តទុកដាក់លើមាត្រដ្ឋានបច្ចេកទេស និងមានការត្រួតពិនិត្យយ៉ាងល្អិតល្អន់ដោយក្រុមវិស្វករជំនាញដើម្បីផ្តល់ជូននូវការបុកគ្រឹះដ៏រឹងមាំ ព្រមទាំងសំណង់មានគុណភាព ប្រណិតភាព សុវត្តិភាព និងផាសុកភាពជាមួយខ្យល់អាកាសធម្មជាតិសមុទ្រល្អបរិសុទ្ធ៕

The post ឧកញ៉ា លី សេងឃាង កំពុងក្តោបក្តាប់តំបន់ណាខ្លះ? appeared first on .