សេចក្តីសម្រេចចំនួន៧ទំព័រដែលចុះហត្ថលេខាដោយលោក អូន ព័ន្ធមុនីរ័ត្ន ប្រធានគណៈអចិន្ត្រៃយ៍ក្រុមការងារគណបក្សប្រជាជនកម្ពុជាចុះមូលដ្ឋានខេត្តកណ្តាល បានចាត់តាំងសមាសភាពប្រធាន អនុប្រធា សមាជិកចំនួន១១៨រូប ក្នុងនោះមានឧកញ៉ាចំនួន ៦រូប។

ឧកញ៉ាដែលស្ថិតក្នុងសមាសភាពក្រុមការងារគណបក្សចុះមូលដ្ឋានស្រុកស្អាង រួមមាន៖ ឧកញ៉ា លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ ជាអនុប្រធានទទួលបន្ទុកជួយស្រុក, ឧកញ៉ា ហ៉ី បាវី ប្រតិភូរាជរដ្ឋាភិបាល ទទួលបន្ទុកអគ្គនាយកកំពង់ផែស្វយ័តភ្នំពេញ ជាអនុប្រធានទទួលបន្ទុកជួយស្រុក, ឧកញ៉ា ឡាវ វ៉ាន់ រដ្ឋលេខាធិការក្រសួងសាធារណការ និងដឹកជញ្ជូន ជាអនុប្រធាន និងជាប្រធានក្រុមករងារចុះមូលដ្ឋានឃុំខ្ពប, ឧកញ៉ា លី តាក់ អនុប្រធាន ទទួលបន្ទុកជួយស្រុក, ឧកញ៉ា ចិត្រ សេរីសុភ័ក្រ្ត, ឧកញ៉ា ស៊ីវ ថា អនុប្រធាន ទទួលបន្ទុកជួយស្រុក។

ក្នុងពិធីប្រកាសសមាសភាពក្រុមការងារគណបក្សចុះមូលដ្ឋាន ស្រុកស្អាង នាព្រឹកថ្ងៃសៅរ៍ ទី១៦ ខែមីនា លោក ប៉េង ពោធិ៍នា បានលើកឡើងថា ក្រុមការងារដែលមានឈ្មោះក្នុងសេចក្តីសម្រេច សូមអនុវត្តភារកិច្ចប្រកបដោយសា្មរតីបុរសកម្ម និងទំនួលខុសត្រូវខ្ពស់។

បន្ថែមពីនេះ លោកបានស្នើដល់ថ្នាក់ដឹកនាំ និងសមាជិក សមាជិកានៃក្រុមការងារគណបក្សទាំងអស់ សូមបន្តបំពេញសេចក្តីត្រូវការរបស់ប្រជាពលរដ្ឋឱ្យបានជាអតិបរមា ហើយត្រូវបន្តដំណើរតាមមាគ៌ាដ៏ត្រឹមត្រូវរបស់គណបក្សប្រជាជនកម្ពុជាយើងបន្តទៀត ដើម្បីរួមគ្នាថែរក្សាសុខសន្តិភាព និងការអភិវឌ្ឍប្រទេសជាតិឱ្យកាន់តែមានការរីកចម្រើនទាំងក្នុងអាណត្តិទី៧ ក៏ដូចជាអាណត្តិជាបន្តបន្ទាប់ទៀតផងដែរ៕

The post លោក អូន ព័ន្ធមុនីរ័ត្ន ចាត់តាំងឧកញ៉ា៦រូបជាអនុប្រធានក្រុមការងារចុះជួយមូលដ្ឋានស្រុកស្អាងខេត្តកណ្តាល appeared first on .

បើតាមព្រះរាជក្រឹត្យចំនួន ១ទំព័រចុះហត្ថលេខាដោយប្រមុខរដ្ឋស្តីទី សម្តេចវិបុលសេនាភក្តី សាយ ឈុំ កាលថ្ងៃទី២០ ខែកញ្ញា ឆ្នាំ២០២៣ បានសម្រេចតែងតាំងមុខដំណែងជាទីប្រឹក្សាអមស្ថាប័នក្រុមប្រឹក្សាអភិវឌ្ឍន៍កម្ពុជាចំនួន ៥រូប ក្នុងនោះមានឧកញ៉ា ២រូប គឺឧកញ៉ា លូ គឹមឈន់ ប្រតិភូ​រាជរដ្ឋាភិបាល​កម្ពុជា ទទួលបន្ទុក​ជា​ប្រធាន​អគ្គនាយកកំពង់ផែ​ស្វយ័ត​ក្រុងព្រះសីហនុ តាំងពី​ឆ្នាំ​១៩៩៣ មកដល់ពេលបច្ចុប្បន្ន និងឧកញ៉ា ហ៊ឺ ប៉ាវី ប្រតិភូ​រាជរដ្ឋាភិបាល​កម្ពុជា ទទួលបន្ទុក​ជា​ប្រធាន​អគ្គនាយកកំពង់ផែ​ស្វយ័ត​ភ្នំពេញ។

ក្រុមប្រឹក្សាអភិវឌ្ឍន៍កម្ពុជា ជាសេនាធិការរបស់រាជរដ្ឋាភិបាលដើម្បីជំរុញការវិនិយោគ ជាមួយនឹងលទ្ធផលការងារប្រកបដោយប្រសិទ្ធភាព និងប្រសិទ្ធផល ដែលនឹងផ្តល់ប្រយោជន៍ដល់ប្រជាជនកម្ពុជា តាមរយៈការកើនឡើងនៃការវិនិយោគ។

ជាមួយគ្នានេះ CDC ក៏មានតួនាទីលើកកម្ពស់ និងសម្រួលដល់ការវិនិយោគបរទេស និងក្នុងស្រុក ដើម្បីសម្រេចបាននូវវិស័យឯកជនដែលមានស្ថិរភាព និងភាពរឹងមាំក្នុងការអភិវឌ្ឍរបស់ប្រទេសកម្ពុជា ព្រមទាំងស្ថាប័នដែលអនុម័តគម្រោងវិនិយោគថ្មី និងផ្តល់នូវសេវាកម្មច្រកចេញចូលតែមួយប្រកបដោយប្រសិទ្ធភាពដល់វិនិយោគិន៕

The post ឧកញ៉ា ២រូបតែងតាំងជាទីប្រឹក្សាអមស្ថាប័នក្រុមប្រឹក្សាអភិវឌ្ឍន៍កម្ពុជា appeared first on .