តាមសេចក្ដីប្រកាសនេះ សមាសភាពក្រុមប្រឹក្សាបរធនបាល មានចំនួន១០រូប ដឹកនាំដោយ លោក ផាន់ ផល្លា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ ជាប្រធាន។ ដោយឡែកឧកញ៉ា ដែលមានឈ្មោះក្នុងបញ្ជីសមាសភាព ក្រុមប្រឹក្សាបរធនបាល មានឧកញ៉ា សុខ ពិសិដ្ឋ ប្រធានសហព័ន្ធនិយោជក និងសមាគមពាណិជ្ជកម្មកម្ពុជា, ឧកញ៉ា លូ ម៉េង ប្រធានសហព័ន្ធទេសចរណ៍កម្ពុជា ជាសមាជិក។

មូលនិធិអភិវឌ្ឍន៍ជំនាញ បង្កើតឡើងដើម្បីកៀរគរធនធាន សម្រាប់ផ្តល់ហិរញ្ញប្បទានគាំទ្រដល់ការអភិវឌ្ឍជំនាញ ដែលឆ្លើយតបទៅនឹងតម្រូវការវិស័យឯកជន ប្រកបដោយប្រសិទ្ធភាព និងចីរភាព តាមរយៈការកំណត់អំពីលក្ខខណ្ឌ បែបបទ នីតិវិធី យន្តការ ក្នុងការគ្រប់គ្រង ការរៀបចំ និងការប្រព្រឹត្ត។

សូមជម្រាបជូនថា ក្រុមប្រឹក្សាបរធនបាល នៃមូលនិធិអភិវឌ្ឍន៍ជំនាញ មានតួនាទី សិទ្ធិ និងអំណាច ដូចជា៖ ដាក់ចេញ ទិសដៅ និងក្របខណ្ឌយុទ្ធសាស្ត្រឆ្លើយតបនឹងគោលបំណង, អនុម័តលើផែនការថវិកាប្រចាំឆ្នាំ របាយការណ៍ហិរញ្ញវត្ថុ និងបទបញ្ជាផ្ទៃក្នុង, កៀរគរធនធានហិរញ្ញវត្ថុ ដើម្បីបម្រើដល់គោលបំណងរបស់ខ្លួន។

ទន្ទឹមនឹងនោះ មូលនិធិនេះ ក៏មានសិទ្ធិស្នើកែសម្រួលរចនាសម្ព័ន្ធនៃអង្គភាពប្រតិបត្តិតាមការចាំបាច់, និងកំណត់នូវ ស្តង់ដា ប្រតិបត្តិ និងនីតិវិធីរដ្ឋបាល និងហិរញ្ញវត្ថុចាំបាច់នានាពាក់ព័ន្ធនឹងការគ្រប់គ្រង និងដំណើរការ ដើម្បីធានាឱ្យបាននូវ យន្តការ ប្រតិតុល្យភាពគ្រប់គ្រង និងស្វ័យភាពរដ្ឋបាល និងស្វ័យភាពហិរញ្ញវត្ថុផងដែរ៕

The post ឧកញ៉ា ២រូប មានឈ្មោះក្នុងបញ្ជីសមាសភាពក្រុមប្រឹក្សាបរធនបាលនៃមូលនិធិអភិវឌ្ឍន៍ជំនាញ appeared first on .

​តាម​រយៈ​​សេចក្តីសម្រេច​​​ស្តីពីការ​ទទួលស្គាល់​ជាផ្លូវការ​នូវ​សមាសភាព​ក្រុមការងារ​ទាំង​១៤ ផ្នែកឯកជន​នៃ​វេទិកា​រាជរដ្ឋាភិបាល-ផ្នែកឯកជន ដែល​ចុះ​ហត្ថលេខា​ដោយ​សម្តេច​ធិបតី ហ៊ុន ម៉ាណែត នាយករដ្ឋមន្ត្រីកម្ពុជា ​​កាលពី​ថ្ងៃទី​១២ ខែតុលា ឆ្នាំ២០២៣ ក្រុមការងារ “ខ” “ផ្នែកទេសចរណ៍ នៃវេទិការាជរដ្ឋាភិបាល-ផ្នែកឯកជន ​មាន​សមាជិក​​ប្រមាណ ៤០​រូប ក្នុង​នោះ​មាន​ឧកញ៉ា​ចំនួន ៥​រូប រួម​មាន ឧកញ៉ា លូ ម៉េង ជា​សហប្រធាន, ឧកញ៉ា ស៊្រាត មុំសោភា ជា​អនុប្រធាន និង​ឧកញ៉ា រ៉ាត់ ដារ៉ារ័ត្ន ឧកញ៉ា សាង អ៊ាប ឧកញ៉ា សៅ សេងហាក់ ជា​សមាជិក។

សម្រាប់​កិច្ច​ប្រជុំ​​​កាលពី​ម្សិលមិញ​នេះ ​គឺ​ធ្វើ​ឡើង​ក្នុង​គោលបំណង​ដើម្បី​​​ពិគ្រោះ ពិភាក្សា និងដោះស្រាយទៅលើ​បញ្ហាប្រឈមដែលពាក់ព័ន្ធនឹងវិស័យទេសចរណ៍ នៅក្នុងប្រទេសកម្ពុជា ដែលលើកឡើងដោយ ផ្នែកឯកជន មាន ១៩បញ្ហា ដូចជា៖ ១.យុទ្ធសាស្រ្តទីផ្សារ (A strong innovative offer), ២.ក្រុមប្រឹក្សា​ទេសចរណ៍​ឯករាជ្យ, ៣.ការពង្រឹងទៅលើបទប្បញ្ញត្តិ (អនុលោមតាមស្របច្បាប់), ៤.មគ្គុទេសចរណ៍ភាគច្រើន បានទិញ​ផ្ទះក្នុងបុរីបង់រំលោះ ប្រឈមនឹងការផាកពិន័យ ឬការយកវិញពីម្ចាស់បុរី, ៥.សុវត្ថិភាពភ្ញៀវទេសចរនៅក្នុង រាជធានីភ្នំពេញ, ៦.ការបណ្តុះបណ្តាល ជាដើម-ល-។

ជាលទ្ធផល​ លោក​រដ្ឋមន្ត្រី​ក្រសួងទេសចរណ៍​ និង​ឧកញ៉ា លូម៉េង បានពិភាក្សាលើចំណុចចំនួន១៩ និងបាន​សម្រេចយក​បញ្ហា​ប្រឈម​មួយ​ចំនួន​ ដើម្បីធ្វើរបាយការណ៍​រួមរវាងវិស័យឯកជន និងរដ្ឋាភិបាល ​ហើយ​​​គ្រោង​នឹង​រាយការណ៍ក្នុងវេទិការាជរដ្ឋាភិបាល-ផ្នែកឯកជន លើកទី១៩ ដែលនឹងប្រព្រឹត្តទៅនាថ្ងៃទី១៣ ខែវិចិ្ឆកា ឆ្នាំ២០២៣ខាងមុខនេះ៕

The post តើឧកញ៉ាច្រើនរូប លើកពីបញ្ហាប្រឈមអ្វីខ្លះ ពាក់ព័ន្ធនឹងវិស័យទេសចរណ៍បច្ចុប្បន្ន? appeared first on .

កិច្ចប្រជុំកាលពីថ្ងៃពុធ ទី២៥ ខែតុលាម្សិលមិញនៃវេទិការាជរដ្ឋាភិបាល-ផ្នែកឯកជន ដឹកនាំដោយលោក សុខ សុកេន រដ្ឋមន្ត្រីក្រសួងទេសចរណ៍ និងជាសហប្រធានក្រុមការងារ «ខ» តំណាងផ្នែករដ្ឋាភិបាល និងឧកញ៉ា លូ ម៉េង សហប្រធានក្រុមការងារ «ខ» តំណាងផ្នែកឯកជន។

បើតាមសភាពាណិជ្ជកម្ម គោលបំណងនៃកិច្ចប្រជុំនេះ គឺដើម្បីពិគ្រោះ ពិភាក្សា និងដោះស្រាយទៅលើបញ្ហាប្រឈមដែលពាក់ព័ន្ធនឹងវិស័យទេសចរណ៍ នៅក្នុងប្រទេសកម្ពុជាដែលលើកឡើងដោយ ផ្នែកឯកជន មាន១៩បញ្ហា ដូចជា៖ ១. យុទ្ធសាស្រ្តទីផ្សារ (A strong innovative offer), ២. ការក្រុមប្រឹក្សាទេសចរណ៍ឯករាជ្យ, ៣. ការពង្រឹងទៅលើបទប្បញ្ញត្តិ(អនុលោមតាមស្របច្បាប់), ៤. មគ្គុទេសចរណ៍ភាគច្រើន បានទិញផ្ទះក្នុងបុរីបង់រំលោះ ប្រឈមនឹងការផាកពិន័យ ឬការយកវិញពីម្ចាស់បុរី, ៥. សុវត្ថិភាព ភ្ញៀវទេសចរនៅក្នុង រាជធានីភ្នំពេញ, ៦. ការបណ្តុះបណ្តាល ជាដើម។

នៅក្នុងកិច្ចប្រជុំនេះសហប្រធានទាំងពីរបានសម្រេចយក ៧បញ្ហា ត្រូវបានអង្គប្រជុំពិភាក្សា នឹងសម្រេចយកធ្វើលទ្ធផល ដើម្បីធ្វើរបាយការណ៍រួមរវាងវិស័យឯកជន និងរដ្ឋាភិបាល នឹងរាយការណ៍ក្នុងវេទិការាជរដ្ឋាភិបាល-ផ្នែកឯកជន លើកទី១៩ ក្នុងវិច្ឆិកា នាពេលឆាប់ៗខាងមុខនេះផងដែរ។ លទ្ធផលពីការសម្រេចស្វែងរកចំណុចរួមគ្នាមួយ លើបញ្ហាដែលមាន ត្រូវបានវិស័យឯកជន ឯកភាពនិងទទួលយកអំណះអំណាងត្រឹមពីអង្គប្រជុំក្រុមការងារ «ខ»នេះ៕

The post ឧកញ៉ា លូ ម៉េង បើកកិច្ចប្រជុំពិភាក្សា និងដោះស្រាយបញ្ហាប្រឈមវិស័យទេសចរណ៍ appeared first on .