ក្នុងពិធីឡើងភូមិគ្រឹះថ្មីដ៏ធំស្កឹមស្កៃ និងគម្រប់ខួបអាពាហ៍​ពិពាហ៍ ៤៥ឆ្នាំ កាលថ្ងៃទី២៦ ខែមករា ឆ្នាំ២០២៦ អ្នកឧកញ៉ា អ៊ូ ឆាយ បានថ្លែងឱ្យដឹងក្នុងបទសម្ភាសន៍បែបនេះថា៖ “ខ្ញុំបងប្រពន្ធខ្ញុំពីរឆ្នាំ នៅពេលម៉ាកក្មេកខ្ញុំទម្ងន់ប្រពន្ធខ្ញុំ ប៉ាក្មេកខ្ញុំនិងប៉ាខ្ញុំបាននិយាយគ្នាថា បើសិនជាកើតបាន​កូន​ប្រុសឱ្យធ្វើដន្លងនឹងគ្នា បើបានកូនស្រីឱ្យធ្វើជាប្តីប្រពន្ធនឹងគ្នា។ ចៃដន្យនៅសម័យប៉ុលពត ប្រពន្ធខ្ញុំមានបងប្អូនបង្កើត​ចំនួន ៧នាក់ ប៉ុន្តែស្លាប់អស់សល់តែគាត់ម្នាក់ ហើយខ្ញុំមានបងប្អូន ៥នាក់ ក៏ស្លាប់អស់សល់តែម្នាក់ដែរ”។

“បន្ទាប់មកយើងបានទៅនៅផ្ទះកុងខ្ញុំជាមួយគ្នា ម៉ាកក្មេកខ្ញុំធ្វើនំលក់ ហើយគាត់ឱ្យពួកយើងកិនម្សៅក្បាល់មួយពីរ​នាក់ ប៉ុន្តែយើងមិនដែលហ៊ាននិយាយគ្នាទេ។ ក្រោយមក កុងខ្ញុំប្រាប់ថា ប៉ាម៉ាក់គេបានភ្ជាប់និស្ស័យគ្នាតាំងពីនៅក្នុងផ្ទៃ គាត់ក៏រៀបមង្គលការឱ្យ។ ខ្ញុំក៏សូមអរគុណដល់ប៉ាខ្ញុំ ប៉ាក្មេកខ្ញុំ និងកុងម៉ាទាំងអស់ ដែលបានភ្ជាប់និស្ស័យឱ្យយើងខ្ញុំក្លាយជាប្តីប្រពន្ធ។ ក្នុងឱកាសនេះដែរ ក៏សូមអរគុណប្រពន្ធខ្ញុំយ៉ាងច្រើន ដែលបានក្លាយជាភរិយាដ៏ល្អ។ សូមជូនពរប្រពន្ធ កូនៗ ចៅៗទាំងអស់ សូមមានសុខភាពល្អ សុខសប្បាយ ហេងៗសំណាងល្អទាំងអស់គ្នា”។ អ្នកឧកញ៉ា បានបន្ថែម។

សូមជម្រាបថា អ្នកឧកញ៉ា អ៊ូ ឆាយ ជាឪពុករបស់លោកជំទាវឧកញ៉ា សុខ រស្មី ម្ចាស់ក្រុមហ៊ុន សារ៉ាយសមុទ្រស៊ីប៊ែលប៉ារីស និងត្រូវ​ជា​ឪពុកក្មេករបស់លោកឧកញ៉ា ឡោក ដារិទ្ធ។ លោកឧកញ៉ា អ៊ូ ឆាយ បានទទួលគោរមងារ «អ្នកឧកញ៉ា» នៅថ្ងៃទី១៥ ខែមីនា ឆ្នាំ២០២២៕

@sokreaksmey168 ប្រវត្ដិស្នេហា ប៉ាម៉ាក់នាងខ្ញុំ ជាគូរនឹងគ្នាតាំងពីក្នុងផ្ទៃ រីករាយខួបអាពាហ៍ពិពាហ៍ ៤៥ឆ្នាំ ប៉ាម៉ាក់ _______________________ #SokReaksmey #សុខរស្មី #SybelleParis_ស៊ីបែលប៉ារីស #Sybelle_Paris #Sybelle_Paris ♬ original sound – Sok Reaksmey – សុខ រស្មី

The post មកដឹងពីប្រវត្តិស្នេហារបស់ អ្នកឧកញ៉ា អ៊ូ ឆាយ និងលោកជំទាវ សុខ វាសនា appeared first on .

ព្រះរាជក្រឹត្យផ្តល់គោរមងារឧកញ៉ានេះ ធ្វើឡើងតាមសេចក្តីក្រាបបង្គំទូលថ្វាយរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

តាមរយៈព្រះរាជក្រឹត្យលេខ នស/រកត/០២២៦/២៥៨ ចុះថ្ងៃទី១៤ ខែកុម្ភៈ ឆ្នាំ២០២៦ លោក-លោកស្រីដែល​ទទួល​​បាន​គោរមងារ «ឧកញ៉ា» ក្នុងថ្ងៃតែមួយជាមួយគ្នា រួមមាន៖ ១.លោកជំទាវ ហូ សារ៉េត, ២.លោកជំទាវ ឡាយ ឌីណែត, ៣.លោក ឈឿន ងន់អេង, ៤.លោកស្រី សុខ រស្មី, ៥.លោក ឌី រដ្ឋា, ៦.លោក លាង វិនឡុង, ៧.លោក ឡៅ សៀងហេង និង ៨.លោក ហេង សំណាង៕

The post ព្រះមហាក្សត្រ ចេញព្រះរាជក្រឹត្យផ្តល់គោរមងារដល់អ្នកជំនួញ ៨រូប ជា «ឧកញ៉ា» ក្នុងថ្ងៃតែមួយ appeared first on .

លោកស្រី សុខ រស្មី ជាកូនរបស់ អ្នកឧកញ៉ា អ៊ូ ឆាយ និងលោកជំទាវ សុខ វាសនា និងជាភរិយារបស់ ឧកញ៉ា ឡោក ដារិទ្ធ អគ្គនាយកក្រុមហ៊ុនសារ៉ាយសមុទ្រ ស៊ីប៊ែលប៉ារីស និងជាសមាជិកសមាគមឧកញ៉ាកម្ពុជា។ បច្ចុប្បន្ន​លោកស្រី ក៏ជាសមាជិកក្រុមប្រឹក្សាភិបាលសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC)។

សូមជម្រាបថា លោកស្រី សុខ រស្មី បានចាប់ផ្តើមអាជីវកម្ម សារ៉ាយសមុទ្រស៊ីប៊ែលប៉ារីស កាលពីដើមឆ្នាំ២០២៣ បន្ទាប់ពី​បាន​ដកស្រង់នូវបទពិសោធន៍ដោយផ្ទាល់ទាំងគុណភាព ប្រសិទ្ធភាព នៃអាហារបំប៉ន សារ៉ាយសមុទ្រ ដែលមាន​ប្រភពផលិត នៅប្រទេសបារាំង និងមានអ្នកប្រើប្រាស់រាប់លាននាក់ជុំវិញពិភពលោក។ ក្រៅពីការបង្កើត​ការងារ​ដោយផ្ទាល់និងដោយប្រយោល ដល់ប្រជាជនក្នុងស្រុក លោកស្រី តែងតែចូលរួមសកម្មភាពសប្បុរសធម៌ តាមរយៈ​ការជួយដល់កុមារកំព្រា ជនពិការ ទុរគតជន ស្រ្តីមេម៉ាយ មនុស្សចាស់ជរា និងកាកបាទក្រហមកម្ពុជា​ផងដែរ៕

The post លោកស្រី សុខ រស្មី ម្ចាស់ប្រេនសារ៉ាយសមុទ្រស៊ីប៊ែលប៉ារីស ទទួលបានគោរមងារ «ឧកញ៉ា» appeared first on .