ព្រះរាជក្រឹត្យផ្តល់គោរមងារអ្នកឧកញ៉ា ដល់ឧកញ៉ា សុខ​ ស្រស់ រួមទាំងឧកញ៉ា ៣ទៀត ធ្វើឡើងតាមសេចក្តីក្រាបបង្គំទូលថ្វាយរបស់សម្តេចមហាបវរធិបតី ហ៊ុន ម៉ាណែត នាយរដ្ឋមន្រ្តីកម្ពុជា។

ឧកញ៉ា សុខ ស្រស់ ជាដៃស្តាំអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា។ បច្ចុប្បន្នជាអនុប្រធានសភាពាណិជ្ជកម្មកម្ពុជា និងប្រធានសភាពាណិជ្ជកម្មប្រចាំខេត្តកណ្តាលនិងខេត្តកំពង់ឆ្នាំង។

អ្នកឧកញ៉ា សុខ ស្រស់ តែងតែបង្ហាញវត្តមានស្ទើរគ្រប់ដំណើរបំពេញបេសកកម្មនៅប្រទេសអមអ្នកឧកញ៉ា គិត ម៉េង។ ក្នុងកិច្ចប្រជុំពូលអាស៊ាន និងកិច្ចប្រជុំពាក់ព័ន្ធនានា​ ដែលមានប្រទេសឥណ្ឌូនេស៊ីជាម្ចាស់ សម្តេចធិបតី ហ៊ុន ម៉ាណែត អញ្ជើញចូលរួមនោះ ក៏ឃើញមានវត្តមានអ្នកឧកញ៉ា សុខ ស្រស់ ផងដែរ៕

The post សម្តេចធិបតី ហ៊ុន ម៉ាណែត ទូលថ្វាយព្រះមហាក្សត្រផ្តល់គោរមងារ«អ្នកឧកញ៉ា» ដល់ឧកញ៉ា សុខ ស្រស់ ដៃស្តាំអ្នកឧកញ៉ា គិត​ ម៉េង appeared first on .

កាលពី​ម្សិលមិញ​នេះ​ មន្ទីពាណិជ្ជកម្មខេត្តកណ្ដាល បានបើកការិយាល័យបោះឆ្នោតជ្រើសរើស​សមាជិក​ជ្រើសតាំង និងប្រធានសភាពាណិជ្ជកម្មមណ្ឌលខេត្តកណ្ដាល-កំពង់ឆ្នាំង អាណត្តិទី៣លើកទី១ តាមនិតិវិធីដែល​បានគ្រោងទុក ការបើក ការប្រកាសលទ្ធផល និងការបិទកម្មវិធីទាំងមូលគឺស្ថិតក្រោមអធិបតីភាព លោក​ គឹម មាសសុខសីហា អនុរដ្ឋលេខាធិការក្រសួងពាណិជ្ជកម្ម និងជាអនុប្រធាន​គណៈកម្មការរៀបចំការ​បោះឆ្នោត​ជ្រើសរើសសមាជិកជ្រើសតាំងសភាពាណិជ្ជកម្មកម្ពុជា និងសភាពាណិជ្ជកម្មរាជធានី-ខេត្ត សម្រាប់អាណត្តិថ្មី និងអាណត្តិបន្ត លោក​ ប៊ុន ផេង អភិបាលរងនៃគណៈអភិបាលខេត្តកណ្ដាល លោក​ សាន់ យូ អភិបាលរង​នៃគណៈអភិបាលខេត្តកំពង់ឆ្នាំង លោក​ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងជា​អនុប្រធានគណៈកម្មការរៀបចំការបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មកម្ពុជា និង​សភា​ពាណិជ្ជកម្មរាជធានី-ខេត្ត សម្រាប់អាណត្តិថ្មី និងអាណត្តិបន្ត។

ជាលទ្ធផល ចំនួនអ្នកមកបោះឆ្នោតសរុបស្មើ ៩៥%នៃចំនួនអ្នកចុះឈ្មោះបោះឆ្នោតសរុប ហើយ​ជ្រើសរើសបាន​សមាជិកជ្រើសតាំងថ្មីចំនួន០៧រូប ក្នុងចំណោមបេក្ខជនឈរឈ្មោះចំនួន០៨រូប ចំពោះបេក្ខភាព​ឈរឈ្មោះ​ជាប្រធានសភាពាណិជ្ជកម្មមណ្ឌលខេត្តកណ្ដាល-កំពង់ឆ្នាំងមានចំនួន០២រូប ខណៈ​ដែល​ ឧកញ៉ា សុខ ស្រស់ ត្រូវបានសមាជិកបន្តគាំទ្រជាប្រធានសភាពាណិជ្ជកម្មមណ្ឌលខេត្តកណ្ដាល-កំពង់ឆ្នាំង សម្រាប់អាណត្តិទី៣ លើកទី១ នេះទៀត។

សូម​ជម្រាប​ថា លោក​ឧកញ៉ា សុខ ស្រស់ នៅឆ្នាំ២០១៥ ទទួលបានការទុកចិត្ត​ពី​ការ​​បោះឆ្នោតគាំទ្រ​កាន់តួនាទី​ជាប្រធានសភាពាណិជ្ជកម្មប្រចាំខេត្តកណ្តាល និងខេត្តកំពង់ឆ្នាំង បន្ទាប់ពីទទួលបានសំឡេងគាំទ្រ​ពីសមាជិក​ចូលរួមបោះឆ្នោតច្រើនជាងគេ។ នៅឆ្នាំ២០២០ លោកក៏ជាប់ជាប្រធានសភាពាណិជ្ជកម្មប្រចាំខេត្តកណ្តាល និងខេត្តកំពង់ឆ្នាំងនៅអណ្ណតិទីពីរបន្តទៀត។ ក្រៅពីដឹកនាំការងារជាប្រធានសភាពាណិជ្ជកម្មប្រចាំខេត្តកណ្តាល និងខេត្តកំពង់ឆ្នាំង លោក​ឧកញ៉ា ក៏មានតួនាទីជាអនុប្រធានសភាពពាណិជ្ជកម្មកម្ពុជាផងដែរ៕

The post ឧកញ៉ា សុខ ស្រស់ បន្តជាប់ជាប្រធានសភាពាណិជ្ជកម្មមណ្ឌលខេត្តកណ្ដាល-កំពង់ឆ្នាំង appeared first on .

យោងតាមព្រះរាជក្រឹត្យលេខ នស/រកត/០២២៣/២៧១ ចុះថ្ងៃទី៨ កុម្ភៈ ឆ្នាំ២០២៣ ចំនួនពីរទំព័រព្រះមហាក្សត្រ ប្រោសព្រះរាជទានគ្រឿងឥស្សរិយយសតាមលំដាប់ថ្នាក់ដល់សប្បុរសជនចំនួន ៧៥រូប ក្នុងនោះលោកឧកញ៉ា សុខ ស្រស់ ឈរលេខរៀងទី៤ ថ្នាក់ «ជាតូបការ» ចំណែកលោកជំទាវ សំអឿន សុគន្ធារី នៅលេខរៀងទី២ តាមសេចក្តីក្រាបបង្គំទូលថ្វាយរបស់សម្តេចអគ្គមហាពញាចក្រី ហេង សំរិន ប្រធានរដ្ឋសភានៃកម្ពុជា។

ឧកញ៉ា សុខ ស្រស់ ព្រមទាំងក្រុមគ្រួសារគឺជាសប្បុរសជនដ៏ឆ្នើមម្នាក់ក្នុងការចូលរួមបរិច្ចាគទ្រព្យធនធានទាំងថវិកា និងសម្ភាៈដល់រាជរដ្ឋាភិបាល ហើយក៏ជាពុទ្ធសាសនូបត្ថម្ភន៍ក្នុងព្រះពុទ្ធសាសនាដែលតែងតែបង្ហាញមុខប្រគេនបច្ច័យកសាងសមិទ្ធផលនានា និងទ្រទ្រង់ដល់សិក្សារៀនសូត្ររបស់ព្រះសង្ឃពុទ្ធសាសនា។

ក្រៅពីកិច្ចការងារសង្គម និងសាសនាហើយនោះ នៅឆ្នាំ២០១៥ លោកឧកញ៉ា ទទួលបានការទុកចិត្ត បោះឆ្នោតគាំទ្រ​កាន់តួនាទីជាប្រធានសភាពាណិជ្ជកម្មប្រចាំខេត្តកណ្តាល និងខេត្តកំពង់ឆ្នាំង បន្ទាប់ពីទទួលបានសំឡេងគាំទ្រពីសមាជិកចូលរួមបោះឆ្នោតច្រើនជាងគេ។ នៅឆ្នាំ២០២០ លោកក៏ជាប់ជាប្រធានសភាពាណិជ្ជកម្មប្រចាំខេត្តកណ្តាល និងខេត្តកំពង់ឆ្នាំងនៅអណ្ណតិទីពីរបន្តទៀត។

ក្រៅពីដឹកនាំការងារជាប្រធានសភាពាណិជ្ជកម្មប្រចាំខេត្តកណ្តាល និងខេត្តកំពង់ឆ្នាំង ឧកញ៉ា សុខ ស្រស់ ក៏មានតួនាទីជាអនុប្រធានសភាពពាណិជ្ជកម្មកម្ពុជាផងដែរ។

ក្នុងតួនាទីដឹកនាំសភាពាណិជ្ជកម្មខេត្តកណ្តាល និងខេត្តកំពង់ឆ្នាំង លោកមានភារកិច្ចចូលរួមជួយ​ដោះស្រាយរាល់បញ្ហាប្រឈមរបស់អ្នករកស៊ី និងជួយគាំទ្រការងារផ្នែកសង្គម រួមទាំងជួយលើកិច្ចការងារកាកបាទក្រហមផងដែរ៕

The post ឧកញ៉ាអនុប្រធានសភាពាណិជ្ជកម្មម្នាក់ ព្រះមហាក្សត្រ ប្រោសព្រះរាជទានគ្រឿងឥស្សរិយយសខ្ពស់បំផុត «ជាតូបការ» appeared first on .

ឧកញ៉ា សុខ ស្រស់ និងសហការីទាំងអស់មានសេចក្តីសោមនស្សរីករាយក្រៃលែងដែលអ្នកឧកញ៉ា ត្រូវបានសមាជិក សមាជិកាផ្តល់សេចក្តីទុកចិត្ត បោះឆ្នោតជ្រើសរើសសាជាថ្មីម្តងទៀត ជាប្រធានសភាពាណិជ្ជកម្មរាជធានីភ្នំពេញ អាណត្តិទី៤ លើកទី២ និងជាប្រធានសភាពាណិជ្ជកម្មកម្ពុជា អាណត្តិទី៥ សម្រាប់រយៈពេល៣ឆ្នាំបន្តទៀត។ ការផ្តល់សេចក្តីទុកចិត្តចំពោះ អ្នកឧកញ៉ា ពីសំណាក់សមាជិក សមាជិកា ដោយបានផ្តល់នូវសំឡេងឆ្នោត គាំទ្រច្រើនលើសលប់ តាមរយៈការបោះឆ្នោតជាសម្ងាត់ ដោយតម្លាភាព និងសុក្រឹត នាថ្ងៃទី១១ ខែមករា ឆ្នាំ២០២៣នេះ គឺពិតជាបានឆ្លុះបញ្ចាំងពីសមត្ថភាព ដឹកនាំប្រកបដោយប្រសិទ្ធភាព ភាពប៉ិនប្រសប់ ឈ្លាសវៃ មោះមុត និងក្រមសីលធម៌ខ្ពស់ ឈរលើទស្សនវិស័យវែងឆ្ងាយ ក្នុងអណត្តិកន្លងមក។

យើងខ្ញុំក៏ដូចជាសមាជិក សមាជិកាទាំងអស់របស់សភាពាណិជ្ជកម្មកម្ពុជា មានការជឿជាក់ចំពោះសមត្ថភាពដឹកនាំរបស់ អ្នកឧកញ៉ា សម្រាប់អាណត្តិបន្ទាប់នេះ ក្នុងការសម្រេចបាននូវសមិទ្ធិផលថ្មីៗបន្ថែមទៀតជូនសភាពាណិជ្ជកម្មកម្ពុជា។ លទ្ធផលបោះឆ្នោតនាថ្ងៃនេះសបញ្ជាក់ឲ្យឃើញផងដែរថា អ្នកឧកញ៉ា ពិតជាឥស្សរជនដ៏ឧត្តុង្គឧត្តមម្នាក់ក្នុងវិស័យឯកជន ដែលមានស្នាដៃដ៏ធំធេងក្នុងការរួមចំណែកជាមួយរាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរបស់ សម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលកម្ពុជា ក្នុងការធ្វើឲ្យប្រទេសកម្ពុជាស្គាល់នូវការលូតលាស់ វិបុលភាព ឈរលើមូលដ្ឋាននៃសេដ្ឋកិច្ចទីផ្សារសេរី និងដំណើរការនៃលិទ្ធិប្រជាធិបតេយ្យ និងការគោរពសិទ្ធិមនុស្ស។

ក្នុងឱកាសដ៏រីករាយឧត្តុង្គឧត្តមនេះ យើងខ្ញុំសូមជូនពរ អ្នកឧកញ៉ា ទទួលបាននូវសេចក្តីសុខ សុភមង្គល និងសូមបានប្រកបនូវពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឧកញ៉ា សុខ ស្រស់ ផ្ញើសារលិខិតអបអរសាទរអ្នកឧកញ៉ា គិត ម៉េង ក្នុងឱកាសជាប់ឆ្នោតម្តងទៀត ជាប្រធានសភាពាណិជ្ជកម្មកម្ពុជា appeared first on .

ក្នុងឱកាសដ៏វិសេសវិសាលនេះដែរ ខ្ញុំសូមជូនពរអ្នកឧកញ៉ា ព្រមទាំងក្រុមគ្រួសារ មានសុខភាពល្អបរិបូរណ៍ អាយុយឺនយូរ កម្លាំងខ្លាំងក្លា ប្រាជ្ញាឈ្លាសវៃ ដើម្បីចូលរួមចំណែកក្នុងការអភិវឌ្ឍន៍ប្រទេសឲ្យកាន់តែរីកចម្រើន រុងរឿងថ្កុំថ្កើង ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិតរបស់ សម្ដេចតេជោ ហ៊ុន សែន នាយករដ្ឋមន្ត្រី។

សូមអ្នកឧកញ៉ា និងលោកជំទាវ ព្រមទាំងក្រុមគ្រួសារ ជួបតែសុភមង្គល វិបុលសុខ និងប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឧកញ៉ា សុខ ស្រស់ ផ្ញើសារអបអរសាទរឧកញ៉ា លី សេងឃាង ដែលត្រូវបានព្រះមហាក្សត្រផ្តល់គោរមងារ «អ្នកឧកញ៉ា» appeared first on .

ឧកញ៉ា សុខ ស្រស់ និងភរិយា សូម​ឧទ្ទិស​មហាកុសល​​​ចំពោះ​បដិសន្ធិ​វិបាក​វិញ្ញាណ​របស់​មហាឧបាសក​ពុទ្ធ​សាសនូបត្ថម្ភ​ក៍ បានទៅ​កាន់​សុគតិភព​កុំ​បី​ឃ្លៀងឃ្លាត​ឡើឡើយ៕

The post ឧកញ៉ា សុខ ស្រស់ ផ្ញើសារប្រគេនចូលរួមរំលែកមរណៈទុក្ខយ៉ាងក្រៀមក្រំបំផុតជាមួយសម្តេចព្រះពោធិវ័ង្ស កិត្តិបណ្ឌិត អំ លីមហេង ដែលបាន​បាត់បង់​បិតា​បង្កើត appeared first on .

ក្នុងសារលិខិតរំលែកទុក្ខឧកញ៉ា សុខ ស្រស់ និងលោកស្រីមេធាវី សំអឿន សុគន្ធារី  បានបង្ហាញសេចក្តីតក់ស្លុត និងចូលរួមរំលែកមរណទុក្ខជាមួយក្រុមគ្រួសារសព លោកស្រី ឈួន ចំណាន ព្រមទាំងក្រុមគ្រួសារ និងលើកដៃបួងសួងដល់វត្ថុស័ក្តសិទ្ធិ នាំយកដួងវិញ្ញាណក្ខន្ធ ឧបាសិកា លីវ យិន ទៅកាន់ឋានសុគតិភព កុំបីឃ្លាងឃ្លាតឡើយ៕

The post ឧកញ៉ា សុខ ស្រស់ និងលោកស្រីមេធាវី សំអឿន សុគន្ធារី ផ្ញើសារចូលរំលែកទុក្ខជាមួយលោកស្រី ឈួន ចំណាន ចំពោះមរណភាពយាយបង្កើត appeared first on .

ខ្ញុំសូមសម្តែងនូវការគោរពកោតសរសើរដ៏ស្មោះចំពោះគុណធម៌ និងគុណូបការៈប្រកបដោយព្រហ្មវិហារធម៌របស់ម៉ាក់ចំពោះបុត្រាធីតា ចៅប្រុសចៅស្រី ពិសេសនោះ ចំពោះព្រះពុទ្ធសាសនា និងសង្គមជាតិ។

ក្នុងឱកាសដ៏វិសេសវិសាលនេះ លោកឧកញ៉ា សុខ ស្រស់ ជាកូនបង្កើត និងលោកជំទាវ ព្រមទាំងបុត្រាបុត្រី សូមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធទាំងឡាយក្នុងលោក សូមតាមបីបាច់ថែរក្សា និងជួយប្រោះព្រំសព្វសាធុការពរ សិរីសួស្តី ជ័យមង្គល វិបុលសុខ បវរមហាប្រសើរជូនចំពោះ មហាឧបាសិកា គី ឈីវសៀម ព្រមទាំងក្រុមគ្រួសារ សូមបានប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ និងចៀសផុតពីរោគាព្យាធិទាំងឡាយទាំងពួង កុំបីឃ្លៀងឃ្លាត៕

The post ឧកញ៉ា សុខ ស្រស់ និងក្រុមគ្រួសារ សូមគោរពជូនពរមហាឧបាសិកា គី ឈីវសៀម ក្នុងឱកាសខួបកំណើតគម្រប់ ៧០ឆ្នាំ appeared first on .

នៅក្នុងឱកាសដ៏ប្រពៃថ្លែងថ្លានាពេលនេះដែលឯកឧត្តមជីម សុខ ត្រូវបានព្រះមហាក្សត្រ ត្រាស់បង្គាប់តែងតាំង និងផ្តល់ឋានៈ ឧកញ៉ា សុខ ស្រស់ និងលោកជំទាវ ព្រមទាំងក្រុមគ្រសារ សូមគោរពជូនពរឯកឧត្តម ជីម សុខ និងលោកជំទាវ សូមមានសុខភាពបរិបូរណ៍ កម្លាំងពលំមាំមួន ឈ្នះអស់មារសត្រូវគ្រប់ទិសទី ដើម្បីបន្តចូលរួមដឹកនាំការងារអភិវឌ្ឍន៍ជាតិជាមួយសម្តេចតេជោ ហ៊ុន សែន នាយករដ្ឋមន្ត្រី ជាស្ថាបនិកសន្តិភាពកម្ពុជា។

ជាចុងក្រោយ ខ្ញុំបាទ និងក្រុមគ្រួសារ សូមបួងសួងដល់វត្ថុស័ក្ដិសិទ្ធិ ទាំងអស់ក្នុងលោក សូមប្រសិទ្ធពរបវរមហាប្រសើរជូន ឯកឧត្តម ជីម សុខ និងលោកជំទាវ ព្រមទាំងក្រុមគ្រួសារទាំងអស់ សូមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

The post ឧកញ៉ា សុខ ស្រស់ ផ្ញើសារអបអរសាទរ ដល់ឯកឧត្តម ជីម សុខ ក្នុងឱកាសតែងតាំងជាទីប្រឹក្សាផ្ទាល់សម្តេចនាយករដ្ឋមន្ត្រី appeared first on .

នៅក្នុងឱកាសដ៏ប្រពៃថ្លែងថ្លានាពេលនេះដែលឯកឧត្តមទេសរដ្ឋមន្ត្រី ត្រូវបានព្រះមហាក្សត្រ ប្រទានគោរមងារកិត្តិយស «កិត្តិសង្គហបណ្ឌិត» ឧកញ៉ា សុខ ស្រស់ និងលោកជំទាវ ព្រមទាំងក្រុមគ្រសារ សូមគោរពជូនពរឯកឧត្តម គន់ គីម និងលោកជំទាវ សូមមានសុខភាពបរិបូរណ៍ កម្លាំងពលំមាំមួន ឈ្នះអស់មារសត្រូវគ្រប់ទិសទី ដើម្បីបន្តចូលរួមដឹកនាំការងារអភិវឌ្ឍន៍ជាតិជាមួយសម្តេចតេជោ ហ៊ុន សែន នាយករដ្ឋមន្ត្រី ជាស្ថាបនិកសន្តិភាពកម្ពុជា។

ជាចុងក្រោយ ខ្ញុំបាទ និងក្រុមគ្រួសារ សូមបួងសួងដល់វត្ថុស័ក្ដិសិទ្ធិ ទាំងអស់ក្នុងលោក សូមប្រសិទ្ធពរបវរមហាប្រសើរជូន ឯកឧត្តម គន់ គីម និងលោកជំទាវ ព្រមទាំងក្រុមគ្រួសារទាំងអស់ សូមប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

The post ឧកញ៉ា សុខ ស្រស់ គោរពផ្ញើសារអបអរសាទរឯកឧត្តមទេសដ្ឋមន្រ្តី គន់ គីម ក្នុងឱកាសទទួលបានគោរមងារកិត្តិយស «កិត្តិសង្គហបណ្ឌិត» appeared first on .