ពិធីប្រគល់ទទួលខាងលើនេះ បានធ្វើឡើងនៅសាលាខេត្តកណ្តាល ក្រោមអធិបតីភាព ឯកឧត្តម គួច ចំរើន អភិបាល​នៃគណៈអភិបាលខេត្តកណ្តាល។ រដ្ឋបាលខេត្តកណ្ដាល ក៏សូមបួងសួងដល់គុណព្រះរតនត្រ័យកែវទាំងបី សូមព្រះអង្គជួយប្រោះព្រំ ប្រសិទ្ធពរជ័យ បវរសួស្តី មហាប្រសើរ សូមជួយថែរក្សាដល់ ឧកញ៉ា ហួន លីមីង និងលោកជំទាវ ស្រេង ស្រីភាព ព្រមទាំងក្រុមគ្រួសារ សូមទទួលបាននូវពុទ្ធពរទាំងបួនប្រការគឺ៖ អាយុ វណ្ណៈ សុខៈ ពលៈកុំបីឃ្លៀងឃ្លាតឡើយ។

សូមជម្រាបថា បើតាមក្រសួងមហាផ្ទៃ គិតពីម៉ោង១រសៀល ដល់ម៉ោង៦ល្ងាច ថ្ងៃទី៤ ខែមករា ឆ្នាំ២០២៦ មានជន​ភៀសសឹក ២៥.៤០៧នាក់បន្ថែមទៀត បានបន្តវិលទៅលំនៅឋានវិញ។ ដូច្នេះ ក្នុងចំណោមជនភៀសសឹក​សរុបជាង៦សែន៤ម៉ឺននាក់ មាន២៤២.២៦៧នាក់ ក្នុងនោះស្រី្ត ១២៧.៨៨៦នាក់ និងកុមារ៧៨.៩០៧នាក់ បន្តស្នាក់នៅជំរំភៀសសឹក៕

The post ឧកញ៉ា ហួន លីមីង ឧបត្ថម្ភភួយចំនួន ១០០០ភួយ ជូនរដ្ឋបាលខេត្តកណ្ដាល ដើម្បីជួយដល់ជនភៀសសឹក appeared first on .

ព្រះរាជក្រឹត្យផ្តល់គោរមងារឧកញ៉ាមួយទំព័រដល់លោក លោក ហួន លីមីង លោក ហុង ឆេងឈុន និងលោក កែវ ចំរ៉ុង ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តី។

សហគ្រិនទាំង៣ខាងលើ ទើបទទួលបានងារឧកញ៉ានាពេលនេះ គឺជាពាណិជ្ជករវ័យក្មេង ដែលកំពុងវិនិយោគក្នុងទឹកដីខេត្តកំពង់ស្ពឺដ៏មានឥទ្ធិពល។ មិនតែប៉ុណ្ណោះលោកទាំង៣ ក៏ជាស្ថាបនិកសំខាន់ៗចូលផ្តួចផ្តើមបង្កើតសមាគមសហគ្រិនយុវជនកម្ពុជាសាមគ្គីដើម្បីអភិវឌ្ឍន៍ ខណៈដែលលោក ហុង ឆេងឈុន ដែលត្រូវបានគេស្គាល់ថាជា ​អគ្គនាយក បុរី ឈុនទីន គឺជាសហស្ថាបនិក និងជាប្រធានសមាគម។

សមាគមសហគ្រិនយុវជនកម្ពុជាសាមគ្គីដើម្បីអភិវឌ្ឍន៍ បានប្រកាសជាផ្លូវការហើយ កាលពីថ្ងៃទី២៧ ខែមេសា ឆ្នាំ២០២៣កន្លងទៅ ដោយមានស្ថាបនិកសំខាន់ៗជិត១០រូប ដូចជា៖ លោក ហុង ឆេងឈុន, លោក ឯល រ៉ូហ្សែត, លោកឧកញ៉ា ឯល សិទ្ធីគ្រីយ៉ា, លោក តាំង សេងប៉, លោក កែវ ចំរុង, លោក ហួន លីមីង និងសហគ្រិនមួយចំនួនទៀត បានប្រមូលផ្តុំគំនិតគ្នាជាធ្លុងមួយ បង្កើតឲ្យចេញជារូបរាងឡើងក្នុងបរិបទកម្ពុជានាយុគសម័យឌីជីថល។

សូមជម្រាបថា សមាគមខាងលើ​នេះ​ បង្កើត​ឡើង​ក្នុង​គោលដៅ ​ដើម្បីចូលរួមសហការ និងគាំទ្រជាមួយរាជរដ្ឋាភិបាលជួយពង្រឹង ការទំនាក់ទំនង បង្រួបបង្រួម សាមគ្គីភាព ស្វែងរកនូវភាពរីកចម្រើន ពង្រឹងវប្បធម៌សាមគ្គីភាព ឯកភាពគ្នា ក្នុងស្មារតីជួយគ្នា​ទៅវិញទៅមក រវាងសហគ្រិនអាជីវករកម្ពុជា ដើម្បីទាក់ទាញអ្នកវិនិយោគពីក្រៅប្រទេស ប្រកបដោយសុខដុម៕

The post ថ្នាក់ដឹកនាំកំពូលសមាគម​​ CYEAD ៣រូប ទទួលបានគោរមងារ​ «ឧកញ៉ា» appeared first on .