លោក​ឧកញ៉ា ហ៊ុន ឡាក់ ​​បាន​ឱ្យដឹង កាលពី​ថ្ងៃទី១០ ខែសីហា ឆ្នាំ២០២៣​ យ៉ាង​ដូច្នេះ​ថា៖ “នៅក្នុងពេលអន្តរកាល យើងកំពុងតែបញ្ជូនឯកសារច្បាប់ស្តីពីការគ្រប់គ្រងគោរមងារឧកញ៉ា ​​ហើយ​ច្បាប់​នេះ​នឹង​ចេញ​ក្នុង​ពេលឆាប់ៗ​ខាង​មុខ។ ខាងសមាគមឧកញ៉ាកម្ពុជា បាន​ទទួល​ដំណឹង​ថា​ ឯកសារ​ច្បាប់​នេះ​បាន​ទៅ​ដល់​ព្រះមហាក្សត្រ​ហើយ។ ចំពោះ​ច្បាប់​នេះ​ មាន​ចែង​ជាក់លាក់​ហើយ ពី​គោរមងារ​ឧកញ៉ា ដូចជា ត្រូវ​ចូល​រួម​ចំណែក​អ្វីខ្លះ ការ​វាយតម្លៃ​ក្នុងការស្នើ​​ប្រទាន​គោរមងារ​ជា​ឧកញ៉ា ក៏​ដូចជា​ ការ​ដកហូត​គោរមងារ​ឧកញ៉ា”។

លោក​ឧកញ៉ា បាន​បន្ថែម​ទៀត​ថា ពីមុន​​មក យើង​មិន​ដែល​ធ្លាប់​មាន​នីតិវិធី​​គ្រប់គ្រង​ឧកញ៉ា​បែប​នេះ​ទេ ដូច្នេះ​ហើយ​បាន​ជា​​មាន​ការ​កើត​ឡើង​នូវ​បញ្ហា​មួយ​ចំនួន ប៉ុន្តែ​បើ​និយាយ​ពី​តួលេខ ​ក្នុង​ចំណោមឧកញ៉ា​​​​​​ជាង ១៣០០​នាក់​នៅ​កម្ពុជា​បច្ចុប្បន្ន​ ឧកញ៉ា​ដែល​មាន​បញ្ហា (រឿង​អាស្រូវ) ​គឺ​មាន​ចំនួន​តិច​តួច​ទេ ហើយ​សមាគម​ក៏​មាន​ការ​សោកស្តាយ​មែនទែន​ចំពោះ​រឿង​ទាំង​នេះ ដោយសារ​ពួកគាត់​ជា​អ្នក​រកស៊ី និង​​ប្រព្រឹត្ត​មិន​បាន​ត្រឹមត្រូវ។ ចំពោះ​ពេល​ខាង​មុខ​ សមាគម​នឹង​ធ្វើការ​សម្របសម្រួល ក៏​ដូចជា​ធ្វើ​ការ​អំពាវនាវ​ទៅ​ដល់ អ្នក​ដែល​ទទួល​បាន​គោរមងារ​ឧកញ៉ា សូម​ឱ្យ​ជួយ​លើក​នូវ​គុណ​​តម្លៃ​អ្នក​មាន​គោរមងារ​ឧកញ៉ា ចូល​រួម​ចំណែក​ក្នុង​ការ​សហការ ក៏​ដូចជា​ការ​ចូលរួម​ចំណែក​ការងារ​សង្គម​ផ្សេងៗ។

យោងតាមស្ថិតិគិតមកត្រឹមខែមិថុនា ឆ្នាំ២០២៣ កម្ពុជាមានចំនួនឧកញ៉ា និងអ្នកឧកញ៉ា ប្រមាណ​ជាង​ ១,៣០០នាក់។ បើតាមសម្តេច​ ស ខេង រដ្ឋមន្រ្តីក្រសួងមហាផ្ទៃបានបញ្ជាក់ថា បច្ចុប្បន្នកម្ពុជាមានអនុក្រឹត្យមួយ​ពាក់ព័ន្ធនឹងឧកញ៉ា ហើយរដ្ឋក៏បានផ្ដល់គោរមងារឧកញ៉ាជូនសប្បុរសជនមានទឹកចិត្តសប្បុរសជួយជាតិ និងប្រជាជន ហើយក៏មានលំដាប់ឧកញ៉ាចំនួន៣ដែរដែលរួមមាន ឧកញ៉ា អ្នកឧកញ៉ា និងលោកអ្នកឧកញ៉ា ព្រមទាំងមានសមាគមធ្វើការងារពាក់ព័ន្ធនឹងឧកញ៉ាត្រូវបានបង្កើតឡើងជាបន្តបន្ទាប់។

សូម​ជម្រាប​ដែរថា បើយោងតាមសេចក្ដីព្រាង ព្រះរាជក្រឹត្យ ស្ដីពី​គោរមងារឧកញ៉ា គឺ​មាន១០ជំពូក ដែលមាន​ចែង​អំពីបទប្បញ្ញត្តិទូទៅ ស្ថាប័នមានសមត្ថកិច្ច លក្ខខណ្ឌ និងលក្ខណៈសម្បត្តិ ដែលត្រូវផ្ដល់គោរមងារឧកញ៉ា យន្តការវាយតម្លៃ ឯកសណ្ឋានផ្លូវការរបស់គោរមងារ សិទ្ធិ និងកាតព្វកិច្ច ការបញ្ចប់គោរមងារ អន្តរប្បញ្ញត្តិ និងអវសានប្បញ្ញត្តិ៕

The post ព្រះរាជក្រឹត្យស្ដីពីគោរមងារឧកញ៉ា បានទៅដល់ព្រះមហាក្សត្រ ត្រៀមឡាយព្រះហស្ថលេខាហើយ appeared first on .

តាម​​របាយការណ៍​​លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ​ដែល​បាន​​ថ្លែង​ក្នុងសន្និបាត និងការបោះ​ឆ្នោតជ្រើសតាំងប្រធានក្រុមប្រឹក្សាភិបាល ប្រធានសហព័ន្ធ និងសមាជិកក្រុមប្រឹក្សាភិបាល នៃ​សហព័ន្ធ​ស្រូវ​អង្ករ​កម្ពុជា​ សម្រាប់អាត្តិទី៤ កាល​ពី​ថ្ងៃទី​២៣ ខែ​វិច្ឆិកា ឆ្នាំ​២០២២ ​​បាន​ឱ្យ​ដឹង​ថា សម្រាប់រយៈពេល ៣ឆ្នាំ នៃអាណត្តិទី៣ នេះ ទោះស្ថានការណ៍នៃកូវីដ-១៩ ក្រសួងពាណិជ្ជកម្មបានឃើញ​នូវវឌ្ឍនភាព​សំខាន់ៗ ​ដែលសហព័ន្ធស្រូវអង្ករកម្ពុជាបានសម្រេចការងារ មួយចំនួនដូចខាងក្រោម៖

១. បានពង្រឹងបាននូវមូលដ្ឋានដឹកនាំរបស់សហព័ន្ធ ដែលរៀបចំបាននូវការិយាល័យអចិន្ត្រៃយ៍
២. ការធ្វើប្រព័ន្ធប្រតិបត្តិការងារមានស្តង់ដារ ISO 9001:2015
៣. ការរៀបចំ គណនេយ្យភាពលើប្រព័ន្ធហិរញ្ញវត្ថុ ដោយមានសវនកម្មច្បាស់លាស់ពីសវនករឯករាជ្យ
៤. ការសម្របសម្រួល និងសហប្រតិបត្តិការគ្រប់ស្ថាប័នរដ្ឋ និងអង្គការដៃគូអភិវឌ្ឍន៍នានា
៥. ជាដៃគូរយ៉ាងពេញលេញជាមួយក្រុមហ៊ុនហ្គ្រីនត្រេដ ក្រសួងពាណិជ្ជកម្ម ក្នុងការតាមដានការជួយ​សម្រួលដល់ចរាចរអង្ករនៅតាមតំបន់ដែលការបិទខ្ទប់ ក្នុងដំណាក់កាលនៃការរីករាលដាលជំងឺកូវីដ-១៩ នៅគ្រប់ភូមិសាស្ត្រ និងការរក្សាបាននូវស្ថិរភាពតម្លៃស្រូវ អង្ករលើទីផ្សារ។
៦. ចូលរួមយ៉ាងសកម្មជាមួយក្រសួងពាណិជ្ជកម្ម ក្នុងការចរចាពង្រីកទីផ្សារនាំចេញ និងការសម្របសម្រួល​លើអនុស្សរណៈយោគយល់ MOU ដើម្បីនាំអង្ករចេញកាន់ទីផ្សារប្រទេសចិន ទីម័រខាងកើត (Timor Lester) ហ្វីលីពីន បង់ក្លាដេស ។ល។
៧. ការធ្វើបច្ចុប្បន្នភាពជាប្រចាំលើសន្ទុះតម្លៃ អង្ករ ស្រូវ ក្នុងស្រុក និងសម្រាប់នាំចេញ ដើម្បីផ្សព្វផ្សាយ​ជូន​សមាជិក និងប្រជាកសិករ។
៨. ជាអ្នកសម្របសម្រួលលើការនាំអង្ករចេញរបស់រាជរដ្ឋាភិបាលទៅកាន់ប្រទេសគុយបា ចំនួន ៦ពាន់​តោន ។

សូម​បញ្ជាក់​ផង​ដែរ​ថា សម្រាប់​​ការ​បោះឆ្នោត​​ជ្រើសរើស​ថ្នាក់ដឹកនាំ​សហព័ន្ធ​​​ស្រូវ​អង្ករ​កម្ពុជា ​​កាល​ពី​ថ្ងៃ​ពុធ​ម្សិល​មិញ ​​បាន​បង្ហាញ​ឱ្យ​ដឹង​ថា ប្រធានសហព័ន្ធស្រូវអង្ករកម្ពុជា អាណត្តិទី៤ បានទៅលើ ឧកញ៉ា ចាន់ សុឃាំង ខណៈ​ដែល​ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បាន​ទៅ​លើ ឧកញ៉ា សុង សារ៉ន ជំនួស​តំណែង​លោក​ឧកញ៉ា ហ៊ុន ឡាក់។

​សហព័ន្ធស្រូវអង្ករកម្ពុជា ត្រូវបានបង្កើតឡើងក្រោមកិច្ចប្រឹងប្រែង​សម្របសម្រួលរបស់​ក្រសួង​ពាណិជ្ជកម្ម នៅឆ្នាំ២០១៤ ហើយបានទទួលស្គាល់ដោយរាជរដ្ឋាភិបាល តាមរយៈអនុក្រឹត្យលេខ​២២៨ អនក្រ.បក ចុះថ្ងៃទី៨ ខែសីហា ឆ្នាំ២០១៤ ដោយស្ថិតក្រោមអាណាព្យាបាល​បច្ចេកទេសរបស់​ក្រសួង​ពាណិជ្ជកម្ម ដែលជាដៃគូរាជរដ្ឋាភិបាលតែមួយគត់ ក្នុងការអនុវត្តគោលនយោបាយ​ស្តីពីការជំរុញ​ផលិតកម្មស្រូវ និងការនាំចេញអង្ករ ដែលរហូតដល់ពេលនេះមានរយៈពេល ៩ឆ្នាំ៕

The post តើឧកញ៉ា២រូប ដឹកនាំសហព័ន្ធស្រូវអង្ករកម្ពុជា ៣ឆ្នាំកន្លងទៅ សម្រេចបានសមិទ្ធផលអ្វីខ្លះ? appeared first on .

ដោយឡែក ជុំវិញទៅនឹងការនាំចេញអង្ករនេះដែរ មានឈ្មួញនាំចេញអង្ករជាច្រើនកំពុងតែប្រណាំងប្រជែងគ្នាយ៉ាងស្វិតស្វាញដើម្បីដណ្តើមកេរ្តិ៍ឈ្មោះ កិត្តិយស និងទីផ្សារនៅលើឆាកអន្តរជាតិ។ ទន្ទឹមគ្នានេះ បច្ចុប្បន្ននៅកម្ពុជា ក៏មានអ្នកមានអំណាចនិងសេដ្ឋីឧកញ៉ា ក៏កំពុងធ្វើជំនួញលើការនាំចេញអង្ករទៅកាន់ទីផ្សារអន្តរជាតិផងដែរ។

តើពួកគាត់ទាំងនោះជានណាខ្លះ? ថ្ងៃនេះសារព័ត៌មាន ឧកញ៉ា ញ៉ូស និងណែនាំឲ្យស្គាល់ កំពូលឧកញ៉ា ឆ្នើមៗទាំង៤រូបរបស់កម្ពុជា ដែលកំពុងធ្វើជំនួញលើនាំចេញអង្ករ ក្នុងនោះរួមមាន៖

ទី១៖ ឧកញ៉ា ភូ ពុយ

ឧកញ៉ា ភូ ពុយ ជាឈ្មួញអង្ករដ៏ល្បីល្បាញចាស់វស្សាម្នាក់នៅក្នុងប្រទេសកម្ពុជា។ គាត់ជាអគ្គនាយកក្រុមហ៊ុននាំចេញអង្ករដ៏ធំមួយ ដែលមានឈ្មោះថា ក្រុមហ៊ុន BAITANG (KAMPUCHEA) PLC។ មិនតែប៉ុណ្ណោះ លោកឧកញ៉ា ភូ ពុយ ក៏ទីប្រឹក្សាសហព័ន្ធស្រូវអង្ករកម្ពុជាផងដែរ។ ក្រៅពីរកស៊ីស្រូវអង្ករនេះដែរ ឧកញ៉ាដែលរស់នៅក្នុងខេត្តបាត់ដំបងរូបនេះ ក៏មានមុខជំនួញជាច្រើនក្នុងដៃផងដែរ

ទី២៖ ឧកញ៉ា គឹម សាវុធ

លោកឧកញ៉ា ក៏ជាមេឈ្មួញអង្ករជើងខ្លាំងចាស់វស្សាក្រែលដែរ ក្នុងចំណោមមេឈ្មួញអង្ករធំៗទាំងអស់នៅកម្ពុជា។ ឧកញ៉ា គឹម សាវុធ បច្ចុប្បន្នជាអគ្គនាយកក្រុមហ៊ុន KHMER FOOD GROUP CO., LTD ដែលជាក្រុមហ៊ុនដ៏ធំមួយនៅកម្ពុជាក្នុងការនាំអង្ករទៅលក់នៅលើទីផ្សារអន្ដរជាតិ។ ក្រៅពីរកស៊ីខាងស្រូវអង្ករ លោកក៏មានមុខជំនួញជាច្រើនផ្សេងទៀតដែរ។

ទី៣៖ ឧកញ៉ា សុង សារ៉ន

លោកឧកញ៉ា សុង សារ៉ន ៖បច្ចុប្បន្នលោកជា ប្រធានសហព័ន្ធស្រូវអង្ករកម្ពុជា។ក្រៅពីប្រធានសហព័ន្ធស្រូវអង្ករកម្ពុជាហើយនោះ លោកឧកញ៉ា វ័យក្មេងរូបនេះ ក៏ជាអគ្គនាយកក្រុមហ៊ុន AMRU RICE (CAMBODIA) CO., LTD ដែលត្រូវបានគេដឹថា ជាក្រុមហ៊ុនដ៏ល្បីឈ្មោះមួយផងដែរ ខាងនាំអង្ករចេញទៅទីផ្សារអន្តរជាតិ។ឧកញ៉ា សុង សារ៉ន រាប់ចាត់ទុកថា ជាពាណិជ្ជករដ៏មានសក្តានុពលវ័យក្មេងមួយរូបផងដែរ នៅក្នុងប្រទេសកម្ពុជា។

ទី៤៖ ឧកញ៉ា ចាន់ សុខឃាំង

ឧកញ៉ា ចាន់ សុឃាំង អគ្គនាយកក្រុមហ៊ុន SIGNATURES OF ASIA CO., LTD គឺជាពាណិជ្ជករនាំចេញអង្ករដ៏ល្បីល្បាញមួយរូបដែរ ដែលបាននាំចេញអង្ករទៅកាន់ទីផ្សារអន្តរជាតិផងដែរ។ ក្រៅពីធ្វើជំនួញលើការនាំចេញអង្ករហើយនោះ លោកក៏មានមុខ​ជ​ំនួញប្រាក់លានជាច្រើនទៀតនៅក្នុងដៃ។

ទី៥៖ ឧកញ៉ា ហ៊ុន ឡាក់

ឧកញ៉ា ហ៊ុន ឡាក់ ជាប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា និងជាអគ្គនាយកក្រុមហ៊ុននាំចេញអង្ករ Mekong Oryza Trading។ ក្រុមហ៊ុន Mekong Oryza Trading គឺជារោងម៉ាស៊ីនកិនស្រូវមួយដែលបានចុះហត្ថលេខាលើអនុស្សរណៈយោគយល់គ្នា (MoU) ជាមួយក្រុមហ៊ុនបរទេសមកពីទីក្រុងហុងកុង និងអាហ្វ្រិក ដើម្បីពង្រីកការនាំចេញអង្ករពីកម្ពុជាទៅចិន អឺរ៉ុប និងអាហ្វ្រិកខាងត្បូងដែលទីផ្សារថ្មីរបស់កម្ពុជា។

គួរបញ្ជាក់ដែរថា បើតាមការបញ្ជាក់ពីអ្នករកស៊ីនៅក្នុងវិស័យស្រូវអង្ករកម្ពុជា ធ្លាប់បានឲ្យដឹងថា ទោះបីជាមានឈ្មួញធំៗជាច្រើនទៀត បានធ្វើការនាំចេញអង្កររបស់កម្ពុជាទៅកាន់ទីផ្សារអន្តរជាតិបែបនេះក្តី ប៉ុន្តែ បើយើងពិនិត្យទៅមើលតួលេខ ឬ បរិមាណនៃការនាំចេញរបស់ប្រទេសកម្ពុជាហាក់បីដូចជាមានកម្រិតតិចតួចនៅឡើយ បើប្រៀបធៀបទៅនឹងប្រទេសជិតខាងដូចជា ប្រទេសថៃ វៀតណាម ដែលក្នុងមួយឆ្នាំៗ ប្រទេសទាំងពីរនេះបាននាំចេញអង្ករទៅកាន់ទីផ្សារក្រៅប្រទេសរាប់លានតោនឯណោះ។ ដូច្នេះ អ្នករកស៊ីនៅក្នុងវិស័យស្រូវអង្ករកម្ពុជា នៅតែទាមទារឲ្យមានការពង្រីកទីផ្សារនាំចេញអង្កររបស់ប្រទេសកម្ពុជាឲ្យបានកាន់តែច្រើនបន្ថែមទៀត៕

The post ឧកញ៉ាឆ្នើម៥រូប កំពុងធ្វើជំនួញលើការនាំចេញអង្ករ appeared first on .

បើតាមលោក ងិន ឆាយ កម្ពុជាក៏កំពុងជួបបញ្ហាប្រឈមមួយចំនួនដែរ ដូចជាការមិនទាន់មានគ្រាប់ពូជស្រូវគុណភាពល្អសម្រាប់ដាំដុះគ្រប់គ្រាន់ ប្រព័ន្ធស្រោចស្រពមិនទាន់គ្របដណ្តប់ពេញលេញ កសិករមួយចំនួនប្រើប្រាស់ជីគីមីមិនទាន់ត្រឹមត្រូវ ថ្លៃដើមធាតុចូលកសិកម្មនៅមានតម្លៃថ្លៃ និងការផលិតពូជមិនទាន់មានលក្ខណៈប្រមូលផ្តុំ។

ទន្ទឹមនឹងនោះ លោកក៏បានបង្ហាញអំពីការជំរុញការធ្វើទំនើបកម្មនៃប្រព័ន្ធគ្រប់គ្រង និងសេវាកម្មនានា ជាពិសេស ការស្នើសុំវិញ្ញាបនប​ត្រ​ ភូតគាមអនាម័យ។

ថ្លែងក្នុងឪកាសនេះដែរ ឧកញ៉ា ហ៊ុន​ឡាក់ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា គូសបញ្ជាក់ថា ក្នុងឆ្នាំ​២០២១ ទោះបីជាស្ថិតនៅក្នុងកាលៈទេសៈប្រឈមនៃការរីករាលដាលជំងឺកូវី-១៩ យ៉ាងណាក៏ដោយ ការនាំចេញរបស់កម្ពុជាសម្រេចបានចំនួន ៦១៧ ០៦៩ តោន ស្មើនឹង ៤១៨.១៥ លានដុល្លា​រ​សហរដ្ឋ​អាមេរិក។ ដោយឡែក ការនាំស្រូវចេញវិញសម្រេចបានចំនួន ៣ ៥២៧ ៤១៨ តោន ស្មើលនឹង ៨៤៥.៩៥​ លាន​ដុល្លា​រ​សហរដ្ឋអាមេរិក។

លោកបន្តថា បើនិយាយជារួម គឺការនាំចេញស្រូវនិងអង្ករសរុបបានចំនួនជាង​ ១ ២០០ លានដុល្លារសហរដ្ឋអាមេរិក ឬ ​ចំណូលពីការនាំចេញជាមធ្យមប្រមាណជា ១០០ លានដុល្លារសហរដ្ឋអាមេរិក្នុងមួយខែ ដែលជាប្រភពចំណូលសេដ្ឋកិច្ចមួយយ៉ាងសំខាន់សម្រាប់ប្រទេសកម្ពុជា ជាពិសេសប្រជាកសិករក្នុងស្ថានការណ៍នៃការរីករាលដាលនៃជំងឺឆ្លងកូវីដ-​១៩។

ឧកញ៉ា សុង​ សារ៉ន ប្រធានសហព័ន្ធស្រូវអង្ករកម្ពុជា ក៏បានធ្វើការស្ទាបស្ទង់ពីលទ្ធភាពនៃការកិនកែច្នៃលើបរិមាណ ៧៥ ម៉ឺនតោននេះ ដែលលោកថា យើងមានសមត្ថភាពគ្រប់គ្រាន់លើការកិន-កែច្នៃ និងការស្តុកទុក បើស្ថានភាពនៃជំងឺកូវីដ-១៩ បានធូរស្បើយ ហើយមានទូកុងតែន័រគ្រប់គ្រាន់ និងការដឹកជញ្ជូនតាមផសមុទ្រវិលមករកប្រក្រតីភាពវិ​ញ​​។

លោកឧកញ៉ាថ្លែងបញ្ជាក់ថា មូលដ្ឋានទីផ្សារ គឺយើងមានហើយ ជាពិសេសប្រទេសចិន ប្រមាណជា ៤០ម៉ឺនតោនក្នុងដៃ ទីផ្សារសហគម​ន៍អឺរ៉ុបបានបើកទូលាយ ចំណែកទីផ្សារប្រទេសអាស៊ាន ជាពិសេសប្រទេសម៉ាឡេស៊ី ព្រុយណេ និងទីផ្សារផ្សេងៗទៀតដូចជា ប្រទេសអូស្ត្រាលី ហ្កាប៊ុង ជាដើម។

ជាមួយគ្នានេះ លោក សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាសហប្រធានក្រុមការងារ ឈ ផ្នែកស្រូវអង្ករនៃវេទិការរាជរដ្ឋាភិបាលវិស័យឯកជន ក៏បានអំពាវនាវឱ្យបន្តនូវការសហការគ្នាឱ្យបានរឹងមាំបន្ថែមទៀតដើម្បីឱ្យផែនការនាំចេញឆ្នាំ​២០២២ នេះសម្រេចចទៅបាននឹងឈានទៅរកការនាំចេញអង្ករកម្ពុជាឱ្យបាន ១លានតោនក្នុងពេលដ៏ខ្លីខាងមុខ៕

The post មន្រ្តីរដ្ឋាភិបាលថា កម្ពុជាកំពុងជួបបញ្ហាប្រឈមលើកសិករមួយចំនួនប្រើប្រាស់ជីគីមីមិនទាន់ត្រឹមត្រូវ  appeared first on .

ឧកញ៉ា ហ៊ុន ឡាក់ បានលើកឡើងថា បើទោះស្ថានការណ៍នៃការរីករាលដាលនៃជំងឺឆ្លងកូវីដ-​១៩ យ៉ាងណាក៏ដោយ វិស័យនាំចេញអង្ករកម្ពុជា បានធ្វើការនាំចេញសរុបចំនួន ៦១៧,០៦៩ តោន គិតជាទឹកប្រាក់មានចំនួន ៤១៨.១៥ លានដុល្លា​រ​សហរដ្ឋ​អាមេរិក។ ចំណែក ការនាំស្រូវចេញបានចំនួន ៣ ៥២៧ ៤១៨ តោន ស្មើនឹងទឹកប្រាក់ប្រមាណជា ៨៤៥.៩៥​ លាន​ដុល្លា​រ​សហរដ្ឋអាមេរិក។

នៅក្នុងកិច្ចប្រជុំប្រចាំឆ្នាំនេះ សហព័ន្ធស្រូវអង្ករកម្ពុជា ក៏បានបង្ហាញអំពីការសម្រេចការងារបានក្នុងឆ្នាំ ២០២១ លើការជំរុញការនាំចេញ បើទោះបីជាស្ថិតក្នុងបរិបទនៃការីករាលដាលនៃជំងឺកូវីដ-១៩​ ក៏ដោយ និងការកំណត់គោដៅសម្រាប់ការនាំចេញក្នុងឆ្នាំ​២០២២ លើបរិមាណ ៧៥ម៉ឺនតោន ដែលការងារសំខាន់ គឺធ្វើកិច្ចសហប្រតិបត្តិការឱ្យបានល្អប្រសើរជាមួយគ្រប់ស្ថាប័ន អង្គការអន្តរជាតិ នានា។

ឧកញ៉ា សុង​ សារ៉ន ប្រធានសហព័ន្ធស្រូវអង្ករកម្ពុជា ក៏បានធ្វើការស្ទាបស្ទង់ពីលទ្ធភាពនៃការកិនកែច្នៃលើបរិមាណ ៧៥ ម៉ឺនតោននេះ គឺមានសមត្ថភាពគ្រប់គ្រាន់លើការកិន-កែច្នៃ និងការស្តុកទុក បើស្ថានភាពនៃជំងឺកូវីដ-១៩ បានធូរស្បើយ ហើយមានទូកុងតែន័រគ្រប់គ្រាន់ និងការដឹកជញ្ជូនតាមផែសមុទ្រវិលមករកប្រក្រតីភាពវិ​ញ​​។

លោកថ្លែងថា មូលដ្ឋានទីផ្សារ គឺយើងមានហើយ ជាពិសេសប្រទេសចិន ប្រមាណជា ៤០ម៉ឺនតោនក្នុងដៃ ទីផ្សារសហគម​ន៍អឺរ៉ុបបានបើកទូលាយ ចំណែកទីផ្សារប្រទេសអាស៊ាន ជាពិសេសប្រទេសម៉ាឡេស៊ី ព្រុយណេ និងទីផ្សារផ្សេងៗទៀតដូចជា ប្រទេសអូស្ត្រាលី ហ្កាប៊ុង ជាដើម៕

The post សហព័ន្ធស្រូវអង្ករកម្ពុជា កំណត់គោដៅនាំចេញក្នុងឆ្នាំ​២០២២ លើបរិមាណ ៧៥ម៉ឺនតោន នេះបើទូកុងតែន័រមានគ្រប់គ្រាន់ appeared first on .

ក្រុមហ៊ុនដែលបាននាំចេញអង្ករមានចំនួន ៦២ក្រុមហ៊ុន ហើយបរិមាណអង្ករដែលបាននាំចេញដោយ ក្រុមហ៊ុនធំៗចំនួន១០ មានរហូតដល់ ៤៥ម៉ឺនតោន និងក្រុមហ៊ុន ៥២ដទៃទៀតបាននាំចេញ ត្រឹមតែ ១៦ម៉ឺនតោន។ នេះបើតាមរបាយការណ៍ក្រសួងកសិកម្ម។

សារព័ត៌មានឧកញ៉ាញូស៍ នៅថ្ងែនេះសូមណែនាំលោកអ្នកមកស្គាល់ក្រុមហ៊ុនចំនួន ៥ ដែលកំពុងប្រតិបត្តិការនាំចេញទៅក្រៅប្រទេសយ៉ាងសកម្មក្នុងការជំរុញកំណើនសេដ្ឋកិច្ចជាតិ ខណៈកសិកម្មបានចូលរួមចំណែកប្រមាណ ២២% នៃផលិតផលក្នុងស្រុកសរុប​(GDP) របស់កម្ពុជា ហើយមនុស្សចំនួនប្រហែល ៣ លាននាក់ធ្វើការក្នុងវិស័យ​នេះ។

១-ក្រុមហ៊ុន បៃតង របស់ឧកញ៉ា ភួ ពុយ

ក្រុមហ៊ុនបៃតង ដែលមានរោងចក្រខ្នាតធំ ទំនើប និងមានសមត្ថភាពផលិតបានច្រើនជាងគេ ស្ថិតក្នុងខេត្តបាត់ដំបង ដោយចាប់ផ្តើមផលិត កែច្នៃ និងនាំចេញអង្ករផ្គត់ផ្គង់ទៅកាន់ទីផ្សារអន្តរជាតិ តាំងពីឆ្នាំ២០១០ មកទល់បច្ចុប្បន្ន។ បច្ចុប្បន្នក្រុមហ៊ុន បៃតង ដឹកនាំដោយឧកញ៉ា ភួ វាសនា នាយកប្រតិបត្តិ និងអនុប្រធានសហព័ន្ធស្រូវអង្ករកម្ពុជា។

២-ក្រុមហ៊ុន CITY RICE

ក្រុមហ៊ុន City Rice Import-Export គឺជាក្រុមហ៊ុនផលិតអង្ករធំជាងគេមួយនៅខេត្តបាត់ដំបង​ ដោយដឹកនាំផ្ទាល់ដោយ ឡាយ អានឌី ជាប្រធានក្រុមហ៊ុន City Rice Group និងជានាយកប្រតិបត្តិ។

៣-ក្រុមហ៊ុន AMRU RICE (Cambodia)

Amru Rice ជា​រោង​ម៉ាស៊ីនកិនស្រូវ ​ឈានមុខ​គេ​មួយ​ក្នុង​ការជំរុញ​ការនាំចេញ​អង្ករ​កម្ពុជា​ទៅ​ទីផ្សារ​អន្តរជាតិ ដែល​ឱ្យ​កម្ពុជា​ក្លាយ​ជា​ប្រទេសមួយ​ក្នុង​ចំណោម​ប្រទេស​នាំចេញ​អង្ករ​សំខាន់ៗ​ក្នុង​ចង្វាក់​ផ្គត់ផ្គង់​ស្បៀង​ពិភពលោក​។ Amru Rice បង្កើតឡើងដោយឧកញ៉ា សុង សារ៉ន និងនិងជាប្រធានសហព័ន្ធស្រូវអង្ករកម្ពុជា បច្ចុប្បន្នក្រុមហ៊ុននេះដឹកនាំដោយលោកស្រី អ្នកស្រី ឃី មុនី អគ្គនាយិការ។

៤-ក្រុមហ៊ុន KHMER FOODS

KHMER FOODS មានរោងម៉ាស៊ីនកិនស្រូវ នៅស្រុកគងពិសី ខេត្តកំពង់ស្ពឺ ដែលដឹកនាំដោយឧកញ៉ា គឹម សាវុធ ជាអគ្គនាយក ហើយជាក្រុមហ៊ុនដ៏ធំមួយនៅកម្ពុជាក្នុងការនាំអង្ករទៅលក់នៅលើទីផ្សារអន្ដរជាតិ។

៥ ក្រុមហ៊ុន Mekong Oryza Trading

ក្រុមហ៊ុន​ Mekong Oryza Trading គឺជារោងម៉ាស៊ីនកិនស្រូវមួយដែលបាន​ចុះហត្ថលេខា​លើ​អនុស្សរណៈ​យោគយល់​គ្នា (MoU) ​ជាមួយ​ក្រុមហ៊ុន​បរទេស​មកពី​ទីក្រុង​ហុងកុង និង​អាហ្វ្រិក ដើម្បី​ពង្រីក​ការនាំចេញ​អង្ករ​ពី​កម្ពុជា​ទៅ​ចិន អឺរ៉ុប និង​អាហ្វ្រិក​ខាងត្បូង​ដែល​ទីផ្សារ​ថ្មី​របស់​កម្ពុជា។ ក្រុមហ៊ុននេះដឹកនាំដោយឧកញ៉ា ហ៊ុន ឡាក់ ប្រធាន​ក្រុមហ៊ុន និងជាប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា។

សប្តាហ៍ក្រោយសារព័ត៌មានឧកញ៉ាញូស៍ នឹងផ្សាយជូនប្រិយមិត្តឲ្យស្គាល់រោងម៉ាស៊ីនកិនស្រូវ ព្រមទាំងថ្នាក់ដឹកនាំក្រុមហ៊ុនដែលមានភាពល្បីល្បាញខាងនាំអង្ករចេញទៅទីផ្សារអន្តរជាតិបន្តទៀត៕

សូមចុចអានអត្ថបទទាក់ទង៖

The post ណែនាំឲ្យស្គាល់ថ្នាក់ដឹកនាំក្រុមហ៊ុន រោងម៉ាស៊ីនកិនស្រូវដែលល្បីនាំអង្ករចេញទៅកាន់ទីផ្សារអន្តរជាតិ appeared first on .

The post ឧកញ៉ា ហ៊ុន ឡាក់៖ តម្លៃដឹកជញ្ជូន និងកង្វះទូកុងតែន័រ បានធ្វើឱ្យការនាំចេញអង្ករមិនទទួលបាននូវកំណើនដូចការរំពឹងទុក appeared first on .

លោកឧកញ៉ា ហ៊ុន ឡាក់ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បានលើកឡើងថា ក្នុងនាមជាវិស័យឯកជន ដែលនិយោគលើវិស័យកសិកម្ម និងកសិផលិតកម្ម រំពឹងថា បន្ទាប់កិច្ចព្រមព្រៀងពាណិជ្ជកម្មរវាងកម្ពុជា និងកូរ៉េនេះ នឹងជួយពង្រីកទីផ្សារ ការនាំចេញ បង្កើនបរិមាណច្រើន និងទទួលបានតម្លៃបន្ថែម ខណៈដែលកន្លងមកកម្ពុជាពឹងផ្អែកខ្លាំង លើការនាំចេញទៅប្រទេសជិតខាងទាំងពីរ គឺថៃ និងវៀតណាម។

អ្នកជំនាញកសិកម្មដែលកំពុងវិនិយោគលើវិស័យកសិកម្មផ្នែកដាំចេកអំបូងលឿង និងស្វាយ នាំចេញទៅប្រទេស បានប្រាប់ Fresh News ថា កូរ៉េគឺជាទីផ្សារធំមួយសម្រាប់កសិផលកម្ពុជា បន្ថែមពីលើចិន ហើយកសិផលរបស់កម្ពុជាដែលនាំទៅកូរ៉េក៏ទទួលបានតម្លៃថ្លៃ ប៉ុន្តែត្រូវមានស្តង់ខ្ពស់ ដែល អ្នកផលិតត្រូវពង្រឹងការផលិតឱ្យស្របតាមស្តង់បច្ចេកទេស គុណភាព និងមានសោភ័ណ្ឌភាពការវេចខ្ចប់ ទើបអាចបង្កើនគុណតម្លៃបាន។

បើតាមរដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ លោក វេង សាខុន បានឲ្យដឹងថា លទ្ធផលនៃការនាំចេញកសិផលរបស់កម្ពុជាទៅកាន់សាធារណរដ្ឋកូរ៉េ នៅត្រឹម ៩ខែ ឆ្នាំ២០២១នេះ មានចំនួន ១ ២០៤,៨២ តោន បើធៀបនឹងឆ្នាំ២០២០ មានចំនួន ៥៨៤,៨៤ តោន ចំណែកឆ្នាំ២០១៩ មានចំនួន ៦ ០០៨,២០ តោន។

កិច្ចព្រមព្រៀងនេះ ក៏នឹងជំរុញកំណើននៃការនាំចេញ កំណើនផលទុនសរុបក្នុងស្រុក និងកំណើនឱកាសការងារ ព្រមទាំងជួយស្តារឡើងវិញនូវសេដ្ឋកិច្ច ការជំរុញការនាំចេញរបស់កម្ពុជា ទៅកាន់សាធារណរដ្ឋកូរ៉េបន្ថែមទៀតដូចជា ផលិតផលសម្លៀកបំពាក់ និងវាយនភណ្ឌ ស្បែកជើង កាបូប គ្រឿងបន្លាស់ ឧបករណ៍អេឡិចត្រូនិក កៅស៊ូ និងផលិតផលកសិកម្មជាដើម ៕

The post ឧកញ៉ា ហ៊ុន ឡាក់៖ កិច្ចព្រមព្រៀងនេះ នឹងជួយកម្ពុជាពង្រីកទីផ្សារនាំចេញទៅកូរ៉េ ខណៈកន្លងមកពឹងផ្អែកខ្លាំងទៅលើថៃ វៀតណាម appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ឧកញ៉ា ហ៊ុន ឡាក់ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា និង ឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជា បានផ្តល់ជំនួយជាអង្ករចំនួន ១០០តោន ដល់ លោក វង់ សណ្តាប់ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មការជាតិគ្រប់គ្រង និងដឹកនាំការអនុវត្តវិធានការបិទខ្ទប់ ជាមួយនិងអង្ករជំនួយទាំង១០០តោននេះ ត្រូវបានប្រគល់ជូនបន្តទៅគណ:អភិបាលរាជធានីភ្នំពេញ ដែលមានលោក កើត ឆែ អភិបាលរងរាជធានីភ្នំពេញ ដើម្បីចាត់ចែងផ្តល់ជូនគ្រួសារប្រជាជនក្រីក្រ នៅក្នុងតំបន់បិទខ្ទប់ក្នុងរាជធានីភ្នំពេញ។

អង្ករជំនួយចំនួន ១០០ តោននេះ គឺកើតចេញពីទឹកចិត្តសប្បុរសធម៌ និងការគាំទ្ររបស់បងប្អូនធុរកិច្ចជន និងភាគីពាក់ព័ន្ធ នៅក្នុងវិស័យស្រូវអង្ករចំនួន៦៥ស្ថាប័ន រួមមាន ក្រុមហ៊ុននាំចេញអង្ករ រោងម៉ាស៊ីនកិនស្រូវ ធនាគារ ក្រុមហ៊ុនវេចខ្ចប់ ក្រុមហ៊ុនត្រួតពិនិត្យគុណភាព និងក្រុមហ៊ុនភស្តុភារដឹកជញ្ជូនជាដើម សម្រាប់ប្រគល់ជូនរាជរដ្ឋាភិបាល ដែលតែងតែជួយទំនុកបម្រុងដល់វិស័យស្រូវអង្កកម្ពុជា ហើយដោយបានយល់ច្បាស់នូវភាពប្រាកដប្រជា និងគត់មត់នៃគោលនយោបាយគាំពារ និងជួយដល់ប្រជាជនដែលខ្វះខាតរបស់ប្រមុខរាជរដ្ឋាភិបាល។

ការផ្តល់ជំនួយនៅថ្ងៃនេះ គឺជាផ្នែកមួយបន្ថែមលើវិធានការនានា ដែលសហព័ន្ធស្រូវអង្ករកម្ពុជា បាននិងកំពុងចូលរួមជាមួយរាជរដ្ឋាភិបាល តាមរយៈការធ្វើចលនាឱ្យមាននូវការផ្គត់ផ្គង់អង្ករ ជាមួយនឹងតម្លៃសមរម្យដល់បងប្អូនដែលកំពុងជួបប្រទះការខ្វះខាតស្បៀង ដូចដែលមាននៅក្នុងសេចក្តីប្រកាសរួមរវាងក្រុមហ៊ុនហ្គ្រីនត្រេដនៃក្រសួងពាណិជ្ជកម្ម និងសហព័ន្ធស្រូវអង្ករកម្ពុជា កាលពីថ្ងៃទី១៥ ខែមេសា ឆ្នាំ២០២១ និងចលនាលក់បញ្ចុះថ្លៃ ពី ១០០០០ រៀល ទៅ ២០០០០រៀល ក្នុងមួយបេ ៥០គីឡូក្រាម ពីលើតម្លៃគោលជាដើម ជាលទ្ធផល ចាប់ពីថ្ងៃទី១៦ ខែមេសា ឆ្នាំ២០២១ រហូតដល់ថ្ងៃទី២២ ខែមេសា ឆ្នាំ២០២១ អង្ករចំនួន ២០០០តោន ត្រូវបានផ្គត់ផ្គង់ ក្នុងតម្លៃសមរម្យជូនប្រជាជនក្នុងតំបន់បិទខ្ទប់ ហើយនឹងបន្តនូវការផ្គត់ផ្គង់រហូតដល់មានដំណើរការសេដ្ឋកិច្ចជាប្រក្រតីឡើងវិញ៕

សូមចុចអានអត្ថបទខាងក្រោម៖

The post អង្ករចំនួន ១០០តោន សហព័ន្ធស្រូវអង្ករកម្ពុជា ប្រគល់ជូនក្រសួងសេដ្ឋកិច្ចដើម្បីចាត់ចែងជូនគ្រួសារក្នុងតំបន់បិទទ្ទប់ appeared first on .

ប្រទេសកម្ពុជាធ្លាប់មានប្រវត្តិរុងរឿងជាងគេនៅតំបន់អាស៊ីភាគអាគ្នេយ៍ ដែលអាចឆ្លុះបញ្ជាំងបានតាមរយៈសម័យមហានគរ ដោយយើងអាចសិក្សាស្វែងយល់បានថា ពឹងផ្អែកលើវិស័យកសិកម្ម ជាវិស័យស្នូលសម្រាប់កសាងមូលដ្ឋានគ្រឹះសេដ្ឋកិច្ច ហើយវិស័យនេះនាំទៅដល់សន្តិសុខស្បៀង។ តាំងពីដើមរៀងមក មានសហគ្រិនខ្មែរច្រើនរូប បានចាប់អារម្មណ៍លើវិស័យកសិកម្ម ដែលជាវិស័យដ៍សំខាន់មួយសម្រាប់ទ្រទ្រង់សេដ្ឋកិច្ចជាតិមួយនេះ។

គេហទំព័រឧកញ៉ាញូស៍ សូមលើកពីឧកញ៉ាគ្រាក់ៗ ៤រូប កំពុងក្តោបក្តាប់មុខជំនួញលើវិស័យកសិកម្ម និងបានទទួលជោគជ័យ ល្បីឈ្មោះបោះសំឡេងនាពេលបច្ចុប្បន្ន។

១.ឧកញ៉ា សុង សារ៉ន

លោកជាអគ្គនាយកក្រុមហ៊ុន Amru Rice ដែលត្រូវបានគេស្គាល់គាត់ថា ជាឧកញ៉ាស្រូវអង្ករវ័យក្មេងមួយរូប។ រហូតមកទល់ពេលនេះក្រុមហ៊ុនលោក បានផលិតអង្ករជាច្រើនប្រភេទដើម្បីលក់លើទីផ្សារ មានដូចជា៖ អង្ករក្រហម អង្ករស អង្ករសំរូប អង្ករសរីរាង្គ ក៏ដូចជាប្រភេទអង្ករពិសេសៗរបស់កម្ពុជាច្រើនប្រភេទទៀត។
លោកឧកញ៉ាតែងតែផ្សារភ្ជាប់មុខជំនួញរបស់លោកជាមួយនឹងកសិករ ដោយបានចូលរួមការបង្កើតសហគមន៍កសិកម្ម ជួយទ្រទ្រង់កសិករ ទាំងការ បណ្តុះបណ្តាល បច្ចេកទេស ការស្វែងរកទីផ្សារឲ្យកសិករ និងការធានាទិញផលពីកសិករក្នុងសហគមន៍។

បច្ចុប្បន្នឧកញ៉ាវ័យក្មេងដែលកំពុងមានឈ្មោះបោះសំឡេងលើវិស័យស្រូវអង្កររូបនេះ កំពុងកាន់តួនាទីជាប្រធានសហព័ន្ធស្រូវអង្ករកម្ពុជា និងជាអគ្គនាយក ក្រុមហ៊ុននាំអង្ករចេញ Amru Rice។

២.ឧកញ៉ា ហ៊ុន ឡាក់

នៅក្នុងចំណោមឧកញ៉ាល្បីៗជាច្រើនរូប ដែលកំពុងមានឈ្មោះបោះសំឡេងខ្លាំងលើវិស័យស្រូវអង្ករ លោកឧកញ៉ា ហ៊ុន ឡាក់ ក៏ត្រូវបានគេដឹងថាមានជំនួញធំៗជាច្រើនទៀតក្នុងដៃ ក្នុងនោះក្រុមហ៊ុននាំចេញអង្ករដ៏ធំមួយ ដែលមានឈ្មោះថា Mekong Oryza Trading គឺជាក្រុមហ៊ុនល្បីឈ្មោះធំមួយនៅកម្ពុជា។

ទន្ទឹមនឹងនេះ លោកឧកញ៉ាក៏មានតួនាទី ជាប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា (CRF) ដែលជាតួនាទីមួយដ៏សំខាន់ក្នុងការត្រួសត្រាយផ្លូវដើម្បីស្វែងរកទីផ្សារអង្ករដល់កម្ពុជាទៅកាន់ពិភពលោកផងដែរ។

៣.ឧកញ៉ា ភួ វាសនា

ដោយមានឈាមជ័រជាអ្នកជំនួញស្រាប់ លោកឧកញ៉ា ភួ វាសនា បានចាប់ផ្តើមប្រឡូកក្នុងវិស័យកសិកម្ម ជាមួយលោកឧកញ៉ា ភួ ពុយ ដែលត្រូវជាឪពុករបស់លោក។ បន្ទាប់លោកបានកាន់តួនាទីជាប្រធានក្រុមហ៊ុន បៃតង កម្ពុជា ភីអិលស៊ី និងកាន់តូនាទីជាច្រើនទៀត ដូចជា អនុប្រធានសហព័ន្ធស្រូវអង្ករកម្ពុជា និងប្រធានសភាពាណិជ្ជកម្មខេត្តបាត់ដំបង។

ក្រុមហ៊ុនបៃតងកម្ពុជា ជាក្រុមហ៊ុនដែលមានមូលដ្ឋានគ្រឹះជាក់លាក់ និងចក្ខុវិស័យច្បាស់លាស់ ក្នុងការរផលិតអង្ករនាំចេញ មានគុណភាពខ្ពស់ និងមានបរិមាណច្រើនជាងគេ នៅទូទាំងប្រទេសកម្ពុជាដោយផ្អែកលើមូលដ្ឋានផលិតរួមមាន៖ ឡសម្ងួត ឃ្លាំងស្តុក បណ្តាញម៉ាស៊ីនកិនស្រូវ ម៉ាស៊ីនកែច្នៃអង្ករ ដែលមានលក្ខណៈបច្ចេកទេសតាមស្តង់ដារអន្តរជាតិ។

ចាប់តាំងពីឆ្នាំ២០០៨មក ក្រុមហ៊ុននេះបានចូលរួមបង្កើតសហគមន៍កសិករ (សហគមន៍បៃតង) នៅតាមបណ្ដាលភូមិ ឃុំ ស្រុក ក្នុងខេត្តបាត់ដំបង ពោធិ៍សាត់ និងខេត្តបន្ទាយមានជ័យ។

៤.ឧកញ៉ា ម៉ុង ឬទ្ធី

ជាសមាជិកព្រឹទ្ធសភាមកពីខាងគណបក្សប្រជាជនកម្ពុជា និងជាស្ថាបនិកនៃក្រុមហ៊ុន Mong Rithy Group Ltd ដែលដើមឡើយបាននាំចេញកៅស៊ូ មុនពេលពង្រីកខ្លួនទៅនាំចេញប្រេងដូង និងចិញ្ចឹមសត្វ។

បើនិយាយពី ឧកញ៉ា ម៉ុង ឬទ្ធី លោកអ្នកប្រហែលជាបានស្គាល់យ៉ាងច្បាស់ណាស់ដូចថ្ងៃ ត្បិតលោក គឺជាស្ដេចកសិកម្មល្បីឈ្មោះបោះសំឡេងមួយរូបនៅប្រទេសកម្ពុជា។

បច្ចុប្បន្នលោកឧកញ៉ាមានមុខជំនួញជាច្រើនប្រភេទដូចជា៖ ក្រុមហ៊ុន ម៉ុង ឫទ្ធី គ្រុប, ក្រុមហ៊ុន ម៉ុង ឫទ្ធី វិនិយោគលើដំណាំដូងប្រេងនៅកម្ពុជា, ក្រុមហ៊ុនសំណង់ក្មេងវត្ត, ក្រុមហ៊ុន M’s PIG ACMC កម្ពុជា, កំពង់ ផែ ឧកញ៉ា ម៉ុង, ក្រុមហ៊ុន កសិកម្មសមុទ្របៃតង, ក្រុមហ៊ុន ឫទ្ធី គិរីសីមា, ក្រុមហ៊ុន ឫទ្ធី គិរីសាគរ និងអាជីវកម្មមួយចំនួនផ្សេងៗទៀត៕

The post ឧកញ៉ាគ្រាក់ៗទាំង៤រូបក្តោបមុខជំនួញក្នុងវិស័យកសិកម្មដែលកំពុងមានឈ្មោះបោះសំឡេង appeared first on .