ឧកញ៉ា ឡាច សំរោង ប្រកាសបោះបង់គោរមងារ «ឧកញ៉ា» សុំរស់នៅក្នុងជីវភាពជាពលរដ្ឋខ្មែរសាមញ្ញធម្មតាវិញ

ឧកញ៉ាដែនដី — Mon, 10 Nov 2025 06:56:43 +0000

ឧកញ៉ា ឡាច សំរោង អតីតសាកលវិទ្យាធិការ នៃសាកលវិទ្យាល័យឥន្រ្ទវិជ្ជា (UI) ដែលមិនមែនជាសមាជិកសមាគមឧកញ៉ាកម្ពុជា នៅថ្ងៃទី១០ ខែវិច្ឆិកា ឆ្នាំ២០២៥នេះ បានសរសេរលិខិតប្រកាសជាសាធារណៈ សុំបោះបង់គោរមងារ «ឧកញ៉ា» និងរស់នៅក្នុងជីវភាពជាពលរដ្ឋខ្មែរសាមញ្ញធម្មតាវិញ ចាប់ពីថ្ងៃទី១០ ខែវិច្ឆិកា ឆ្នាំ២០២៥ តទៅ។

សូមជម្រាបថា ឧកញ៉ា ឡាច សំរោង ឆ្នាំកំណើត១៩៦៩ អាសយដ្ឋានបច្ចុប្បន្ន ផ្ទះលេខ ១៤៣អឺ១ ផ្លូវលេខ១៣២ សង្កាត់ទឹកល្អក់១ ខណ្ឌទួលគោក រាជធានីភ្នំពេញ ត្រូវបានអតីតប្រមុខរដ្ឋស្តីទី សម្តេចអគ្គមហាធម្មពោធិសាល ជា ស៊ីម ចេញព្រះរាជក្រឹត្យត្រាស់បង្គាប់ផ្តល់គោរមងារ «ឧកញ៉ា» នៅថ្ងៃទី០៨ ខែកញ្ញា ឆ្នាំ២០១៤៕

The post ឧកញ៉ា ឡាច សំរោង ប្រកាសបោះបង់គោរមងារ «ឧកញ៉ា» សុំរស់នៅក្នុងជីវភាពជាពលរដ្ឋខ្មែរសាមញ្ញធម្មតាវិញ appeared first on .