ឧកញ៉ា ចេង ខេង ទទួលបានការតែងតាំងជា ប្រធានគណៈកម្មាធិការអភិវឌ្ឍន៍ដីធ្លី និងសំណង់ថ្នាក់កណ្តាល អាណត្តិទី១

ឧកញ៉ាដែនដី — Mon, 20 Apr 2026 01:53:09 +0000

ឧកញ៉ា ឡី សុភាព ប្រធានសមាគមសហព័ន្ធអភិវឌ្ឍន៍ដីធ្លី និងសំណង់កម្ពុជា នៅថ្ងៃទី១ ខែមេសា ឆ្នាំ២០២៦ បានចេញសេចក្តីសម្រេចតែងតាំង ឧកញ៉ា ចេង ខេង អគ្គនាយកក្រុមហ៊ុនអចលទ្រព្យ CPL ជាប្រធានគណៈកម្មាធិការអភិវឌ្ឍន៍ដីធ្លី និងសំណង់ថ្នាក់កណ្តាល អាណត្តិទី១ អមដោយអនុប្រធាន ចំនួន ១៤រូប និងសមាជិក សមាជិកា ចំនួនជាង ២០រូប។

ជាមួយគ្នានេះ លោកជំទាវឧកញ៉ា ប៊ុន ណាវី អគ្គនាយិកាក្រុមហ៊ុន ស៊ីភីអែល ខេមបូឌា ប្រភើធី លីមីធីត (CPL) ដែលត្រូវជាភរិយារបស់លោកឧកញ៉ា ចេង ខេង ក៏ទទួលបានការតែងតាំងជា អនុប្រធានគណៈកម្មាធិការអភិវឌ្ឍន៍ដីធ្លី និងសំណង់ថ្នាក់កណ្តាល អាណត្តិទី១។

ក្រោយទទួលបានការតែងតាំងនេះ ឧកញ៉ា ចេង ខេង បានលើកឡើងលើបណ្តាញសង្គមថា ការតែងតាំងនេះគឺជាសក្ខីភាពបង្ហាញពីបទពិសោធន៍ ចំណេះដឹង ការខិតខំប្រឹងប្រែង ការរៀនសូត្រ ការតស៊ូ និងការចូលរួមយ៉ាងសកម្មរបស់លោក និងលោកជំទាវឧកញ៉ា ប៊ុន ណាវី រួមជាមួយថ្នាក់ដឹកនាំពាក់ព័ន្ធ ក្នុងការរួមចំណែកអភិវឌ្ឍវិស័យដីធ្លី និងសំណង់នៅកម្ពុជា ឱ្យកាន់តែរីកចម្រើន រឹងមាំ និងមានសក្តានុពលបន្ថែមទៀត៕

The post ឧកញ៉ា ចេង ខេង ទទួលបានការតែងតាំងជា ប្រធានគណៈកម្មាធិការអភិវឌ្ឍន៍ដីធ្លី និងសំណង់ថ្នាក់កណ្តាល អាណត្តិទី១ appeared first on .

ឧកញ៉ា ឡី សុភាព ជាប់ឆ្នោតជាសមាជិកក្រុមប្រឹក្សារាជធានីភ្នំពេញ អាណត្តិទី៤

ឧកញ៉ាដែនដី — Tue, 16 Jul 2024 01:58:00 +0000

ឧកញ៉ា ឡី សុភាព ប្រធានសមាគមសហព័ន្ធយុវជនសេដ្ឋកិច្ចកម្ពុជា (Cambodian Economic Youth Federation Association) បានជាប់ឆ្នោតជាសមាជិកក្រុមប្រឹក្សារាជធានីភ្នំពេញ ក្នុងអាណត្តិទី៤ និងត្រូវបានព្រះមហាក្សត្រចេញព្រះរាជក្រឹត្យទទួលស្គាល់សមាសភាពជាផ្លូវការ កាលពីថ្ងៃទី០៦ ខែមិថុនា ឆ្នាំ២០២៤។

ពិធីប្រកាសចូលកាន់តំណែងក្រុមប្រឹក្សារាជធានីភ្នំពេញ អាណត្តិទី៤ បានធ្វើឡើងក្រោមអធិបតីភាព លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានក្រុមការងាររាជរដ្ឋាភិបាលចុះមូលដ្ឋានរាជធានីភ្នំពេញ កាលថ្ងៃទី០៧ ខែមិថុនា ឆ្នាំ២០២៤។ ក្រុមប្រឹក្សារាជធានីភ្នំពេញ អាណត្តិទី៤ មានសមាសភាពសរុបចំនួន ២៧រូប ដែលមាន លោក ម៉ប់ សារិន ជាប្រធានក្រុមប្រឹក្សា។

ឧកញ៉ា ឡី សុភាព មានតួនាទីជាប្រធានសមាគមជាច្រើន ដូចជា៖ ប្រធានសមាគមសហព័ន្ធយុវជនសេដ្ឋកិច្ចកម្ពុជា, ប្រធានសមាគមសហព័ន្ធទេសចរណ៍ និងបដិសណ្ឋារកិច្ចកម្ពុជា, ប្រធានសមាគមសហព័ន្ធវិនិយោគិនកម្ពុជា, ប្រធានសមាគមសម្ពន្ធភាព អង្គការ សមាគម និងវិស័យឯកជននៅកម្ពុជា, ប្រធានសមាគមសហព័ន្ធអភិវឌ្ឍន៍ដីធ្លី និងសំណង់កម្ពុជា។ លោកឧកញ៉ា ក៏ជានាយកសាលាទេសចរណ៍ និងបដិសណ្ឋារកិច្ចកម្ពុជា និងជាប្រធានផែនក្រៅប្រព័ន្ធនៃក្រុមការងារយុវជនគណបក្សប្រជាជនកម្ពុជា រាជធានីភ្នំពេញ និងជាប្រធានគណៈអចិន្ត្រៃយ៍គណៈកម្មាធិការគណបក្សមូលដ្ឋានយុវជនសេដ្ឋកិច្ចរាជធានីភ្នំពេញ។

គួរបញ្ជាក់ថា កាលពីជាង១ឆ្នាំមុន លោក ឡី សុភាព ត្រូវបានព្រះមហាក្សត្រត្រាស់បង្គាប់ផ្ដល់គោរមងារជា ឧកញ៉ា ដោយព្រះរាជក្រឹត្យលេខ នស/រកត/០៦២៣/១២១៥ ចុះថ្ងៃទី១៦ ខែមិថុនា ឆ្នាំ២០២៣៕

The post ឧកញ៉ា ឡី សុភាព ជាប់ឆ្នោតជាសមាជិកក្រុមប្រឹក្សារាជធានីភ្នំពេញ អាណត្តិទី៤ appeared first on .