មកមើលទិដ្ឋភាពពិធីឡើងភូមិគ្រឹះថ្មី និងគម្រប់ខួបអាពាហ៍ពិពាហ៍ ៤៥ឆ្នាំ អ្នកឧកញ៉ា អ៊ូ ឆាយ និងលោកជំទាវ សុខ វាសនា

ឧកញ៉ាដែនដី — Tue, 27 Jan 2026 09:18:14 +0000

អ្នកឧកញ៉ា អ៊ូ ឆាយ និងលោកជំទាវ សុខ វាសនា បានរៀបចំពិធីឡើងភូមិគ្រឹះថ្មីដ៏ធំស្កឹមស្កៃ និងគម្រប់ខួបអាពាហ៍ពិពាហ៍ ៤៥ឆ្នាំ នៅថ្ងៃទី២៦ ខែមករា ឆ្នាំ២០២៦ ដោយមានការអញ្ជើញចូលរួមសម្តែងដោយសិល្បៈករ-សិល្បៈការិនីល្បីៗប្រចាំប្រទេស ព្រមទាំងវត្តមាន ឧកញ៉ាៗ ឯកឧត្តម លោកជំទាវ ភ្ញៀវកិត្តិយសជាច្រើនរូប។

អ្នកឧកញ៉ា អ៊ូ ឆាយ ជាឪពុករបស់លោកជំទាវ សុខ រស្មី ម្ចាស់ក្រុមហ៊ុន សារ៉ាយសមុទ្រស៊ីប៊ែលប៉ារីស និងត្រូវជាឪពុកក្មេករបស់លោកឧកញ៉ា ឡោក ដារិទ្ធ។ ក្នុងពិធីខាងលើនេះដែរ អ្នកឧកញ៉ា អ៊ូ ឆាយ និងលោកជំទាវ សុខ វាសនា ព្រមទាំងឧកញ៉ា ឡោក ដារិទ្ធ និងលោកជំទាវ សុខ រស្មី បានតុបតែងខ្លួនស្លៀកសម្លៀកបំពាក់បែបប្រពៃណីខ្មែរដ៏ស្រស់ស្អាត រួមជាមួយនឹងការតុបតែងផ្កា និងការដេគ័រក្នុងភូមិគ្រឹះយ៉ាងប្រណិត។

សូមជម្រាបថា លោកឧកញ៉ា អ៊ូ ឆាយ បានទទួលគោរមងារ «អ្នកឧកញ៉ា» នៅថ្ងៃទី១៥ ខែមីនា ឆ្នាំ២០២២។ នៅ ឆ្នាំ២០២៤ អ្នកឧកញ៉ា ត្រូវបានព្រះមហាក្សត្រព្រះរាជទានគ្រឿងឥស្សរិយយស ថ្នាក់ «ជាតូបការ» ដែលជាមេដាយខ្ពស់បំផុតរបស់កម្ពុជា និងត្រូវបានបំពាក់ជូនជាផ្លូវការដោយ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅថ្ងៃទី២៧ ខែមិថុនា ឆ្នាំ២០២៤៕

រូបភាព៖ AlexEntertainment Agency

The post មកមើលទិដ្ឋភាពពិធីឡើងភូមិគ្រឹះថ្មី និងគម្រប់ខួបអាពាហ៍ពិពាហ៍ ៤៥ឆ្នាំ អ្នកឧកញ៉ា អ៊ូ ឆាយ និងលោកជំទាវ សុខ វាសនា appeared first on .

ព្រះមហាក្សត្រ ផ្តល់គោរមងារ «ឧកញ៉ា» ជូនដល់អគ្គនាយកក្រុមហ៊ុន ចំនួន២រូប

ឧកញ៉ាដែនដី — Tue, 06 Jun 2023 00:01:16 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារ «ឧកញ៉ា» ជូនដល់ លោក អ៊ូ ស្រ៊ុន និងលោក ឡោក ដារិទ្ធ កាលពីថ្ងៃទី០១ ខែមិថុនា ឆ្នាំ២០២៣ តបតាមសេចក្តីក្រាបបង្គំទូលថ្វាយរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

លោក អ៊ូ ស្រ៊ុន ជាអគ្គនាយកនៃក្រុមហ៊ុន អ៊ូ ស្រ៊ុន អ៊ិនវេសម៉ិន ឯ.ក ដែលជាម្ចាស់អគារ The Blue Sky Tower ម្ចាស់ភោជនីយដ្ឋាន ចាប៉ីយក្ស និងជាម្ចាស់គម្រោងអភិវឌ្ឍន៍ 60M Mall នៅផ្លូវ៦០ម៉ែត្រ។ ចំណែកឯលោក ឡោក ដារិទ្ធ ជាអគ្គនាយកក្រុមហ៊ុនសារ៉ាយសមុទ្រ ស៊ីប៊ែលប៉ារីស និងជាស្វាមីរបស់អ្នកស្រី សុខ រស្មី អគ្គនាយិកាស៊ីប៊ែលប៉ារីស៕

លោក ឡោក ដារិទ្ធ និងភរិយា (អ្នកស្រី សុខ រស្មី)

The post ព្រះមហាក្សត្រ ផ្តល់គោរមងារ «ឧកញ៉ា» ជូនដល់អគ្គនាយកក្រុមហ៊ុន ចំនួន២រូប appeared first on .