ឧកញ៉ា អាន ឌីណា

ឧកញ៉ា អាន ឌីណា និងលោកជំទាវ ចូលរួមបរិច្ចាគថវិកា ២,០០០ដុល្លារ តាមរយៈសមាគមឧកញ៉ាកម្ពុជា គាំទ្រយ៉ាងមោះមុតដល់វីរកងទ័ពជួរមុខ

រ៉េត សុកធា — Sat, 13 Dec 2025 06:43:53 +0000

ឧកញ៉ា អាន ឌីណា សមាជិកសមាគមឧកញ៉ាកម្ពុជា និងលោកជំទាវ បានចូលរួមបរិច្ចាគថវិកាចំនួន ២,០០០ដុល្លារអាម៉េរិក តាមរយៈសមាគមឧកញ៉ាកម្ពុជា ក្នុងបុព្វហេតុសេ្នហាជាតិមាតុភូមិដោយគាំទ្រយ៉ាងមោះមុតដល់វីរកងទ័ពដែលកំពុងប្រយុទ្ធការពារបូរណភាពទឹកដីតទល់សត្រូវឈ្លានពាន និងក្នុងគោលដៅមនុស្សធម៌ដើម្បីជួយដល់ប្រជាពលរដ្ឋភៀសសឹកពីតំបន់ជម្លោះ។

The post ឧកញ៉ា អាន ឌីណា និងលោកជំទាវ ចូលរួមបរិច្ចាគថវិកា ២,០០០ដុល្លារ តាមរយៈសមាគមឧកញ៉ាកម្ពុជា គាំទ្រយ៉ាងមោះមុតដល់វីរកងទ័ពជួរមុខ appeared first on .

ឧកញ៉ា អាន ឌីណា បើកសម្ពោធជាផ្លូវការហាង Brother Exclusive Store នៅលើផ្លូវ២០០៤

Kem sinath — Sun, 16 Nov 2025 01:29:16 +0000

ឧកញ៉ា អាន ឌីណា សមាជិកសមាគមឧកញ៉ាកម្ពុជា ក្នុងឱកាសបើកសម្ពោធជាផ្លូវការហាង Brother Exclusive Store នាថ្ងៃទី១៥ ខែវិច្ឆិកា ឆ្នាំ២០២៥នេះដោយមានទីតាំងស្ថិតនៅលើផ្លូវ២០០៤ ក្នុងខណ្ឌសែនសុខ រាជធានីភ្នំពេញ។

សូមបញ្ជាក់ថា នេះជាសមិទ្ធផលថ្មីមួយរបស់ក្រុមហ៊ុន BMSC Cambodia ដែលបានសហការជាមួយក្រុមហ៊ុន Brother ដោយតាមរយៈកម្មវិធី “ Brother Exclusive Store St2004 Grand Opening ”។ នេះមានគោលបំណងដើម្បីឱ្យអតិថិជនមានភាពងាយស្រួលក្នុងការបញ្ជាទិញទំនិញ និងទទួលបានសេវាកម្មនានាដូចជាការប្តូរគ្រឿងបន្លាស់បានលឿន រហ័ស និងប្រកបដោយទំនុកចិត្ត។

ចំពោះផលិតផល Brother មានដូចជា ម៉ាស៊ីនប៉ាក់ ម៉ាស៊ីនដេ ម៉ាស៊ីនអ៊ុតស្លាកអាវ Printer, Scanner នឹង Labelling Printer ដែលបានចែកចាយលើទីផ្សារកម្ពុជារយៈពេលជាង ១០ឆ្នាំមកហើយ៕

The post ឧកញ៉ា អាន ឌីណា បើកសម្ពោធជាផ្លូវការហាង Brother Exclusive Store នៅលើផ្លូវ២០០៤ appeared first on .

ឧកញ៉ា អាន ឌីណា ផ្ញើសារជូនឧកញ៉ា សំ សុខនឿន ក្នុងឱកាសដែល ព្រះមហាក្សត្រព្រះរាជទានគោរមងារ ជា «អ្នកឧកញ៉ា»

ឧកញ៉ាដែនដី — Wed, 03 Jul 2024 02:57:23 +0000

ឧកញ៉ា អាន ឌីណា អគ្គនាយក FSC Group បានផ្ញើសារ អបអរសាទរ ចំពោះលោកឧកញ៉ា សំ សុខនឿន ក្នុងឱកាស ដែលលោកឧកញ៉ាត្រូវបានព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះ រាជា ណាចក្រកម្ពុជា សព្វព្រះរាជហរទ័យព្រះរាជទាននូវគោរមងារជា «អ្នកឧកញ៉ា» នៅថ្ងៃទី២៦ ខែមិថុនា ឆ្នាំ២០២៤។

ឧកញ៉ា អាន ឌីណា និងបុគ្គលិក ព្រមទាំងសហការគ្រប់ជាន់ថ្នាក់ មានសេចក្តីសោមនស្សរីករាយ សូមបួងសួងជូនពរជ័យ សិរីមង្គល ប្រាជ្ញាឈ្លាសវៃ វិបុលសុខមហាប្រសើរ ថ្លៃថ្លា គ្រប់ប្រការ ជូនចំពោះ អ្នកឧកញ៉ា សំ សុខនឿន និង ក្រុមគ្រួសារ សូមមាន សុខភាពល្អបរិបូរណ៍ ពលានុភាពមាំមួន ជន្មាយុយឺនយូរ និង ទទួលបាន នូវ ជោគជ័យ រីកចម្រើន រុងរឿង ជានិរន្តរ៍៕

The post ឧកញ៉ា អាន ឌីណា ផ្ញើសារជូនឧកញ៉ា សំ សុខនឿន ក្នុងឱកាសដែល ព្រះមហាក្សត្រព្រះរាជទានគោរមងារ ជា «អ្នកឧកញ៉ា» appeared first on .

ឧកញ៉ាម្ចាស់ក្រុមហ៊ុនសំណង់ FSC ក្លាយជាសមាជិកថ្មី នៃសភាពាណិជ្ជកម្មកម្ពុជា

ឧកញ៉ាដែនដី — Tue, 16 May 2023 04:16:24 +0000

លោកឧកញ៉ា អាន ឌីណា ម្ចាស់ក្រុមហ៊ុនសំណង់ អេហ្វ អេស ស៊ី ខនស្ត្រាក់សិន ឯ.ក (F.S.C Construction Co., Ltd) បានក្លាយជាសមាជិកថ្មី នៃសភាពាណិជ្ជកម្មកម្ពុជា។ នេះបើតាមសេចក្តីប្រកាសរបស់សភាពាណិជ្ជកម្មកម្ពុជា នៅព្រឹកថ្ងៃទី១៦ ខែឧសភា ឆ្នាំ២០២៣នេះ។

ឧកញ៉ា អាន ឌីណា ក៏ជាម្ចាស់ក្រុមហ៊ុន BMSC Cambodia ជាក្រុមហ៊ុនដែលទទួលសិទ្ធិលក់ចែកចាយផ្តាច់មុខ នូវផលិតផលម៉ាស៊ីនការិយាល័យល្បីៗគ្រប់ប្រភេទ មកពីប្រទេសជប៉ុន សហរដ្ឋអាមេរិក បារាំង និងបណ្តាប្រទេសជាច្រើនទៀត រួមមានផលិតផលដូចជា៖ ម៉ាស៊ីនព្រីន ម៉ាស៊ីនស្កេន ម៉ាស៊ីនកូពី LCD កាមេរ៉ាសុវត្ថិភាព និងគ្រឿងអេឡិចត្រូនិកជាច្រើនផ្សេងទៀតផងដែរ។

ប្រធានក្រុមប្រឹក្សាភិបាលក្រុមហ៊ុន អេហ្វ អេស ស៊ី ខនស្ត្រាក់សិន ឯ.ក រូបនេះ ជាសហគ្រិនឆ្នើមមួយរូប ដោយលោកធ្លាប់បានទទួលពានរង្វាន់ Outstanding Award និងមេដាយសហគ្រិនឆ្នើមពី CEO Master Club កាលឆ្នាំ២០១៨ បន្ទាប់ពីលោកបានព្យាយាមដឹកនាំផ្លាស់ប្តូរក្រុមហ៊ុន រយៈពេល៣ឆ្នាំ ពីលក្ខណៈគ្រួសារ ទៅជាក្រុមហ៊ុនស្តង់ដាមួយ ត្រឹមរយៈពេលដ៏ខ្លី។

សូមជម្រាបជូនថា លោក អាន ឌីណា ត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ចេញព្រះរាជក្រឹត្យត្រាស់បង្គាប់ផ្តល់គោរមងារជា «ឧកញ៉ា» កាលពីថ្ងៃទី០៧ ខែមេសា ឆ្នាំ២០២៣៕

The post ឧកញ៉ាម្ចាស់ក្រុមហ៊ុនសំណង់ FSC ក្លាយជាសមាជិកថ្មី នៃសភាពាណិជ្ជកម្មកម្ពុជា appeared first on .

ព្រះមហាក្សត្រ ចេញព្រះរាជក្រឹត្យផ្តល់គោរមងារ CEO ក្រុមហ៊ុន BMSC ជា «ឧកញ៉ា»

ឧកញ៉ាដែនដី — Thu, 13 Apr 2023 03:01:58 +0000

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់ផ្តល់គោរមងារលោក អាន ឌីណា ម្ចាស់ក្រុមហ៊ុន BMSC Cambodia ជា «ឧកញ៉ា» កាលពីថ្ងៃទី០៧ ខែមេសា ឆ្នាំ២០២៣។

ក្រុមហ៊ុន BMSC Cambodia ជាក្រុមហ៊ុនដែលទទួលសិទ្ធិលក់ចែកចាយផ្តាច់មុខ នូវផលិតផលម៉ាស៊ីនការិយាល័យល្បីៗគ្រប់ប្រភេទ មកពីប្រទេសជប៉ុន សហរដ្ឋអាមេរិក បារាំង និងបណ្តាប្រទេសជាច្រើនទៀត រួមមានផលិតផលដូចជា៖ ម៉ាស៊ីនព្រីន ម៉ាស៊ីនស្កេន ម៉ាស៊ីនកូពី LCD កាមេរ៉ាសុវត្ថិភាព និងគ្រឿងអេឡិចត្រូនិកជាច្រើនផ្សេងទៀត។

សូមជម្រាបថា លោក អាន ឌីណា ជាសហគ្រិនឆ្នើមមួយរូប ខណៈដែលលោកធ្លាប់បានទទួលពានរង្វាន់ Outstanding Award និងមេដាយសហគ្រិនឆ្នើមពី CEO Master Club កាលឆ្នាំ២០១៨ បន្ទាប់ពីលោកបានព្យាយាមដឹកនាំផ្លាស់ប្តូរក្រុមហ៊ុន រយៈពេល៣ឆ្នាំ ពីលក្ខណៈគ្រួសារ ទៅជាក្រុមហ៊ុនស្តង់ដាមួយ ត្រឹមរយៈពេលដ៏ខ្លី៕

The post ព្រះមហាក្សត្រ ចេញព្រះរាជក្រឹត្យផ្តល់គោរមងារ CEO ក្រុមហ៊ុន BMSC ជា «ឧកញ៉ា» appeared first on .