លើកឡើងនៅក្នុងបទសម្ភាសន៍មួយប្រមាណជាបីនាទី ឧកញ៉ា អែល សារ៉ុម បានចែករំលែកវិថី ដើម្បីក្លាយជា សហគ្រិន ឬជាថៅកែគេចំនួនពីរចំណុច។ ចំពោះលោកឧកញ៉ា ដើម្បីអាចជាថៅកែគេបាន យើងត្រូវតែមាន ចំណេះដឹង ជារឿងសំខាន់ណាស់ ព្រោះប្រសិនគ្មានចំណេះដឹង យើងមិនអាចគ្រប់គ្រង លើមុខជំនួញរបស់យើង បានទេ។ ចំណេះដឹងមិនមែនមានតែនៅក្នុងសៀវភៅទេ ចំណេះដឹងដែលទទួលបានពីបទពិសោធន៍ ក៏នាំយើង ទៅរកភាពជោគជ័យក្នុងអាជីវកម្មដែរ។ លោកឧកញ៉ា បន្ថែមថា បន្ទាប់ពីមានចំណេះដឹង យើងត្រូវមានជំនាញ។

ទាក់ទងនឹងចំណុចនេះ ស្ថាបនិក KEP Group Cambodia បន្តថា ជំនាញដែលយើងមានត្រូវតេស្ដវាជាប្រចាំ ហើយត្រូវសួរខ្លួនឯងថា តើជំនាញដែលយើងមានត្រូវនឹងបរិបទសង្គមដែរឬទេ? លោកឧកញ៉ា បានលើកជា ឧទាហរណ៍ថា ប្រសិនបើយើងមានជំនាញជាអ្នកចម្អិនម្ហូប ជាចុងភៅ តែយើងចេះតែចម្អិនម្ហូបអ៊ឺរ៉ុប តើយើងអាច មកបើកហាងលក់ឱ្យប្រជាជនខ្មែរ ហូបកើតទេ? ហាងនឹងដំណើរការបានល្អទេ? ចំណុចទាំងនេះ ជារឿងដែល ត្រូវ គិត ក្នុងនាមយើងជាសហគ្រិនម្នាក់។

លោកឧកញ៉ា បានសង្កត់ធ្ងន់ថា ជំនាញនិងចំណេះដឹងនេះ ត្រូវតែដើរទន្ទឹមគ្នា។ ក្នុងនាមជាអ្នកដឹកនាំ ក្រៅពី ចំណេះដឹងនិងជំនាញ យើងក៏ត្រូវមាន ចិត្តមេត្តា ករុណា មុទិតា ដែលជាព្រហ្មវិហារធម៌ ទាំងបួនរបស់អង្គ ព្រះ សម្មាសម្ពុទ្ធផងដែរ។ ផ្សេងពីនេះ អ្នករកស៊ី ត្រូវមានផងដែរនូវ សច្ច ខន្ដី កតញ្ញូ។ ការទៀតត្រង់នេះ ជារឿង សំខាន់ ណាស់ សម្រាប់អ្នករកស៊ី បើទោះបីជាយើងលំបាកយ៉ាងណាក៏ដោយ ថៅកែមិនត្រូវរត់ចោលកូនចៅទេ ត្រូវនៅកំសត់កម្រជាមួយគ្នា។ កត្តាគួបផ្សំចុងក្រោយ លោកឧកញ៉ា ថាបើចង់ក្លាយជាសហគ្រិន កុំឱ្យមានលុយ ប្ដូរនិស្ស័យឱ្យសោះ។

សូមជម្រាបជូនផងដែរថា ឧកញ៉ា អែល សារ៉ុម ត្រូវបាន ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទាន គោរមងារជា «ឧកញ៉ា» កាលពីថ្ងៃទី ១៦ ខែកក្កដា ឆ្នាំ២០២០ តាមរយៈព្រះរាជក្រឹត្យលេខ នស/រកត/០៧២០/៧៣៤៕

អត្ថបទ៖ សុកធា

The post ឧកញ៉ា អែល សារ៉ុម៖ ចង់ក្លាយជាសហគ្រិន ត្រូវមានជំនាញនិងចំណេះដឹង appeared first on .

សូមស្តាប់ការលើកឡើងរបស់ឧកញ៉ា អែល សារ៉ុម៖

The post ចង់ធ្វើថៅកែគេ ឧកញ៉ាមកពីស្រង់កំពង់ស្ពឺ ប្រាប់គន្លឹះ appeared first on .

យោងតាមការគូសបញ្ជាក់របស់ លោក ចាស់ ជឿន មេឃុំទងត្រឡាច បានអោយដឹងថា ប្រជាពល​រដ្ឋទូទាំងឃុំទងត្រឡាច និង ឧកញ៉ា ឡូវ ហ៊ឹង សូមចងចាំទុកជាប្រវត្តសាស្រ្ត ចំពោះ​ប្រមុខ​រាជ​រដ្ឋាភិ​បាល​សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ដែលផ្តល់​អំណោយដ៍ថ្លៃថ្លា​ដោយ​ជួយ​​ឧបត្ថម្ភការ​កសាង​ផ្លូវ​បេតុង១​ខ្សែ​ប្រវែង​ជិត​៧គីឡូម៉ែត្រ និងទទឹង៧តភ្ជាប់ទៅផ្លូវជាតិ​លេខ៨នៅក្នុងឃុំទងត្រឡាច។

ឆ្លៀតនាឧកាសនោះដែរ ឧកញ៉ា ឡូវ ហ៊ឹង ជំរាបជូនប្រជាពលរដ្ឋនៅតាមមួលដ្ឋាន ថា ផ្លូវ​បេតុង​នេះ​ក្រោយ​ពីស្ថាបនារួច មិនត្រឹមជួយសំរួលការធ្វើដំណើររបស់ប្រជាពលរដ្ឋប៉ុណ្ណោះទេ គឺ​វានឹង​ធ្វើ​អោយ​ដីនិងលំនៅដ្ឋានរបស់ប្រជាពលរដ្ឋតំបន់នេះមានតម្លៃ ពិសេសដី​និង​លំនៅដ្ឋាន​ប្រជាពលរដ្ឋ​ដែល​នៅអមសង្ខាងផ្លូវ និងទាក់ទាញដៃគូវិនិយោគផងដែរ លើស​ពី​នេះ​ទៀត ផ្លូវ​បេតុង​នឹង​ស្ថាបនា​រួច​រាល់​លិច​ចេញរូបរាងនាពេលខាងមុខនិងមានការរៀបចំ ការសាង​សង់បង្គោល​ភ្លើង​បំភ្លឺផ្លូវ​ដោយ​បំពាក់​ប្រព័ន្ធស៊ុលឡា ក្នុង​គោល​បំណង​អោយ​​បងប្អូនប្រជាពលរដ្ឋកាន់​តែងាយ​ស្រួល​ក្នុង​ការ​ធ្វើ​ដំណើរ។

ឧកញ៉ា ឡូវ ហ៊ឺង បានប្រសាសន៍ សូមបងប្អូនដែលកំពុងរស់នៅក្នុងភូមិនិងសហគមន៍ សូម​ចងចាំនិងបង្កើនការប្រុងប្រយ័ត្នជាប់ខ្លួនជានិច្ច គឺត្រូវពាក់ម៉ាសការពារ មាន​ទឹកអាល់កុល​និងជែល​សម្អាតមេរោគនិងបាក់តេរីផ្សេងៗ ចៀសវាងការចម្លងរោគពីម្នាក់ទៅ ម្នាក់ដោយសារខ្វះការប្រុងប្រយ័ត្នឬគិតស្រាលៗ ពោលការរស់នៅប្រចាំថ្ងៃ ត្រូវអនាម័យ​រស់នៅល្អ ដើម្បីសុខភាពនិងអាយុជិវិតរស់នៅបានយូរអង្វែង។

ជាចុងក្រោយ ឧកញ៉ា ឡូវ ហ៊ឺង សំណូមពរអោយសូមអោយបងប្អូនប្រជាពលរដ្ឋសូមមានការថែទាំសុខភាពត្រូវអនាម័យជាប់ជាប្រចាំក្នុងការចូលរួមទប់ស្កាត់ការរីករាលដាលមេរោគ Covid19 ដែលជាជម្ងឺមួយដែលឆ្លងជាសកល និងបានកំពុងសម្លាប់មនុស្សពីមួយថ្ងៃទៅថ្ងៃ ក្នុងពិភពលោកយើងនេះ។ អំណោយរបស់ឯកឧត្តម ឧត្តមសេនីយ ហ៊ុន ម៉ាណែត រួមមានគ្រឿងឧបភោគ បរិភោគ គ្រឿងភេសជ្ជះ ម៉ាស ថ្នាំពេទ្យ និងថវិកាមួយចំនួនផ្តល់ជូន កងវិស្វកម្មប្រមាណ៥០នាក់ និងប្រជាពលរដ្ឋប្រមាណ២៥០គ្រួសារទទួលបានថ្នាំពេទ្យនិងថវិកាមួយចំនួនផងដែរ ដោយឡែក សីម៉ង១០តោនសម្រាប់ចាក់សាបចិញ្ចើមផ្លូវ គឺជាការឧបត្ថម្ភរបស់ ឯកឧត្តម គតិបណ្ឌិត ហ៊ីង ប៊ុនហៀង និងលោកជំទាវ៕

The post ឧកញ៉ា ឡូវ ហ៊ឺង រួម​ជា​មួយ​ឧកញ៉ា អែល សារ៉ុម ផ្លូវ​ផ្លូវ​១ខ្សែ​ជូន​ពលរដ្ឋ ស្រុកស្រីសន្ធរ appeared first on .