ព្រះរាជក្រឹត្យផ្តល់គោរមងារអ្នកឧកញ៉ាជូនឧកញ៉ា អុឹង ឆៃងួន ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។

ឧកញ៉ា អុឹង ឆៃងួន ជាម្ចាស់ផលិតកម្ម និងទូរទស្សន៍ ហង្សមាស គ្រុប ជាអតីតប្រធានសមាគមសិល្បៈចម្រៀង និងភាពយន្ត ជាបងបង្កើតលោក អុឹង សុខលី អ្នកគ្រប់គ្រងផ្នែកផលិតកម្មនៃស្ថានីយ៍ទូរទស្សន៍ ហង្សមាស និងជាបងថ្លៃតារាចម្រៀង ឱក សុគន្ធកញ្ញា ។

ផ្តើមចេញពីការជួលកាសែតវីដេអូមួយកេះតូចដឹកនាំតាមកង់ក្នុងអំឡុងទស្សរ៍ ៨០ ដោយមានការយកចិត្តទុកដាក់ អត់ធ្មត់ តស៊ូព្យាយាមទាំងយប់ទាំងថ្ងៃ ទីបំផុតនៅដើមឆ្នាំ១៩៩០ លោក អ៊ឹង ឆៃងួន បានបង្កើតក្រុមហ៊ុន ហង្សមាសវីដេអូ ជាក្រុមហ៊ុនដំបូងគេដោយបានទទួលសិទ្ធិចែកចាយផ្តាច់មុខនៅរឿងភាគមកពីទីក្រុងហុងកុង និងប្រទេសសឹង្ហបុរី។ ឈ្មោះ ហង្សមាស នៅជំនាន់នោះត្រូវបានគេទទួលស្គាល់នៅទូទាំងប្រទេសទៅលើគុណភាព ត្រជាក់ភ្នែក និងសម្លេងច្បាស់ល្អ។

នៅឆ្នាំ១៩៩៤ ឧកញ៉ា ឆៃងួន បោះទុនវិនិយោគលើផលិតកម្ម រស្មីហង្សមាស ដំបូងគេបង្អស់ដែលផលិតបទចម្រៀងខារ៉ាអូខេខ្មែរជាច្រើនពាន់បទ ខណៈមកដល់ពេលបច្ចុប្បន្នមានអ្នកគាំទ្រ និងទស្សនាវីដេអូចម្រៀងរាប់លាននាក់ផងដែរ។ មិនតែប៉ុណ្ណោះ ផលិតកម្ម រស្មីហង្សមាស ក៏មានតារាចម្រៀងដំបូងគេដែលមានកំពូលតារាចម្រៀងចុះកុងត្រាប្រចាំផលិតកម្ម។

នៅឆ្នាំ២០០៩ លោក ឆៃងួន ក៏បានសម្រេចចិត្តបង្កើតស្ថានីយវិទ្យុហង្សមាស FM (១០៤.៥ មេកាហឺត) ដែលធ្វើការផ្សាយចម្រៀងដែលផលិតផ្តាច់មុខ ដោយក្រុមហ៊ុនដើមរបស់ខ្លួន។ ជំហានបន្ទាប់ លោកក៏សម្ពោធដាក់ឱ្យប្រើប្រាស់ស្ថានីយវិទ្យុរស្មីហង្សមាស FM (៩៥.៧ មេកាហឺត) ដើម្បីតម្រូវចិត្តអតិថិជនដែលនិយមស្តាប់បទចម្រៀងរបស់ផលិតកម្ម រស្មីហង្សមាស។ 

បន្ទាប់ពីជោគជ័យក្នុងវិស័យចម្រៀង ឧកញ៉ា អុឹង ឆៃងួន នៅតែបន្តវិនិយោគទៅលើស្ថានីយ៍ទូរទស្សន៍ ហង្សមាស HDTV នៅក្នុងឆ្នាំ២០១២ ដែលផ្តោតការផ្សាយជាចម្បងទៅលើការកម្សាន្ត។ ដោយទទួលបានការគាំទ្រខ្លាំងត្រឹមរយៈពេលដ៏ខ្លី ក្រុមហ៊ុន ហង្សមាស បន្តបើកស្ថានីយ៍ថ្មីមួយទៀត គឺប៉ុស្តិ៍ទូរទស្សន៍រស្មីហង្សមាស HDTV ក្នុងឆ្នាំ២០១៤។

ជាមួយគ្នានេះ ក្រុមហ៊ុន ហង្សមាស ក៏បានចាប់ផ្តើមបង្កើតនូវការផលិតទៅលើភាពយន្តជាប្រភេទរឿងភាគបន្ថែមទៀតផងដែរ ដែលធ្វើឱ្យកេរ្តិ៍ឈ្មោះនៃក្រុមហ៊ុនមួយនេះកាន់តែមានភាពល្បីល្បាញទ្វេដង៕

The post បងថ្លៃតារាចម្រៀង ឱក សុគន្ធកញ្ញា ទទួលបានគោរមងារ«អ្នកឧកញ៉ា» appeared first on .

ក្នុងឱកាសនោះ​ដែរ លោកឧកញ៉ា អ៊ឹង ឆៃងួន បានជម្រាបជូនពី​ដំណើរការ​វិវឌ្ឍន៍​ថ្មីៗ​របស់ស្ថានីយ៍ទូរទស្សន៍​ហង្សមាស និងរស្មីហង្សមាស ដែលសម្រេចបានក្នុងរយៈពេលកន្លងមក និងបានដាក់ចេញ​ផែនការ ដើម្បី​​ធ្វើការ​ផលិតកម្មវិធីថ្មីៗ​ជាច្រើនទៀត សម្រាប់ផ្សាយនៅទូរទស្សន៍ហង្សមាស នៅ​ក្រោយការបោះឆ្នោតជ្រើសតាំង​តំណាង​រាស្រ្ត នីតិកាលទី៧ ឆ្នាំ២០២៣ ខាង​មុខ​នេះ។ បន្ថែម​ពី​នេះ លោក​ឧកញ៉ា​អគ្គនាយកក្រុមហ៊ុន ហង្សមាស និងរស្មីហង្សមាស ក៏​បានគោរពស្នើសុំការគាំទ្របន្តទៀតពី លោក​រដ្ឋមន្រ្តី ខៀវ កាញារីទ្ធ ដែល​ជានិច្ច​កាលកន្លងមកតែងតែគាំទ្រ ​និងសហការដ៏ល្អដល់ទូរទស្សន៍ហង្សមាស។

លោករដ្ឋមន្ត្រី ខៀវ កាញារីទ្ធ បានសម្តែង​នូវក្តី​រីករាយ និងកោតសរសើរចំពោះភាពរីក​ចម្រើន​ យ៉ាងខ្លាំង​របស់​ស្ថានីយ៍​ទូរទស្សន៍ហង្សមាស ហើយជាមួយនេះដែរ លោក​ បានជូនពរចំពោះការបែកចែក​ថ្នាក់ដឹកនាំ​ទូរទស្សន៍​ហង្សមាស សម្រាប់ការគ្រប់គ្រងការផ្សាយផ្ទាល់ និង​ផ្សាយតាមប្រពន្ធ័​ផ្សាយរណប ដែលធ្វើឱ្យ​គម្រោងការ​ផ្សាយ​កម្មវិធី​នានា​របស់ទូរទស្សន៍ហង្សមាស កាន់តែស៊ី​ជម្រៅ​ដល់ប្រជាជនកម្ពុជា​គ្រប់​មជ្ឈដ្ឋាន។

ទទឹមនឹងនេះ​ លោក ខៀវ កាញារីទ្ធ រដ្ឋមន្ត្រី​ក្រសួងព័ត៌មាន បាន​លើក​ឡើង​ថា ក្រសួងព័ត៌មាន​​បាន​ត្រៀមខ្លួន​​រួច​រាល់​ សម្រាប់ផ្តល់កិច្ច​សហការ​ជាមួយ​ទូរទស្សន៍ហង្សមាស និង​​ទូរទស្សន៍ DTV ​ ​​ឱ្យ​កាន់តែរីក​ចម្រើន​បន្ត​ទៅមុខទៀត៕

The post ឧកញ៉ា អ៊ឹង ឆៃងួន អគ្គនាយកទូរទស្សន៍ហង្សមាស ចូលជួបសម្តែងការគួរសមលោករដ្ឋមន្ត្រី ខៀវ កាញារីទ្ធ appeared first on .

ភាពយន្ត និងចម្រៀង ជាផ្នែកមួយនៃជីវិតមនុស្សសម្រាប់ជាព័ត៌មាន បង្ហាញពីវប្បធម៌បវេណី សាសនា សង្គម និងកម្សាន្តជាដើម។ មែនទែនទៅ វិស័យផលិតកម្មភាពយន្ត និងចម្រៀង ត្រូវការដើមទុនច្រើនក្នុងការវិនិយោគ ប៉ុន្តែសម្រាប់ទីផ្សារកម្ពុជាវិស័យនេះហាក់មានអ្នកជំនួញតិចតួចនៅឡើយហ៊ានបោះទុនរកស៊ី។

សារព័ត៌មានឧកញ៉ាញូស៍ សូមបង្ហាញណែនាំវិនិយោគិន ១៥រូបកំពុងរកស៊ីក្នុងការផលិតភាពយន្ត និងចម្រៀងល្បីៗឈានមុខគេនៅកម្ពុជា ដូចតទៅ៖

១. អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប វិនិយោគទៅលើស្ថានីយ៍ទូរទស្សន៍ CTN, My TV, CNC.

២. ឧកញ៉ា អ៊ឹង ឆៃងួន អគ្គនាយកក្រុមហ៊ុន ហង្សមាស គ្រុប ដែលមានបុត្រសម្ព័ន្ធផលិតកម្មរស្មីហង្សមាស ហើយនឹងវិទ្យុ-ស្ថានីយ៍ទូរទស្សន៍ ហង្សមាស HDTV

៣. លោកស្រី ហ៊ុន ម៉ាណា អគ្គនាយិកាក្រុមហ៊ុន បាយ័ន គ្រុប មានស្ថានីយ៍វិទ្យុ និងទូរទស្សន៍បាយ័ន

៤. អ្នកឧកញ៉ា លី យ៉ុងផាត់ អគ្គនាយកក្រុមហ៊ុន Y.L.P Group វិនិយោគលើស្ថានីយ៍ទូរទស្សន៍ PNN

៥.អ្នកឧកញ៉ា ឡេង ណាវ៉ាត់ត្រា អគ្គនាយកក្រុមហ៊ុន ឡេង ណាវ៉ាត់ត្រា គ្រុប វិនិយោគលើផលិតកម្ម Galaxy Navatra

៦. ឧកញ៉ា ជួប មាន អគ្គនាយិកាក្រុមហ៊ុន ថោន គ្រុប មានវិទ្យុ-ស្ថានីយ៍ទូរទស្សន៍ថោន និងផលិតកម្មទីក្រុងភាពយន្ត ហៅ ថោន

៧. លោកស្រី ឃឹម រ៉ានី អគ្គនាយិកា វិទ្យុ និងទូរទស្សន៍អាស៊ីអាគ្នេយ៍

៨. ឧកញ៉ា សុខ ចំរើន អគ្គនាយកក្រុមហ៊ុនទូរទស្សន៍ខ្សែកាបរាជធានីភ្នំពេញ (ភីភីស៊ីធីវី)  និងទូរទស្សប៉ុស្ត៏លេខ CTV8 

៩. លោក ស៊ុបប៉ាឆៃវីរៈភុជង្ស អគ្គនាយកស្ថានីយ៍វិទ្យុ-ទូរទស្សន៍កងយោធពលខេមរភូមិន្ទប៉ុស្តិ៍លេខ៥

១០. លោក ឡាយ សុកហុក អគ្គនាយក និងជាចាងហ្វាងផលិតកម្មសាន់ដេ

១១. លោក ឆាយ បូរ៉ា ម្ចាស់ផលិតកម្ម ដើមត្នោត វិនិយោគលើភាពយន្ត

១២. លោក ហ៊ុយ យ៉ាឡេង ម្ចាស់ផលិតកម្ម កងចក្រ វិនិយោគលើភាពយន្ត

១៣. លោកស្រី ប៊ុន ចាន់និមល អគ្គនាយិកា ផលិតកម្ម សាស្រ្តាហ្វីម (Sastra Film)

១៤.លោក លៀក លីដា ម្ចាស់ផលិតកម្ម LD Picture

១៥. លោក អ៊ិន សុភិន ម្ចាស់ផលិតកម្ម មហាហង្ស

The post អ្នកជំនួញ ១៥រូបកំពុងរកស៊ីក្នុងវិស័យភាពយន្ត និងចម្រៀង appeared first on .

បុរសម្នាក់ដែលអ្នកនាង ឱក សុគន្ធកញ្ញា ទម្លាយឲ្យដឹងថានោះ គឺលោក អ៉ឹង សុខលី ត្រូវជាស្វាមីហើយថ្ងៃនេះក៏ជាថ្ងៃខួបកំណើតលោក សុខលី ផងដែរ។

អ្នកនាង ឱក សុគន្ធកញ្ញា តាមរយៈទំព័រហ្វេសបុក បានឲ្យដឹងថា លោក អ៉ឹង សុខលី ជា Hero របស់កូនៗ ហើយក៏ជាមនុស្សម្នាក់ដែលឈរពីក្រោយរឿងរ៉ាវជាច្រើន បញ្ហាការងារតូចធំ ចាត់ចែង មើលថែ ត្រួតត្រាយផ្លូវ គ្រប់គ្រងដឹកនាំ ក្រុមការងារផលិតចេញនូវសមទ្ធិផលជាច្រើនតែមិនបញ្ចេញមុខ ហើយមានមនុស្សភាគតិចណាស់ដែលដឹង។

អ្នកនាងបន្តថា នៅពីក្រោយខ្នងរឿងជោគជ័យ បុគ្គលល្បីល្បាញ និងរាល់សមទ្ធិផលការងារតូចធំជាច្រើន គឺមានចំណែកបុរសម្នាក់នេះ។ បុរសម្នាក់នេះនៅពីក្រោយ រឿងរ៉ាវជោគជ័យជាច្រើន តែបុរសម្នាក់នេះ សាមញ្ញាបំផុត រឹងមាំ តែមិនរឹងរូស ស្តាប់ហេតុផល ផ្តល់ដំបូន្មាន និងយុត្តិធម៌។

អ្នកនាងថា៖ «គាត់ជាមនុស្សម្នាក់ ដែលមិនចូលចិត្តទាញចំណាប់អារម្មណ៍ ឬបង្ហាញមុខអ្វីច្រើននោះទេ សុំតែសេចក្តីក្នុងក្រុមគ្រួសារគឺគ្រប់គ្រាន់សម្រាប់គាត់ហើយ ប៉ុន្តែបុរសម្នាក់នេះតែងតែនៅក្បែរនឹងចាំដាស់តឿនគ្រប់ពេល នឹងមានរឿងជាច្រើនដែលខ្ញុំផ្ទាល់បានរៀនពីគាត់។ បុរសម្នាក់នេះជាចំណែកមួយដែលធ្វើឲ្យខ្ញុំរឹងមាំ តស៊ូនឹងរឿងជាច្រើនរហូតមកដល់សព្វថ្ងៃនេះ»។

លោក អ៉ឹង សុខលី ជាអគ្គនាយករងទូរទស្សន៍ហង្សមាស កាន់ការងារជាអ្នកគ្រប់គ្រងប្រចាំផលិតកម្មចម្រៀងរបស់ហង្សមាស និងជាអ្នកដឹកនាំកម្មវិធីកម្សាន្តរបស់ទូរទស្សន៍ហង្សមាសដ៏មានឥទ្ធិពល ដែលស្នាដៃរបស់លោករួមមាន កម្មវិធីលំដាប់ថ្នាក់ពិភពលោក Cambodian Idol , The Voice Cambodia, The Voice Kids Cambodia , និង Cambodia Got’s Talent ជាដើម។ 

លោក សុខលី ជាអ្នកដែលធ្វើការងារជោគជាំក្នុងវិស័យភាពយន្តជាច្រើនឆ្នាំមកហើយ។លោកជាប្អូនប្រុសឧកញ៉ា អ៉ឹង ឆៃងួន ដែលជាថៅកែក្រុមហ៊ុន ហង្សមាស គ្រុប៕

The post ឱក សុគន្ធកញ្ញា ទម្លាយមុខមាត់នាក់នៅពីក្រោយខ្នងរឿងជោគជ័យ បុគ្គលល្បីល្បាញ និងរាល់សមទ្ធិផលរបស់ហង្សមាស appeared first on .

ក្រុមហ៊ុនសម្ព័ន្ធទូរទស្សន៍កម្ពុជា បង្កើតឡើងក្នុងគោលបំណងបង្កើត ក្រុមហ៊ុនចម្រុះរវាងរដ្ឋ និងឯកជនសម្រាប់គ្រប់គ្រង «ថ្នាលទូរទស្សន៍ឌីជីថលជាតិ» ដើម្បីធ្វើឲ្យព្រះរាជាណាចក្រកម្ពុជា ឈានទៅសម្រេចឲ្យបានតាមផែនការរបស់អាស៊ាន។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ពិធីចុះហត្ថលេខាលើកិច្ចព្រមព្រៀងបណ្តាក់ទុនវិនិយោគរួមគ្នា បានធ្វើឡើងនៅសណ្ឋាគារកាំបូឌីយ៉ាណា ក្រោមអធិបតីលោកស្រី ហ៊ុន ម៉ាណា អគ្គនាយិកា ក្រុមហ៊ុន ទូរទស្សន៍បាយ័នគ្រុប អ្នកឧកញ៉ា គិត ម៉េង អគ្គនាយកក្រុមហ៊ុនរ៉ូយ៉ាល់គ្រុប មានទូរទស្សន៍ CBS និង Digital Sky និងលោកឧកញ៉ា អ៉ឹង ឆៃងួន អគ្គនាយកក្រុមហ៊ុនទូរទស្សន៍ហង្សមាសគ្រុប។

លោកស្រី ហ៊ុន ម៉ាណា បានមានប្រសាសន៍ថា «ខ្ញុំពិតជាមានសេចក្តីសោមនស្សរីករាយក្នុងការសហការគ្នា បង្កើតថ្នាលទូរទស្សន៍ឌីជីថលនេះ ហើយក៏ជាផ្នែកមួយផងដែរ ក្នុងការគាំទ្រការផ្សព្វផ្សាយគោលនយោបាយរបស់រាជរដ្ឋាភិបាលកម្ពុជា ដែលបច្ចុប្បន្នកម្ពុជាកំពុងមានការអភិវឌ្ឍលើគ្រប់វិស័យទាំងអស់ ក្រោមម្លប់សន្តិភាព និងស្ថិរភាពនយោបាយ»។

អ្នកឧកញ៉ា គិត ម៉េង មានប្រសាសន៍ថា អ្នកឧកញ៉ា មានសេចក្តីសោមនស្សរីករាយ ដែលបាន សហការ បង្កើតក្រុមហ៊ុនសម្ព័ន្ធទូរទស្សន៍កម្ពុជា ក្នុងការចូលរួមចំណែកជួយអភិវឌ្ឍន៍ប្រទេសកម្ពុជាក្នុងវិស័យសោតទស្សន៍ និងផ្សព្វផ្សាយឲ្យទៅជាប្រព័ន្ធឌីជីថលពេញលេញ ស្របតាមគោលនយោបាយរបស់រាជរដ្ឋាភិបាល ក្នុងការចូលរួមសម្រេចឲ្យបានសេដ្ឋកិច្ច សង្គមឌីជីថលកម្ពុជា ស្របតាមគន្លង ឧស្សាហកម្មបច្ចេកវិទ្យាឌីជីថលជំនាន់ទី៤។

ទន្ទឹមនឹងគ្នានេះ លោកឧកញ៉ា អ៉ឹង ឆៃងួន បានលើកឡើងថា ថ្នាលទូរទស្សន៍ឌីជីថលនេះ នឹងនាំមកនូវទស្សនីយភាព និងស្តង់ដារថ្មីស្រឡាងមួយ ដែលជាបណ្ដុំនៃកម្មវិធីសិល្បៈ កម្មវិធីកំសាន្ត កម្មវិធីព័ត៌មាន ភាពយន្ត តន្ត្រី និង ទស្សនីយភាព ដ៏សម្បូរបែបជាច្រើនទៀត ដែល ធានានូវការផ្ដល់ជូនចំណីចក្ខុដ៏រីករាយជូនទស្សនិកជនទូទាំងប្រទេស ក្នុងកន្លែងតែមួយ “One-Stop Media Services ។

រាជរដ្ឋាភិបាលកម្ពុជា ដែលបានកំណត់យកឆ្នាំ២០២៣ ជាកាលបរិច្ឆេទនៃការដាក់ឲ្យដំណើរការថ្នាល ទូរទស្សន៍ឌីជីថលជាតិ ដោយតម្រូវឲ្យក្រុមហ៊ុនទូរទស្សន៍អាណាឡូកឯកជនទាំងអស់ មកប្រើប្រាស់សេវាថា្នលទូរទស្សន៍ឌីជីថលជាតិ និងបន្តការផ្សាយព្រមគ្នា ជាប្រព័ន្ធអាណាឡូក និងប្រព័ន្ធឌីជីថលស្របគ្នាមុន៕  

The post ក្រុមហ៊ុនបណ្តាញផ្សព្វផ្សាយធំៗ ៣ នៅស្រុកខ្មែរចុះកិច្ចព្រមព្រៀង បង្កើតថ្នាលទូរទស្សន៍ឌីជីថលជាតិ appeared first on .