កិច្ចពិភាក្សានេះក៏មានការចូលរួមផងដែរពីសំណាក់មន្តរីជំនាញ និហមន្ត្រីពាក់ព័ន្ធនៃអាជ្ញាធរអគ្គីសនីកម្ពុជា, តំណាងពីអគ្គិសនីកម្ពុជា (EDC) តំណាងសភាពាណិជ្ជកម្មអន្តរជាតិប្រចាំ នៅកម្ពុជា, តំណាងគ្រឹះស្ថាន សមាគម ក្រុមហ៊ុនឯកជន និងអ្នកពាក់ព័ន្ធក្នុងវិស័យថាមពលពន្លឺព្រះអាទិត្យលើដំបូល (សូឡា) ទាំងការចូលរួមដោយផ្ទាល់ និងតាមប្រព័ន្ធអនឡាញសរុបប្រមាណជា ៣៥០នាក់។

សភាពាណិជ្ជកម្មកម្ពុជា បានឱ្យដឹងថា គោលបំណងនៃកិច្ចពិភាក្សានេះគឺដើម្បី៖ ១. បង្កើនការយល់ដឹង៖ ដើម្បីស្តាប់ការបង្ហាញផ្ទាល់អំពីគោលការណ៍ បទប្បញ្ញត្តិ និងនីតិវិធីបច្ចេកទេសផ្លូវការ​នៃការដំឡើង និងប្រើប្រាស់​ថាមពលពន្លឺព្រះ អាទិត្យលើដំបូលនៅកម្ពុជា។ ២. ដោះស្រាយការលំបាក និងចម្ងល់៖ បើកឱកាសឱ្យតំណាងផ្នែក​ឯកជនបានលើក ឡើងនូវបញ្ហាប្រឈម ចម្ងល់ និងសំណូម ពរជាក់ស្តែង ជុំវិញការអនុវត្តកន្លងមក ដើម្បីទទួល​បាន​ការបកស្រាយ និងដំណោះស្រាយដ៏ច្បាស់​លាស់​ពីអាជ្ញាធរមាន សមត្ថកិច្ច។

ឧកញ៉ា អ៊ុន យុទ្ធី សហប្រធានក្រុមការងារ​ “ញ” តំណាងផ្នែកឯកជនបានថ្លែងថា ការប្រើប្រាស់ថាមពលពន្លឺ​ព្រះអាទិត្យលើដំបូល (Rooftop Solar) កំពុងតែក្លាយជាប្រធានបទដ៏ក្តៅគគុក និងជាតម្រូវការចាំបាច់របស់​វិស័យឯកជន ជាពិសេសក្នុងចំណោមរោងចក្រ សហគ្រាស និងអាជីវកម្មនានា ដើម្បីចូលរួមចំណែក​ក្នុងកាត់បន្ថយ​ថ្លៃដើមផលិតកម្ម ការពារបរិស្ថាន និងឆ្លើយតបទៅនឹងគោលនយោ បាយអភិវឌ្ឍន៍បៃតង។ ទោះជាយ៉ាងណា​ក៏ដោយ កន្លងមកនេះភាគីផ្នែកឯកជននៅតែបន្តមានចម្ងល់ និងជួបប្រទះនូវបញ្ហាប្រឈម មួយចំនួន ពាក់ព័ន្ធនឹងគោលការណ៍ណែនាំ បទដ្ឋានបច្ចេកទេស និងនីតិវិធីនៃការស្នើសុំដំឡើង​និងប្រើប្រាស់ប្រព័ន្ធថាមពល​ពន្លឺ ព្រះអាទិត្យលើដំបូល (សូឡា) នេះ។

បន្ថែមលើកនេះ ឧកញ៉ា ក៏បានអំពាវនាវ និងសម្តែងការស្វាគមន៍ចំពោះការចូលរួម និងសហការគ្នាចំពោះ​គ្រប់ភាគីពាក់ព័ន្ធផ្នែកឯកជនទាំងអស់ក្នុងការពង្រឹងយន្តការក្រុមការងារ នៃវេទិការាជរដ្ឋាភិបាល-ផ្នែកឯកជន (G-PSF) ដោយប្រើយន្តការនេះតាមរយៈសភាពាណិជ្ជកម្មកម្ពុជា ជាច្រករួមតែមួយគត់ក្នុងការទទួលយក និងប្រមូល​ធាតុចូល និងបញ្ហាប្រឈមនានារបស់វិស័យឯកជន ដើម្បីស្វែងរកដំណោះស្រាយជូនប្រកបដោយប្រសិទ្ធិភាព។

សូមជម្រាបជូនថា ដោយយោងតាមមន្ត្រីនៃអាជ្ញាធរអគ្គិសនីកម្ពុជា និយមន័យមនៃថាមពលពន្លឺ​ព្រះអាទិត្យ​លើដំបូល (សូឡា) សំដៅដល់ប្រព័ន្ធថាមពលពន្លឺព្រះអាទិត្យ ដែលត្រូវដំឡើងនៅក្រោយនាឡិការស្ទង់ និងក្នុងទីតាំងរបស់អ្នកប្រើប្រាស់ សម្រាប់បម្រើឱ្យការប្រើប្រាស់ អគ្គិសនីរបស់អ្នកប្រើប្រាស់អគ្គិសនី ដែលអាច​ជាប្រព័ន្ធដំឡើងលើដី ឬលើដំបូល។

ប្រព័ន្ធថាមពលពន្លឺព្រះអាទិត្យលើដំបូល (សូឡា) ត្រូវបែងចែកចេញជាពីរប្រភេទគឺ៖ ប្រព័ន្ធប្រភេទ១៖ ប្រព័ន្ធ​ថាមពលពន្លឺព្រះអាទិត្យលើដំបូលដែលបម្រើឱ្យទីតាំងប្រើប្រាស់អគ្គិសនីដែលមិនភ្ជាប់ការប្រើប្រាស់ ជាមួយ​បណ្តាញ ផ្គត់ផ្គង់របស់ប្រ័ពន្ធបណ្តាញជាតិ ពុំចាំបាច់ស្នើសុំការអនុញ្ញាត្ត ពុំចាំបាច់ជូនដំណឹង និងពុំតម្រូវឱ្យបង់​ថ្លៃប៉ះប៉ូវទេ។ ប្រព័ន្ធប្រភេទ ២៖ ប្រព័ន្ធថាមពលពន្លឺព្រះអាទិត្យលើដំបូល​ដែលបម្រើឱ្យទីតាំងប្រើប្រាស់​អគ្គិសនី​ដែលភ្ជាប់ការប្រើប្រាស់ជាមួយបណ្តាញផ្គត់ផ្គង់របស់ប្រព័ន្ធបណ្តាញជាតិ (សាំងក្រូន ,ATS ,MTS.)។

The post ឧកញ៉ា អ៊ុន យុទ្ធី ចូលរួមដឹកនាំកិច្ចពិភាក្សាស្វែងយល់អំពីគោលការណ៍ និងនីតិវិធីនៃការដំឡើង និងការប្រើប្រាស់​ប្រព័ន្ធថាមពលពន្លឺព្រះអាទិត្យលើដំបូល (សូឡា) នៅកម្ពុជា appeared first on .

កិច្ចប្រជុំនេះដឹកនាំដោយ ឧកញ៉ា អ៊ុន យុទ្ធី សហប្រធាន​ក្រុមការងារ “ញ” តំណាងផ្នែកឯកជន និង ឯកឧត្តម យឹម វិសិដ្ឋ ប្រធានអាជ្ញាធរអគ្គិសនីកម្ពុជា និងមានការចូលរួមផងដែរ ពីសំណាក់សមាជិកនៃក្រុមការងារ “ញ” ផ្នែក​ឯកជន និងមន្ត្រីពាក់ព័ន្ធនៃ​អាជ្ញាធរអគ្គិសនីកម្ពុជា។

សូមជម្រាបថា គោលបំណងនៃកិច្ចប្រជុំគឺដើម្បី ១.ពិនិត្យ ពិភាក្សាលើសំណើ សំណូមពររបស់ផ្នែកឯកជនពាក់ព័ន្ធ​នឹងថ្លៃប៉ះប៉ូវសម្រាប់អ្នកប្រើប្រាស់ដែលមានដំឡើងប្រព័ន្ធថាមពលពន្លឺព្រះអាទិត្យលើដំបូល និង ២.ស្វែងយល់ និងស្តាប់បឋកថាខ្លីរបស់អាជ្ញាធរអគ្គិសនីកម្ពុជា ទាក់ទងនឹងនីតិវធី គោលការណ៍ និងបទប្បញ្ញាត្តិផ្សេងៗទាក់ទង​នឹងការដំឡើង និងប្រើប្រាស់ប្រព័ន្ធថាមពលពន្លឺព្រះអាទិត្យលើដំបូល ដើម្បីឱ្យក្រុមការងារផ្នែកឯកជនស្វែងយល់ ផ្សព្វផ្សាយបន្ត។

The post ឧកញ៉ា អ៊ុន យុទ្ធី ដឹកនាំកិច្ចប្រជុំពិភាក្សាស្តីពី គោលការណ៍ និងការអនុវត្តបញ្ជីថ្លៃប៉ះប៉ូវសម្រាប់អ្នកប្រើប្រាស់​ដែលមានដំឡើងប្រព័ន្ធថាមពលពន្លឺព្រះអាទិត្យលើដំបូល appeared first on .