លោកឧត្តមសេនីយ៍ឯក រ័ត្ន ស្រ៊ាង បានបង្ហោះសារអបអរសាទរដល់កូនស្រីពៅ នៅលើបណ្តាញសង្គមហ្វេសប៊ុក នៅព្រឹកថ្ងៃទី១០ ខែមករា ឆ្នាំ២០២៦ បែបនេះថា៖ “អបអរសាទរ កូនស្រីបញ្ចប់ការសិក្សាជាស្ថាពរ ថ្នាក់​អនុបណ្ឌិត​ចំនួន០២ ព្រមជាមួយលទ្ធផលសិស្សឆ្នើមប្រចាំសកលវិទ្យាល័យ ទទួលបានប័ណ្ណសរសើរ ជាប់ក្នុងបញ្ជីកិត្តិយសរបស់ព្រឹទ្ធបុរសឆ្នាំ២០២៥ (2025 Dean’s Honours List) និងប្រារព្ធពិធីទទួលសញ្ញាប័ត្រ​នៅឯសាកលវិទ្យាល័យ មែលប៊ន ប្រទេសអូស្ត្រាលី តែគួរឲ្យសោកស្តាយ ខ្ញុំជាឪពុកនិងកូនប្រុស សៀ ទីន ជាបង មិនបានទៅចូលរួមក្នុងកម្មវិធីដ៏សំខាន់នេះឡើយ ដោយបានត្រឹមអបអរនិងជូនពរពីចម្ងាយ”។

សូមជម្រាបថា លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការ​កង​រាជ​អាវុធហត្ថរាជធានីភ្នំពេញ មានកូនប្រុសស្រីចំនួន ៣នាក់ (ប្រុស២ ស្រី១) ខណៈដែលកូនប្រុសទី២ ជាអ្នកជំនួញ និងកូនប្រុសច្បង លោកឧត្តម​សេនីយ៍ត្រី សៀ ទីន​ បច្ចុប្បន្នមានតួនាទីជា មេបញ្ជាការកងរាជអាវុធ​ហត្ថ​ខេត្តសៀមរាប៕

The post កូនស្រីឧត្តមសេនីយ៍ឯក រ័ត្ន ស្រ៊ាង បញ្ចប់ការសិក្សាថ្នាក់អនុបណ្ឌិត ចំនួន២ នៅប្រទេសអូស្ត្រាលី appeared first on .

ភ្លាមៗបន្ទាប់ពីឃើញកម្លាំងសមត្ថកិច្ចបានបំពេញការងារប្រកបដោយជំនាញ លោកស្រី ទ្រី ដាណា​​ រំភើបចិត្តចំពោះប្រតិបត្តិការកងរាជអាវុធហត្ថរាជធានីភ្នំពេញ ដែលបង្ក្រាបចោរប្លន់ទាន់ពេលវេលា។

លោកស្រី ទ្រី ដាណា ម្ចាស់ហាងពេជ្រ ទ្រី ដាណា បានថ្លែងថា នាងខ្ញុំ និងស្វាមី មានតែការលើកទឹកចិត្ត និងផ្ដល់កម្លាំងចិត្តបន្ថែម ជាមួយថវិកា ២ម៉ឺនដុល្លារ ដើម្បីចាត់ចែងប្រើប្រាស់ចំពោះតម្រូវការចំពោះមុខ។

លោកស្រីបន្តថា ពេលនេះ ពួកគាត់កំពុងមមាញឹកចុះការពារតាមមណ្ឌលចត្តាឡីស័ក និងកន្លែងព្យាបាលជំងឺកូវីដ១៩ ដូចនេះយើងត្រូវរួមសាមគ្គីគ្នា។ លោកស្រីសូមឲ្យកងកម្លាំងយើងទាំងអស់ សម្រេចជោគជ័យគ្រប់ភារកិច្ច ក្នុងនាមខ្ញុំជាប្រជាពរដ្ធមួយរូប ពិតជាមានភាពកក់ក្តៅខ្លាំងណាស់។

សូមរម្លឹកថា ក្រោយពេលប្រតិបត្តិការបានបញ្ចប់ អភិបាលរាជធានីភ្នំពេញ លោក ឃួង ស្រេង បានចុះទៅពិនិត្យដល់កន្លែងកើតហេតុ និងបានឧបត្ថម្ភថវិកា ២០លានរៀល លើកទឹកចិត្ត ដល់កម្លាំងកងរាជអាវុធហត្ថរាជធានីភ្នំពេញ ដែលបានបំពេញបេសកម្មដោយជោគជ័យ ជួយសង្គ្រោះម្ចាស់ផ្ទះមានសុវត្ថិភាពគ្រប់គ្នា៕

The post រំភើបចិត្តចំពោះប្រតិបត្តិការបង្ក្រាបចោរប្លន់ទាន់ពេលវេលា លោកស្រី ទ្រី ដាណា ឧបត្ថម្ភ ២ម៉ឺនដុល្លារ appeared first on .

លោកវរសេនីយ៍ឯក សៀ ទីន បានបញ្ចប់ការសិក្សា លើមុខជំនាញជាច្រើ រួមមាន បរិញ្ញាបត្រធុរកិច្ច គ្រប់គ្រងយោធា ពីសាលាបណ្ឌិតសភាយោធា ប្រទេសអូស្រ្តាលី បរិញ្ញាបត្រជាន់ខ្ពស់ផ្នែកគោលនយោបាយសាធារណៈនិងអភិបាលកិច្ច ពីប្រទេសអូស្ត្រាលី ហើយថ្មីៗនេះទើបតែបញ្ចប់វគ្គ បញ្ជាការសេនាធិការ ពីប្រទេសសិង្ហបុរី និងបានយកយុទ្ឋសាស្រ្តថ្មីៗ មកអភិវឌ្ឍអង្គភាពរបស់ខ្លួន ស្របតាមការរីកចម្រើនរបស់ប្រទេសជាតិ។

ជាកូនច្បងក្នុងចំណោមបងប្អូនបីនាក់ កើតក្នុងត្រកូលគ្រួសារមន្ត្រីរាជការ លោក សៀ ទីន បានចាប់យកអាជីពជាកងរាជអាវុធហត្ថ ដោយសារកាលនៅក្មេងរូបលោកបានឃើញឪពុកស្លៀកឯកសណ្ឋានកងរាជអាវុធហត្ថ ក៏ធ្វើឲ្យខ្លួនមានចិត្តស្រឡាញ់ចង់ក្លាយជាមន្ត្រីអាវុធហត្ថដូចឪពុក និងដោយសារខ្លួន បានចាប់កំណើតក្នុងសម័យប្រទេសជាតិកំពុងជួបប្រទះបញ្ហាសង្គ្រាមស៊ីវិល រឹតតែជម្រុញឲ្យខ្លួនមានចិត្តស្រឡាញ់អាជីព ជាកងកម្លាំងប្រដាប់អាវុធ ដែលអាចចូលរួមស្វែងរក ក្ដីសុខ សន្តិភាពជូនប្រជាពលរដ្ឋកម្ពុជា។ តាំងពីពេលនោះ លោកក៏សម្រេចចិត្តប្តេជ្ញាថានឹងចាប់យកជំនាញកងរាជអាវុធហត្ថនេះឲ្យបាន រហូតសម្រេចបំណងដូចសព្វថ្ងៃនេះ។

ពីយុវជនដែលធ្លាប់តែឃើញលោកឪពុកស្លៀកពាក់ឯកសណ្ឋានកងរាជអាវុធហត្ថ ហើយធ្លាប់មានក្តីស្រមៃចង់ចាប់អាជីពដូចលោកឪពុកដែរនោះ ពេលនេះលោកសម្រេចគោលបំណង និងក្តីប្រាថ្នាហើយ។ យុវជនម្នាក់នេះ គឺជាកូនច្បងរបស់លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ។

ដោយមានឈាមជ័រជាមន្ត្រីប្រដាប់អាវុធ នៅឆ្នាំ២០០៨ លោកវរសេនីយ៍ឯក សៀ ទីន បានចូលបម្រើការងារនៅកងរាជអាវុធហត្ថ ហើយនៅឆ្នាំ២០០៩ ចូលសិក្សានៅសាកលវិទ្យាល័យការពារជាតិ។ នៅក្នុងវគ្គនោះ លោកបានដាក់ពាក្យប្រឡងទៅសិក្សានៅ នៅសាលាបណ្ឌិតសភាយោធា ប្រទេសអូស្ត្រាលីរយៈពេល៤ឆ្នាំ។

លោក វរសេនីយ៍ឯក សៀ ទីន ដោយមានការប្ដេជ្ញាចិត្ត តស៊ូមោះមុត និងដោយខ្លួនជាតំណាងប្រទេសកម្ពុជា ក្នុងវគ្គសិក្សា បានជម្រុញអោយរូបលោកតស៊ូជំនះ មិនបោះបង់ចោលក្ដីស្រម៉ៃរបស់ខ្លួន រហូតទទួលបានជោគជ័យដោយបានបញ្ចប់ការសិក្សា នៅសាលាបណ្ឌិតសភាយោធាអូស្ត្រាលី និងជាបន្តបន្ទាប់ឈានទៅដល់ការបញ្ចប់បរិញ្ញាបត្រជាន់ខ្ពស់ក្នុងប្រទេសអូស្ត្រាលី ក៏ដូចជាវគ្គបញ្ជាការសេនាធិការ នៅក្នុងប្រទេសសិង្ហបុរី ព្រមទាំងបានយកចំណេះជំនាញដែលខ្លួនបានរៀន យកមកចូលរួម អភិវឌ្ឍអង្គភាព អភិវឌ្ឍប្រទេសជាតិ៕

ប្រភព៖ bluemediacambodia.com

The post មានឈាមជ័រជាកូនមន្ត្រី ប្រដាប់អាវុធល្បីឈ្មោះម្នាក់ តស៊ូរហូតទទួលបានជោគជ័យ នៅសាលាបណ្ឌិតសភាយោធាអូស្ត្រាលី appeared first on .