តាមរយៈសេចក្ដីជូនដំណឹងនេះ រដ្ឋបាលខេត្តកំពង់ស្ពឺបានជម្រាបជូនដល់ សម្ដេច ទ្រង់ ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី មន្ត្រីរាជការ កងកម្លាំងប្រដាប់អាវុធ បងប្អូន ប្រជាពលរដ្ឋ សាធារណៈជន ថា ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការលើកកម្ពស់វិស័យទេសចរណ៍នៅក្នុងព្រះរាជាណាចក្រកម្ពុជាឱ្យកាន់តែមានភាពរីកចម្រើន ព្រមទាំងទាក់ទាញ ភ្ញៀវទេសចរណ៍ជាតិ និងអន្តរជាតិចូលរួមទស្សនាកំសាន្តតាមរមណីយដ្ឋាន តំបន់ទេសចរណ៍ធម្មជាតិ និង តំបន់ទេសចរណ៍ប្រវត្តិសាស្ត្រនានា ឱ្យមានភាពទាក់ទាញ និងទទួលបានការគាំទ្រពីសាធារណៈជន ឱ្យ កាន់តែច្រើនឡើងថែមទៀត។

ក្នុងន័យនេះ រដ្ឋបាលខេត្តកំពង់ស្ពឺ នឹងរៀបចំព្រឹត្តិការណ៍ «បុណ្យភ្នំ» មានរយៈពេល ០២ថ្ងៃគឺចាប់ពី ថ្ងៃទី២៧ ដល់ថ្ងៃទី២៨ ខែធ្នូ ឆ្នាំ២០២៥ ស្ថិតនៅឧទ្យានជាតិគីរីរម្យ ស្រុកភ្នំស្រួច ក្នុងខេត្តកំពង់ស្ពឺ ខាងមុខនេះ ជូនដល់បងប្អូនប្រជាពលរដ្ឋ សាធារណៈជន ចូលរួមទស្សនាកំសាន្តដោយសេរី និងឱ្យបានច្រើនកុះករ ដើម្បី លើកស្ទួយវិស័យទេសចរណ៍ និងអភិរក្សវប្បធម៌ បរិស្ថានធម្មជាតិរបស់ប្រទេសជាតិយើងតាមតាមកម្មវិធី ដែលរដ្ឋបាលខេត្ត បានគ្រោងរៀបចំឡើង៕

The post ចុងឆ្នាំនេះ! រដ្ឋបាលខេត្តកំពង់ស្ពឺ នឹងរៀបចំព្រឹត្តិការណ៍ «បុណ្យភ្នំ» ចំនួន២ថ្ងៃ នៅឧទ្យានជាតិគិរីរម្យ appeared first on .

អ្នកឧកញ៉ា សួរ វីរៈ បានដាក់ក្ដីរំពឹងនិងសង្ឃឹមទុកថាដូចខាងលើនេះ គឺបន្ទាប់ពីមានភ្ញៀវទេសចរដ៏ច្រើនសន្ធឹក​សន្ធាប់​បានអញ្ជើញទៅលេងកម្សាន្ដនៅឧទ្យានជាតិគិរីរម្យ ក្នុងថ្ងៃទិវាកុមារអន្ដរជាតិ១មិថុនា។

អ្នកឧកញ៉ាបានលើកឡើងថា «លើសពីការរំពឹងទុក ដោយសង្ឃឹមថានឹងមានទេសចរមកកម្សាន្ត ឧទ្យានជាតិ​គិរីរម្យកម្ពុជា ប្រហែល១លាននាក់ក្នុងឆ្នាំ២០២៤ ក្រោយការអភិវឌ្ឍរមនីយដ្ឋាន ឧទ្យានបោះតង់ រំដួលរីស៊ត រំហើយរីស៊ត និងការតំណរការធ្វើដំណើរ ការភ្ជាប់ប្រព័ន្ធផ្លូវ ភ្លើង និងសុវត្តិភាពជូនទេសចរជាតិ អន្តរជាតិ»។

អ្នកឧកញ៉ា បានបន្ថែមថា ការអភិវឌ្ឍដែលគិតដល់ប្រយោជន៍រួម តែងតែនាំមកនូវការរីកចម្រើនដល់សហគម។ ទន្ទឹមនឹងនោះ អ្នកឧកញ៉ា សង្ឃឹមថា វិនិយោគទុនក្នុងនិងក្រៅប្រទេសនឹងចូលរួមអភិវឌ្ឍន៍​ឧទ្យានជាតិគិរីរម្យ​កម្ពុជាជាមួយគ្នា ព្រោះអ្នកឧកញ៉ា យល់ថា អ្នកឧកញ៉ា និងដៃគូប្រកួតប្រជែងមិនមែនជាសត្រូវនឹងគ្នានោះទេ ប៉ុន្ដែជាអ្នកដែលចូលរួមការអភិវឌ្ឍប្រកបដោយនិរន្ដរភាព។

សូមជម្រាបជូនថា អ្នកឧកញ៉ា សួរ វីរៈ បានចូលរួមចំណែកប្រែក្លាយឧទ្យានជាតិគិរីរម្យ ទៅជាតំបន់ទេសចរណ៍​ធម្មជាតិចំនួន៣កន្លែងមានដូចជា ឧទ្យានជាតិបោះតង់គិរីរម្យ, រំដួលរីស៊ត និងរំហើយរីស៊ត ដែលបីទីតាំងនេះ សុទ្ធសឹងជា​ទីតាំងគោលដៅទេសចរណ៍សំខាន់ៗផងដែរ។

ឧទ្យានជាតិគិរីរម្យ ឬឧទ្យានជាតិព្រះសុរាម្រិតកុសុមៈគីរីរម្យ គឺជារមណីយដ្ឋានទេសចរណ៍ធម្មជាតិ ដែល​សម្បូរ​​ទៅដោយសក្តានុពលធម្មជាតិ មានអាកាសធាតុល្អបរិសុទ្ធគ្រប់រដូវកាល លម្អទៅដោយដើមស្រល់ធម្មជាតិ ជ្រោះ​ជ្រងដងអូរ និងទឹកធ្លាក់ជាច្រើនកន្លែង កំពុងសម្ងំលាក់ខ្លួន។ ឧទ្យានជាតិគិរីរម្យ ស្ថិតនៅចម្ងាយ ១១២គីឡូម៉ែត្រ ពីរាជធានីភ្នំពេញ ក្នុងភូមិសាស្ត្រខេត្តកំពង់ស្ពឺ និងខេត្តព្រះសីហនុ ដោយលាតសន្ធឹងលើផ្ទៃដីដែលមាន​ព្រៃឈើ​ប្រមាណ ៨ម៉ឺនហិចតា និងជាឧទ្យានជាតិដែលបង្កើតឡើងជាផ្លូវការដំបូងបង្អស់នៅកម្ពុជា៕

The post អ្នកឧកញ៉ា សួរ វីរៈ រំពឹងថានឹងមានភ្ញៀវទេសចរ១លាននាក់ មកកម្សាន្ដនៅឧទ្យានជាតិគិរីរម្យ ក្នុងឆ្នាំ២០២៤ appeared first on .

បើតាមក្រុមហ៊ុនដឹកជញ្ជូន វីរៈប៊ុនថាំ បានឱ្យដឹងថា ក្រុមហ៊ុន បានបន្ថែមជើងធ្វើដំណើរថ្មីរបស់ខ្លួន ពីភ្នំពេញទៅកាន់ឧទ្យានជាតិគីរីរម្យ ដែលចាប់បើកដំណើរការនៅថ្ងៃទី១  ខែកក្កដានេះតទៅហើយ។ ការបន្ថែមជើងធ្វើដំណើថ្មីនេះ គឺធ្វើឡើងតបតាមសំណូមពរអតិថិជនដែលចង់ធ្វើដំណើរកម្សាន្តទៅកាន់ ឧទ្យានបោះតង់ CampingPark Romdoul Kirirom Resort រំដួលគីរីរម្យ រីស៊ត ដែលជាកន្លែងល្បីល្បាញលើបណ្តាញសង្គម និងមានទេសភាពស្រស់ស្អាតឱ្យទាក់ទាញ។

ប្រភពដដែល បានបន្តថា សម្រាប់លោកអ្នកដែលចង់ធ្វើដំណើរតាមរថយន្តរបស់ក្រុមហ៊ុនដឹកជញ្ជូន វីរៈប៊ុនថាំ ដែលចំណាយពេលតិចដោយធ្វើដំណើរតាមផ្លូវល្បឿនលឿន និងចំណតរថយន្តទៀតនោះ គឺលោកអ្នកអាចមើលនៅវិធីដូចខាងក្រោមនេះ៖

ទាញយកកម្មវិធី VET Express ដើម្បីធ្វើការកក់សំបុត្រងាយស្រួល និងទទួលបាន 5ភាគរយបន្ថែម

-សម្រាប់ប្រព័ន្ធប្រតិបត្តិការ IOS: https://apple.co/2GG57Vq

-សម្រាប់ប្រព័ន្ធប្រតិបត្តិការ GooglePlay: https://bit.ly/2IhMiZ8

វេបសាយសម្រាប់កក់ : www.vireakbuntham.com

តេឡេក្រាម Link : https://t.me/vireak_buntham

យ៉ាងណាមិញ សម្រាប់ព័ត៌មានបន្ថែម និងចង់កក់ទុកមុន លោកអ្នកក៏អាចទំនាក់ទំនងទៅកាន់លេខទូរសព្ទ៖ 081 911 911 ។

សូម​ជម្រាប​ជូនដែរ​ថា ក្រុមហ៊ុន​ វិរៈ ប៊ុនថាំ អេចប្រេស ជា​ក្រុមហ៊ុនល្បីឈ្មោះមួយ ដែលល្បីខាង​ដឹក​ជញ្ជូន​ និង​បញ្ញើ​ឈាន​មុខ​គេ​មួយ​នៅ​ប្រទេស​កម្ពុជា ដែល​អាច​ធ្វើ​ដំណើរ ឬ​​ផ្ញើ​​ទំនិញ​ ទៅ​កាន់​ប្រទេសថៃ និង​វៀតណាម​បាន។ លើស​ពី​នេះ​ថ្មីៗ​នេះ​ ក្រុមហ៊ុន​ ក៏​ទើប​បាន​ចេញ​​ App ថ្មី​មួយ​ឈ្មោះ​ថា VET Express ដែល​អាច​ទាញ​យក​បាន​នៅ​លើ​​​ទូរសព្ទ​ដៃ​ទាំង​ប្រព័ន្ធ​ iOS និង​ Andriod ​​ដើម្បី​តាម​ដាន​ប្រតិបត្តិការ​​បញ្ញើ​ទំនិញ ឬ​អាច​កក់​សំបុត្រ​​ក្នុង​ការ​ធ្វើ​ដំណើរ​បាន​ផង​ដែរ៕

The post នៅចាំអីទៀត! តោះ ធ្វើដំណើរតាមរថយន្តក្រុមហ៊ុន វីរៈប៊ុនថាំ ទៅកាន់កន្លែងកំពុងល្បីនៅឧទ្យានគីរីរម្យ appeared first on .

ទន្ទឹមនឹងនោះ ឧកញ៉ា សួរ វីរៈ ក៏​បាន​បបួល​អ្នកចូលចិត្ត​ធ្វើដំណើរកម្សាន្ត​ប្រភេទ​នេះ ទៅបោះតង់ និងគេងលើដើមឈើនៅ​ឧទ្យានបោះតង់ នៅ Camping Park នាថ្ងៃបុណ្យទិវានៃក្ដីស្រលាញ់ ដែល​មាន​ទីតាំងនៅ​លើ​កំពូល​ភ្នំ​ឧទ្យានជាតិ​គីរីរម្យ ដែល​នឹង​លេច​រូបរាង ក៏ដូចជារៀបចំរួចរាល់ជាផ្លូវការនៅមុនថ្ងៃ ១៤ កុម្ភៈ នេះតែម្ដង។

ក្រោយពីរៀបចំរួចរាល់ហើយ ទិដ្ឋភាពនៅ Camping Park ពិតជាស្រស់ស្អាតខ្លាំង មិនចាញ់តំបន់ទេសចរណ៍ប្រទេសជិតខាងឡើយ ពោលគឺគ្រាន់តែឃើញភ្លាម ចង់រៀបបង្វេច តេហៅពួកម៉ាកដាក់មួយទ្រីបទៅឧទ្យានបោះតង់តែម្ដង។

លោកអ្នកដែលមានបំណងចង់ទៅលេងកម្សាន្ត និងបោះតង់​នៅ Camping Park អាច​ធ្វើការ​ទំនាក់ទំនង​សាកសួរ​ព័ត៌មាន​បន្ថែម ឬ​អាច​កក់​កន្លែង​បោះតង់ជាមុន តាម​រយៈលេខទូរស័ព្ទ 078/068 600 012៕

The post ទំនងណាស់ព្រះម្ចាស់ថ្លៃអើយ ឧកញ៉ា សួរ វីរៈ បង្ហាញសម្រស់ Camping Park នៅព្រៃស្រល់គីរីរម្យ appeared first on .

អនុក្រឹត្យរាជរដ្ឋាភិបាល ចំនួនពីរទំព័រចុះហត្ថលេខាដោយសម្តេចតេជោនាយករដ្ឋមន្ត្រី ហ៊ុន សែន កាលពីថ្ងៃទី២៧ ខែមិថុនា ឆ្នាំ២០២២ ​បានកាត់​ឆ្វៀល​ដី​ទំហំ​ជាង​២​រយ​ហិកតារ​ចេញ​ពី ឧទ្យាន​ជាតិ​ព្រះសុរាម្រិត ឬ​ហៅថា ឧទ្យានជាតិ​គីរីរម្យ ស្ថិតនៅ​ឃុំ​ត្រែងត្រយឹង ស្រុក​ភ្នំស្រួច ខេត្ត​កំពង់ស្ពឺ ប្រគល់ឱ្យទៅ​ក្រុមហ៊ុន វ៉នម៉រ លីមីតធីត (ONE MORE Ltd.) ​ដើម្បី​បន្ត​រៀបចំ​បំពេញ​បែបបទ​នីតិវិធី​ជាមួយ​ក្រសួង​ស្ថាប័ន​ពាក់ព័ន្ធ។

ក្រុមហ៊ុន វ៉នម៉រ លីមីតធីត ត្រូវបានគេ​ស្គាល់​ថា​ មានអ្នកស្រីអ្នកឧកញ៉ា ជឹង សុគន្ធាវី ដែល​ជា​កូនស្រី​បង្កើត​របស់​អ្នកស្រីឧកញ៉ា ជឹង សុភាព ហៅ​យាយ​ភូ គឺជា​អគ្គ​នាយ​កា​ក្រុមហ៊ុន វ៉នម៉រ លីមីតធីត។

ក្រុមហ៊ុន​ វ៉នម៉រ មានបុត្រ​សម្ព័ន្ធ​មួយ​គឺ​ក្រុមហ៊ុន អិនវីស៊ី ខុបភើរេសិន​ (NVC Cooperation) ​ផលិត​ទឹក​វីតាល់ ក្រុមហ៊ុន​ផលិត​មី​ជាតិ ភោជនីយដ្ឋាន និង​សហគ្រាស​ឱសថ​កកម្ពុជាផងដែរ។ អ្នកស្រីអ្នកឧកញ៉ា ជឹង សុគន្ធាវី ជាកូនប្រសារឧកញ៉ា ឡាវ ម៉េងឃីន ស្វាមីអ្នកស្រីគឺអតីតឧកញ៉ា ឡាវ វ៉ាន់ បច្ចុប្បន្នជាអនុរដ្ឋលេខាធិការក្រសួងសាធារណការ និងដឹកជញ្ជូន។

សូមជម្រាបថា ព្រះបាទ​សម្ដេចព្រះ នរោត្តម សីហនុ កាលពី​ឆ្នាំ​១៩៩៣ ព្រះអង្គ​បាន​កំណត់​តំបន់​គីរីរម្យ​ដែល​មាន​ផ្ទៃដី​ជាង ៣៥.០០០​ហិកតារ ជា​តំបន់​ឧទ្យាន​ជាតិ ដើម្បី​ថែរក្សា​ធនធានធម្មជាតិ និង​បម្រើ​ឲ្យ​វិស័យ​ទេសចរណ៍ ដោយ​មិន​ឲ្យ​ខូចខាត​ដល់​បរិស្ថាន​ឡើយ​។ ភ្នំ​គីរីរម្យ​ស្ថិត​នៅ​ក្នុង​ឃុំ​ចំបក់ ស្រុក​ភ្នំស្រួច ខេត្តកំពង់ស្ពឺ នេះ ត្រូវ​បាន​សម្ពោធ​ដាក់​ទៅជា​ឧទ្យាន​ជាតិ​ព្រះ​សុរាម្រិត កុសមៈ កាល​ពី​ខែ​មិថុនា ឆ្នាំ​១៩៩៥ ដើម្បី​រក្សា​ទុកជា​តំបន់​អភិរក្ស៕

The post ក្រុមហ៊ុនអ្នកឧកញ៉ា ជឹង សុគន្ធាវី ទទួលបានដីឧទ្យានជាតិគិរីរម្យជាង ២០០ហិកតា appeared first on .