នៅព្រឹកថ្ងៃទី៤ ខែកញ្ញា ឆ្នាំ២០២៥ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា បានអញ្ជើញដឹកនាំក្រុមការងារចុះពិនិត្យទីតាំងគម្រោងរៀបចំអភិវឌ្ឍចំណតទូក នៅស្រុកស្ទឹងហាវ នេះដោយផ្ទាល់ ដើម្បីណែនាំជាអនុសាសន៍តម្រង់ទិសបន្ថែម។

គណៈកម្មាធិការជាតិគ្រប់គ្រង និងអភិវឌ្ឍឆ្នេរសមុទ្រកម្ពុជា បានឱ្យដឹងទៀតថា គម្រោងនេះ ក៏បានគិតគូររៀបចំកែលម្អហេដ្ឋារចនាសម្ព័ន្ធរូបវន្តទ្រទ្រង់ លម្ហសាធារណៈ ផ្ទៃបៃតង និងរៀបចំលំនៅឋាន របស់ប្រជាជនឱ្យមានសណ្តាប់ធ្នាប់ និងរបៀបរៀបរយ ជាភូមិឋានក្សេមក្សាន្ត និងជាទ្រនំសុភមង្គល៕

The post គណៈកម្មាធិការជាតិគ្រប់គ្រង និងអភិវឌ្ឍឆ្នេរសមុទ្រកម្ពុជា ផ្តួចផ្តើមអភិវឌ្ឍចំណតទូក នៅស្រុកស្ទឹងហាវ ដើម្បីបម្រើឱ្យការជួសជុលទូក នាវា និងកប៉ាល់ នៅក្នុងស្រុក appeared first on .

ការប្រកាសរបស់ឯកឧត្តមឧបនាយករដ្ឋមន្ត្រីខាងលើ បានធ្វើឡើងក្នុងឱកាសដែលឯកឧត្តម អញ្ជើញជាអធិបតីក្នុងពិធីប្រគល់វិញ្ញាបនបត្រសម្គាល់ម្ចាស់អចលនវត្ថុ សរុបចំនួន ៨ ៧៤៣បណ្ណ ស្មើនឹង ២ ៩២១គ្រួសារ ជូនប្រជាពលរដ្ឋចំនួន ៥ភូមិ ស្ថិតក្នុងឃុំព្រៃទន្លេ និងឃុំបន្ទាយមាសខាងកើត ស្រុកបន្ទាយមាស ខេត្តកំពត កាលពីថ្ងៃទី១៧ ខែមិថុនា ឆ្នាំ២០២៥។

ឯកឧត្តម សាយ សំអាល់ បានលើកឡើងថា ស្រុកខ្មែរយើងកាលពីមានទំនាស់ដីធ្លីច្រើនបំផុត មានចំនួនប្រមាណ ២០,០០០ករណី ប៉ុន្តែបច្ចុប្បន្ននៅសល់ត្រឹមតែចំនួន ២០០ករណីទេ ហើយលោករំពឹងថា នៅខែធ្នូ ឆ្នាំ២០២៥ នឹងអាចអស់ករណីទំនាស់ដីធ្លីទូទាំងប្រទេស។

«ការចុះបញ្ជីដីជូនបងប្អូនប្រជាពលរដ្ឋ ចុះបញ្ជីដីជូនដីរដ្ឋជូន វត្តអារ៉ាម សាលារៀន ដីតំបន់ការពាររបស់ក្រសួងបរិស្ថាន ដីកសិកម្មរបស់ក្រសួងកសិកម្ម ដីបឹងរបស់ក្រសួងធនធានទឹក យើងនឹងបញ្ចប់ ហើយខ្ញុំគិតថា ខ្ទង់ខែធ្នូ ឆ្នាំ២០២៥នេះ នឹងចប់ភាគច្រើន ប៉ុន្តែខ្ញុំនឹងសុំពេលតិចតួចបន្ថែមទៀត ដើម្បីសម្អាតកែតម្រូវ»។ ឯកឧត្តម សាយ សំអាល់ បានបញ្ជាក់បន្ថែម។

ឯកឧត្តមឧបនាយករដ្ឋមន្រ្តី បានឱ្យដឹងផងដែរថា ចំពោះពុកម៉ែបងប្អូនដែលមិនបានចុះបញ្ជីដីធ្លី នៅពេលដែលគេចុះទៅធ្វើការចុះបញ្ជីដីធ្លីមានលក្ខណៈជាប្រព័ន្ធ ក៏នៅមានសិទ្ធិ និងនៅមានឱកាសសុំចុះបញ្ជីដីរបស់ខ្លួនឯងដែរ ទោះបីគេចុះបញ្ជីហួសហើយក៏ដោយ។ ក្រុមការងារក្រសួង និងមន្ទីរសុរិយោដី នឹងចុះបញ្ជីជូនទាំងអស់៕

The post ឧបនាយករដ្ឋមន្ត្រី សាយ សំអាល់៖ ការចុះបញ្ជីដីធ្លីទូទាំងប្រទេស​កម្ពុជា នឹងបញ្ចប់នៅចុងឆ្នាំ២០២៥នេះ appeared first on .

ក្រសួងរៀបចំដែនដី បានឱ្យដឹងថា ក្នុងស្មារតីគ្រប់គ្រង និងអភិរក្សបឹងទន្លេសាប ក្រុមការងារតម្រង់ទិសលើកស្ទួយជីវភាពសហគមន៍ពលរដ្ឋរស់នៅជុំវិញបឹងទន្លេសាប លើកទឹកចិត្តឱ្យមានការបង្កើតនូវខឿនសេដ្ឋកិច្ចថ្មី ដូចជាការចិញ្ចឹមគោពូជ និងគោយកសាច់ សម្រាប់ផ្គត់ផ្គង់តម្រូវការប្រចាំថ្ងៃរបស់ប្រជាជនកម្ពុជា។

ជាទំនៀមទម្លាប់ ប្រជាជនកម្ពុជាពឹងផ្អែកលើធនធានធម្មជាតិរបស់បឹងទន្លេសាប ដែលថ្ងៃនេះយើងបានឈានទៅគ្រប់គ្រងនិងផលិតស្រូវតាមតម្រូវការ ហើយយើងកំពុងឈានទៅផលិតត្រីតាមតម្រូវការផងដែរ។ បច្ចុប្បន្ន បងប្អូនប្រជាជនដែលកំពុងរស់នៅជុំវិញបឹងទន្លេសាប ក៏បានចាប់មុខរបរថ្មី គឺការផ្គត់ផ្គង់សាច់គោ សាច់ក្របី និយាយជារួមគឺការចិញ្ចឹមសត្វធ្វើជាអាហារ ដើម្បីផ្គត់ផ្គង់ទៅតាមតម្រូវការ និងមានតម្លៃសមរម្យ។

សូមជម្រាបផងដែរថា កាលពីដើមខែមីនា ឆ្នាំ២០២៥ អ្នកឧកញ៉ា ម៉ម វណ្ណឌី បានបង្ហើបពីគម្រោងបើកដំណើរការលក់សាច់គោ វ៉ាគូរ អែងកាស់ នៅកសិដ្ឋាន ឌីភី ក្នុងពេលឆាប់ៗខាងមុខនេះ បន្ទាប់ពីមួយរយៈចុងក្រោយ អ្នកឧកញ៉ាបានធ្វើដំណើរទៅទស្សនកិច្ចសិក្សាកសិដ្ឋានចិញ្ចឹមគោជាច្រើន នៅបណ្តាប្រទេសមួយចំនួនដូចជា ប្រទេសជប៉ុន ចិន និងប្រទេសថៃ ដើម្បីសិក្សាស្វែងយល់ពីបទពិសោធន៍ល្អៗរបស់កសិដ្ឋានចិញ្ចឹមគោប្រទេសទាំងនោះ៕

The post អ្នកឧកញ៉ា ម៉ម វណ្ណឌី អមដំណើរឧបនាយករដ្ឋមន្ត្រី សាយ សំអាល់ ចុះពិនិត្យកសិដ្ឋានចិញ្ចឹមគោឌីភី appeared first on .

ឯកឧត្តម តឹករ៉េត សំរេច រដ្ឋលេខាធិការប្រចាំការ នៃក្រសួងរៀបចំដែនដី បានថ្លែងក្នុងរបាយការណ៍នៃពិធីបូកសរុបលទ្ធផលនៃការអនុវត្តការងារឆ្នាំ២០២៤ និងទិសដៅការងារឆ្នាំ២០២៥ របស់ក្រសួងរៀបចំដែនដី នាព្រឹកថ្ងៃទី២៥ ខែវិច្ឆិកានេះ អំពីការផ្តល់សេវាសាធារណៈ និងការងារប្រមូលចំណូលរបស់ក្រសួងថា រយៈពេល១ឆ្នាំនេះ ក្រសួងបានប្រមូលចំណូលចូលថវិកាជាតិសរុបចំនួន ៦៥៧ ៩៩៥ ៩៣៩ ០៣៤ រៀល (កើនឡើង ៤៣,២៩% បើធៀបនឹងរយៈពេលដូចគ្នាក្នុងឆ្នាំ២០២៣) ក្នុងនោះចំណូលរបស់រដ្ឋបាលកណ្តាលចំនួន ១៧ ១០៤ ៦៥៥ ៨០៥រៀល និងចំណូលរបស់មន្ទីររៀបចំដែនដី នគរូបនីយកម្ម សំណង់ និងសុរិយោដីរាជធានី ខេត្ត ចំនួន ៦៤០ ៨៩១ ២៨៣ ២២៩រៀល។

ក្នុងពិធីខាងលើនេះដែរ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី បានគូសបញ្ជាក់ថា ក្នុងរយៈពេល ១ឆ្នាំដើមអាណត្តិទី៧ នេះ ក្រសួងរៀបចំដែនដី នគរូបនីយកម្ម និងសំណង់ បាននិងកំពុងឆ្លើយតបប្រកបដោយប្រសិទ្ធភាពទៅនឹងយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាល និងគោលនយោបាយអាទិភាពគន្លឹះទាំង៥ របស់សម្តេចធិបតីនាយករដ្ឋមន្ត្រី គឺមនុស្ស ផ្លូវ ទឹក ភ្លើង និងបច្ចេកវិទ្យា ជាពិសេសគឺបច្ចេកវិទ្យាឌីជីថលសម្រាប់ឆ្លើយតបទៅនឹងបដិវត្តឧស្សាហកម្មទី៤ និងបរិវត្តកម្មឌីជីថលនៃសេដ្ឋកិច្ចនិងសង្គមកម្ពុជា៕

The post ក្រសួងរៀបចំដែនដី ប្រមូលចំណូលបានជាង ១៦៤លានដុល្លារ នៅឆ្នាំ២០២៤ កើនឡើងជាង ៤៣% appeared first on .

កិច្ចប្រជុំនេះ ក៏មានការអញ្ជើញចូលរួមពី លោកអ្នកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅឋានកម្ពុជា និងឧកញ៉ា តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ “ឌ” “ផ្នែកសំណង់ និងអចលនទ្រព្យ” ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៦ ផ្នែកឯកជន ព្រមទាំងតំណាងមកពីក្រសួង ស្ថាប័នពាក់ព័ន្ធ ដែលជាសមាជិកនៃ ក.ជ.ប.ស តំណាងសមាគមឯកជន តំណាងគ្រឹះស្ថានអប់រំផ្នែកឯកជន និងសមាជិក សមាជិកានៃ ក.ជ.ប.ស ជាច្រើនទៀតផងដែរ។

កិច្ចប្រជុំនេះ ត្រូវបានរៀបចំឡើងក្នុងគោលបំណងសំខាន់ៗចំនួន៣ រួមមាន៖ ១.កំណត់វិធាន និងគោលការណ៍អនុវត្តរួមជូនដល់ ក.ជ.ប.ស ក្នុងការសិក្សាស្រាវជ្រាវ និងអភិវឌ្ឍន៍បទដ្ឋានបច្ចេកទេសសំណង់ និងបទប្បញ្ញត្តិបច្ចេកទេសសំណង់, ២.ធ្វើការពិនិត្យ ពិគ្រោះ និងពិភាក្សាបទប្បញ្ញត្តិបច្ចេកទេសសំណង់ ដើម្បីឱ្យមានមូលដ្ឋានក្នុងការរៀបចំ និងលើកជាសំណើជូនរាជរដ្ឋាភិបាល ដើម្បីដាក់ឱ្យប្រើប្រាស់ជាផ្លូវការនូវបទប្បញ្ញត្តិបច្ចេកទេសសំណង់ឱ្យស្របតាមលក្ខខណ្ឌសេដ្ឋកិច្ច សង្គម បរិស្ថាន បច្ចេកវិទ្យា និងវិទ្យាសាស្រ្តនៃព្រះរាជាណាចក្រកម្ពុជា និង ៣.ចែករំលែកព័ត៌មានតាមរយៈការធ្វើបទបង្ហាញ។

សូមជម្រាបថា ឯកឧត្តមឧបនាយករដ្ឋមន្ត្រី សាយ សំអាល់ បានចាត់ទុកក្រុមប្រឹក្សាជាតិបទប្បញ្ញត្តិបច្ចេកទេសសំណង់ និងមន្ទីរពិសោធន៍ជាតិសំណង់ ជាចលករដ៏សំខាន់ក្នុងការពង្រឹងវិស័យសំណង់នៅកម្ពុជា ប្រកបដោយប្រសិទ្ធភាព និងនិរន្តរភាព។ ឯកឧត្តមបានលើកឡើងឱ្យបន្តជំរុញការរៀបចំគោលនយោបាយអភិវឌ្ឍបទដ្ឋានបច្ចេកទេសសំណង់ និងបទប្បញ្ញត្តិបច្ចេកទេសសំណង់ ឱ្យស្របតាមការវិវត្តសេដ្ឋកិច្ចសង្គមកម្ពុជា និងការពង្រឹងការអនុវត្តច្បាប់ស្តីពីសំណង់ ក្នុងគោលបំណងបង្កើននូវគុណភាព សុវត្ថិភាព ការពារទ្រព្យសម្បត្តិ និងសុខុមាលភាពរបស់ម្ចាស់សំណង់ អ្នកប្រើប្រាស់សំណង់ និងសាធារណជន៕

The post រដ្ឋមន្ត្រី ៣រូប អញ្ជើញបើកកិច្ចប្រជុំលើកទី១ របស់ក្រុមប្រឹក្សាជាតិបទប្បញ្ញត្តិបច្ចេកទេសសំណង់ appeared first on .

កិច្ចប្រជុំនេះ ក៏មានការអញ្ជើញចូលរួមពី ឧកញ៉ា តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងជាសហប្រធានក្រុមការងារ “ឌ” “ផ្នែកសំណង់ និងអចលនទ្រព្យ” ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានសម្របសម្រួលក្រុមការងារទាំង១៦ ផ្នែកឯកជន។ ជាមួយគ្នានោះ ក៏មានវត្តមានឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល និងឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវតន៍ ដែលជា អនុប្រធាន ក.ជ.ប.ស ព្រមទាំងតំណាងមកពីក្រសួង ស្ថាប័នពាក់ព័ន្ធ ដែលជាសមាជិកនៃ ក.ជ.ប.ស តំណាងសមាគមឯកជន តំណាងគ្រឹះស្ថានអប់រំផ្នែកឯកជន និងសមាជិក សមាជិកានៃ ក.ជ.ប.ស ជាច្រើនទៀតផងដែរ។

កិច្ចប្រជុំនេះ ត្រូវបានរៀបចំឡើងក្នុងគោលបំណងសំខាន់ៗចំនួន៣ រួមមាន៖ ១.កំណត់វិធាន និងគោលការណ៍អនុវត្តរួមជូនដល់ ក.ជ.ប.ស ក្នុងការសិក្សាស្រាវជ្រាវ និងអភិវឌ្ឍន៍បទដ្ឋានបច្ចេកទេសសំណង់ និងបទប្បញ្ញត្តិបច្ចេកទេសសំណង់, ២.ធ្វើការពិនិត្យ ពិគ្រោះ និងពិភាក្សាបទប្បញ្ញត្តិបច្ចេកទេសសំណង់ ដើម្បីឱ្យមានមូលដ្ឋានក្នុងការរៀបចំ និងលើកជាសំណើជូនរាជរដ្ឋាភិបាល ដើម្បីដាក់ឱ្យប្រើប្រាស់ជាផ្លូវការនូវបទប្បញ្ញត្តិបច្ចេកទេសសំណង់ឱ្យស្របតាមលក្ខខណ្ឌសេដ្ឋកិច្ច សង្គម បរិស្ថាន បច្ចេកវិទ្យា និងវិទ្យាសាស្រ្តនៃព្រះរាជាណាចក្រកម្ពុជា និង ៣.ចែករំលែកព័ត៌មានតាមរយៈការធ្វើបទបង្ហាញ។

គួរបញ្ជាក់ថា ឯកឧត្តមឧបនាយករដ្ឋមន្ត្រី សាយ សំអាល់ បានចាត់ទុកក្រុមប្រឹក្សាជាតិបទប្បញ្ញត្តិបច្ចេកទេសសំណង់ និងមន្ទីរពិសោធន៍ជាតិសំណង់ ជាចលករដ៏សំខាន់ក្នុងការពង្រឹងវិស័យសំណង់នៅកម្ពុជា ប្រកបដោយប្រសិទ្ធភាព និងនិរន្តរភាព។ ឯកឧត្តមបានលើកឡើងឱ្យបន្តជំរុញការរៀបចំគោលនយោបាយអភិវឌ្ឍបទដ្ឋានបច្ចេកទេសសំណង់ និងបទប្បញ្ញត្តិបច្ចេកទេសសំណង់ ឱ្យស្របតាមការវិវត្តសេដ្ឋកិច្ចសង្គមកម្ពុជា និងការពង្រឹងការអនុវត្តច្បាប់ស្តីពីសំណង់ ក្នុងគោលបំណងបង្កើននូវគុណភាព សុវត្ថិភាព ការពារទ្រព្យសម្បត្តិ និងសុខុមាលភាពរបស់ម្ចាស់សំណង់ អ្នកប្រើប្រាស់សំណង់ និងសាធារណជន៕

The post លោកអ្នកឧកញ៉ា លី ហួរ ចូលរួមកិច្ចប្រជុំលើកទី១ របស់ក្រុមប្រឹក្សាជាតិបទប្បញ្ញត្តិបច្ចេកទេសសំណង់ appeared first on .

ចាប់តាំងពីឆ្នាំ២០២៣មក ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវយុទ្ធសាស្ត្រចុះដោះស្រាយវិវាទដីធ្លីនៅទូទាំងប្រទេសកម្ពុជា។ យោងតាមរបាយការណ៍ ក្រសួងទទួលបានពាក្យបណ្ដឹងពាក់ព័ន្ធវិវាទដីធ្លីនេះចំនួន ១៥,៦៤២ ករណី ដោះស្រាយបញ្ចប់បាន ១៣,៦១៥ ករណី ដែលស្មើនឹង ៨៧.០៤% និងកំពុងបន្តដោះស្រាយចំនួន២,០២៧ករណី ហើយករណីដីសម្បទានសេដ្ឋកិច្ចដំណាំអំពៅ នៅខេត្តកោះកុង ជាករណីក្តៅជាច្រើនឆ្នាំក្រសួងដោះស្រាយសម្រេចបាន ១០០%។

បើតាមរបាយការណ៍បានរកឃើញថា ឬសគល់នៃវិវាទ ដែលជាកត្តាធំៗ ដែលនាំឱ្យមានជម្លោះ ដែលក្នុងនោះមានវិវាទដីមិនទាន់ចុះបញ្ជី ការគ្រប់គ្រងកាន់កាប់មិនជាប់លាប់ ការកំណត់ព្រំដីរដ្ឋមិនទាន់ច្បាស់លាស់ ខ្វះការយល់ដឹងអំពីផ្លូវច្បាប់ ការរៀបចំដែនដី លំនៅដ្ឋាន ការបង្កើតឱ្យមានចលនាតវ៉ាដោយមានការញុះញង់នៅពីក្រោយក្នុងលេសនយោបាយ ដែលសុទ្ធសឹងជាឬសគល់ដែលនាំឱ្យមានវិវាទដីធ្លីកើតឡើង។

ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានចាត់ទុកការដោះស្រាយវិវាទដីធ្លី គឺជារឿងសំខាន់ ដើម្បីឈានទៅរកការចុះបញ្ជីត្រឹមត្រូវតាមច្បាប់ និង ជាពិសេសទប់ស្កាត់ក្រុមជនឆ្លៀតឱកាសដែលយកយកបញ្ហាជម្លោះដីធ្លីនេះកេងចំណេញនយោបាយ វាយប្រហាររាជរដ្ឋាភិបាលកម្ពុជា។

សម្រាប់លោកឧបនាយករដ្ឋមន្ត្រី សាយ សំអាល់ ចាត់ទុកលទ្ធផលនៃការដោះស្រាយជម្លោះនេះ គឺជាប្រវត្តិសាស្ត្ររបស់កម្ពុជា ដើម្បីឈានទៅបញ្ចប់ជម្លោះទាំងស្រុងនៅពេលខាងមុខ។

ឯកឧត្តម ឧបនាយករដ្ឋមន្រ្តី បានថ្លែងបន្តថា ស្របតាមគោលនយោបាយរបស់រាជរដ្ឋាភិបាលកម្ពុជា ដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្ត្រី ការងារចុះបញ្ជីដីធី្លគឺជាបញ្ហាមួយដ៏សំខាន់ដែលប្រមុខរាជរដ្ឋាភិបាលកម្ពុជាបានយកចិត្តទុកដាក់ខ្ពស់ក្នុងការជំរុញលើបញ្ហានេះ។

ឯកឧត្តមបានជំរុញឱ្យក្រុមការងារចុះបញ្ជីដីធ្លីជូនប្រជាពលរដ្ឋ ត្រូវខិតខំបំពេញភារកិច្ចនេះឲ្យបានល្អត្រឹមត្រូវ និងឆាប់រហ័សស្របទៅតាមគោលការណ៍របស់រាជរដ្ឋាភិបាលដែលបានកំណត់ ជាពិសេសនោះ គឺការបន្តសកម្មភាពរៀបចំចុះបញ្ជី ដីធ្លីជូនប្រជាពលរដ្ឋប្រកបដោយប្រសិទ្ធភាព និងសុក្រិតភាព ជាមួយនឹងការធ្វើការកែសម្រួល ដោយកាត់ឆ្វៀលជូនប្រជាពលរដ្ឋ ដែលមានតាំងទីលំនៅពិតប្រាកដ និងរស់នៅរយៈពេលយូរមកហើយ៕

The post ក្រសួងរៀបចំដែនដី ដោះស្រាយវិវាទដីធ្លី បានជាង១ម៉ឺន៣ពាន់ករណី ស្មើជិត៩០ភាគរយនៃជម្លោះ appeared first on .

តើ​​រដ្ឋមន្ត្រី​វ័យ​ក្មេង ៣​រូប ក្នុង​ចំណោម​រដ្ឋមន្ត្រី​ទាំង​ ​​២៩​រូប ដែល​គ្រប់គ្រង​ក្រសួង ស្ថាប័ន មាន​នរណា​ខ្លះ? ​ថ្ងៃ​នេះ ឧកញ៉ាញូស៍ សូម​បង្ហាញ​ជូន​ដូច​ខាង​ក្រោម៖​

១. លោក សាយ សំអាល់ ៖ រដ្ឋមន្ត្រីក្រសួងបរិស្ថាន (វ័យ៤២ឆ្នាំ)

លោក សាយ សំអាល់ នៅតែជារដ្ឋមន្ត្រីវ័យក្មេងជាងគេបំផុត​របស់កម្ពុជា។ លោកកើត​​ថ្ងៃទី​១៥ ខែ​ឧសភា ឆ្នាំ​១៩៨០​ និង​​ជា​កូនពៅ​ក្នុង​ចំណោម​បង​ប្អូន​ពីរ​នាក់​​​របស់​​សម្តេច​វិបុល​សេនា​​ភក្តី សាយ ឈុំ ប្រធានព្រឹទ្ធសភា។

លោក សាយ សំអាល់ ជា​បញ្ញវន្តវ័យក្មេង​ ដែល​ទទួល​បាន​ការ​បណ្ដុះបណ្ដាល​ពី​ប្រទេស​លោក​ខាង​លិច​ផ្នែក​ជំនាញ​ជីវសាស្ត្រ​ ដោយ​បាន​បញ្ចប់​ការ​សិក្សា​ថ្នាក់​អនុបណ្ឌិត​ផ្នែក​ជីវ​វិទ្យា​វិទ្យា​សាស្ត្រ (Biological Sciences) នៅ​មហា​វិទ្យា​ល័យ​ម៉ូណាស (Monash University) ប្រទេស​អូស្ត្រាលី។ កាល​មានអាយុ​ ១៣ ឆ្នាំ ​លោកត្រូវបានក្រុមគ្រួសារបញ្ជូនឲ្យ​ទៅ​សិក្សា​នៅ​ប្រទេស​​សិង្ហបុរី​ ចូល​រៀន​ពី​ថ្នាក់​ទី ៦ ដល់​​ថ្នាក់​ទី ៩ ដោយ​​រៀន​ទាំង​ភាសា​អង់គ្លេស ភាសា​ចិន និង​ភាសា​ម៉ាឡេ​។ ក្រោយមកបាន​​បន្ដ​ការ​សិក្សា​ថ្នាក់​ទី ១០ ដល់​ទី ១២ នៅ​ប្រទេស​អូស្ដ្រាលី​ដោយ​តម្រង់​ទិស​ខាង​ផ្នែក​ជីវសាស្ដ្រ។ នៅឆ្នាំបន្ទាប់លោកបានបញ្ចប់ថ្នាក់​បរិញ្ញាបត្រ អនុបណ្ឌិត និង​ជាប់​ជា​បេក្ខភាព​​បណ្ឌិត​ជំនាញ​ជីវសាស្ដ្រ​នៅ​ប្រទេស​អូស្ដ្រាលី។

នៅ​ឆ្នាំ ២០០៨ ពេល​វិល​ត្រឡប់​មក​កម្ពុជា​វិញ​ ក្រោយពី​បញ្ចប់​ការ​សិក្សា​ថ្នាក់​បណ្ឌិត​ជីវសាស្ដ្រ​នៅ​ប្រទេស​អូស្រ្តាលី លោក​បាន​ចូល​បម្រើ​ការងារ​នៅ​ទីស្ដីការ​គណៈរដ្ឋមន្ត្រី ​មាន​ឋានៈ​ជា​ប្រធាន​អាជ្ញាធរ​​បឹង​ទន្លេសាប​​។ បន្ទាប់​មក​​បាន​កាន់​តំណែង​ជា​អគ្គលេខា​រង និង​ជា​អគ្គលេខា​នៅ​ទីស្ដីការ​គណៈរដ្ឋមន្ត្រី​ក្នុង​អាណត្តិ​ទី ៤ ​នៃ​រាជរដ្ឋាភិបាល​កម្ពុជា ហើយ​លោកក៏​ជា​ប្រធាន​គណៈ​ពង្រឹង​នៅ​ស្រុក​អូររាំងឪ ខេត្ត​កំពង់ចាម​​ មុន​ពេល​ទទួល​តំណែង​ជា​រដ្ឋមន្ត្រី​ក្រសួង​បរិស្ថាន ​កាលឆ្នាំ២០១៣។

២. លោក ឌិត ទីណា ៖ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ (វ័យ៤៣ឆ្នាំ)

កើតនៅថ្ងៃទី០៧ ខែមករា ឆ្នាំ១៩៧៩ នៅសង្កាត់លេខ១ រាជធានីភ្នំពេញ ជាកូនរបស់លោក ឌិត មុន្ទី ប្រធានតុលាការកំពូល។ ក្រោយ​ពេល​បញ្ចប់​ការ​សិក្សា​ថ្នាក់​បាក់ឌុប​ ពី​វិទ្យាល័យ​ព្រះស៊ីសុវត្ថិ​នៅ​ឆ្នាំ​ ១៩៩៤​ លោក​ ឌិត ទីណា បាន​ចេញ​ទៅ​បន្ត​ការសិក្សា​នៅ​ប្រទេស​បារាំង​ចាប់ពី​ឆ្នាំ​ ១៩៩៦​ រហូតដល់​ឆ្នាំ​ ២០០២​។ ឆ្នាំ​ ២០០២ ​ជា​ឆ្នាំ​ដែល​លោក​បញ្ចប់​ការ​សិក្សា​ពី​សាលា​ជាតិ​ជាន់​ខ្ពស់​ផ្នែក​រ៉ែ​នៅ​ទី​ក្រុង​ប៉ារីស​ ប្រទេស​បារាំង​ Ecole Nationale superieure des mines de Paris ដោយ​ទទួល​សញ្ញាបត្រ​វិស្វករ​រ៉ែ។ ក្រៅ​ពី​សញ្ញាបត្រ​វិស្វករ​រ៉ែ លោក​បាន​បញ្ចប់​ការ​សិក្សា​ថ្នាក់​បរិញ្ញាបត្រ​ជាន់​ខ្ពស់ ​ផ្នែក​រូបវិទ្យា​ពី​សាកល​វិទ្យាល័យ Orsay,Paris Sud នៅ​ឆ្នាំ​២០០០​។

លោក ឌិត ទីណា បានបំពេញការងារ​ជារដ្ឋលេខាធិការក្រសួងរ៉ែ និងថាមពល ពីឆ្នាំ២០១៤ ដល់ឆ្នាំ២០២២, ជារដ្ឋលេខាធិការ ក្រសួងពាណិជ្ជកម្មពីឆ្នាំ២០១៣ ដល់ឆ្នាំ២០១៤ និងជាអនុរដ្ឋលេខាធិការ ក្រសួង​ពាណិជ្ជកម្ម​ពីឆ្នាំ២០០៩ ដល់ឆ្នាំ២០១៣។ តាមរយៈតួនាទី និងការងារខាងលើនេះ លោក ឌិត ទីណា ធ្លាប់​បានចូលរួមដឹកនាំលុបបំបាត់អាជីវកម្មបូមខ្សាច់អនាធិបតេយ្យតាមដងទន្លេ, ដឹកនាំក្រុម​ការងារ​រៀបចំ​តាក់តែង​គោលនយោបាយជាតិ ស្តីពីធនធានរ៉ែឆ្នាំ២០១៨-២០២៨, ដឹកនាំក្រុមការងាររៀបចំតាក់តែងច្បាប់ ស្តីពីការគ្រប់គ្រងប្រេងកាត និងផលិតផលប្រេងកាត និងដឹកនាំតាក់តែងច្បាប់ ស្តីពីទំនិញសម្គាល់​ភូមិសាស្ត្រ​ជាដើម។ លោក ឌិត ទីណា ត្រូវបានព្រះមហាក្សត្រ​ចេញ​ព្រះរាជក្រឹត្យ​តែងតាំង ជារដ្ឋមន្ត្រី​ក្រសួង​កសិកម្ម រុក្ខាប្រមាញ់ និងនេសាទ កាលពី​ថ្ងៃទី​១៤ ខែតុលា ឆ្នាំ២០២២ បន្ទាប់ពី​ត្រូវបាន​សមាជិក​រដ្ឋសភា ១១១/១១១រូប បោះឆ្នោតគាំទ្រជាឯកច្ឆ័ន ផ្តល់សេចក្តីទុកចិត្ត ឱ្យធ្វើជារដ្ឋមន្ត្រីក្រសួងកសិកម្ម។

៣. លោក កើត រិទ្ធ ៖ ​រដ្ឋមន្ត្រីក្រសួងយុត្តិធម៌ (វ័យ៤៣ឆ្នាំ)

កើតនៅថ្ងៃទី០២ ខែមករា ឆ្នាំ១៩៧៩ មានទីកន្លែងកំណើត​នៅភូមិ​ព្រៃ​ទទឹង ស្រុកព្រៃឈរ ខេត្តកំពង់ចាម។ លោក​​ទទួល​បាន​ការ​តែងតាំង​ជា​រដ្ឋមន្ត្រីក្រសួងយុត្តិធម៌ ​​កាលពី​ថ្ងៃទី​៣០ ខែ​មីនា ឆ្នាំ២០២០។ លោកជា​អតីត​និស្សិត​ពូកែ​ ​ទទួលបានអាហាររូបករណ៍សិក្សា​ផ្នែក​ច្បាប់​នៅប្រទេស​បារាំង នៅឆ្នាំ​១៩៩៩។ ឆ្នាំ២០០០ លោក​ទទួលបានបរិញ្ញាបត្រ​នីតិឯក​ជន​ពីសាកលវិទ្យាល័យលីយ៉ុង២​ប្រទេសបារាំង ចំណែកឆ្នាំ២០០១ លោក​ទទួល​បានសញ្ញាបត្រ Maîtrise ផ្នែកច្បាប់ពី​សាកលវិទ្យាល័យលីយ៉ុង២ ជាមួយនឹងនិទ្ទេស​ល្អ​ណាស់។ នៅឆ្នាំ២០០២ លោកទទួលបានបរិញ្ញាបត្រ​ជាន់ខ្ពស់ផ្នែកច្បាប់ព្រហ្មទណ្ឌ និងវិទ្យាសាស្រ្ត​នៃ​បទឧក្រិដ្ឋ នៅសាកលវិទ្យាល័យលីយ៉ុង៣​ប្រទេសបារាំងផងដែរ។

ក្រៅពីការសិក្សា និងស្នាដៃជាច្រើន លោក​ កើត រិទ្ធ ក៏មានបទពិសោធន៍ការងារ​ជាច្រើនផងដែរ ក្នុងនោះ ចាប់តាំងពីឆ្នាំ២០០២ រហូតដល់ឆ្នាំ២០១៦ ជាសាស្រ្តាចារ្យផ្នែក ច្បាប់នៅសាកលវិទ្យាល័យភូមិន្ទ​និតីសាស្រ្ត និងវិទ្យាសាស្រ្តសេដ្ឋកិច្ច (ទាំងថ្នាក់ភាសាបារាំង និងភាសាខ្មែរ) នៅក្នុងកំឡុងពេលនោះ​ លោក ក៏បានចុះផ្សព្វផ្សាយច្បាប់​ទាក់​ទងនឹង​ក្រមព្រហ្មទណ្ឌ និងក្រមនីតិវិធីព្រហ្មទណ្ឌ ទៅដល់ចៅក្រម ព្រះរាជ​អាជ្ញា និង​មន្រ្តី​អនុវត្តន៍ច្បាប់ តាមបណ្តាខេត្ត។ ឆ្នាំ២០០៣-២០០៥ មន្រ្តីរាជការស៊ីវិលក្រសួងអប់រំយុវជន និងកីឡា។ ឆ្នាំ២០០៥-២០១២ មន្រ្តីរាជការស៊ីវិលក្រសួងសេដ្ឋកិច្ច និងហរិញ្ញវត្ថុ។ ឆ្នាំ២០០៧-២០១៣ អនុរដ្ឋលេខាធិការក្រសួងយុត្តិធម៌ និងឆ្នាំ២០០៨ ដល់បច្ចុបន្ន ជាសមាជិកគណៈ​កម្មការមូលបត្រកម្ពុជា។ ឆ្នាំ២០១២ ដល់បច្ចុប្បន្ន ជាសមាជិក ឧត្តមក្រុមប្រឹក្សា សេដ្ឋកិច្ច​ជាតិ។

ឆ្នាំ២០១៤ ដល់បច្ចុប្បន្ន ជាសមាជិក​គណៈកម្មាធិការកំណែទម្រង់ច្បាប់ និងប្រព័ន្ធយុត្តិ​ធម៌។ ឆ្នាំ២០១៣ ដល់ ២០១៨ ជារដ្ឋលេខា​ធិការក្រសួងយុត្តិធម៌។ ឆ្នាំ២០១៨ ដល់ ២០២០ ជារដ្ឋលេខាធិការប្រចាំការក្រសួងយុត្តិធម៌ និងនៅថ្ងៃទី ៣០ ខែមីនា ឆ្នាំ២០២០ មកដល់បច្ចុប្បន្ន ជារដ្ឋមន្រ្តីក្រសួង​យុត្តិធម៌៕

The post ណែនាំឱ្យស្គាល់ រដ្ឋមន្ត្រីវ័យក្មេង ៣រូប របស់កម្ពុជាបច្ចុប្បន្ន ដែលមានអាយុក្រោម៤៥ឆ្នាំ appeared first on .

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានថ្លែងក្នុងសិក្ខាសាលា​ផ្សព្វផ្សាយស្តីពីការអភិរក្ស​ព្រៃឈើ ក្នុងតំបន់ការពារធម្មជាតិ នារសៀលថ្ងៃពុធ ទី១០ខែសីហាឆ្នាំ២០២២ នៅទីស្តីការក្រសួងបរិស្ថាន ថា ការលក់ កាបូនរបស់កម្ពុជា គឺជាជោគជ័យក្នុងការកៀរគរធនធាន ដើម្បីគាំទ្រដល់កិច្ចខិតខំប្រឹងប្រែង ក្នុងការការពារ និងអភិរក្សធនធានធម្មជាតិ និងជីវៈចម្រុះ តាមរយៈការអនុវត្តន៍គម្រោង រេដបូក (REDD+) ដែលធានាដើមឈើឈរ ដើម្បីអាចរកចំណូលសម្រាប់ការងារអភិរក្ស និងអភិវឌ្ឍន៍។ ឯកឧត្តម សាយ សំអាល់ សង្ឃឹមថាក្រុមហ៊ុនបរទេសធំៗផ្សេងទៀត អាចទិញកាបូនថែមទៀត របស់កម្ពុជា។

ឥណទានកាបូន គឺប្រៀបដូចនឹងលិខិតអនុញ្ញាតដែលក្រុមហ៊ុននីមួយៗមានសិទ្ធិបញ្ចេញឧស្ម័នពុល (ឬកាបូន​ឌីអុកស៊ីត) ទៅក្នុងបរិស្ថាន។ ជាទូទៅ ឥណទានចំនួន១ គឺស្មើនឹងសិទ្ធិបញ្ចេញឧស្ម័នពុលចំនួន ១តោន ទៅក្នុងបរិស្ថាន។ ឥណទានកាបូន គឺចំនួនព្រៃឈើដែលដាំថ្មី ឬព្រៃឈើចាស់មាន​ស្រាប់ដែលរក្សា​ទុក ហើយអាចស្រូបយកឧស្ម័នពុលពីបរិស្ថានបាន ១តោន។ ឧទាហរណ៍ ប្រទេស ឬក្រុមហ៊ុន A បានដាំ​ព្រៃឈើបន្ថែមក្នុង ១ឆ្នាំ ១០ ម៉ឺនហិកតា ដែលអាចជួយស្រូបយកឧស្ម័នពុលពីបរិស្ថានបាន ១០ តោន បានន័យថា ប្រទេស ឬក្រុមហ៊ុន A នឹងមានឥណទានកាបូន ១០ឯកតា។

សូមបញ្ជាក់ថា ថវិកាដែលបានមកពីការលក់កាបូន ត្រូវបានយកទៅការពារ និងអភិរក្សធនធាន ធម្មជាតិ ពង្រឹងជីវភាពសហគមន៍ ដូចជាការអភិវឌ្ឍន៍ទេសចរណ៍ធម្មជាតិ ការចិញ្ចឹមសត្វ ការកសាងហេដ្ឋា​រចនា​សម្ព័ន្ធ ផ្លូវថ្នល់ ទឹកស្អាត ជួយដល់សាលារៀន មធ្យោបាយរបស់មន្រ្តី ឧទ្យានុរក្ស បង្កើនប្រសិទ្ធភាព​ក្នុងការ​គ្រប់គ្រងធនធានធម្មជាតិ និងការកសាងសមត្ថភាព មន្រ្តីរាជការថ្នាក់ក្រោមជាតិ លើវិស័យបរិស្ថាន​ថែមទៀត៕

The post កម្ពុជា បានចំណូលជាង ១១លានដុល្លារ ពីការលក់កាបូន ក្នុងដែនជម្រកសត្វព្រៃ ទៅឱ្យក្រុមហ៊ុនអន្តរជាតិ appeared first on .

ការលើកឡើងរបស់ឯកឧត្តម រដ្ឋមន្រ្តីក្រសួងបរិស្ថានបែបនេះ ធ្វើឡើងក្នុងឱកាសជួបសំណេះសំណាលជាមួយអ្នកថតរូបមេត្រីភាពបរិស្ថាន រៀបចំឡើង នាល្ងាចថ្ងៃសុក្រ ១៥កើត ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ២ ខែតុលា ឆ្នាំ២០២០ នាអគារ«ខេមរានី» ទីស្នាក់ការសហភាពសហព័ន្ធយុវជនកម្ពុជា រាជធានីភ្នំពេញ។

ក្នុងឱកាសជួបសំណេះសំណាលនេះដែរ ឯកឧត្តម សាយ សំអាល់ បានថ្លែងអំណរគុណដល់អ្នកថតរូបទាំងអស់ ដែលបានលះបង់កំលាំងកាយចិត្តពេលវេលានិងថវិកាដើម្បីជួយផ្សព្វផ្សាយពីសក្ដានុពលដ៏អស្ចារ្យនៃប្រទេសកម្ពុជា។

ឯកឧត្តមរដ្ឋមន្រ្តី បានបញ្ជាក់បន្ថែមថា នេះជាការបង្ហាញពីស្មារតីស្នេហាជាតិមួយ ក្នុងនាមជាប្រជាពលរដ្ឋកម្ពុជា ដែលពោពេញដោយសមត្ថភាព និងទេពកោសល្យ តាមរយៈការផលិតនូវរូបភាពស្អាតប្រណិត ដើម្បីបង្ហាញបន្តជូនប្រជាពលរដ្ឋកម្ពុជា ឱ្យបានឃើញពីភាពអស្ចារ្យនៃសម្រស់តំបន់ធម្មជាតិរបស់កម្ពុជា។

លើសពីនេះ ឯកឧត្តម សាយ សំអាល់ បានលើកឡើងថា តាមរយៈរូបភាពកន្លងមករបស់អ្នក​ថតរូបកម្ពុជា ពិតជាមានសារៈប្រយោជន៍ខ្លាំងណាស់ ក្នុងការជួយផ្សព្វផ្សាយពីសក្តានុពល​ធម្មជាតិជូនសារធារណជន ហើយសកម្មភាពនេះក៏បានបង្ហាញពីការចូលរួមប្រតិបត្តិមេត្រីភាពបរិស្ថានល្អប្រសើរ ដោយផ្តោតលើកិច្ចគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ និងការរស់នៅដោយចីរភាព។

ក្នុងកម្មវិធីដដែលនេះ ឯកឧត្តម សាយ សំអាល់ ក៏បានបញ្ជាក់ដែរថាក្រសួងនឹងពង្រឹងកិច្ចការងារអភិរក្សតំបន់ការពារធម្មជាតិ ឱ្យកាន់តែប្រសើរតាមរយៈមន្រ្តីឧទ្យានុរក្ស ហើយឯកឧត្តមក៏សំណូមពរឱ្យប្រជាពលរដ្ឋគ្រប់រូបបង្ហាញភាពស្រឡាញ់ចំពោះតំបន់ការពារធម្មជាតិរបស់យើង និងចូលរួមការពារធនធានធម្មជាតិទាំងអស់គ្នា។

សូមបញ្ជាក់ថា នៅក្នុងពិធីជួបសំណេះសំណាលជាមួយអ្នកថតរូបមេត្រីភាពបរិស្ថាន នាពេលនេះ ឯកឧត្តម រដ្ឋមន្រ្តីក្រសួងបរិស្ថាន បានប្រគល់ជូនបណ្ណសរសើរមេត្រីភាពបរិស្ថាន ជូនដល់អ្នកថតរូប ដែលបានលះបង់កំលាំងកាយចិត្តពេលវេលានិងថវិកា ដើម្បីជួយផ្សព្វផ្សាយសម្រស់ធម្មជាតិនៃប្រទេសកម្ពុជាមួយចំនួន និងបានពិសាអាហារសាមគ្គីរួមគ្នាផងដែរ៕

ប្រភព៖ ក្រសួងបរិស្ថាន

The post រដ្ឋមន្រ្តីក្រសួងបរិស្ថានលើក​ទឹក​ចិត្ត​ឱ្យអ្នកថតរូបបន្តផ្តិតយករូបភាពស្អាតៗតាមតំបន់ការពារធម្មជាតិ នៅកម្ពុជា appeared first on .