ផ្អែកលើរបៀបរបបការងារ និងដំណើររបស់ក្រសួងរៀបចំដែនដី នគរូបនីយកម្ម និងសំណង់ និងក្រសួងមហាផ្ទៃ បានឈានមកដល់របត់នៃឱកាសសម្រាប់ធ្វើការងារថ្មី និងក្រោយពីការបង្កើតនូវបរិយាកាសគ្មានវិវាទនៅកម្ពុជា ក្រសួងទាំងពីរបានងាកមកគិតគូរលើការងាររៀបចំដែនដី និងនគរូបនីយកម្ម ដែលជាការបើកទំព័រថ្មីសម្រាប់សង្គមជាតិទាំងមូល។

ក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា ផ្តើមចេញពីថ្ងៃនេះ យើងនឹងប្រែក្លាយទីប្រជុំជនទាំងអស់ ឱ្យទៅជាបុរីជនបទ ភូមិឋានក្សេមក្សាន្ត ទ្រនំសុភមង្គល ដោយមានការឯកភាពគ្នាធ្វើការរៀបចំប្លង់គោលនៃការប្រើប្រាស់ដី កំណត់តំបន់ពាណិជ្ជកម្ម តំបន់កសិកម្ម តំបន់ឧស្សាហកម្ម តំបន់សេដ្ឋកិច្ចពិសេស ការរៀបចំព្រំប្រទល់រដ្ឋបាលទូទាំងប្រទេស អាសយដ្ឋាន បង្គោលប្រតិភាគដែលជាខឿនសន្តិសុខជាតិ ការរៀបចំរបៀងនិងប៉ូលសេដ្ឋកិច្ចទៅតាមសក្តានុពលតំបន់នីមួយៗ ដោយប្រើប្រាស់អ្វីដែលយើងមាន។

ជាមួយគ្នានេះ ក្រសួងក៏បានគិតគូរលើការរៀបចំលំហសាធារណៈ ការដោះស្រាយសំណង់មិនរៀបរយ និងអគារចាស់ទ្រុឌទ្រោម ដែលទាំងនេះគឺជាស្នូលនៃយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលកម្ពុជា ព្រមទាំងឆ្លើយតបទៅនឹងដំណើរដ៏ជាក់លាក់របស់សង្គម និងសេដ្ឋកិច្ចកម្ពុជា ធ្វើឱ្យប្រជាជនមានជីវិតកាន់តែប្រសើរឡើង និងដើម្បីកម្ពុជាអាចរស់ដោយខ្លួនឯងប្រកបដោយភាពឯករាជ្យម្ចាស់ការ៕

The post ឧបនាយករដ្ឋមន្ត្រី ២រូប អញ្ជើញជាសហប្រធានដឹកនាំកិច្ចប្រជុំលើកដំបូង របស់គណៈកម្មាធិការរៀបចំដែនដី និងនគរូបនីយកម្មថ្នាក់ជាតិ appeared first on .

អគាររដ្ឋបាល នៃមន្ទីររៀបចំដែនដីខេត្តរតនគិរី ត្រូវបានជួសជុលកែលម្អពីឆ្នាំ២០២០ ដល់ឆ្នាំ២០២៥ រយៈពេល៦ឆ្នាំ។ អគារនេះមានកម្ពស់ ២ជាន់ ដែលមានទំហំ ១៧,៥ ម៉ែត្រ គុណនឹង ២៤ ម៉ែត្រ, កម្ពស់សរុប ១៣,៩ ម៉ែត្រ ចែកចេញ ជាជាន់ផ្ទាល់ដីមាន៤បន្ទប់ និងជាន់ទី១ មានបន្ទប់ធ្វើការចំនួន២បន្ទប់ និងសាលប្រជុំចំនួន១។

ឧបនាយករដ្ឋមន្ត្រី សាយ សំអាល់ បានថ្លែងអំណរគុណដល់រដ្ឋបាលខេត្តរតនគីរី មន្ត្រីរាជការ កងកម្លាំងនិងមន្ទីរជុំវិញខេត្ត អាជ្ញាធរមូលដ្ឋាន និងប្រជាពលរដ្ឋទាំងអស់ ដែលបានចូលរួមសម្រេចយុទ្ធនាការចុះបញ្ជីដីធ្លីបង្ហើយ រហូតឈានមកទទួលបានវិញ្ញាបនបត្រសម្គាល់ម្ចាស់អចលនវត្ថុនៅពេលនេះ។ ឯកឧត្តម បន្តថា ការចុះបញ្ជីដីបង្ហើយ គឺដើម្បីធានាបាននូវសុវត្ថិភាពផ្លូវច្បាប់ក្នុងការកាន់កាប់អចលនទ្រព្យ បង្កើតនិងបង្កើនបរិយាកាសគ្មានវិវាទ ផ្តល់សេវាគាប់ចិត្តជូនប្រជាជន និងថែមទាំងរួមចំណែកបង្កើនចំណូលថវិកាជាតិផងដែរ។

ជាមួយគ្នានេះ ឯកឧត្តមឧបនាយករដ្ឋមន្ត្រី សាយ សំអាល់ ក៏បានផ្តាំផ្ញើបងប្អូនទាំងអស់ សូមថែរក្សានិងប្រើប្រាស់បណ្ណដែលទទួលបាននាពេលនេះឱ្យបានត្រឹមត្រូវ ដែលជាទ្រព្យសម្បត្តិធ្វើឱ្យបងប្អូនរីកចម្រើនក្នុងជីវិត និងបន្សល់ជាមរតកបន្តជំនាន់។

សូមគូសបញ្ជាក់ថា ខេត្តរនគីរី គឺជាខេត្តមួយក្នុងចំណោមខេត្តទាំង៣ រួមមាន៖ ខេត្តរតនគីរី ខេត្តកំពង់ធំ និងខេត្តកោះកុង ដែលបាននិងកំពុងតែវាស់វែងបញ្ចប់៕

The post ឧបនាយករដ្ឋមន្ត្រី សាយ សំអាល់ សម្ពោធដាក់ឱ្យប្រើប្រាស់ជាផ្លូវការ អគារមន្ទីររៀបចំដែនដីខេត្តរតនគិរី និងចែកវិញ្ញាបនបត្រសម្គាល់ម្ចាស់អចលនវត្ថុ ជូនប្រជាពលរដ្ឋជាង ១៦០០ប័ណ្ណ appeared first on .

កិច្ចប្រជុំនេះ មានការអញ្ជើញចូលរួមពីថ្នាក់ដឹកនាំ រដ្ឋលេខាធិការ អនុរដ្ឋលេខាធិការ អគ្គនាយកដ្ឋានជំនាញ មន្ត្រីថ្នាក់ជាតិ និងមន្ត្រីជំនាញមកពីមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តទាំង៦ ជុំវិញបឹងទន្លេសាប ព្រមទាំងក្រុមការងារ សសយក.វិស័យរៀបចំដែនដី មួយចំនួនទៀតផងដែរ។

ឧបនាយករដ្ឋមន្ត្រី សាយ សំអាល់ បានលើកឡើងថា ដើម្បីឈានទៅកសាងការឯកភាពគ្នាក្នុងការប្រើប្រាស់ដីនៅក្នុងតំបន់បេតិកភណ្ឌពិភពលោកអង្គរ យើងត្រូវផ្តើមចេញពីការរៀបចំប្លង់គោលនៃការប្រើប្រាស់ដីដែលបានចុះបញ្ជីហើយ។ នេះគឺជាជំហានទៅមុខ ហើយក៍ជាជំហានយុទ្ធសាស្ត្រក្នុងការដោះស្រាយភាពមិនចុះសម្រុងគ្នាកន្លងមករបស់បងប្អូនប្រជាពលរដ្ឋ ដែលរស់នៅក្នុងតំបន់បេតិកភណ្ឌពិភពលោកអង្គរ។

ឯកឧត្តម សាយ សំអាល់ ឧបនាយករដ្ឋមន្ត្រី បានប្រគល់ភារកិច្ចជូនថ្នាក់ដឹកនាំរដ្ឋលេខាធិការ និងមន្ត្រីថ្នាក់ជាតិ រួមទាំង សសយក.វិស័យរៀបចំដែនដី និងយុវជន សសយក.រាជធានីភ្នំពេញ រួមគ្នាបែងចែកកម្លាំងជាក្រុម ដើម្បីចុះបំពេញភារកិច្ចនៅខេត្តសៀមរាប និងខេត្តជុំវិញបឹងទន្លេសាប ក្នុងពេលឆាប់ៗខាងមុខនេះ ដើម្បីចុះប្រមូលទិន្នន័យសង្គមសេដ្ឋកិច្ច ពិភាក្សាជាមួយអាជ្ញាធរមូលដ្ឋាន និងប្រជាពលរដ្ឋដោយផ្ទាល់ សិក្សាស្ថានភាពភូមិសាស្ត្រ និងពិនិត្យការប្រើប្រាស់ដីជាក់ស្តែង ដើម្បីរៀបចំផែនការប្រើប្រាស់ដី ឱ្យបានចំគោលដៅ មានប្រសិទ្ធភាព និងមានចីរភាព៕

The post ឧបនាយករដ្ឋមន្ត្រី សាយ សំអាល់ ដឹកនាំកិច្ចប្រជុំផ្ទៃក្នុងណែនាំការងាររៀបចំផែនទីប្រើប្រាស់ដីឃុំ ក្នុងតំបន់បឹងទន្លេសាប និងសៀមរាប-អង្គរ appeared first on .