បើយោងតាមឯកអគ្គរាជទូតកម្ពុជាប្រចាំប្រទេសថៃ ក្រៅពីសម្តែងការគំាំទ្រចំពោះការបើកនៅក្រុមហ៊ុនដឹកជញ្ជូន «ស្រលាញ់អ្នក»​ លោកឃើញនៅវត្តមានរបស់វិនិយោគិនខ្មែរជាច្រើនផ្សេងទៀត ដែលមានលទ្ធភាពចូលរួមសហការជាមួយវិនិយោគិនថៃ បើកអាជីវកម្មនៅក្នុងប្រទេសថៃនេះ ពិសេសចង់ឃើញម្ចាស់អាជីវកម្មល្បីៗដូចជាហាងលក់ម្ហូបអាហារខ្មែរ និងហាងលក់កាហ្វេ ធ្វើការពង្រីកមុខរបរខ្លួនទៅក្នុងទីផ្សារថៃ។

លោក ហ៊ុន សារឿន ឯកអគ្គរាជទូតកម្ពុជាប្រចាំប្រទេសថៃ បានលើកឡើងថា ពាក់ព័ន្ធទិន្នន័យក្រុមហ៊ុនខ្មែរដែលបានមករកស៊ីក៏ដូចជាសហការជាមួយវិនិយោគិនថៃដែលបានបើកក្រុមហ៊ុននៅប្រទេសថៃ មកដល់ពេលនេះមិនទាន់ដឹងថាមានចំនួនជាក់លាក់ប៉ុន្មាននោះទេ ប៉ុន្តែស្ថានទូតកម្ពុជាប្រចំានៅក្នុងប្រទេសថៃនេះ កំពុងសហការជាមួយនិងក្រសួងពាណិជ្ជកម្មថៃ ដើម្បីទទួលបានទិន្នន័យ។

លោកសង្កត់ធ្ងន់ថា «មកដល់ពេលនេះ ខ្ញុំអាចនិយាយបានថាក្រៅពីមានក្រុមហ៊ុនផ្តល់សេវាដឹកជញ្ជូនរបស់កូនខ្មែរសហការជាមួយវិនិយោគិនថៃ កន្លងទៅក៏មានក្រុមហ៊ុនកូនខ្មែរលើវិស័យដឹកជញ្ជូន និងផ្នែកភោជនីយដ្ឋានដែលលក់នៅមុខម្ហូបខ្មែរ ក្រុមហ៊ុននាំចេញ នាំចូលទំនិញផ្សេងទៀតផងដែរ។តែក្នុងឱកាសនេះ ខ្ញុំសូមលើកទឹកចិត្តដល់ប្រជាពលរដ្ឋខ្មែរ ពិសេសអ្នកដែលមានធនធាន ដែលមានលទ្ធភាពអាចចូលមកស្វែងរកឱកាសសហការជាមួយដៃគូជាជនជាតិថៃ ដើម្បីបើកដំណើរការអាជីវកម្មរបស់ខ្លួននៅក្នុងប្រទេសថៃ ហើយខ្ញុំគិតថាអាជីវកម្មដែលយើងកំពុងត្រូវការនៅទីនេះគឺចង់ឱ្យមានវត្តមាន ហាងលក់មុខម្ហូបខ្មែរយើង ដើម្បីបង្ហាញពីវប្បធម៌ខ្មែរ និងហាងលក់កាហ្វេជារបស់ខ្មែរល្បីៗ ដែលជនបរទេសរួមនិងជនជាតិថៃ ធ្លាប់ចូលទៅប្រទេសកម្ពុជា ពួកគាត់ចង់ឃើញវត្តនៅក្នុងប្រទេសថៃនេះ»។

លោក ហ៊ុន សារឿន មានប្រសាសន៍ដោយមានទំនុកចិត្តដូច្នេះថា៖ «ខ្ញុំគិតថានៅថ្ងៃក្រោយទៅអ្នកឧកញ៉ា ឡេង ប្រុស គាត់នឹងបង្កើតនៅអាជិវកម្មថ្មីៗរបស់ខ្មែរយើងថែមទៀតនៅក្នុងប្រទេសថៃ ដើម្បីរឹតចំណងមិត្តភាពរវាងប្រជាជនទំាងពីរប្រទេស ក្នុងការចូលរួមជំរុញកំណើនពាណិជ្ជកម្ម ការវិនិយោគ និងវិស័យទេសចរណ៍»៕ តាកែវ

The post មន្ត្រីទូតកម្ពុជាចង់ឃើញម្ចាស់អាជីវកម្មល្បីៗក្នុងស្រុកបោះជំហ៊ានចូលទៅក្នុងទីផ្សារថៃ appeared first on .

លោក ហង្ស បឿន នាយកទីផ្សារក្រុមហ៊ុន ស្រលាញ់នាក់ បានលើកឡើងថា ក្រុមហ៊ុន «ស្រលាញ់អ្នក ខូអិលធីឌី» បានចុះបញ្ជីជាផ្លូវការនៅក្រសួងពាណិជ្ជកម្មនៃប្រទេសថៃ នាថ្ងៃទី៨ ខែមករា ឆ្នាំ២០២៤ ដែលមានទីតាំងនៅទីក្រុងបាងកក តំបន់ប្រាទូណាម ផេតបុរីផ្លូវ ១៥។ ក្រុមហ៊ុនក៏បានចុះបញ្ជីផ្លូវការនៅក្រសួងពាណិជ្ជកម្មប្រទេសកម្ពុជា នាថ្ងៃទី១១ ខែសីហា ឆ្នាំ២០២៤ផងដែរ។

លោកថ្លែងថា៖ «ក្រុមហ៊ុនមានបេសកម្មផ្តោតទៅលើសេវាកម្មដឹកជញ្ជូនទំនិញសំបូរបែបពីប្រទេសថៃ ទៅកាន់ប្រទេសកម្ពុជា និងពីប្រទេសកម្ពុជា មកកាន់ប្រទេសថៃ ប្រកបដោយទំ នុកចិត្ត គុណភាព និងសេវាកម្មរហ័ស ដើម្បីដឹកជញ្ជូននិងចែកចាយទំនិញដល់អតិថិជននៅទូទាំងរាជធានីខេត្ត»។

ក្នុងឱកាសនោះដែរ អ្នកឧកញ៉ា ឡេង ប្រុស អគ្គនាយកក្រុមហ៊ុន ណាវ៉ាត្រា ខ្នាតយក្ស ក៏បានមានប្រសាសន៍បង្ហាញនូវជំនឿចិត្ត ថាក្រុមហ៊ុននឹងមានការរីកចម្រើន ហើយនឹងផ្តល់ផលប្រយោជន៍ដល់បងប្អូននៅប្រទេសថៃដែលមានបំណងក្នុងការដឹកជញ្ជូនទំនិញទៅមកកម្ពុជា-ថៃ ជាមួយនឹងតម្លៃសមរម្យ និងគុណភាពដែលគិតគូរដល់ការស្រលាញ់ទ្រព្យសម្បត្តិឬទំនិញរបស់អតិថិជនដាក់បញ្ជើផ្ញើតាមរថយន្តរបស់ក្រុមហ៊ុន«ស្រលាញ់អ្នក»។

បន្ទាប់ពីកាន់កន្ត្រៃកាត់ខ្សែបូរបើកដំណើរការក្រុមហ៊ុនដឹកជញ្ជូន «ស្រលាញ់អ្នក» ក្នុងឱកាសថ្លែងសន្ទរកឋា ឯកឧត្តម ហ៊ុន សារឿន ឯកអគ្គរាជទូតកម្ពុជា ប្រចាំប្រទេសថៃ បានប្រកាសអបអរសាទរ និងវាយតម្លៃខ្ពស់ចំពោះការបើកដំណើរការជាផ្លូវការក្រុមហ៊ុន «ស្រលាញ់អ្នក» នៅពេលនេះដែលជាកិច្ចសហការវិនិយោគរវាងវិនិយោគិនខ្មែរ និងថៃ ដើម្បីជំរុញវិស័យដឹកជញ្ជូននៃប្រទេសទាំងពីរ ស្របតាមរយៈការប្រកាសដំទ្បើងកម្រិតនៃទំនាក់ទំនងទ្វេភាគីរវាងប្រទេសទាំងពីរទៅជា «ភាពជាដៃគូយុទ្ធសាស្ត្រ»។

ឯកឧត្តមថ្លែងថា៖ ឈ្មោះក្រុមហ៊ុន «ស្រលាញ់អ្នក» គួរឲ្យចាប់អារម្មណ៍និងបានបង្កបអត្ថន័យជ្រាលជ្រៅបង្ហាញពីសេវាកម្មរបស់ក្រុមហ៊ុនផ្តល់ជូនអតិថិជនដែលបានមកទទួលសេវាកម្ម។ ក្នុងន័យនេះតាមរយៈការបើកដំណើរការឯកឧត្តមបានបង្ហាញនូវការជឿជាក់ថា ក្រុមហ៊ុនឹងទទួលបានជោគជ័យគួរជាទីពេញចិត្តនិងជាទីមោកទភាពសម្រាប់ក្រុមប្រឹក្សាភិបាលក្រុមហ៊ុន ក៏ដូចជាសម្រាប់ប្រទេសទាំងពីរដែលកើតឡើងពីការវិនិយោគរួមគ្នារវាងវិនិយោគិនខ្មែរនិងថៃ។

ឯកឧត្តមបន្ថែមការ ការបើកក្រុមហ៊ុនដឹកជញ្ជូន «ស្រលាញ់អ្នក » គឺចំកាលៈទេសៈល្អណាស់នៅពេលដែលទំនាក់ទំនងនៃប្រទេសទាំងពីរកំពុងល្អប្រសើរជាងពេលណាៗទាំងអស់ ពិសេសនោះចូលរួមចំណែកជាមួយរាជរដ្ឋាភិបាលប្រទេសទាំងពីរនៅក្នុងការលើកស្ទួយវិស័យដឹកជញ្ជួន និងទេសចរណ៍រវាងប្រទេសទាំងពីរ រវាងប្រជាជននិងប្រជាជនឲ្យកាន់ជិតស្និទតាមរយៈមធ្យោបាយដឹកជញ្ជូនរបស់ក្រុមហ៊ុន។

លើសពីនេះទៅទៀត ឯកឧត្តមគូសបញ្ជាក់ថា វិស័យដឹកជញ្ជូនទំនិញមួយនេះក៏ចូលរួមចំណែកយ៉ាងធំធេងដល់គោលនយោបាយរបស់រាជរដ្ឋាភិបាលប្រទេសទាំងពីរដែលបានដាក់ចេញនូវទិសដៅរួមគ្នា ធ្វើឲ្យទំហំពាណិជ្ជកម្មកម្ពុជា-ថៃកើនឡើងដល់ ១៥ពាន់លានដុល្លារនៅឆ្នាំ២០២៥ខាងមុខ៕

The post ក្រុមហ៊ុន «ស្រលាញ់អ្នក» បានសម្ពោធជាផ្លូវការដែលមានភាគហ៊ុនខ្មែរនិងថៃ appeared first on .