អ្នកឧកញ៉ា លឹម រស់ និងអ្នកឧកញ៉ា សុទ្ធី ម៉ូលីកា ប្រធានក្រុមប្រឹក្សាភិបាល និងជាស្ថាបនិកក្រុមហ៊ុន រ៉ូសម៉ាវែល ប្រផឹធី ឌីវេឡុកម៉ិន ឯ.ក ដែលកំពុងវិនិយោគយ៉ាងសកម្មក្នុងវិស័យអចលនទ្រព្យ បុរី មានជ័យ រ៉េស៊ីដិនស៍ ស្ថិតនៅតាមមហាវិថី សម្តេច ហ៊ុន សែន ឬផ្លូវ៦០ម៉ែត្រ បើកការដ្ឋានសាងសង់កាលពីឆ្នាំ២០២២កន្លងទៅ។

បើតាមសេចក្តីរាយការណ៍ជាច្រើនបានឲ្យដឹងថា អ្នកឧកញ៉ាទាំងពីរនេះ ក្រៅពីជាប្រធានក្រុមប្រឹក្សាភិបាលក្រុមហ៊ុន រ៉ូសម៉ាវែល ហើយលោកក៏នៅកាន់កាប់ភាគហ៊ុន និងគ្រប់គ្រងក្រុមហ៊ុនធំៗជាច្រើន ដូចជា៖ ក្រុមហ៊ុន COGETEL LTD គ្រប់គ្រងលើបុត្តសម្ព័ន្ធ នៃក្រុមហ៊ុន ONLINE ISP និង Internet Home , ក្រុមហ៊ុន MICROMAX CO., LTD ជាដៃគូជិតស្និទ្ធរបស់ក្រុមហ៊ុន AEON Mall, ក្រុមហ៊ុន AZ DISTRIBUTION CO., LTD, ក្រុមហ៊ុន AZ INVESTMENT CO., LTD , ក្រុមហ៊ុន ING HOLDINGS CO., LTD ដែលកំពុងកាន់គម្រោងដ៏ធំ ING City នៅលើមហាវិថីសម្ដេចតេជោហ៊ុនសែន ៦០ម៉ែត្រ, ក្រុមហ៊ុនស៊ីម៉ង់ត៍ចក្រីទីងកម្ពុជា CAMBODIA CEMENT CHAKREY TING FACTORY CO., LTD និងមានក្រុមហ៊ុនមួយចំនួនទៀត។

បន្ថែមទៀតនោះ អ្នកឧកញ៉ាក៏ជាថ្នាក់ដឹកនាំកំពូលក្នុងតួនាទីជាសហស្ថាបនិក​ក្រុមហ៊ុន​ អាយអិនជី ហូលឌីង គ្រុប (I.N.G Holding Group) ជាក្រុមហ៊ុន​អភិវឌ្ឍន៍​អចលនទ្រព្យ​ដ៏​ធំ​មួយ​នៅ​កម្ពុជា ​​ដែល​ត្រូវ​បានអ្នកឧកញ៉ា រួមនឹង​ឧកញ៉ា ១រូបទៀត គឺអ្នក​​​ឧកញ៉ា អ៊ឹង ប៊ុនហូវ និង​ឧកញ៉ា លឹម ប៊ុនសួរ​ រួមគ្នា​បង្កើត​ឡើង​​រយៈពេល​ជិត ២០ឆ្នាំ​មក​ហើយ។

សូមជម្រាបជូនថា អ្នកឧកញ៉ា លឹម រស់ និងភរិយា គឺអ្នកឧកញ៉ា សុទ្ធី ម៉ូនីកា ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារ «អ្នកឧកញ៉ា» ​​​​​​​កាលពី​​ថ្ងៃទី​០៦ ខែមេសា ឆ្នាំ២០២៣ តាមព្រះរាជក្រឹត្យដាច់ដោយឡែកពីគ្នា ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តី៕

The post អ្នកឧកញ៉ាប្តីប្រពន្ធមួយគូរនេះកាន់កាប់ភាគហ៊ុន និងគ្រប់គ្រងក្រុមហ៊ុនជាច្រើននៅកម្ពុជា appeared first on .

តាមរយ:គម្រោងលម្អិត ដែលត្រូវបានអនុម័តដោយគណ:កម្មាធិការប្រជាជានក្រុងហាណូយ បានបង្ហាញថា ទីតាំងផ្សារទំនើបថ្មីនេះ អាចនឹងផ្ទុករថយន្តបានរហូតដល់ទៅចំនួន ៤ ០០០ គ្រឿងឯណោះ។

គួរឱ្យដឹងថា គម្រោងផ្សារទំនើបថ្មី ឈ្មោះ Aeon Mall Hoang Mai Giap Bat នេះ នឹងក្លាយជាមជ្ឈមណ្ឌលដើរទិញទំនិញដ៏ធំទី ៣ របស់ Aeon នៅក្នុងទីក្រុងហាណូយ បន្ទាប់ពី Aeon Mall Long Bien និង Aeon Mall Ha Dong ។

ទន្ទឹមនឹងនេះ គណ:កម្មាធិការប្រជាជននៃខេត្ត Thua Thien Hue ក៏នឹងត្រៀមរៀបចំពិធីបើកការដ្ឋានសាងសង់គម្រោងផ្សារទំនើប Aeon Mall Hue ថ្មីមួយផ្សេងទៀតផងដែរ ជាមួយនឹងទុនវិនិយោគសរុបប្រហែល ១៧០ លានដុល្លារ ដែលស្ថិតនៅលើផ្ទៃដីជាង ៨,៦ ហិកតា ។

ជ​ម្រាបជូនផងដែរថា ក្រុមហ៊ុនលក់រាយខ្នាតយក្សរបស់ជប៉ុន AEON Group បច្ចុប្បន្ន កំពុងមានហាងប្រហែល ២០០ នៅក្នុងប្រទេសវៀតណាម រួមទាំងមជ្ឈមណ្ឌលដើរទិញទំនិញ ចំនួន ៦ និងផ្សារទំនើបជាច្រើនផងដែរ។ ខណ: Aeon កំពុងមានផែនការក្នុងការវិនិយោគលើគម្រោងចំនួន ១៦ បន្ថែមទៀត នៅវៀតណាម នៅក្នុងឆ្នាំ ២០២៥ ខាងមុខ រួមទាំងគម្រោង ៣ ទៅ ៤ បន្ថែមទៀត នៅទីក្រុងហាណូយផងដែរ ៕

The post Aeon ត្រៀមសាងសង់ផ្សារទំនើបខ្នាតយក្សបន្ថែមទៀត ​នៅក្នុងទីក្រុងហាណូយ appeared first on .

ផ្សារទំនើបតម្លៃ ២៩០លានដុល្លារនេះ នឹងផ្តល់ជូននូវការកម្សាន្ត និងការអប់រំដល់មនុស្សគ្រប់វ័យ ជាមួយនឹងគោលគំនិត “Edutainment Mall” នៅចំកណ្តាលនៃទីក្រុងកំពុងអភិវឌ្ឍន៍ថ្មីជាប់នឹងក្រុងតាខ្មៅ។

គួរបញ្ជាក់ថា គម្រោងផ្សារទំនើប អ៊ីអន ៣ (AEON 3) សាងសង់ក្រោមទុនវិនិយោគប្រមាណ ២៩០លានដុល្លារអាមេរិក ដែលមានទំហំធំជាងផ្សារ Aeon 1-2 បូកបញ្ចូលគ្នាទៅទៀត ពោលគឺនឹងមានផ្ទៃឡាសរុប ១៧៤០០០ ម៉ែត្រការ៉េឯណោះ។

គម្រោងផ្សារទំនើបអឺអនម៉លទី៣ ក៏ជាកម្លាំងចលករដ៏សំខាន់ នៅក្នុងការជួយជម្រុញដល់ការអភិវឌ្ឍន៍ នៃទីក្រុង រណបស្ថិតនៅភាគខាងត្បូងនៃរាជធានីភ្នំពេញ ដែលជាតំបន់មានសក្តានុពលខ្លាំង៕

The post ផ្សារទំនើបតម្លៃ ២៩០លានដុល្លារ AEON3 គ្រោងនឹងបើកថ្ងៃទី១៥ ខែធ្នូនេះ appeared first on .

មជ្ឈមណ្ឌលស្តុកទំនិញលក្ខណៈអន្តរជាតិដ៏ធំនេះស្ថិតនៅក្នុងតំបន់សេដ្ឋកិច្ចពិសេសក្បែរកំពង់ផែ ភាគខាងត្បូងខេត្តព្រះសីហនុ ដែលគ្រោងនឹងចាប់ផ្តើមប្រតិបត្តិការនៅឆ្នាំ ២០២៣ សម្រាប់ការសម្រេចបាននូវកំពង់ផែពាណិជ្ជកម្មសេរីដែលត្រូវបានផ្ដួចផ្ដើមដោយរាជរដ្ឋាភិបាលកម្ពុជាជាមួយនឹងកិច្ចសហប្រតិបត្តិការបច្ចេកទេសរបស់រដ្ឋាភិបាលជប៉ុន និង JICA ។

គួររម្លឹកថា ក្រុមហ៊ុន​ អ៊ីអន បានជួលដីពីកំពង់ផែស្វយ័ត ខេត្តព្រះសីហនុ ទំហំប្រហែល ៣ ហិកតា ដើម្បីរៀបចំជាមជ្ឈមណ្ឌលស្តុកទំនិញក្នុងកិច្ចសន្យារយៈពេល ៥០ ឆ្នាំ ដោយនឹងផ្តល់ជូននូវទីតាំងស្តុកទំនិញនាំចូលដោយមិនចាំបាច់បង់ថ្លៃកាតព្វកិច្ចមុនពេលឆ្លងកាត់នីតិវិធីរបស់អាជ្ញាធរគយ។ នេះបើតាមសេចក្តីប្រកាសព័ត៌មានរបស់ក្រុមហ៊ុនកាលពីពេលកន្លងទៅ។

តាមរយៈការខិតខំប្រឹងប្រែងទាំងនេះ ក្រុមហ៊ុននឹងរួមចំណែកក្នុងការអភិវឌ្ឍន៍ប្រទេសជាតិបន្ថែមទៀត តាមរយៈការធ្វើឱ្យប្រសើរឡើងនឹងផ្តល់នូវភាពងាយស្រួលសម្រាប់អតិថិជនដោយផ្តល់ឱកាសអាជីវកម្ម និងសេវាកម្មដល់អាជីវកម្មជាច្រើនប្រភេទទៀតផង៕

The post ផ្សារអ៊ីអន ជួលដីកំពង់ផែស្វយ័តខេត្តព្រះសីហនុ ទំហំ ៣ហិកតាសាងសង់ឃ្លាំងស្តុកទំនិញ appeared first on .

អាជ្ញាធរ​ប្រចាំ​តំបន់​បាន​អះអាង​មក​ថា គម្រោង​ខាងលើ​គឺ បាន​អនុញ្ញាត​រួចរាល់​កាលពី​ដើមខែ​ឧសភា ហើយ​នឹង​ចាប់ផ្ដើម​សាងសង់​នៅ​ឆ្នាំ ២០២៣ ដើម្បី​ជា​ការ​អបអរ​គម្រប់​ខួប​ទី ៥០ ឆ្នាំ​រវាង​ចំណង​សម្ព័ន្ធ​មិត្ត​វៀតណាម-ជប៉ុន។

ប្រភព​ដដែល​បាន​បន្ថែម​ថា អាជ្ញាធរ​ខេត្ត និង AEON Mall Vietnam បាន​ចុះ​លិខិត​ព្រមព្រៀង​សម្រាប់​ការ​វិនិយោគ​មួយ​នេះ ក្នុង​គោលបំណង​អូសទាញ​ភ្ញៀវ​ទេសចរណ៍ និង​ការ​វិនិយោគ​ពី​ជប៉ុន​មក​ខេត្ត Thua Thien-Hue។

បញ្ជាក់​ដែរ​ថា​ កាលពី​ខែ​មុន​អាជ្ញាធរ​ប្រចាំ​ខេត្ត​ខាងលើ​ក៏​បាន​ជួប​ចរចា​ជាមួយ​រដ្ឋមន្ត្រី​ជប៉ុន Yakabe Yoshinori ក្នុង​ការ​ទាក់ទាញ​វិនិយោគិន​លើ​ផ្នែក​ទេសចរណ៍ ​ពាណិជ្ជកម្ម​ សេវាកម្ម និង​បច្ចេកវិទ្យា​ផ្សេងៗ ស្របពេល​ពួកគេ​ក៏​បាន​ជួប​ជាមួយ​អាមេរិក​ដើម្បី​ពិភាក្សា​ការ​ពង្រីក​តំបន់​សេដ្ឋកិច្ច​បៃតង​នា​ពេល​អនាគត​ផង​ដែរ៕

ប្រភព: Vietnamplus

The post Aeon Mall នៅ​វៀតណាម​គ្រោង​សាងសង់​អគារ​ពាណិជ្ជកម្ម​តំបូង ទាក់ទាញ​ភ្ញៀវ​ទេសចរណ៍​អន្តរជាតិ appeared first on .

បើតាមក្រុមហ៊ុន អ៊ីអន ម៉ល ការដំឡើងផ្ទាំងសូឡាបន្ថែមនេះ មានគោលបំណងចូលរួមកាត់បន្ថយការប្រើប្រាស់ថាមពលអគ្គិសនី និងជួយដោះស្រាយបញ្ហាកង្វះថាមពល ដោយសារតែតម្រូវការថាមពលអគ្គសនីមានការកើនឡើងពីមួយថ្ងៃទៅមួយថ្ងៃនៅក្នុងប្រទេស។

លើសពីនេះ ការដំឡើងផ្ទាំងសូឡានេះ ក៏បានរួមចំណែកការផលិតថាមពលកកើតឡើងវិញ និងកាត់បន្ថយការបញ្ចេញឧស្ម័នកាបូនឌីអុកស៊ីត (CO2)។ ទន្ទឹមនឹងនោះក្រុមហ៊ុន ក៏មានគម្រោងបង្កើននូវផ្ទាំងកញ្ចក់សូឡា នៅផ្សារទំនើប អ៊ីអន ម៉ល ភ្នំពេញ ដែលបច្ចុប្បន្នកំពុងស្ថិតក្រោមគម្រោងជួសជុល និងពង្រីកបន្ថែម។

ក្រោយដំឡើងផ្ទាំងសូឡារួចរាល់ ក្រុមហ៊ុន អ៊ីអន បានបង្ហាញនូវក្តីសង្ឃឹមថា សកម្មភាពនេះ នឹងចូលរួមចំណែកយ៉ាងសំខាន់ក្នុងការគាំទ្រដល់គោលដៅអភិវឌ្ឍន៍ប្រកបដោយចីរភាព(SDGs)។

កាលពីពេលកន្លងទៅ ក្រសួងរ៉ែ និងថាមពល បានពិនិត្យលើបទបញ្ញាតិស្តីពីការដំឡើងផ្ទាំងសូឡា ឬថាមពលពន្លឺព្រះអាទិត្យនៅលើដំបូលអគារលំនៅដ្ឋាន និងខុនដូ ដើម្បីភ្ជាប់ចូលបណ្តាញជាតិ សល់ពីការប្រើប្រាស់ផ្ទាល់ខ្លួន។

លោក វ៉ិចទ័រ ហ្សូណា អគ្គនាយកថាមពលនៃក្រសួងរ៉ែ និងថាមពល បានលើកឡើងថា ការដំឡើងផ្ទាំងសូឡាលើដំបូលអគារស្នាក់នៅ និងអគារខុនដូរ គឺមានសារសំខាន់ ក្នុងការប្រើប្រាស់នៅក្នុងអគារផង និងសម្រាប់លក់ទៅឲ្យអាជ្ញាធរអគ្គិសនីកម្ពុជាផង ក្រោយពីសល់នៃការប្រើប្រាស់។

គួរជម្រាបជូនថា រដ្ឋាភិបាលកម្ពុជា បានដាក់ចេញទិសដៅ បង្កើនការផលិតថាមពលស្អាត ឬថាមពលបៃតង ពីគ្រប់ប្រភពថាមពលកកើតឡើងវិញ ដើម្បីនិរន្តភាពនៃការផ្គត់ផ្តង់ថាមពលដែលមិនប៉ះពាល់ដល់បរិស្ថាន។ ក្រសួងព្យាករណ៍ថា គិតត្រឹមឆ្នាំ២០២២ ថាមពលអគ្គិសនី ប្រមាណជា៤១០ មេហ្គាវ៉ាត នឹងត្រូវផលិតចេញពីប្រភពថាមពលសូឡា៕

The post ផ្សារទំនើប អ៊ីអន ម៉ល បន្ថែមផ្ទាំងកញ្ចក់សូឡាដើម្បីស្រូបយកថាមពលអគ្គិសនីមកប្រើប្រាស់ appeared first on .

ជាក់ស្តែងបើតាមរបាយការណ៍ពី Nikkei Asia បាននិយាយថា Aeon ដែលបច្ចុប្បន្នមានហាង MaxValu ចំនួន ៤ នៅក្នុងទីក្រុងហាណូយ នឹងធ្វើការបន្ថែមហាងថ្មីៗជាច្រើនទៀត ដែលមានទំហំធំជាង ដើម្បីជាផ្នែកមួយនៃយុទ្ធសាស្រ្តពង្រីកទីផ្សារទាំងមូលរបស់ខ្លួន ។

មិនតែប៉ុណ្ណោះ យោងតាមសម្តីរបស់លោក Soichi Okazaki នាយកប្រតិបត្តិ ដែលទទួលបន្ទុកអាជីវកម្មនៅអាស៊ីអាគ្នេយ៍របស់ក្រុមហ៊ុន បាននិយាយថា ” វៀតណាមគឺជាទីផ្សារដ៏សំខាន់បំផុត សម្រាប់យុទ្ធសាស្រ្តក្រៅប្រទេសរបស់យើង “​ ។

លើសពីនេះ Aeon ក៏បានបន្ថែមទៀតផងដែរថា ខ្លួនគ្រោងនឹងបង្កើនមជ្ឈមណ្ឌលផ្សារទំនើប នៅក្នុងប្រទេសវៀតណាមដល់ ១៦ ទីតាំង នៅត្រឹមឆ្នាំ ២០២៥ ពីចំនួន ៦ ក្នុងពេលបច្ចុប្បន្ន ។

គួរឲ្យដឹងទៀតថាក្រុមហ៊ុន Aeon ដែលបានបណ្តាក់ទុន ចំនួន ១,១៨ ពាន់លានដុល្លារ ក្នុងប្រទេសវៀតណាម ក៏មានបំណងចុះបញ្ជីភាគហ៊ុននៅលើទីផ្សារភាគហ៊ុនវៀតណាម និងសម្របសម្រួលដល់ការនាំចេញគ្រឿងសមុទ្រវៀតណាម សម្លៀកបំពាក់ និងផលិតផលផ្សេងទៀត ទៅកាន់ប្រទេសជប៉ុនផងដែរ ៕

ប្រភព: VN Express

The post Aeon គ្រោងបើកផ្សារទំនើប MaxValu ខ្លួន ឲ្យបាន ១០០ ក្នុងប្រទេសវៀតណាម ត្រឹមឆ្នាំ ២០២៥ appeared first on .

ក្រុមហ៊ុន Aeon Mall (Cambodia) បានបោះជំហ៊ានមួយជំហ៊ានទៀតលើគម្រោងវិនិយោគសាងសង់​ផ្សារ​ទំនើប​អ៊ីអន ​៣ ស្ថិតនៅ​សង្កាត់​ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ​ ដែលអនុម័តចុះបញ្ជីដោយក្រុមប្រឹក្សា​អភិវឌ្ឍន៍​កម្ពុជា (CDC) កាលពី​ថ្ងៃទី​ ២៥​ ​ខែ​ធ្នូ​ ឆ្នាំ២០១៩ ។

ការបោះជំហ៊ានមួយបន្ថែមទៀតនេះ បន្ទាប់ពី​ទទួល​បានភាព​ជោគជ័យ​ខ្លាំង​នៅក្នុង​វិស័យ​លក់រាយ​នៅក្នុង​ប្រទេស​កម្ពុជា តាមរយៈការវិនិយោគ​ផ្សារ​ទំនើប​អ៊ីអន ​ទី១ ចំការមន និង អ៊ីអន ទី២ សែនសុខ ស្របពេលដែលតំបន់ទាំងពីរគឺជាតំបន់យុទ្ធសាស្រ្ត និងសក្តានុពលសេដ្ឋកិច្ចដ៏សំខាន់ផងដែរ។

ឯកអគ្គរាជទូត​វិសាមញ្ញ និង​ពេញ​សមត្ថភាព​ជប៉ុន​ប្រចាំ​កម្ពុជា លោក ម៉ាសាហ៊ីរ៉ូ មិកាមិ (MASAHIRO MIKAMI) ឱ្យ​ដឹង​ថា ផ្សារ​ទំនើប​អ៊ីអន​ទី ១ និង​ទី ២ ទទួល​បាន​អតិថិជន​បាន​ប្រមាណ ១ លាន​នាក់ ក្នុង ១​ខែៗ​សម្រាប់​ផ្សារ​ទំនើប​នីមួយៗ។

គម្រោងផ្សារទំនើបអ៊ីអនទី ៣ នេះ ក្រុមហ៊ុនគ្រោងចំណាយ​ទឹកប្រាក់ប្រមាណ​ជាង​ ២៨៩,៦ ​លាន​ដុល្លារ បើតាមការឲ្យដឹងរបស់ក្រុមហ៊ុន គម្រោងនេះមាន​ទំហំធំ​ជាង​សាខាទី១ និងទី២​ទៅ​ទៀត ដែលអាច​ចាត់ទុក​បានថា ជាផ្សារទំនើប​​ធំជាងគេ​មួយ​នៅកម្ពុជា​ ដោយមាន​ផ្ទៃដី​សាង​សង់​​សរុប​រហូត​ដល់ ១៨ ហិកតា ខណៈ​ផ្សារទំនើប​អ៊ីអន​សាខា​ទី១ បាន​សាងសង់​លើផ្ទៃដី ត្រឹមតែ ៧ ហិកតា និងសាខាទី​២ មានផ្ទៃដីតែ ១០ហិកតា​ប៉ុណ្ណោះ។

ទីតាំង​ផ្សារ​ទំនើបរបស់ជប៉ុនមួយនេះ ​មាន​អគារ​កម្ពស់​៥ ជាន់ ​នឹង​ក្លាយ​ជា​មជ្ឈមណ្ឌល​ហាង​ទំនិញ និង​ចំណត​រថយន្ត​ ដែលត្រូវបានក្រុមហ៊ុន Hyundai Engineering ​ឈ្នះ​ការ​ដេញថ្លៃ​លើ​គម្រោង​សាងសង់​ផ្សារ​ទំនើប​អ៊ី​អន ៣ ដែល​មាន​តម្លៃ ២០០ ពាន់​លានវ៉ុន ឬ​ប្រមាណ ១៦៤ លាន​ដុល្លារ។

គម្រោងផ្សារទំនើបអឺអនម៉ល ទី៣ ក៏ជាកម្លាំងចលករដ៏សំខាន់ នៅក្នុងការជួយជំរុញ​ដល់​ការ​អភិវឌ្ឍន៍នៃទីក្រុងរណបស្ថិតនៅភាគខាងត្បូងនៃរាជធានីភ្នំពេញ ដែល​ជា​តំបន់​មាន​សក្តានុពល​ខ្លាំង។ ផ្សារទំនើបនេះ ស្ថិតនៅតាមបណ្តោយមហាវិថី សម្តេចតេជោ ហ៊ុន សែន ដែល​មាន​ភាព​ងាយ​ស្រួលក្នុងការធ្វើដំណើរ ព្រមទាំង បង្កលក្ខណៈឲ្យមានកំណើនប្រជាជន អគារលំនៅដ្ឋាន និងសាលារៀនអន្តរជាតិជាដើម។

របាយការណ៍​ហិរញ្ញវត្ថុ​របស់​ក្រុមហ៊ុន​ឆ្នាំ​ ២០១៩ បាន​ឲ្យ​ដឹងថា ផ្សារ​ទំនើប​អ៊ីអន​ ៣ ត្រូវបានប្រសិទ្ធនាមថា “ផ្សារទំនើប អ៊ីអន​ម៉លមានជ័យ” ដែល​នឹង​ត្រូវ​សាងសង់​នៅក្នុង​គម្រោង​ទីក្រុង​រណប ING City នៅលើ​ផ្ទៃដី ១៧៤ ០០០ ​ម៉ែត្រការ៉េ​ដែល​គ្រោងបញ្ចប់​នឹង​ចាប់ផ្ដើម​ដំណើរការ​នៅ​ឆ្នាំ​ ២០២៣ខាងមុខ​។

ឧកញ៉ាម្នាក់ដែលកំពុងធ្វើការអភិវឌ្ឍន៍អចលនទ្រព្យដ៏ល្បីមួយរូប​នៅកម្ពុជា​សុំមិន​បញ្ចេញ​ឈ្មោះ បាន​ប្រាប់គេហទំព័រឧកញ៉ាញូស៍ថា វត្តមាន​ផ្សារ​ទំនើប​អ៊ីអន​ ៣ ​នៅ​តំបន់​នេះ​គឺជា​ការបំពេញ​បន្ថែម​នឹង​ការអភិវឌ្ឍ​យ៉ាង​រហ័ស​នៃ​វិស័យ​សំណង់ និង​អចលនទ្រព្យ​នៅ​ទីនោះ ខណៈ​ទីក្រុង​រណប ING City ក៏​កំពុង​ត្រូវបាន​អភិវឌ្ឍ​ផងដែរ​។

លើសពីទៅទៀតនេះ គម្រោងផ្សារទំនើបនេះក៏ជាគម្រោងផ្សារទំនើបដែល​មានទំហំធំជាងគេនៅក្នុងតំបន់អាស៊ានទាំង ១០ ទៀតផង។

សូមបញ្ជាក់ថា ផ្សារទំនើប​អ៊ីអន​ទី​ ១ មាន​ទីតាំងនៅ​ខណ្ឌ​ចំការមន វិនិយោគ​ប្រហែល​ ២០៥ ​លាន​ដុល្លារ ហើយ​អ៊ីអន​ ២ ​មាន​ទុនវិនិយោគ ១២០ ​លាន​ដុល្លារ​ដែល​បាន​បើក​ដំណើរការ​កាលពី​ខែ​មិថុនា​ឆ្នាំ​ ២០១៨ ដោយមាន​ផ្ទៃដី​សរុប​ប្រហែល​ ៦៨ ០០០ ​ម៉ែត្រការ៉េ​នៅ​ខណ្ឌ​សែនសុខ​៕

The post លម្អិតគម្រោងផ្សារទំនើបអ៊ីអន ទី៣ ធំសម្បើមជាគេនៅអាស៊ាន កំពុងសម្រុកសាងសង់ក្នុងតម្លៃ ២៨៩,៦ ​លាន​ដុល្លារ appeared first on .