យ៉ាងណាមិញ ប្រសិនបើកិច្ចព្រមព្រៀងមួយនេះត្រូវសម្រេចបានមែន នោះវាក៏នឹងរួមបញ្ចូលទាំងជម្រើសបញ្ជាទិញសម្រាប់យន្តរបស់ Airbus ចំនួន ៥០ គ្រឿងបន្ថែមទៀត ដែលអាចនឹងត្រូវប្រកាសនៅក្នុងពេលប៉ុន្មានថ្ងៃខាងមុខ ខណៈពេលដែលក្រុមហ៊ុនអាកាសចរណ៍តម្លៃទាបជាងគេបំផុតនៅអាស៊ីមួយនេះ កំពុងបង្កើនសមត្ថភាពដឹកជញ្ជូនរបស់ខ្លួនបន្ថែមទៀត។

គួរឲ្យដឹងថា AirAsia គឺជាអតិថិជនដ៏ធំបំផុតមួយរបស់ក្រុមហ៊ុនផលិតយន្តហោះអឺរ៉ុប Airbus ដែលកន្លងធ្លាប់បានបញ្ជាទិញយន្តហោះដឹកអ្នកដំណើរខ្នាតធំ A320 ចំនួនប្រមាណជាង ៣៥០ គ្រឿងរួចមកហើយ។ ហើយកាលពីខែកក្កដា ឆ្នាំមុន ក្រុមហ៊ុននេះ ក៏បានបញ្ជាទិញយន្តហោះប្រភេទ A321XLR រយៈចម្ងាយឆ្ងាយចំនួន ៥០ គ្រឿងផងដែរ។

ទន្ទឹមនឹងនេះ​ យោងតាមលោក Tony Fernandes សហស្ថាបនិកក្រុមហ៊ុន AirAsia បានប្រាប់អ្នកយកព័ត៌មាន កាលពេលកន្លងទៅថា ក្រុមហ៊ុនអាកាសចរណ៍លំដាប់ថវិការបស់លោក បានត្រៀមខ្លួនរួចជាស្រេចក្នុងការពង្រីកសមត្ថភាពដឹកជញ្ជូនរបស់ខ្លួន ដោយជ្រើសរើសនូវការបង្កើនចំនួនយន្តហោះតូចៗបន្ថែមទៀត ដើម្បីគាំទ្រដល់គោលដៅថ្មីៗ៕​

The post Airbus ខិតជិតបញ្ចប់កិច្ចព្រមព្រៀងលក់យន្តហោះ ១០០ គ្រឿងទៅឲ្យក្រុមហ៊ុន AirAsia appeared first on .

នាយកប្រតិបត្តិក្រុមហ៊ុន AirlineRatings លោកស្រី Sharon Petersen បានបង្ហាញការកោតសរសើរយ៉ាងខ្លាំងទៅលើក្រុមហ៊ុន AirAsia សម្រាប់បណ្តាញហោះហើរដ៏ធំទូលាយពួកគេ ដែលភ្ជាប់តំបន់អាស៊ីអាគ្នេយ៍ ទៅកាន់គោលដៅជាច្រើននៅទូទាំងពិភពលោក ជាមួយនឹងតម្លៃហោះហើរដ៏សមរម្យជាទីបំផុត។

លោកស្រី Sharon បានបន្ថែមថា ក្រុមហ៊ុន AirAsia ក៏ផ្តល់នូវអាហារក្តៅៗ និងឆ្ងាញ់បំផុតជូនដល់អតិថិជនរបស់ខ្លួនអំឡុងពេលហោរហើរ បើធៀបទៅនឹងក្រុមហ៊ុនអាកាសចរណ៍ដែលមានតម្លៃទាបផ្សេងទៀត ផងដែរ។

ជម្រាបជូនផងដែរថា ពានរង្វាន់នេះត្រូវបានវាយតម្លៃទៅលើក្រុមហ៊ុនអាកាសចរណ៍យ៉ាងហ្មត់ចត់ ដោយផ្អែកលើអ្វីដែលពួកគេបានផ្តល់ជូនអ្នកដំណើរនៅក្នុងជើងហោះហើរ និងបណ្តាញរបស់ពួកគេ ដោយផ្តោតលើការយកចិត្តទុកដាក់សម្រាប់អ្នកដំណើរ មតិកែលម្អ និងគុណភាពសេវាកម្មដែលជាប់លាប់៕

The post AirAsia ជាប់ជាក្រុមហ៊ុនអាកាសចរណ៍ តម្លៃទាបល្អបំផុតលើពិភពលោក សម្រាប់ឆ្នាំ២០២៥ appeared first on .

ចុះលោកអ្នកមានដឹងទេថា យន្តហោះមួយគ្រឿងនេះមានតម្លៃប៉ុន្មានដែរ? បើតាមការចុះផ្សាយពីសារព័ត៌មាន Simple Flying បានឲ្យដឹងថា យន្តហោះមួយគ្រឿងនេះ គឺជាប្រភេទ Airbus A320s ដែលមានតម្លៃប្រហែល ១០១ លានដុល្លារអាមេរិក ខណៈតម្លៃមួយនេះ នៅមិនទាន់រាប់បញ្ចូលពីការរចនាផ្សេងៗនោះឡើយ។

គួររំលឹកបន្តិចថា សម្រាប់ជំហានដំបូងនេះ ក្រុមហ៊ុន AirAsia នឹងប្រើប្រាស់យន្តហោះប្រភេទ Airbus A320s ចំនួន ២គ្រឿង សម្រាប់ការហោះហើរនៅក្នុងប្រទេសកម្ពុជា ពីទីក្រុងភ្នំពេញ ទៅកាន់ខេត្តសៀមរាប និងខេត្តព្រះសីហនុ ដោយហោះហើរចំនួន ៤ជើងក្នុងមួយថ្ងៃ ចំណែកឯការហោះហើរក្រៅប្រទេស នឹងចាប់ផ្ដើមនាពេលឆាប់ៗខាងមុខ។

ជាមួយគ្នា ការហោះហើរសាកល្បងនឹងធ្វើឡើងនៅថ្ងៃទី៣០ ខែមេសា ស្របពេលការចាប់ផ្ដើមហោះហើរជាផ្លូវការ នឹងដំណើរការនៅថ្ងៃទី០២ ខែឧសភា ឆ្នាំ២០២៤ រីឯការលក់សំបុត្រយន្តហោះវិញ គឺបានចាប់ផ្ដើមតាំងពីថ្ងៃទី១៨ ខែមីនាមកម៉្លេះ៕

The post តើអ្នកដឹងទេ យន្តហោះរចនារូបប្រាសាទអង្គរវត្តរបស់ក្រុមហ៊ុន AirAsia Cambodia មានតម្លៃប៉ុន្មាន? appeared first on .

នៅក្នុងសេចក្តីថ្លែងការណ៍មួយនាថ្ងៃទី៦ ខែមករា នាយកប្រតិបត្តិនៃក្រុមហ៊ុនអាកាសចរណ៍ AirAsia លោក Bo Lingam បាននិយាយថា កត្តាសុវត្ថិភាពតែងតែជាអាទិភាពទីមួយ ដែលប៉ះពាល់ដល់ម៉ាក និងកេរ្តិ៍ឈ្មោះរបស់ក្រុមហ៊ុនអាកាសចរណ៍ទាំងអស់។ ដូច្នេះហើយ ក្រុមហ៊ុនមានសេចក្តីរំភើបរីករាយដែលត្រូវបានទទួលស្គាល់សារជាថ្មីម្តងទៀត ថាជាក្រុមហ៊ុនល្អបំផុតរបស់ពិភពលោក ដែលធ្វើប្រតិបត្តិការប្រកបដោយសុចរិតភាព។

លោកក៏បានបន្តថា៖ យើងកំពុងបន្តវិនិយោគយ៉ាងច្រើន នៅក្នុងប្រព័ន្ធគ្រប់គ្រងសុវត្ថិភាព រួមទាំងការបន្តបញ្ជាក់តាមរយៈការធ្វើសវនកម្មសុវត្ថិភាពប្រតិបត្តិការអន្តរជាតិ (IOSA) ដោយសមាគមដឹកជញ្ជូនផ្លូវអាកាសអន្តរជាតិ (IATA) ផងដែរ។ មួយវិញទៀត លោកបានបន្តថា វាជាស្តង់ដារសកលសម្រាប់រក្សាស្តង់ដាសុវត្ថិភាពខ្ពស់បំផុតគ្រប់ពេលវេលា។

ជាមួយគ្នានោះ ទីភ្នាក់ងារវាយតម្លៃផលិតផល និងសុវត្ថិភាពអាកាសចរណ៍តែមួយគត់របស់ពិភពលោកកាលពីថ្ងៃពុធ បានប្រកាសអំពីក្រុមហ៊ុនអាកាសចរណ៍តម្លៃទាបបំផុតទាំង២០ ដែលមានសុវត្ថិភាពបំផុតសម្រាប់ឆ្នាំ២០២៤ ក្នុងចំណោមក្រុមហ៊ុនអាកាសចរណ៍ចំនួន៣៨៥ ដែលខ្លួនបានត្រួតពិនិត្យ។

ក្នុងនោះផងដែរ ដើម្បីចម្រាញ់ក្រុមហ៊ុនទាំង២០ ដែលមានសុវត្ថិភាពបំផុតនោះ ត្រូវមានលក្ខណៈវិនិច្ឆ័យដូចជា កំណត់ត្រាឧប្បត្តិហេតុ អាយុយន្តហោះ លទ្ធផលនៃការធ្វើសវនកម្មដែលធ្វើឡើងដោយស្ថាប័នគ្រប់គ្រងអាកាសចរណ៍ អង្គការអាកាសចរណ៍ស៊ីវិលអន្តរជាតិ (ICAO) ក៏ដូចជាបញ្ជីហាមឃាត់របស់សហភាពអឺរ៉ុបផងដែរ។

បន្ថែមពីនោះ និពន្ធនាយក AirlineRating លោក Geoffery Thomas បាននិយាយថា ក្រុមហ៊ុនទាំងនេះបានបន្តឆ្លងកាត់ការធ្វើសវនកម្មសុវត្ថិភាពសំខាន់ៗទាំងអស់ដោយយកចិត្តទុកដាក់ ហើយការយកចិត្តទុកដាក់ចំពោះសុវត្ថិភាពគួរតែត្រូវបានគេសរសើរ៕

The post AirAsia ក្លាយជាក្រុមហ៊ុនអាកាសចរណ៍ ដែលមានសុវត្ថិភាពបំផុតសម្រាប់ឆ្នាំ២០២៤ appeared first on .

យ៉ាងណាមិញ លោក Fernandes បាននិយាយថា នៅពេលការអនុម័តត្រូវបានដំណើរទៅតាមការគ្រោងទុក នោះក្រុមហ៊ុន AirAsia Cambodia នឹងចាប់ផ្តើមធ្វើប្រតិបត្តិការអាជីវកម្មរបស់ខ្លួន នៅត្រីមាសទីពីរ នៃឆ្នាំ ២០២៣ ជាមួយនឹងការចាប់ផ្តើមជើងហោះហើរ ដោយយន្តហោះដំបូង ប្រភេទ Airbus A321s ចំនួន ៤ គ្រឿង។ ហើយចំពោះក្រុមហ៊ុនអាកាសចរណ៍ថ្មីនេះ នឹងដឹកនាំដោយសហគ្រិនជនជាតិខ្មែរ លោក Vissoth Nam ជានាយកប្រតិបត្តិ។

លើសពីនេះ លោក Vissoth នាយកក្រុមហ៊ុន Sivilai Asia និងជាស្ថាបនិក Bar Menaka នៅទីក្រុងភ្នំពេញ និងភោជនីយដ្ឋាន Hot Pot Angkor Meas នៅខេត្តសៀមរាប បាននិយាយ នៅក្នុងសេចក្តីថ្លែងការណ៍មួយថា “ការកើនឡើងនៃការភ្ជាប់ផ្លូវហោះហើរ រួមជាមួយតម្លៃសំបុត្រសមរម្យ នឹងជំរុញឱ្យមានតម្រូវការកាន់តែខ្លាំង សម្រាប់ការធ្វើដំណើរតាមផ្លូវអាកាស ” ។

គួរឱ្យដឹងថា ក្រុមហ៊ុនថ្មីនៅកម្ពុជានេះ គឺជាក្រុមហ៊ុនទី ៥ ហើយ របស់ AirAsia ដែលបានបើកដំណើរអាជីវកម្មរបស់ខ្លួន នៅក្នុងតំបន់អាស៊ីអាគ្នេយ៍ ចំពេលមានការងើបឡើងវិញ នៃតម្រូវការធ្វើដំណើរជុំវិញតំបន់ ។

ជម្រាបជូនផងដែរថា ក្រុមហ៊ុនអាកាសចរណ៍ AirAsia Cambodia មានគោលដៅ ដឹកជញ្ជូនភ្ញៀវទេសចរ ពីតំបន់អាស៊ីអាគ្នេយ៍ ចិន ឥណ្ឌា និងកូរ៉េខាងត្បូង មកកាន់ទឹកដីអង្គរវត្តដ៏ល្បីល្បាញ ក្នុងខេត្តសៀមរាប របស់ប្រទេសកម្ពុជា។

ដោយឡែក មហាសេដ្ឋីម៉ាឡេស៊ី លោក Fernandes បាននិយាយនៅក្នុងសេចក្តីថ្លែងការណ៍មួយថា ក្រុមហ៊ុនរបស់លោក មានទំនុកចិត្តខ្ពស់ថាអាចទទួលបានប្រាក់ចំណេញ ក្នុងឆ្នាំដំបូងនៃប្រតិបត្តិការ ដោយលោកបន្ថែមទៀតថា ក្រុមហ៊ុនកំពុងកំណត់គោលដៅដឹកជញ្ជូនភ្ញៀវទេសចរយ៉ាងហោចណាស់មួយលាននាក់ មកកាន់ប្រទេសកម្ពុជា ក្នុងឆ្នាំដំបូងនៃប្រតិបត្តិការរបស់ក្រុមហ៊ុនអាកាសចរណ៍ខ្លួន ៕

The post AirAsia ចាប់ដៃជាមួយក្រុមហ៊ុនក្នុងស្រុក ពង្រីកអាជីវកម្មនៅកម្ពុជា appeared first on .

ក្រុមហ៊ុននេះ ទទួលបានជោគជ័យ​យ៉ាងខ្លាំង​ក្នុង​វិស័យ​ឧស្សាហកម្ម​អាកាសចរណ៍​ ក្រោម​ការដឹកនាំរ​ប​ស់លោក Tony Fernandes​។ ក្រុមហ៊ុន​នេះ​ត្រូវបាន​លោក Fernandes ទិញយក​កាលពី​ឆ្នាំ ២០០១​។ ម្ចាស់ AirAsia  ​រូបនេះ លោក​បាន​ពង្រីក​ពី​បុគ្គលិក ២០០ នាក់ និង​យន្តហោះ ២​គ្រឿង រហូតដល់​មាន​បុគ្គលិក​ជាង ២ ម៉ឺន​នាក់ និង​យន្តហោះ ២៥៥ គ្រឿង​។​

លោក Tony Fernandes​ បានផ្តល់​បទសម្ភាសន៍​ជាមួយ​សារព័ត៌មានថា ជំនាញ​ម្យ៉ាង​ដែល​លោក​មាន​ជាប់​ខ្លួន​ដើម្បី​ដឹកនាំ AirAsia នោះ​គឺ​ការស្វែងរក​មនុស្ស​ពូកែ​ឱ្យធ្វើ​ការ​ជាមួយ​។ Fernandes ប្រាប់ថា លោក​តែង​ធ្វើការ​ស្វែងរក​មនុស្ស​មា​ន​ជំនាញ​ទំនាក់ទំនង និង​អ្នក​ដែលមាន​គោលបំណង​ច្បាស់លាស់​។​

ម្យ៉ាង ការស្វែងរក​មនុស្ស​ពូកែ គ្រាន់តែ​ជា​ចំណែក​ការងារ​មួយ​របស់​អ្នកដឹកនាំ​ប៉ុណ្ណោះ​។ បន្ថែម​ពីលើ​នោះ ការយល់ដឹង​ពី​របៀប​ថែរក្សា​បុគ្គលិក​ពូកែ​ទើប​ជា​ចំណែក​ការងារ​សំខាន់​មួយទៀត​របស់​មេកោយ​។ នេះ​បើ​កា​រប​ញ​ញ​ជាក់​បន្ថែម​ពី នាយក​ក្រុមហ៊ុន​រូបនេះ​។​

​លោក​ថា ដើម្បី​ធ្វើ​រឿង​ទាំងពីរ​នេះ​បាន លោក​រមែង​ប្រកាន់​ភ្ជាប់​ចំណុច​៣​រួមមាន តម្លាភាព ការកោតសរសើរ និង​ការផ្តល់ឱ្យ​បុគ្គលិក​នូវ​សមត្ថភាព​អភិវឌ្ឍ​ខ្លួន​របស់​ពួកគេ​។ លោក​សង្កត់ធ្ងន់ថា “​ក្រុមហ៊ុន​ជាច្រើន​មិនដឹង​ពី​តម្លៃពិត​ប្រាកដ​នៃ​បុគ្គលិក​របស់​ពួកគេ​ទេ តែ AirAsia យល់ច្បាស់​ពី​រឿងនេះ​”​។​

សហគ្រិនរកស៊ីលើវិស័យអាកាសចរណ៍រូបនេះ ផ្តល់​ដំបូន្មាន​ថា “​សហគ្រិន​ជាច្រើន​គិតថា ពួកគេ​ដឹង​ពីអ្វីៗ​គ្រប់យ៉ាង ប៉ុន្តែ​សម្រាប់​អ្នក អ្នក​ត្រូវតែ​រៀន​ស្ដាប់​មនុស្ស​ទាំងឡាយ​ដែល​នៅ​ជុំវិញខ្លួន​អ្នក​”៕

ប្រភព ​៖ CNBC​

The post CEO AirAsia៖ក្រុមហ៊ុន​ជាច្រើន​មិនដឹង​ពី​តម្លៃពិត​ប្រាកដ​នៃ​បុគ្គលិក​ តែ AirAsia យល់ច្បាស់​ពី​រឿងនេះ appeared first on .