Al Saud Family

គ្រួសាររាជវង្សអារ៉ាប់រួម ជាត្រកូលអភិជនមានទ្រព្យសម្បត្តិច្រើនបំផុតលើលោក

ឧកញ៉ាសំពៅ — Thu, 14 Dec 2023 07:06:00 +0000

គ្រួសាររាជវង្សត្រកូល Al Nahyan នៃសហព័ន្ធអារ៉ាប់រួម បានក្លាយជាត្រកូលដែលមានទ្រព្យសម្បត្តិច្រើនបំផុតលើលោក ជាមួយទំហំទ្រព្យសម្បត្តិសរុបរហូតដល់ ៣០៥ពាន់លានដុល្លារឯណោះ។ នេះបើតាមរបាយការណ៍ពីគេហទំព័រ Bloomberg។

ជាមួយគ្នា គ្រួសាររាជវង្សនៃប្រទេសកាតា ក៏បានបង្ហាញវត្តមាននៅក្នុងបញ្ជីឈ្មោះគ្រួសារអភិជនមានលុយច្រើនបំផុតដូចគ្នា ហើយវាគឺជាលើកដំបូង ដែលរាជវង្ស Al Thanis លេចមុខក្នុងបញ្ជីមួយនេះ ជាមួយទំហំទ្រព្យសម្បត្តិ ១៣៣ពាន់លានដុល្លារ និងជាប់នៅលេខរៀងទី០៥។

ខាងក្រោមនេះគឺជាបញ្ជីឈ្មោះនៃគ្រួសារអភិជន មានទ្រព្យសម្បត្តិច្រើនបំផុតលើលោក គិតត្រឹមខែធ្នូ ឆ្នាំ២០២៣ ផ្អែកតាមទិន្នន័យពីគេហទំព័រ Bloomberg៖

១/ គ្រួសារត្រកូល Al Nahyan

ខ្សែរាជវង្សដែលគ្រប់គ្រងសហព័ន្ធអារ៉ាប់រួម ឬជាប្រទេសស្ដេចប្រេង គឺជាគ្រួសារមានទ្រព្យច្រើនបំផុតលើលោក ជាមួយទំហំទ្រព្យសម្បត្តិ ៣០៥ពាន់លានដុល្លារ ខណៈប្រភពចំណូលរបស់ពួកគេ គឺបានមកពីការលក់ប្រេង ហើយសមាជិកគ្រួសារនីមួយៗ សុទ្ធតែមានជំនួញខ្នាតយក្សនៅក្នុងដៃ។

២/ គ្រួសារត្រកូល Walton

គ្រួសារត្រកូល Walton ជាពូជពង្សមានទ្រព្យសម្បត្តិច្រើនបំផុតនៅសហរដ្ឋអាមេរិក ប្រមាណ ២៦០ពាន់លានដុល្លារ ហើយសមាជិកគ្រួសារ ៣រូប គឺ Jim Walton, Rob Walton និង Alice Walton រក្សាបានតំណែង Top 20 នៅក្នុងបញ្ជីឈ្មោះមហាសេដ្ឋីមានបំផុត ៤០០រូបនៅអាមេរិក តាំងពីឆ្នាំ២០០១ មកទល់បច្ចុប្បន្ន។

ប្រភពចំណូលរបស់គ្រួសារមួយនេះ គឺហាងលក់ទំនិញដុំ និងរាយ Walmart ដែលមានបណ្ដាញចែកចាយ ច្រើនជាង ១០ ៥០០ហាង ទូទាំងពិភពលោក។

៣/គ្រួសារត្រកូល Hermes

បើនិយាយពីគ្រួសារមហាសេដ្ឋី ប្រាកដណាស់អ្នករចនាម៉ូដសម្ភារៈនិយម Hermes ត្រូវតែមានឈ្មោះនៅក្នុងបញ្ជីមួយនេះ ដ្បិតកាបូបយួរដៃរបស់ពួកគេមួយៗ គឺមានតម្លៃរាប់ម៉ឺនដុល្លារឯណោះ។

គ្រួសារមហាសេដ្ឋីបារាំងមួយនេះ គឺមានទ្រព្យសម្បត្តិសរុបប្រហែល ១៥១ពាន់លានដុល្លារ។

៤/ គ្រួសារត្រកូល Mars

អាចនិយាយបានថា ពួកគេគឺជាដៃគូសហការរបស់ Walmart ដែលជាអ្នកជំនាញក្នុងការផលិតស្ករគ្រាប់សូកូឡា និងទទួលបានការគាំទ្រទូទាំងពិភពលោកដែលគ្រប់គ្នាស្គាល់ថា M&Ms។

បច្ចុប្បន្ន ទ្រព្យសម្បត្តិរបស់គ្រួសារមហាសេដ្ឋីអាមេរិកមួយនេះ មានសរុបប្រហែល ១៤២ពាន់លានដុល្លារ។

៥/គ្រួសារត្រកូល Al Thani

រាជវង្សនៃប្រទេសកាតាមួយនេះ ទើបនឹងបង្ហាញវត្តមានក្នុងបញ្ជីឈ្មោះគ្រួសារមហាសេដ្ឋីជាលើកដំបូង និងបានជាប់នៅលេខរៀងទី៥ ជាមួយទំហំទ្រព្យសម្បត្តិ ១៣៣ពាន់លានដុល្លារ ខណៈប្រភពចំណូលរបស់ពួកគេ គឺបានមកពីវិស័យឧស្សាហកម្មដ៏សំបូរបែបនៅក្នុងប្រទេស។

សូមជម្រាបបន្ថែមថា ក្រៅពីគ្រួសារទាំង៥ ខាងលើ គ្រួសារមហាសេដ្ឋីអាមេរិក Koch និងរាជវង្សនៃប្រទេសអារ៉ាប៊ីសាអូឌីត Al Saud ក៏ជាប់នៅក្នុងបញ្ជីមួយនេះដូចគ្នា ជាមួយទំហំទ្រព្យសម្បត្តិស្មើគ្នា ១២៧,៣ពាន់លានដុល្លារ៕

The post គ្រួសាររាជវង្សអារ៉ាប់រួម ជាត្រកូលអភិជនមានទ្រព្យសម្បត្តិច្រើនបំផុតលើលោក appeared first on .

គ្រួសារមហាសេដ្ឋីមានទ្រព្យសម្បត្តិច្រើនបំផុតនៅក្នុងលោក ខណៈត្រកូលរាជវង្សមួយនៅចុងបញ្ជី

ឧកញ៉ាសំពៅ — Wed, 23 Feb 2022 08:23:53 +0000

បើនិយាយពីទ្រព្យសម្បត្តិរបស់បុគ្គលម្នាក់ៗនោះ Elon Musk គឺជាមហាសេដ្ឋីមានដាច់គេលើលោក ដោយសារលោកគឺជាម្ចាស់អាជីវកម្មផ្ទាល់ខ្លួនមិនជាប់ពាក់ព័ន្ធជាមួយសមាជិកគ្រួសារណាម្នាក់ឡើយ។

តែបើងាកទៅមើលពីគ្រួសារមានបំផុតលើលោកវិញ ឬក៏អាចនិយាយបានថា អាជីវកម្មបែបគ្រួសារមានបំផុតលើលោក គ្រប់គ្នាច្បាស់ជាមិនអាចរំលងម្ចាស់ផ្សារទំនើប Walmart ដែលមានសាខារាប់ពាន់កន្លែងទូទាំងសហរដ្ឋអាមេរិកបានឡើយ។

ជាការពិត អាជីវកម្មបែបគ្រួសារគឺជាមុខរបរតជំនាន់ ខណៈទ្រព្យសម្បត្តិដែលទទួលបានមកពីជំនួញមួយនេះ គឺត្រូវបែងចែកជាច្រើនចំណែកទៅកាន់សមាជិកដែលមានតួនាទីរៀងៗខ្លួន ខុសពី Elon Musk ដែលទទួលបានលុយមូលម្នាក់ឯង។

តទៅនេះ គឺជាបញ្ជីរាយនាមគ្រួសារ ៥ ត្រកូលដែលកំពុងមានទ្រព្យសម្បត្តិច្រើនបំផុតលើលោក រៀបរៀងដោយ Investopedia ៖

1/ គ្រួសារត្រកូល Walton មានទ្រព្យសម្បត្តិប្រមាណ ២៣៨ ពាន់លានដុល្លារ

មិនត្រឹមតែជាគ្រួសារមានបំផុតនៅសហរដ្ឋអាមេរិកឡើយ ត្រកូល Walton ក៏ជាគ្រួសារមានទ្រព្យសម្បត្តិច្រើនបំផុតលើពិភពលោកផងដែរ ដ្បិតកាលពីឆ្នាំ ២០២១ Alice, Jim និង Rob សុទ្ធតែជាប់ឈ្មោះជាមហាសេដ្ឋីនៅបញ្ជី Top 20 របស់ Forbes ជាមួយទ្រព្យសម្បត្តិប្រមាណ ៦០ ពាន់លានដុល្លាររៀងៗខ្លួន។

បច្ចុប្បន្ន ផ្សារ Walmart គឺមានប្រមាណ ១០ ៥៥៦ សាខាទូទាំងពិភពលោក និងជិត ៥ ០០០ សាខានៅសហរដ្ឋអាមេរិក ខណៈចំណូលកាលពីឆ្នាំ ២០២១ គឺមានដល់ទៅជាង ៥០០ ពាន់លានដុល្លារឯណោះ។

2/ គ្រួសារត្រកូល Mars មានទ្រព្យសម្បត្តិប្រមាណ ១៤២ ពាន់លានដុល្លារ

បច្ចុប្បន្ន ក្រុមហ៊ុនខ្នាតយក្សមួយនេះកំពុងគ្រប់គ្រងដោយកូនចៅជំនាន់ទី ៤ នៃគ្រួសារត្រកូល Mars។

3/ គ្រួសារត្រកូល Koch មានទ្រព្យសម្បត្តិប្រមាណ ១២៤ ពាន់លានដុល្លារ

កាលពីដើមឡើយ គ្រួសារមួយនេះគឺជាម្ចាស់ជំនួញធំជាមួយនឹងអាជីវកម្មប្រេង តែសព្វថ្ងៃលោក Charles Koch កំពុងដើរខុសពីគន្លងឪពុក ពោលគឺងាកមកប្រឡូកវិស័យនយោបាយ និងវិនិយោគិនវិញ។

ក្រៅពីនោះ បុរសខាងលើក៏ជាប្រធានក្រុមហ៊ុន Koch Industries ដែលមានអាជីវកម្មរាប់រយមុខលើគ្រប់វិស័យជាច្រើននៅទូទាំងពិភពលោកដូចគ្នា។

4/ គ្រួសារត្រកូល Hermes មានទ្រព្យសម្បត្តិប្រមាណ ១១២ ពាន់លានដុល្លារ

បើនិយាយពីគ្រួសារមហាសេដ្ឋី ប្រាកដណាស់អ្នករចនាម៉ូដសម្ភារៈនិយម Hermes ត្រូវតែមានឈ្មោះនៅក្នុងបញ្ជីមួយនេះ ដ្បិតកាបូបយួរដៃរបស់ពួកគេមួយគឺមានតម្លៃរាប់ម៉ឺនដុល្លារឯណោះ។

ក្រៅពីកាបូបយួរដៃ ពួកគេក៏នៅមានសម្ភារៈនិយមផ្សេងៗទៀតដូចជា កន្សែងបង់ក ក្រវ៉ាត់ក ទឹកអប់ ហើយវត្ថុដែលកំពុងពេញនិយមនាពេលបច្ចុប្បន្នគឺ ការសហការជាមួយ Apple ក្នុងការបង្កើត Hermes Apple Watch Edition ដែលអាចលក់បានចន្លោះពី ១ ៣០០ ទៅ ២ ០០០ ដុល្លារ/គ្រឿង ខណៈ Apple Watch ធម្មតាគឺមានតម្លៃថោកជាងនេះ ២ ទៅ ៣ ដងឯណោះ។

5/ គ្រួសារត្រកូល Al Saud មានទ្រព្យសម្បត្តិប្រមាណ ១០០ ពាន់លានដុល្លារ

ចុងក្រោយបង្អស់គឺជាគ្រួសារត្រកូលរាជវង្សនៃប្រទេសអារ៉ាប៊ីសាអូឌីត ដែលពួកគេរក្សាទ្រព្យសម្បត្តិបានជិតមួយសតវត្សមកហើយ។

ប្រភពចំណូលធំបំផុតរបស់សែស្រឡាយរាជវង្សមួយនេះគឺ Saudi Aramco ដែលជាក្រុមហ៊ុនប្រេងមានចំណូលខ្ពស់បំផុតលើលោក ដែលអាចធានានូវទ្រព្យសម្បត្តិរបស់ត្រកូល Saudi បានតជំនាន់ ខណៈសមាជិកប្រហែល ១៥ ០០០ នាក់នៃត្រកូលមួយនេះគឺមានមុខនៅគ្រប់វិស័យជំនួញជាច្រើនរាប់តាំងពី ការធ្វើអាជីវកម្ម នយោបាយ និងផ្សេងៗទៀត៕

ប្រភព: Investopedia

The post គ្រួសារមហាសេដ្ឋីមានទ្រព្យសម្បត្តិច្រើនបំផុតនៅក្នុងលោក ខណៈត្រកូលរាជវង្សមួយនៅចុងបញ្ជី appeared first on .

Al Saud Family

គ្រួសាររាជវង្សអារ៉ាប់រួម ជាត្រកូលអភិជនមានទ្រព្យសម្បត្តិច្រើនបំផុតលើលោក

​គ្រួសារ​មហាសេដ្ឋី​មាន​ទ្រព្យសម្បត្តិ​ច្រើន​បំផុត​នៅ​ក្នុង​លោក ខណៈត្រកូលរាជវង្សមួយនៅចុងបញ្ជី

គ្រួសារមហាសេដ្ឋីមានទ្រព្យសម្បត្តិច្រើនបំផុតនៅក្នុងលោក ខណៈត្រកូលរាជវង្សមួយនៅចុងបញ្ជី