គម្រោងនេះនឹងជួយផ្តល់ការងារជូនប្រជាពលរដ្ឋខ្មែរប្រមាណជិត ២០០ នាក់បន្ថែមទៀត ហើយ​សង្ឃឹមថា សម្តេចមហាបវរធិប​តី ហ៊ុន ម៉ាណែត នាយករដ្ឋមន្ត្រីនៃកម្ពុជា នឹងគាំទ្រដល់គម្រោងនេះ។ ជាវឌ្ឍនភាពមកទល់បច្ចុប្បន្ននេះ ក្រុមហ៊ុន​បានអភិវឌ្ឍនិងចេញលក់ផលិតផលជាច្រើននៅលើទីផ្សារក្នុងនោះមាន ប្រភេទជាទឹកដោះគោស្រស់ (UHT) ទឹកដោះគោខាប់ ទឹកដោះគោជូរ និងយ៉ាអួរ។

ពេលថ្មីៗនេះ ទឹកដោះគោខាប់បេសខៅស៍ របស់​ក្រុមហ៊ុនអង្គរឌែរីប្រូដាក ខូអិលធីឌី ទទួលបាន​ការគាំទ្រខ្លាំងពី​សំណាក់​អ្នកប្រើប្រាស់ ដែលជាធម្មតាទឹកដោះ​គោខាប់​ត្រូវ​ស្តុក​ទុកក្នុងរយៈពេល ១ខែ ទៅ ២ខែ ដើម្បីឱ្យ​ផលិតផលវិវឌ្ឍជាខាប់ល្អ ខណៈ​ក្រុមហ៊ុនបានផ្គត់ផ្គង់ លើទីផ្សារភ្លាមៗដល់អតិថិជនតែម្តង ក្រោយពីការផលិត (ដឺឡេថ្មី)។ ក្រុមហ៊ុន ក៏មានវិធីធ្វើឱ្យផលិតផលខាប់បានលឿន ដោយបន្ថែមសារធាតុរក្សាទុកចូលទៅក្នុងផលិតផល តែជាគោលការណ៍ក្រុមហ៊ុនមិនបន្ថែមសារធាតុរក្សាទុកចូលទៅក្នុងផលិតផលនោះទេ។ ទឹកដោះគោខាប់បេសខៅស៍ ជាផលិផលក្នុងស្រុកតែមានគុណភាព​លំដាប់អន្តរជាតិ ដោយវត្ថុធាតុដើមមួយចំនួននាំចូលមកពីសហរដ្ឋអាម៉េរិក ស៊ុតអែត ញូវហ្សឺលែន អ៊ីតាលី ជាដើម។

ផលិតផលទឹកដោះគោខាប់ បេសខៅស៍ ជាផលិតផលខ្មែរ ផលិតដោយកូនខ្មែរ ផលិតនៅតំបន់សេដ្ឋកិច្ចពិសេសរ៉ូយ៉ាល់គ្រុប ខណ្ឌកំបូល រាជធានីភ្នំពេញ អនុលោមតាមស្តង់ដារ គ្រប់គ្រងសុវត្ថិភាពចំណីអាហារ  FSSC 22000, ISO 9001,  HALAL, វិទ្យាស្ថានជាតិ (ISC), ក្រសួងសុខាភិបាល និងអនុលោមតាមស្តង់ដារចំណីអាហារជាច្រើនទៀត…។​

ចាប់តាំងពីឆ្នាំ ២០១៦ ដល់បច្ចុប្បន្នក្រុមហ៊ុនបានប្រើប្រាស់ថាមពលបៃតង ដើម្បីកាត់បន្ថយការប៉ះពាល់ដល់បរិស្ថាន ដោយបានដំឡើងប្រព័ន្ធថាមពលព្រះអាទិត្យ (សូឡា) ផលិតបាន 6,046,229 KWh បានកាត់បន្ថយការបំពុលបរិស្ថានដោយការសាយភាយឧស្ម័នកាបូនិក CO2 : 2,683,316 kg ស្មើនឹងចំនួនដើមឈើ 123,246 ដើម។

ក្រុមហ៊ុនបានផ្តល់ការងារជូនប្រជាពលរដ្ឋខ្មែរ ចំនួនជាង ៦០០នាក់ និងបានគាំទ្រសេដ្ឋកិច្ចក្នុង និងក្រៅប្រព័ន្ធប្រមាណជាង ៥០០០០ អាជីវករដែលបាននិងកំពុងទទួលផលពីការលក់ចែកចាយ​ផលិតផលអង្គរមីល នៅទូទាំងប្រទេស។ បន្ថែមលើពីនេះ ក្រុមហ៊ុនមាន​គោល ដៅចង់នាំយកផលិតផលប្រទេសកម្ពុជាទៅកាន់ទីផ្សារអន្តរជាតិក្នុងគោលដៅលើកស្ទួយផលិតផលដែលផលិតដោយកូនខ្មែរ។ បច្ចុប្បន្ន ក្រុមហ៊ុនមានគម្រោងនាំផលិតផល “អង្គរមីល – Angkor Milk” ទៅកាន់ទីផ្សារប្រទេសឡាវ និងបណ្តាប្រទេសមួយចំនួននៅក្នុងតំបន់អាស៊ានផងដែរ។

ខ្មែរជួយខ្មែរ ! អង្គរមីល – Angkor Milk ផលិតដោយកូនខ្មែរ ! អង្គរមីល ផលិតផលប្រទេសកម្ពុជា!

The post បេសខៅស៍ ជាផលិតផលទឹកដោះគោខាប់ក្នុងស្រុក ផលិតដោយកូនខ្មែរ តែមានគុណភាពស្តង់​ដារអន្តរជាតិ appeared first on .

មានទីតាំងស្ថិតនៅក្នុងតំបន់សេដ្ឋកិច្ចពិសេសភ្នំពេញ ក្នុងទំហំផ្ទៃដីសរុបជិត ៣ ម៉ឺនម៉ែត្រការ៉េ រោងចក្រទឹកដោះគោ Angkor Milk វិនិយោគ​ក្រោម​​កិច្ច​សហការ​នៃ​សាជីវកម្មក្រុមហ៊ុន​ Vinamilk វៀតណាម និងដៃគូ BPC នៅកម្ពុជា ដែល​មានទឹកប្រាក់វិនិយោគសរុបចំនួន ២៣ លានដុល្លារអាមេរិក។

រោងចក្រទឹកដោះគោ Angkor Milk ​បាន​សាងសង់នាឆ្នាំ ២០១៤ និង​ចាប់ផ្តើម​ដំណើរការ​ផលិតកម្មចាប់ពីឆ្នាំ ២០១៦ មក។ ក្នុងដំណាក់កាលទី ១ (ឆ្នាំ ២០១៧-២០១៩) ក្រុមហ៊ុន​អាច​ផលិតទឹកដោះគោចំនួន ១៩ លានលីត្រ ទឹកដោះគោជូរចំនួន ៦៤ ពាន់ប្រអប់ និងទឹកដោះគោខាប់ចំនួន ៨០ លានប្រអប់ជារៀងរាល់ឆ្នាំ។

តាម​គម្រោង​នៅ​ឆ្នាំ ២០២៤ ក្រុមហ៊ុននឹងបង្កើនអនុភាពផលិតទឹកដោះគោចំនួន ៣៨ លានលីត និង ទឹកដោះគោ​ជូរ​ចំនួន ១៩២ លានប្រអប់ជារៀងរាល់ឆ្នាំ ដើម្បីឆ្លើយតបនឹងតម្រួវការបរិភោគរបស់ប្រជាជននៅកម្ពុជា ក៏ដូចជានៅក្នុងតំបន់។

ជារោងចក្រផលិតទឹកដោះគោដើមដំបូង ដែលប្រើប្រាស់​វត្ថុធាតុដើមក្នុងស្រុក អតិថិជនកម្ពុជា​​ចាប់ផ្ដើមជឿទុកចិត្តលើផលិតផលទឹកដោះគោ Angkor Milk ដែល​មាន​គុណភាពមានស្តង់ដារអន្តរជាតិ។

ចក្ខុវិស័យ​រោងចក្រទឹកដោះគោ​ Angkor Milk គឺ​ចូលរួមចំណែកដល់កំណើនសេដ្ឋកិច្ចសង្គមកម្ពុជា និងរួមចំណែកបង្កើនឱកាសបរិភោគអាហារូបត្ថម្ភ ដែលមានគុណភាពអន្តរជាតិសម្រាប់ការលូតលាស់​រាងកាយនិងបញ្ញាសម្រាប់កុមារកម្ពុជា និងប្រជាជនកម្ពុជា។

បើ​តាម​ថ្នាក់​ដឹកនាំ​ក្រុមហ៊ុន ផែនការអភិវឌ្ឍអាជីវកម្មរបស់​ Angkor Milk គឺក្លាយទៅជាពាណិជ្ជសញ្ញាទឹកដោះគោនាំមុខគេនៅទីផ្សារកម្ពុជា ជាមួយគុណភាពល្អតាមស្តង់ដារពិភពលោក រួមទាំងតម្លៃសមរម្យ៕

The post Angkor Milk ទឹកដោះគោដើមដំបូង បើក​រោងចក្រ​ផលិត​នៅកម្ពុជា appeared first on .