យោងតាមការចុះផ្សាយពីសារព័ត៌មាន Forbes បានបង្ហាញថា ក្នុងចំណោមកំពូលមហាសេដ្ឋីជាង ១០០នាក់ ក្នុងនោះមហាសេដ្ឋី Prajogo Pangestu ជាកំពូលអ្នកមានបំផុតប្រចាំតំបន់អាស៊ាន។ ខាងក្រោមនេះគឺជាបញ្ជីឈ្មោះកំពូលមហាសេដ្ឋីមានបំផុតប្រចាំប្រទេសនីមួយៗក្នុងតំបន់អាស៊ាន ដោយយោងតាមទិន្នន័យពីទស្សនាវដ្ដី Forbes៖

1. អ្នកមានដាច់គេបង្អស់ប្រចាំឥណ្ឌូណេស៊ី និងក៏ជាអ្នកមានដាច់គេនៅក្នុងតំបន់អាស៊ានផងដែរនោះគឺលោក Prajogo Pangestu ដែលមានទ្រព្យសម្បត្តិខ្ទង់ ៥៤,៧ពាន់លានដុល្លារ ខណៈរូបលោកជាម្ចាស់ក្រុមហ៊ុន Barito Pacific រកស៊ីលើវិស័យគីមីឥន្ធនៈ និងថាមពល។

2. ព្រះចៅ ស៊ុលតង់ ហាសេណាល់ បុលគីយ៉ាស់ គឺជាអ្នកមានដាច់គេនៅក្នុងប្រទេសប្រ៊ុយណេ ពោលទ្រង់មានទ្រព្យសម្បត្តិប្រហែល ២៨ពាន់លានដុល្លារ ខណៈប្រភពចំណូលរបស់ព្រះអង្គគឺបានមកពីវិស័យឧស្សហកម្មប្រេង និងហ្គាសដ៏សម្បូរបែបនៅក្នុងប្រទេស។

3. នៅសិង្ហបុរីអ្នកមានដាច់គេនោះគឺលោក Li Xiting ជាសហស្ថាបនិក និងជាប្រធានក្រុមហ៊ុន Shenzhen Mindray Bio-Medical Electronics ដែលជាក្រុមហ៊ុនបានដើរតួយ៉ាងសំខាន់ជាអ្នកផ្គត់ផ្គង់ឧបករណ៍វេជ្ជសាស្ត្រទៅកាន់មន្ទីពេទ្យ ខណៈឯទ្រព្យសម្បត្តិរបស់លោកនាពេលបច្ចុប្បន្នមានចំនួនសរុបប្រមាណ ១៥,២ពាន់លានដុល្លារ។

4. លោក Dhanin Chearavanont គឺជាអ្នកមានដាច់គេប្រចាំប្រទេសថៃ ដោយទ្រព្យសម្បត្តិរបស់លោកមានចំនួន ១២,៥ពាន់លានដុល្លារ។ មហាសេដ្ឋីរូបនេះជាម្ចាស់ក្រុមហ៊ុន Charoen Pokphand Group (CP Group) ដែលជាក្រុមហ៊ុនផលិតចំណីសត្វ និងបសុសត្វដ៏ធំបំផុតមួយរបស់ពិភពលោក។

5. អ្នកមានដាច់គេនៅម៉ឡេស៊ីគឺលោក Robert Kouk ដែលមានទ្រព្យសម្បត្តិប្រមាណ ១១,៨ពាន់លានដុល្លារ។ រូបលោកជាម្ចាស់ក្រុមហ៊ុន Kouk Group រកស៊ីលើវិស័យមួយចំនួនដូចជាសណ្ឋាគារ អចលនទ្រព្យ និងទំនិញជាដើម។

6. លោក Manuel Villar គឺជាអ្នកមានដាច់គេនៅហ្វីលីពីន ពោលលោកមានទ្រព្យសម្បត្តិចំនួន ១១,៤ពាន់លានដុល្លារ ខណៈប្រភពចំណូលដ៏សំខាន់គឺបានមកពីក្រុមហ៊ុនអភិវឌ្ឍន៍អចលនទ្រព្យ Vista Land & Lifescapes ។

7. អ្នកមានដាច់គេប្រចាំប្រទេសវៀតណាមគឺលោក Pham Nhat Voung ដែលមានទ្រព្យសម្បត្តិប្រមាណ ៤,២ពាន់លានដុល្លារ សព្វថ្ងៃជាប្រធានក្រុមហ៊ុនផលិតរថយន្តអគ្គិសនីដ៏ធំបំផុតមួយរបស់វៀតណាម VinFast ។

គួរបញ្ជាក់ថា បណ្តាប្រទេសមួយចំនួនផ្សេងទៀតរួមមាន កម្ពុជា ឡាវ និងមីយ៉ាន់ម៉ា ពុំមានប្រភពទិន្នន័យច្បាស់លាស់ណាមួយអាចបញ្ជាក់ពីបុគ្គល ឬទំហំទ្រព្យសម្បត្តិរបស់មហាសេដ្ឋីប្រចាំប្រទេសបាននោះទេ ដូច្នេះហើយ Oknha News ពុំអាចចុះផ្សាយអំពីព័ត៌មានលម្អិតបាននោះឡើយ៕

The post អ្នកណាខ្លះជាកំពូលអ្នកមានដាច់គេប្រចាំប្រទេស នៅក្នុងតំបន់អាស៊ាន? appeared first on .

កិច្ចប្រជុំកំពូលពិសេសអាស៊ាន-អូស្រ្តាលី មានរយៈពេល ៣ថ្ងៃ គឺចាប់ថ្ងៃទី៤ដល់ថ្ងៃទី៦ខែមីនា ស្ថិតនៅទីក្រុងម៉ែលប៊ន ប្រទេសអូស្ត្រាលី ដែលមានលោក អេនថូនី អាល់បានីស៊ី នាយករដ្ឋមន្ត្រីអូស្ត្រាលី ជាសហប្រធាន។

អមដំណើរសម្តេចធិបតី ហ៊ុន ម៉ាណែត ចូលរួមកិច្ចប្រជុំកំពូលពិសេសអាស៊ាន-អូស្រ្តាលី មានលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា, លោក ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ លោក សុខ ចិន្តសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងមន្ត្រីសំខាន់ៗនៃរាជរដ្ឋាភិបាលកម្ពុជា។

បើតាមក្រសួងការបរទេស និងសហប្រតិបត្តិការអន្តរជាតិ កិច្ចប្រជុំកំពូលពិសេសអាស៊ាន-អូស្ត្រាលី នឹងផ្តល់ឱកាសដល់ថ្នាក់ដឹកនាំ កំណត់ទិសដៅអនាគតរួម និងធ្វើឱ្យទំនាក់ ទំនងកាន់តែស៊ីជម្រៅ តាមរយៈការអនុវត្តឱ្យបានពេញលេញ និងប្រកបដោយប្រសិទ្ធភាពនូវអាទិភាពសំខាន់ៗ នៃភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-អូស្ត្រាលី។ ថ្នាក់ដឹកនាំ គ្រោងនឹងអនុម័តសេចក្តីថ្លែងការណ៍ទីក្រុងម៉ែលប៊ន និងសេចក្តីប្រកាសចក្ខុវិស័យរបស់ថ្នាក់ដឹកនាំអាស៊ាន-អូស្ត្រាលី។

ស្របពេលនៃការអញ្ជើញចូលរួមកិច្ចប្រជុំកំពូលខាងលើ សម្តេចធិបតី ក៏នឹងមានជំនួបទ្វេភាគីជាមួយនាយករដ្ឋមន្រ្តីអូស្រ្តាលី លោក អេនថូនី អាល់បានីស៊ី និងសមភាគីអាស៊ានមួយចំនួន ដើម្បីពង្រឹងបន្ថែមនូវទំនាក់ទំនង ទ្វេភាគីបន្ថែមទៀត៕

The post ថ្ងៃស្អែកសម្តេចធិបតី ហ៊ុន ម៉ាណែត ចូលរួមកិច្ចប្រជុំកំពូលពិសេសអាស៊ាន-អូស្រ្តាលី ព្រមទាំងមានជំនួបនឹងលោក អេនថូនី អាល់បានីស៊ី appeared first on .