យោងតាមការចុះផ្សាយពីសារព័ត៌មាន SkyNews បានបង្ហាញថា បញ្ជីឈ្មោះ​ភ្ញៀវកិត្តិយស​សម្រាប់​ព្រឹត្តិការណ៍កំពូលនេះ គឺមានដូចជា ប្រធានាធិបតីស៊ីរី លោក Bashar al Assad ប្រធានក្រុមហ៊ុនប្រេងខ្នាតយក្សនៃសហព័ន្ធអារ៉ាប់រួម លោក Sultan al Jaber បេសកជនពិសេស​នៃសហរដ្ឋអាមេរិក និងចិន លោក John Kerry និងលោក Xie Zhenhua មហាសេដ្ឋីអាមេរិក Bill Gates និងព្រះមហាក្សត្រនៃចក្រភពអង់គ្លេស King Charles។

ទោះជាយ៉ាងណា ប្រធានាធិបតីនៃប្រទេសស៊ីរី ទំនងមិនអាចចូលរួមកិច្ចប្រជុំមួយនេះឡើយ បន្ទាប់ពីមានប្រតិកម្មពីមហាជន ដែលអះអាងថា លោកមានជាប់ពាក់ព័ន្ធនឹងការប្រើប្រាស់​អាវុធគីមី និងកំពុងស្ថិតក្រោមការតាមចាប់ខ្លួនពីប្រទេសបារាំង។

ជម្រាបបន្ថែមថា កិច្ចប្រជុំកំពូល COP28 គឺប្រមូលផ្ដុំដោយអ្នកនយោបាយមានមុខមានមាត់ និងធុរកិច្ចជនខ្នាតយក្សជាច្រើនរូប ខណៈគ្រប់បុគ្គលដែលចូលរួមទាំងអស់ មានក្ដីរំពឹងសម្រេច​បានកិច្ចកុងត្រានានា ដែលមានតម្លៃខ្ទង់រយលានដុល្លារផងដែរ៕

The post តើបុគ្គលសំខាន់ៗរូបណាខ្លះ ត្រៀមចូលរួមកិច្ចប្រជុំកំពូល COP28 នៅទីក្រុងឌូបៃ? appeared first on .

យោងតាមការចុះផ្សាយពីទីភ្នាក់ងារសារព័ត៌មានបារាំង AFP បានរាយការណ៍ថា ដីការចាប់ខ្លួននេះ ក៏បានដាក់ទៅលើប្អូនប្រុសរបស់មេដឹកនាំប្រទេសស៊ីរីផងដែរ គឺលោក Maher al-Assad ដែលជាមេអង្គភាពកងយោធាជាន់ខ្ពស់មួយរូបប្រចាំប្រទេសផងដែរ។

ប្រភពដដែលបន្ថែមថា ការប្រើប្រាស់អាវុធគីមីកាលពីឆ្នាំ២០១៣នោះ គឺបានសម្លាប់ប្រជាជន ច្រើនជាង ១ ០០០នាក់ នៅភាគខាងកើតនៃតំបន់​Ghouta និងសម្លាប់មនុស្សប្រមាណ ១ ៤០០នាក់ នៅក្បែរមន្ទីរពេទ្យមួយកន្លែង នៃទីក្រុង Damascus ក្នុងខែតែមួយ។

សូមជម្រាបដែរថា នេះគឺជាដីការតាមចាប់ខ្លួនអន្តរជាតិលើកដំបូង ប្រឆាំងនឹងមេដឹកនាំនៃប្រទេសស៊ីរី តាំងពីផ្ទុះសង្គ្រាមក្នុងឆ្នាំ២០១១ ខណៈវាក៏ជាដីការចាប់ខ្លួន​លើកដំបូង តាំងពីផ្ទុះការវាយប្រហារអាវុធគីមីកាលពីឆ្នាំ២០១៣ ដែលមកទល់នឹងពេលនេះ ស៊ីរីនៅតែលាក់ព័ត៌មានយ៉ាងជិត ជុំវិញហេតុផលបង្កឲ្យផ្ទុះអាវុធគីមី សម្លាប់មនុស្សរាប់ពាន់នាក់​កាលពី១០ឆ្នាំមុន៕

The post ប្រធានាធិបតីស៊ីរី កំពុងស្ថិតក្រោមការតាមចាប់ខ្លួនពីប្រទេសបារាំង appeared first on .