ចាប់តាំងពីបើកឆាកប្រឡងចម្រៀងរ៉េប CAMBO RAPPER មកទស្សនិកជនជាច្រើនឆ្ងល់យ៉ាងខ្លាំងថា Secret Coach ដែលតែងតែពាក់របាំងមុខជានរណា ? ហេតុអ្វីក៏មានជំនាញខ្លាំងនៅក្នុងការផ្តល់យោបល់និងគំនិតល្អៗដល់បេក្ខជនចូលរួមប្រកួតប្រជែងម្ល៉េះ ? ពេលនេះរបាំងមុខដែលបានលាក់អស់ពេលយ៉ាងយូរនោះ ដល់ពេលដែលត្រូវបង្ហាញហើយ គឺបង្ហាញនៅក្នុងថ្ងៃប្រឡងចម្រៀងវគ្គផ្តាច់ព្រ័ត្រក្នុងកម្មវិធីប្រឡងចម្រៀង CAMBO RAPPER កាលពីរាត្រីថ្ងៃទី ២២ ខែ មីនា ឆ្នាំ ២០២២៦ កន្លងមកនេះ ។

Secret Coach រូបនោះគឺលោក សុខ វិសាល ដែលជាបុគ្គលមានស្នាដៃនៅក្នុងវិស័យចម្រៀង Hip-Hop និងមានស្នាដៃធំៗជាច្រើននៅក្នុងវិស័យចម្រៀង លោកបានចំណាយពេលវេលាក្នុងវិស័យនេះជាង៤០ឆ្នាំមកហើយ រួមទាំងបានចំណាយពេលវេលា២៥ឆ្នាំប្រឡូកនៅក្នុងវិស័យនេះនៅក្នុងស្រុក ខ្មែរ ។ លោកជាមនុស្សម្នាក់ក្នុងចំណោមមនុស្ស៤នាក់ល្បីៗដែលបាននាំវិស័យចម្រៀង Hip-Hop មកស្រុកខ្មែរដំបូង ។

ក្នុងនាមជា Secret Coach លោក សុខ វិសាល បានប្រើប្រាស់សមត្ថភាព និងបច្ចេកទេសរបស់ខ្លួនក្នុងការវិភាគ និងផ្តល់ដំបូងគ្មានល្អៗជាច្រើនដល់បេក្ខជនដែលចូលរួមប្រកួតប្រជែង ជាពិសេសនៅក្នុងវគ្គផ្តាច់ព្រ័ត្រនេះ លោកបាននិយាយថា អ្នកដែលអាចទទួលបានពាន គឺជាអ្នកដែលមើលឃើញច្បាស់ពីការធ្វើបទចម្រៀងឱ្យពិរោះ ទាំងអត្ថន័យនៃបទចម្រៀង និងការរើសភ្លេងថាប្លែកកម្រិតណា ។ សូម្បីតែការរៀបចំខ្លួននិងការសម្តែងរបស់គាត់នៅក្នុងថ្ងៃផ្តាច់ព្រ័ត្រ ទាល់តែមានអ្វីដែលពិសេសលើសបេក្ខជនផ្សេងទៀត ទើបគាត់អាចលើកពាននោះបាន ។

គួរបញ្ជាក់ផងដែរថា ការប្រឡងចម្រៀង CAMBO RAPPER មិនមែន Secret Coach ជាអ្នកផ្តល់ពិន្ទុនិងកំណត់ជោគវាសនារបស់បេក្ខជននោះទេ វាសនារបស់បេក្ខជនទាំង៤រូបនៅក្នុងថ្ងៃផ្តាច់ព្រ័ត្រ គឺបងប្អូនទស្សនិកជនជាអ្នកបោះឆ្នោត ៕

The post មិននឹកស្មាន Secret Coach ក្នុងកម្មវិធីប្រឡងចម្រៀងរ៉េប CAMBO RAPPER គឺជាបុគ្គលល្បីឈ្មោះក្នុងវិស័យចម្រៀងរ៉េប៤០ឆ្នាំហើយ ! appeared first on .

ការប្រឡងចម្រៀងរ៉េប CAMBO RAPPER វគ្គផ្តាច់ព្រ័ត្របានរៀបចំឡើងនៅថ្ងៃទី ២២ ខែ មីនា ឆ្នាំ ២០២៦នៅទល់មុខផ្សារទំនើប ជីបម៉ុង ផ្លូវវេងស្រេង ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ ដោយមានវត្តមានថ្នាក់ដឹកនាំក្រុមហ៊ុនធំៗ សិល្បករ និងអ្នកគាំទ្រជាច្រើនចូលរួមអបអរសាទរ ។

សម្រាប់អ្នកចូលរួមទស្សនាផ្ទាល់បានលាន់មាត់សរសើរ និងស្រែកថា Wow គ្រប់ៗគ្នាពីការរៀបចំកម្មវិធី និងការតុបតែងឆាកដ៏ធំប្រណិតជាមួយពន្លឺភ្លើងពណ៌យ៉ាងស្រស់ស្អាតកម្រិតឆាកអន្តរជាតិ ជាពិសេសមានការចូលរួមសម្តែងនិងច្រៀងពីកំពូលតារាចម្រៀងល្បីៗជាច្រើនប្រចាំនៅក្នុងផលិតកម្ម ហ្គាឡាក់ស៊ី ណាវ៉ាត្រា ដែលធ្វើឱ្យឆាក CAMOBO RAPPER កាន់តែផ្ទុះកក្រើកឡើង ។

អ្វីដែលនឹកស្មានមិនដល់គឺបេក្ខជន សុខ ពេជ្រចាន់ភារៈ ឬ AK-K ដែលមានរហ័ស្សនាមថា អ្នកលេងដៃទទេ បានផ្តួលដៃគូ៣នាក់ផ្សេងទៀតនៅវគ្គផ្តាច់ព្រ័ត្រនេះ ដើម្បីទទួលបានពានរង្វាន់ប្រាក់ ១០០លានរៀលរួមជាមួយនាឡិកាពេជ្រ CAMBO RAPPER យ៉ាងស្រស់ស្អាតពីកម្មវិធីប្រឡងចម្រៀង CAMBO RAPPER នៅក្នុងរដូវកាលទី១ ។
ជាមួយនិងក្តីរំភើបនិងពោរពេញទៅដោយមោទនភាព បេក្ខជន សុខ ពេជ្រចាន់ភារៈ ឬ AK-K អ្នកលេងដៃទទេ បានបង្ហាញនូវអារម្មណ៍រីករាយលាយឡំជាមួយទឹកភ្នែករបស់ខ្លួនថា ពេលនេះខ្លួនធ្វើបានហើយ អ្នកលេងដៃទេបានផ្លាស់ប្តូរវាសនារបស់ខ្លួននៅលើឆាក CAMBO RAPPER នៅក្នុងរដូវកាលនេះ ។

AK-K គឺជាបេក្ខជនមួយរូបដែលមានជីវភាពខ្វះខាត ជីវិតរបស់គេធ្លាប់កាត់នូវការលំបាកជាច្រើន ជាក់ស្តែងមុនក្លាយទៅជាម្ចាស់ពានរង្វាន់ CAMBO RAPPER លោកគឺជាធ្វើចម្រៀងច្រៀងដាក់ ហ្វេសប៊ុក និង យូធូប ត្រូវគេមើលងាយ មិនឱ្យតម្លៃ ប៉ុន្តែអ្វីដែលលោកបានជួបប្រទះ មិនបានធ្វើឱ្យលោកបោះបង់ចោលនោះទេ ផ្ទុយទៅវិញលោកកាន់តែខំប្រឹងប្រែង និងបានដាក់ពាក្យចូលរួមប្រកួតប្រជែងនៅក្នុងកម្មវិធីប្រឡងចម្រៀង CAMBO RAPPERដើម្បីបន្តក្តីស្រមៃខ្លួន ។

ពេលនេះអ្នកចម្រៀងដែលធ្លាប់តែច្រៀងនៅលើ ហ្វេសប៊ុក យូធូប អ្នកលេងដៃទទេ AK-Kបានប្រែក្លាយទៅជាអ្នកមានលុយពេញដៃជាមួយប្រាក់រង្វាន់ ១០០លានរៀល នាឡិកាពេជ្រ ពីកម្មវិធីប្រឡងចម្រៀង CAMBO RAPPER ហើយ ។ ទន្ទឹមនិងការទទួលពាននេះ AK-K ក៏បានក្លាយទៅជាតារាចម្រៀងរ៉េបប្រចាំនៅក្នុងផលិតកម្ម ហ្គាឡាក់ស៊ី ណាវ៉ាត្រា តាមក្តីប្រាថ្នារបស់ខ្លួន ជាពិសេសត្រូវចេញច្រៀងនៅតាមកម្មវិធីប្រគំតន្រ្តីធំៗរបស់ក្រុមហ៊ុន ខ្មែរប៊ែវើរីជីស ជាបន្តបន្ទាប់រួមជាមួយកំពូលតារាចម្រៀងល្បីៗជាច្រើន ។ AK-K អ្នកលេងដៃទទេជាបេក្ខជនដែលពោរពេញដោយសមត្ថភាពខ្ពស់ក្នុងការធ្វើបទចម្រៀងរ៉េបប្រកបដោយពាក្យពេចន៍ចាក់ដោត និងមាន Flow ដ៏ទាក់ទាញ ។

គួរបញ្ជាក់ផងដែរថា បេក្ខជន៤នាក់ចុងក្រោយដែលចូលរួមប្រកួតប្រជែងនៅវគ្គផ្តាច់ព្រ័ត្រកម្មវិធីប្រឡងចម្រៀង CAMBO RAPPER  រួមមាន  Ak-K , SINA , B2 និងបេក្ខជន 4L ។ថ្វីដ្បិតតែបេក្ខជន៣នាក់ដែលមិនទទួលបានពានរង្វាន់ ប៉ុន្តែនៅតែក្លាយទៅជាតារាចម្រៀងរ៉េបប្រចាំនៅក្នុងផលិតកម្ម ហ្គាឡាក់ស៊ី ណាវ៉ាត្រា និងទទួលបានប្រាក់រង្វាន់លើកទឹកចិត្តពីក្រុមហ៊ុន ខ្មែរ ប៊ែវើរីជីស ម្នាក់១០លានរៀលផងដែរ ៕

The post ទីបំផុត AK-K អ្នកលេងដៃទទេ បានផ្លាស់ប្តូរខ្សែជីវិតមានលុយពេញដៃជាមួយប្រាក់រង្វាន់ ១០០លានរៀលពីកម្មវិធី CAMBO RAPPER appeared first on .

សល់តែប៉ុន្មានថ្ងៃទៀតដល់ថ្ងៃប្រកួតផ្តាច់ព្រ័ត្រកម្មវិធីប្រឡងចម្រៀងរ៉េប CAMBO RAPPER ហើយ កំដៅក៏ចាប់ផ្តើមក្តៅជាមុនដែរ ដូចដែលមហាជនបានឃើញស្រាប់ ឆ្លងកាត់ការប្រកួត និងការហ្វឹកហាត់យ៉ាងស្វិតស្វាញនាពេលកន្លងមក មានទាំងទឹកភ្នែក រន្ធត់ និងញើសស្រក់ពេញឆាកនៅលើសមរភូមិ CAMBO RAPPER រហូតរើសបានបេក្ខជនដ៏មានទេពកោលស្យនិងសុទ្ធតែជាជើងខ្លាំងចំនួន៤រូប ដើម្បីបន្តឡើងទៅវគ្គផ្តាច់ព្រ័ត្រដែលត្រៀមនឹងរៀបចំឡើងនៅថ្ងៃទី ២២ ខែ មីនា ឆ្នាំ ២០២៦ នៅទល់មុខផ្សារទំនើប ជីបម៉ុង ផ្លូវវេងស្រេង ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ ។ កុំភ្លេចចូលរួមគាំទ្របេក្ខជន Top4 CAMBO RAPPER ឱ្យបានច្រើនដើម្បីជាកម្លាំងចិត្តដល់ពួកគេ ។

បេក្ខជនទាំង៤រូបដែលឈានមកដល់វគ្គផ្តាច់ព្រ័ត្រនេះរួមមាន បេក្ខជន Ak-K , SINA , B2 និងបេក្ខជន 4L ពួកគេសុទ្ធសឹងតែជាជើងខ្លាំងនិងមានសមត្ថភាពខ្ពស់នៅក្នុងការច្រៀងចម្រៀងរ៉េប ។ សម្រាប់វគ្គផ្តាច់ព្រ័ត្រនេះ បើបេក្ខជនណាហ៊ានតែភ្លាត់ស្នៀតបន្តិច ច្បាស់ជាបរាជ័យ ទឹកភ្នែកនិងវិចសំពាយត្រឡប់ទៅផ្ទះជាក់ជាមិនខាន ។  

មិនដឹងថាក្នុងចំណោមបេក្ខជនជើងខ្លាំងទាំង៤រូបនេះ តើនរណានិងក្លាយទៅជាម្ចាស់ពាន និងជាម្ចាស់ប្រាក់រង្វាន់ ១០០លានរៀល ពីឆាកប្រឡងចម្រៀងរ៉េប Cambo Rapper ក្នុងរដូវកាលនេះទេ ? បើចង់ជ្រាបច្បាស់មានតែចូលរួមទស្សនាការប្រកួតវគ្គផ្តាច់ព្រ័ត្រដោយផ្ទាល់ប៉ុណ្ណោះ ។ មកទល់ពេលនេះការបោះឆ្នោតតាមរយៈ Scan QR ជ្រើសរើសដែលបេក្ខជនដែលបងប្អូនស្រឡាញ់នៅតែបន្ត កុំភ្លេចចូលរួមបោះឆ្នោតជ្រើសរើសបេក្ខជនដែលបងប្អូនពេញចិត្ត សំឡេងឆ្នោតរបស់បងប្អូនគឺជាកម្លាំងចិត្តនិងជាជណ្តើរនាំពួកគេទៅកាន់តំណែងម្ចាស់កម្មវិធីប្រឡងចម្រៀងរ៉េប Cambo Rapper ដើម្បី បន្តក្តីស្រមៃ និងជោគវាសនា របស់ពួកគេទាំងអស់គ្នា ។

គួរបញ្ជាក់ផងដែរថា បេក្ខជនទាំង CAMBO RAPPER ទាំង៤រូបនេះសុទ្ធសឹងតែជាជើងខ្លាំងនិងមានសមត្ថភាពខ្ពស់ផ្សេងៗគ្នាក្នុងវិស័យចម្រៀងរ៉េប ជាក់ស្តែង សម្រាប់បេក្ខជន AK-K ដែលមានរហស្សនាមអ្នកលេងដៃទទេ ពាក្យពេចន៍ចាក់តដោត និង Flow ដ៏ទាក់ទាញ ។ បេក្ខជន SINA ឈានមកដល់វគ្គផ្តាច់ព្រ័ត្រនេះ មិនមែនដោយសារសំណាងទេ តែដោយសារសមត្ថភាព និងទឹកដមសំឡេងប្រកបដោយមន្តស្នេហ៍ និងមានការច្នៃប្រឌិដ្ឋខ្ពស់ក្នុងការធ្វើបទចម្រៀងនិមួយៗ ។ បេក្ខជន 4L បានធ្វើឱ្យមហាជនស្គាល់ច្បាស់ថា ជាបេក្ខជនដែលមានបច្ចេកទេសរ៉េបល្បឿនលឿន និងអត្ថន័យស៊ីជម្រៅ ។ ចំណែកបេក្ខជន B2 វិញក៏មិនធម្មតាដែរបានឆ្លងកាត់នូវឧបសគ្គជាច្រើន រូបគេមានសមត្ថភាពខ្ពស់ក្នុងការរ៉េបប្លែកពីគេ និងការសម្តែងពោរពេញដោយថាមពល៕

The post វគ្គកំណត់ជោគវាសនាបើភ្លាត់ស្នៀតដឹងតែទឹកភ្នែក ! តើបេក្ខជន Top 4 CAMBO RAPPER រូបណានឹងទទួលបានពានរង្វាន់នៅវគ្គផ្តាច់ព្រ័ត្រ ? appeared first on .

បេក្ខជន Top 4 ដែលឈានមកដល់វគ្គផ្តាច់ព្រ័ត្រនេះរួមមាន បេក្ខជន Ak-K , SINA , B2 និងបេក្ខជន 4L ពួកគេសុទ្ធសឹងតែជាងជើងខ្លាំងនិងមានសមត្ថភាពខ្ពស់នៅក្នុងការច្រៀងចម្រៀងរ៉េប ។ មិនដឹងថាក្នុងចំណោមបេក្ខជនជើងខ្លាំងទាំង៤រូបនេះ តើនរណានិងក្លាយទៅជាម្ចាស់ពាន និងជាម្ចាស់ប្រាក់រង្វាន់ ១០០លានរៀល ពីកម្មវិធីចម្រៀងរ៉េប Cambo Rapper ក្នុងរដូវកាលទី១នេះទេ ?

ស្របពេលដែលត្រៀមខ្លួនឡើងសង្វៀនរ៉េបនាពេលប៉ុន្មានថ្ងៃខាងមុខនេះ ទស្សនិកជន និងអ្នកគាំទ្រក៏អាចចូលរួមបោះឆ្នោតជ្រើសរើសបេក្ខជនដែលបងប្អូនស្រឡាញ់ពេញចិត្ត ពីព្រោះសំឡេងឆ្នោតរបស់បងប្អូនគឺជាកម្លាំងចិត្តនិងជាជណ្តើរនាំពូកគេទៅកាន់តំណែងម្ចាស់កម្មវិធីប្រឡងចម្រៀងរ៉េប Cambo Rapper ដើម្បី បន្តក្តីស្រមៃ និងជោគវាសនា របស់ពួកគេទាំងអស់គ្នា ដោយទស្សនិកជនគ្រាន់តែចូល Scan QR របស់បេក្ខជននីមួយៗជាការស្រេច ។ ចំពោះថវិការដែលទទួលបានពីការ Vote កម្មវិធីនឹងបរិច្ចាគជូនវីរកងទ័ពជួរមុខ និងប្រជាជនភៀសសឹក ដែលរងគ្រោះនៅព្រំដែន ។

គួរបញ្ជាក់ផងដែរថា វគ្គប្រកួតផ្តាច់ព្រ័ត្រត្រៀមនឹងរៀបចំឡើងនៅថ្ងៃទី ២២ ខែ មីនា ឆ្នាំ ២០២៦ ខាងមុខនៅទល់មុខផ្សារទំនើប ជីបម៉ុង ផ្លូវវេងស្រេង ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ ៕

The post កម្មវិធីប្រឡងចម្រៀងរ៉េប CAMBO RAPPER រកឃើញបេក្ខជន Top4 ហ្វេនៗអាចបោះឆ្នោតកំណត់ជោគវាសនាពួកគាត់បាន ! appeared first on .

ពីមួយវគ្គទៅមួយវគ្គការប្រឡងចម្រៀងរ៉េប Cambo Rapper កាន់តែផ្ទុះការចាប់អារម្មណ៍ខ្លាំងពីសំណាក់មហាជន ជាពិសេសនៅក្នុងវគ្គពាក់កណ្តាលផ្តាច់ព្រ័ត្រនៅរាត្រីនេះ កាន់តែក្តៅគគុក និងអាចនិយាយបានថា អ្នកខ្លាំង អាចឡើងទៅវគ្គបន្ត ។  

គ្រូបង្វឹកនៅក្នុងការប្រឡងចម្រៀងរ៉េប Cambo Rapper ទាំង៤រូបដែលរួមមាន កញ្ញា តន់ ចន្ទសីម៉ា ,លោក សង្ហា , Tempo និង ប្រុសឡា សុទ្ធតែមានការជឿជាក់ខ្លាំងលើសមត្ថភាពកូនក្រុមរបស់ខ្លួន បន្ទាប់ពីបានបណ្តុះបណ្តាលពួកគេយ៉ាងយកចិត្តទុកដាក់ ។

ក្នុងថ្ងៃប្រកួតវគ្គពាក់កណ្តាលផ្តាច់ព្រ័ត្រនេះក្នុងនាមជាគ្រូបង្វឹករបស់កូនក្រុមទាំងអស់សុទ្ធតែមានក្តីរំពឹងខ្ពស់លើកូនក្រុមរបស់ខ្លួន និងបានផ្តាំផ្ញើដល់បេក្ខជនទាំង៨រូបឱ្យខំប្រឹង និងបញ្ចេញអស់ពីសមត្ថភាព ៕

The post មិនកាន់ជើងខាងណាគ្រូបង្វឹកទាំង៤រូប Cambo Rapper និយាយបែនេះទៅកាន់បេក្ខជនទាំង៨រូបក្នុងវគ្គពាក់កណ្តាលផ្តាច់ព្រ័ត្រ ! appeared first on .

ឈានមកដល់វគ្គពាក់កណ្តាលផ្តាច់ព្រ័ត្រនេះ ការប្រឡងចម្រៀង Cambo Rapper កាន់តែកៅដូចបាយពុះ ពីព្រោះជួបសុទ្ធតែបេក្ខជនខ្លាំងៗ និងមានសមត្ថភាពខ្ពស់ក្នុងការធ្វើបទចម្រៀងរ៉េប ជាពិសេសក្រោយពីទទួលបានការបណ្តុះបណ្តាលពីគ្រូបង្វឹកល្បីឈ្មោះទាំង៤រូប កាន់តែដុសខាត់សមត្ថភាពពួកគេឱ្យឈានឡើងមួយកម្រិតទៀត ។

តារាកិត្តិយសដែលនឹងមានវត្តមាននៅក្នុងនៅក្នុងការប្រឡងចម្រៀងរ៉េប Cambo Rapper នៅល្ងាចថ្ងៃទី ០៦ ខែ មីនា ឆ្នាំ២០២៦នេះ រួមមានកំពូលតារាចម្រៀង ឧកញ៉ាមខេមរៈ សិរីមន្ត , លោក ខេម និងលោក ខាន់ ជេមស៌។ ពូគាត់ត្រៀមបទចម្រៀង និងក្បាច់រាំប្លែកៗជាច្រើនដើម្បី Surprise អ្នកគាំទ្រក៏ដូចជាបេក្ខជនទាំងអស់ដែលត្រៀមនឹងប្រកួតនៅក្នុងវគ្គពាក់កណ្តាលផ្តាច់ព្រ័ត្រ Cambo Rapper  នៅរាត្រីនេះ ។

មិនថាលទ្ធផលបែបណាតារាចម្រៀងកិត្តិយសដែលបានចូលរួមបានផ្តល់ជាកម្លាំងចិត្តក៏ដូចជាលើកទឹកចិត្តដល់បេក្ខជនទាំងអស់ឱ្យខំប្រឹងប្រែងបញ្ចេញអស់ពីសមត្ថភាពដើម្បីដល់គោលដៅរបស់ខ្លួន នៅក្នុងវគ្គ Semi Final នេះ ។

កំពូលតារាចម្រៀង ឧកញ៉ា ខេមរៈ សិរីមន្ត , លោក ខេម និងលោក ខាន់ ជេមស៌ ក៏បានផ្ញើសារដើម្បីជូនពរដល់បេក្ខជនទាំងអស់ផងដែរ មិនថាលទ្ធផលបែបណា សូមកុំបាក់ទឹកចិត្ត ៕

The post កក្រើក ! ជាមួយវត្តមានតារាកិត្តិយសល្បីៗនៅលើឆាកប្រឡងចម្រៀង Cambo Rapper  វគ្គពាក់កណ្តាលផ្តាច់ព្រ័ត្រនៅល្ងាចនេះ appeared first on .

Cambo Rapper គឺជាកម្មវិធីប្រឡងចម្រៀងរ៉េបដ៏ល្បីមួយរបស់កូនខ្មែរ ដែលមានអ្នកគាំទ្រច្រើនមិនធម្មតា បើទោះបីជាយើងទើបតែបង្កើតកម្មវិធីនេះឡើងនៅក្នុងរដូវកាលទី១ក្តី តែសន្ទុះនៃការគាំទ្រគឺខ្លាំងមិនធម្មតាទេ រហូតមានបេក្ខជនជាច្រើនមកពីបណ្តាលខេត្តក្រុងចូលរួមដាក់ពាក្យប្រឡងដើម្បីដណ្តើមពាន ។

នៅថ្ងៃទី ០៦ ខែ មីនា ឆ្នាំ ២០២៦ នេះ ការប្រឡងចម្រៀងរ៉េប Cambo Rapper បានឈានដល់វគ្គពាក់កណ្តាលផ្តាច់ព្រ័ត្រហើយ បេក្ខជនខ្លាំងៗទាំង ៨ រូប បានប្តេជ្ញាចិត្ត ប្រឹងប្រែងអស់ពីសមត្ថភាពដើម្បីផ្តួលដៃគូប្រកួត និងបានឡើងទៅដល់វគ្គផ្តាច់ព្រ័ត្រ ។

បេក្ខជនខ្លាំងទាំង៨រូប រួមមាន លោក ឆន សុវណ្ណារាជ ហៅ B2 , សុខ ពេជ្រចាន់ភារៈ , ស៊ូ ស៊ីណា , សឿន ប៊ុនឡុង , Twenty Ten , ឡុង ដាលីន , លីម៉េង និងលោក BoBo ជាដើម …។

បេក្ខជនទាំងអស់ត្រូវតម្រូវឱ្យធ្វើបទចម្រៀងថ្មី ប្លែក និងមានអ្វីដែលពិសេសសម្រាប់ខ្លួនឯង ដើម្បីទទួលបានពិន្ទុល្អពីគណកម្មការនៅក្នុងវគ្គពាក់កណ្តាលផ្តាច់ព្រ័ត្រនេះ ។ បើចង់ជ្រាបច្បាស់ថា បេក្ខជនរូបណាអាចនឹងបន្ត ឬបេក្ខជនណានឹងត្រូវចាកចេញកុំភ្លេច រង់ចាំតាមដានទស្សនាកម្មវិធីប្រឡងចម្រៀងរ៉េប Cambo Rapper នៅល្ងាចនេះនៅលើកញ្ចក់ទូរទស្សន៍ CTN ៕

The post ឈានដល់វគ្គ Semi Final បេក្ខជនខ្លាំងទាំង ៨ រូបបេ្តជ្ញាចិត្តដណ្តើមពាន Cambo Rapper! appeared first on .

តាមរយៈវិដេអូខ្លីដែលបេក្ខជន Cambo Rapper BoBo បានបង្ហោះកាលពីថ្ងៃសុក្រកន្លងមកនេះ ពិតជាធ្វើឱ្យ​មហាជន និង អ្នកគាំទ្រ មានការស្លុតចិត្ត ហើយអាណិតអាសូរបេក្ខជន Cambo Rapper ទាំង២រូបនេះខ្លាំងណាស់ មិនត្រឹមតែស្រឡាញ់គ្នាជាបងជាប្អូន និងតស៊ូជាមួយគ្នានៅលើឆាករ៉េបតែមួយនេះប៉ុណ្ណោះទេ នៅឯក្រៅឆាក​ឯណោះ​វិញ អ្នកទាំងពីរលើសពីមិត្តនិងបងប្អូនទៅទៀត ជាក់ស្តែងដូចដែលទស្សនិកជនបានឃើញស្រាប់ អ្នកទាំង​ពីរបានញុំាបាយមួយចានរួមគ្នាជាមួយនិងពងទាចៀន មើលទៅកំសត់ហួសថ្លែង ប៉ុន្តែពោរពេញទៅដោយក្តីសុខ។

គ្រាន់តែឃើញវិដេអូនេះហើយធ្វើឱ្យមហាជននិងអ្នកគាំទ្រជាច្រើនស្ទើទប់ទឹកភ្នែកមិនបាន។ អ្នកខ្លះក៏សរសើរពី​ទឹកចិត្តអ្នកទាំងពីរ ស៊ូអត់ស៊ូឃ្លានមានអីញុំា ញុំាជាមួយគ្នា មិនរើសអើងគ្នា។ អ្នកខ្លះទៀតក៏បានបន្តលើក​ទឹកចិត្ត​ឱ្យអ្នកទាំងពីប្រឹងប្រែងឡើងដើម្បីឈោងចាប់ក្តីស្រមៃនៅថ្ងៃខាងមុខ។ ចំណែកឯគណកម្មការលោក ប្រុសឡា វិញទប់អារម្មណ៍មិនជាប់ក៏បានចូលទៅខមមិននៅក្រោមវិដេអូរបស់កូនសិស្សខ្លួន « I hope your brotherhood will always remain strong! Two horses can move stronger than one »។

បេក្ខជន BoBo ថែមទាំងបាននិយាយថា « ជាបងប្អូនណា យើងគឺជាបងប្អូនជារៀងរហូត សូមទោសបងប្រុស​ដែលជាដាក់ឈឺពេក»។  

មិនត្រឹមតែញុំាបាយ១ចានរួមគ្នាជាមួយពងទាចៀន១គ្រាប់ប៉ុណ្ណោះទេ BoBo ថែមទាំងពីរធ្លាប់មានអនុស្សាវរីយ៍​កំសត់កម្រ និងបានចាប់ដៃគ្នាហែលឆ្លងនូវឧបសគ្គនិងទុក្ខលំបាកជាច្រើនទៀត។ ក្តីស្រមៃធំរបស់ BoBo និង 4L នៅលើឆាក Cambo Rapper នេះ គឺចង់បានពានដ៏ធំមួយនេះ ប៉ុន្តលទ្ធផលយ៉ាងណានោះ នៅពុំទាន់មាននរណា​ម្នាក់ដឹងច្បាស់នៅឡើយទេ។ តែទោះជាយ៉ាងណា មិនថា BoBo ឬ 4L នោះទេ ដែលលើកពាន ម្នាក់ៗសុទ្ធតែ​រីករាយដែលឃើញដៃគូខ្លួនទទួលបានជោគជ័យលើវិស័យចម្រៀងរ៉េប៕

សូមទស្សនាវីដេអូលើ Facebook

The post បេក្ខជន Cambo Rapper BoBo និង 4L រួមសុខរួមទុក្ខ បាយ១ចាន ពងទាចៀន១គ្រាប់ ហូបជុំគ្នាក្រោយចប់​ការប្រកួត ធ្វើឱ្យអ្នកគាំទ្រស្ទើរទប់ទឹកភ្នែកពុំបាន! appeared first on .

ពីមួយសប្តាហ៍ទៅមួយសប្តាហ៍កម្មវិធីប្រឡងចម្រៀងរ៉េប CAMBO RAPPER កាន់ទាញការចាប់អារម្មណ៍ខ្លាំងពីសំណាក់អ្នកទស្សនាដោយសារបេក្ខជនក្នុងក្រុមនិមួយៗពោរពេញដោយសមត្ថភាព ដែលធ្វើឱ្យគណកម្មការ ពិបាកនៅក្នុងការជ្រើសរើស ជាក់ស្តែងនៅក្នុងសប្តាហ៍ទី២ក្នុងវគ្គ UNITED នេះមានបេក្ខជនឆ្នើមៗជាច្រើនដែលបានចាប់ដៃគូគ្នាធ្វើបទចម្រៀងជាក្រុម ដើម្បីប្រកួតប្រជែង។

ទន្ទឹមនិងការប្រកួតប្រជែងដើម្បីរកបេក្ខជនឆ្នើមបំផុតនេះ ក៏មានអ្នកមានឥទ្ធិលពលជាច្រើននៅពីក្រោយក្នុងការចូលរួមជាមួយ Galaxy ដើម្បីរៀបចំឱ្យកម្មវិធីប្រឡងចម្រៀងរ៉េប CAMBO RAPPERដំណើរការទៅមុខបានយ៉ាងរលូន។ តាមប្រភពមួយបង្ហើបឲ្យដឹងថា ផលកម្ម Galaxy និងក្រុមហ៊ុន ខ្មែរប៊ែវើរីជីស បានសហការគ្នាបង្កើតកម្មវិធីប្រឡងចម្រៀងនេះឡើង ដើម្បីស្វែងរកម្ចាស់ជ័យលោភី ១០០លានរៀន និងបន្តក្តីស្រមៃដល់បេក្ខជនឆ្នើមដែលចង់ឈរជើងនៅក្នុងវិស័យចម្រៀងរ៉េប។ មិនតែប៉ុណ្ណោះ កម្មវិធីប្រកួតប្រជែងចម្រៀងរ៉េប CAMBO RAPPER ក៏មានចូលរួមសហការរៀបចំពីផលិតកម្ម KlapYahands និង CG Movement ជាដើម ដើម្បីដុសខាតយុវជនជំនាន់ថ្មីឲ្យក្លាយជាអ្នកចម្រៀងរ៉េបដ៏ខ្លាំងពូកែក្នុងវិស័យតន្រ្តីរ៉េបនៅប្រទេសកម្ពុជា។

ឈានដល់សប្តាហ៍ទី២ ក្នុងវគ្គ  UNITED បេក្ខជនឆ្នើមៗជាច្រើនពោរពេញដោយសមត្ថភាពដែលធ្វើឱ្យគណកម្មការពិបាកនៅក្នុងការជ្រើសរើស អ្នកខ្លាំងលើខ្លាំង និងមានទេពកោសល្យលើគេ ទើបអាចបន្តក្តីស្រមៃក្លាយជាម្ចាស់ជ័យលោភីបាន។ កុំភ្លេចចូលរួមទស្សនាកម្មវិធីប្រឡងចម្រៀង  CAMBO RAPPER ដែលមានការចាយផ្សាយនៅលើស្ថានីយ៍ទូរទស្សន៍ CTN ដើម្បីផ្តល់កម្លាំងចិត្តដល់បេក្ខជនទាំងអស់៕

The post អ្នកមានឥទ្ធិលពលធំៗក្នុងវិស័យចម្រៀងរ៉េប រួមគ្នាដុសខាត់យុវជនជំនាន់ថ្មីក្នុងកម្មវិធី CAMBO RAPPER ដើម្បីផ្តល់ក្តីស្រមៃដល់បេក្ខជនឆ្នើម appeared first on .

ពីមួយវគ្គទៅមួយវគ្គការប្រឡងចម្រៀងរ៉េប Cambo Rapper  កាន់តែអស្ចារ្យ និងរន្ធត់អារម្មណ៍ពីព្រោះបេក្ខភាពម្នាក់ៗសុទ្ធតែខ្លាំងៗ និងមានទេពកោលស្យ ដែលធ្វើឱ្យគ្រូបង្វឹកពិបាកនៅក្នុងការសម្រេចចិត្តថា តើនរណានឹងត្រូវទៅ នរណាត្រូវនៅបន្ត?

សម្រាប់ក្នុងវគ្គ United គឺមានចំនួន ៣សប្តាហ៍ ដោយមានបេក្ខជន ៤០នាក់ចូលរួមប្រកួតប្រជែង និងជម្រុះយកតែ ២០នាក់ប៉ុណ្ណោះ ដើម្បីឆ្លងទៅវគ្គបន្ទាប់។ ក្នុង Coach ម្នាក់ៗបានបែងចែកជា ៣ក្រុម ដោយសប្តាហ៍ទី១ មានបេក្ខភាពចំនួន ៣ក្រុម ក្នុងនោះបេក្ខភាពចំនួន ១០នាក់ត្រូវឡើងមកប្រឡង ។ ចំណែកនៅក្នុងសប្តាហ៍ទី២ មានបេក្ខភាពចំនួន ៦ក្រុម និងមានបេក្ខភាពចំនួន ២០នាក់ត្រូវឡើងមកប្រឡង ដោយឡែកនៅសប្តាហ៍ទី៨ មានបេក្ខភាពចំនួន ៣ក្រុម និងមានបេក្ខភាពចំនួន១០នាក់ត្រូវឡើងមកប្រឡង។ រីឯវិញ្ញាសារនៅក្នុងការប្រកួតវគ្គ United នេះ គឺ Secret Coach ជាអ្នកចាប់ក្រុម និងបែងចែកជា ៣ក្រុម មានគ្នា ៣ទៅ ៤នាក់ ដោយក្នុងក្រុមនិមួយៗត្រូវធ្វើការជាក្រុមដោយសហការគ្នានិងរស់នៅជាមួយគ្នា។ ក្នុងការដាក់ពិន្ទុវិញបេក្ខភាពទាំងអស់គឺ Coach ជាអ្នកដាក់ពន្ទុដោយផ្ទាល់ ។ វគ្គ United នេះផងដែរ គឺតម្រូវឱ្យ Coach ជម្រុះកូនក្រុមចំនួន ៥នាក់ ក្នុងមួយក្រុមៗ ។

អ្វីដែលកាន់តែពិសេសនៅក្នុងវគ្គ United នេះ គឺ Coach  ទាំង ៤នាក់អាចប្រើកាតមាសរបស់ខ្លួន ក្នុងលក្ខណៈពិសេសមួយ ដោយអាចសង្រ្គោះបេក្ខជនពី Coach ផ្សេងបាន ដោយកាតនោះតម្រូវឱ្យ Coach ប្រើប្រាស់បានតែម្តងប៉ុណ្ណោះក្នុងកម្មវិធី។

តើបេក្ខជនរូបណាដែលមានសំណាងត្រូវបាន Coach ជួយសង្រ្គោះ? ហើយបេក្ខជនរូបណានឹងមានសំណាងទៅវគ្គបន្ត ? ដូច្នេះមានតែរង់ចាំតាមដានទស្សនាទាំងអស់គ្នាក្នុងការប្រឡងចម្រៀងរ៉េប Cambo Rapper៕

The post កម្មវិធីប្រឡងចម្រៀងរ៉េប Cambo Rapper រើសបានបេក្ខជនចំនួន៤០នាក់ ឆ្លងទៅវគ្គ United ដើម្បីប្រកួតប្រជែងរកជើងខ្លាំងបន្ត appeared first on .