បើយោងតាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុនចំនួន៤ ដូចខាងក្រោម៖

១- ក្រុមហ៊ុន “DAZHENGXUAN (CAMBODIA) INDUSTRIAL CO., LTD” គម្រោងបង្កើតរោងចក្រផលិតឆត្រ អាវភ្លៀង វាំងនន កន្សែងតុបាយ និងផ្សេងៗទៀតដែលមានទីតាំងវិនិយោគស្ថិតនៅផ្លូវជាតិលេខ២ ភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ក្នុងទុនវិនិយោគប្រមាណ ៦លានដុល្លារអាម៉េរិក និងអាចបង្កើតការងារបានចំនួន ១.៧៤១កន្លែង។

២- ក្រុមហ៊ុន “XIN YUAN CHENG FACTORY CO., LTD” គម្រោងបង្កើតរោងចក្រផលិតគ្រឿងបន្សំស្បែកជើង ដែលមានទីតាំងវិនិយោគស្ថិតនៅផ្លូវលំ ភូមិព្រៃខ្លា ឃុំក្រាំងម្កាក់ ស្រុកអង្គស្នួល ខេត្តកណ្តាល ក្នុងទុនវិនិយោគប្រមាណ ៥,១លានដុល្លារអាម៉េរិក និងអាចបង្កើតការងារបានចំនួន ៣១៨កន្លែង។

៣- ក្រុមហ៊ុន “XU WEI GARMENT (CAMBODIA) CO., LTD” គម្រោងបង្កើតរោងចក្រកាត់ដេរសម្លៀកបំពាក់ដែលមានទីតាំងវិនិយោគស្ថិតនៅភូមិព្រៃកំបុត សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ក្នុងទុនវិនិយោគប្រមាណ ៥,១លានដុល្លារអាម៉េរិក និងអាចបង្កើតការងារបានចំនួន ៩៩៥កន្លែង។

គួរបញ្ជាក់ថា បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា ដែលបានផ្សព្វផ្សាយ កាលពីថ្ងៃទី៥ ខែតុលា ឆ្នាំ២០២២ បានឱ្យដឹងថា កម្ពុជា បានអនុម័តគម្រោងវិនិយោគថ្មី សរុបចំនួន១៥០គម្រោង ក្រោមទុនវិនិយោគ​ ៣៥០០លានដុល្លារ ដោយរាប់ចាប់ពីខែមករា ដល់ខែកញ្ញា ឆ្នាំ២០២២។

ក្នុងនោះដែរ គម្រោងវិនិយោគនៅរយៈពេល៩ខែ ឆ្នាំ២០២២នេះ មានការកើនឡើងចំនួន១៦គម្រោង ខណៈទុន វិនិយោគក៏មានការកើនឡើងប្រមាណ១០១លានដុល្លារ បើធៀបនឹងរយៈពេលដូចគ្នា នៅឆ្នាំ២០២១ផងដែរ។

ដោយឡែក កាលពីឆ្នាំ២០២១ កម្ពុជាបានអនុម័តគម្រោងវិនិយោគ សរុបចំនួន១៦៩គម្រោង ក្រោមទំហំទឹកប្រាក់សរុបចំនួន៤,៣៥៥លានដុល្លារអាមេរិក៕ អត្ថបទ៖ ពិសី

The post រោងចក្រថ្មីចំនួន៣ តម្លៃជាង១៦លានដុល្លារ នឹងលេចរូបរាងនៅភ្នំពេញ និងខេត្តកណ្តាលនាពេលខាងមុខ appeared first on .

បើតាមសេចក្តីប្រកាសនៅថ្ងៃទី២១ ខែតុលា ឆ្នាំ២០២២ ក្រុមប្រឹក្សាអភិវឌ្ឍន៍កម្ពុជា ​បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុនដូចខាងក្រោម៖

១-ក្រុមហ៊ុន “CHENG ZHEN YONG INDUSTRY CO., LTD” គម្រោងបង្កើតរោងចក្រផលិតគ្រឿងបន្សំស្បែកជើង ដែលមានទីតាំងវិនិយោគស្ថិតនៅភូមិចក ឃុំបែកចាន ស្រុកអង្គស្នួល ខេត្តកណ្តាល ក្នុងទុនវិនិយោគប្រមាណ ៥,២លានដុល្លារអាម៉េរិក។

២-ក្រុមហ៊ុន “XIN JIN HUA GARMENT CO., LTD” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិត្រពាំងបារគូ ឃុំត្រពាំងវែង ស្រុកកណ្តាលស្ទឹង ខេត្តកណ្តាល ក្នុងទុនវិនិយោគប្រមាណ ៥លានដុល្លារអាម៉េរិក។

ដោយឡែក តាមសំណើសុំវិនិយោគរបស់ក្រុមហ៊ុន គណៈកម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាគម្រោងវិនិយោគ ជូនដល់ក្រុមហ៊ុន
“SUCCESS METAL TECHNOLOGY CO., LTD.” ដែលជាគម្រោងរោងចក្រស្ល និងកែច្នៃលោហៈធាតុ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន ស៊ីណូ មេធលលីក មេធៀរៀល, ខេត្តព្រះសីហនុ, ក្នុងទុនវិនិយោគប្រមាណ ៣,៩លានដុល្លារអាម៉េរិក។

សូមបញ្ជាក់ថា បើតាមការបញ្ជាក់របស់ក្រុមប្រឹក្សាអភិវឌ្ឍន៍កម្ពុជា(CDC) បានឱ្យដឹងថា គម្រោងវិនិយោគដែលមានទុនសរុប ១៤.១លានដុល្លារអាម៉េរិក ដើម្បីបង្កើតរោងចក្រចំនួន ៣កន្លែង នៅលើទឹកដីខេត្តទាំង២នោះ អាចបង្កើតការងារជូនពលរដ្ឋកម្ពុជារហូត ២ ៥១៤កន្លែង៕

The post រោងចក្រថ្មីចាយទុនជាង១៤លានដុល្លារ នឹងសាងសង់ឡើងក្នុងខេត្តកណ្តាល និងខេតព្រះសីហនុ appeared first on .

បើតាមក្រុមប្រឹក្សាអភិវឌ្ឍន៍កម្ពុជា គម្រោងសាងសង់មន្ទីរពេទ្យនេះ ស្ថិតនៅផ្លូវជាតិលេខ ២១ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ដែលអាចនឹងបង្កើតការងារបានចំនួន ៤៥៨កន្លែង។

ដោយ​​មាន​ទីតាំង​ចម្ងាយ​ប្រមាណ​១០​គីឡូម៉ែត្រ ពី​រាជធានី​ភ្នំពេញ ក្រុង​តាខ្មៅ​ ហើយជាខេត្តជាប់នឹងរាជធានីភ្នំពេញស្រាប់ ខេត្តកណ្តាល កំពុងតែបង្ហាញ​​សក្តានុពល​របស់​ខ្លួន ដោយ​សារ​មានការ​សាងសង់​មជ្ឈមណ្ឌល​ពាណិជ្ជកម្ម និង​បុរី​លំនៅឋាន​ជាច្រើន​ព្រោងព្រាត​នៅ​ក្នុង​ទី​ក្រុងនៃទីរួម​ខេត្ត​មួយ​នេះ​។​

ពិេសសទៀតនោះ ខេត្តកណ្តាល ក៏ដូចជាក្រុងតាខ្មៅ នារយៈពេលប៉ុន្មានឆ្នាំចុងក្រោយនេះ បាននឹងកំពុងស្វាគមន៍រោងចក្រសហគ្រាសជាច្រើនមកវិនិយោគបន្ថែមកាន់តែច្រើនឡើង ដែលជាការបង្កើនការវិនិយោគ និងការងារជូនប្រជាពលរដ្ឋផងដែរ៕

The post ក្រុងតាខ្មៅ ទទួលបានគម្រោងសាងសង់មន្ទីរពេទ្យឯកជនថ្មីមួយកន្លែង តម្លៃប្រមាណ ២៣លានដុល្លារ appeared first on .

បើតាមតាម ក្រុមប្រឹក្សាអភិវឌ្ឍន៍កម្ពុជា ក្រុមហ៊ុនចំនួន ២ ដែលសុំចុះបញ្ជីវិនិយោគនោះរួមមាន៖ ក្រុមហ៊ុន SANJIN (CAMBODIA) KNITTING TECHNOLOGY CO., LTD ជាគម្រោងបង្កើតរោងចក្រកាត់ដេរ និងចាក់សម្លៀកបំពាក់ ស្ថិតនៅភូមិព្រៃភ្ញី ឃុំព្រៃផ្តៅ ស្រុកព្រៃកប្បាស ខេត្តតាកែវ ជាមួយនឹងទុនវិនិយោគប្រមាណ ៣,៨លានដុល្លារ និងអាចបង្កើតការងារបានចំនួន ១.២០៩កន្លែង។

ចំណែកឯក្រុមហ៊ុនក្រុមហ៊ុន HAO TIAN MAKE CLOTHES ASSIST MATERIAL CO., LTD ក៏បានវិនិយោគលើរោងចក្រត្បាញខ្សែបន្ទះ ខ្សែយឺត និងខារអំបោះផងដែរ មានទីតាំងនៅភូមិព្រៃខ្វាវ ឃុំរកាកោះ ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ ២,៣លានដុល្លារអាមេរិក និងអាចបង្កើតការងារបានចំនួន ១៩០កន្លែង។

គួររម្លឹកថា ក្រុមប្រឹក្សាអភិវឌ្ឍន៍កម្ពុជា បានចុះបញ្ជីជូនក្រុមហ៊ុនវិនិយោគជាបន្តបន្ទាប់ប្រមាណជាង ៣៧គម្រោង និងមានទឹកប្រាក់សរុបជាង ២,៣៨ពាន់លានដុល្លារអាមេរិក ត្រឹមដើមឆ្នាំ២០២២។ ចំពោះគម្រោងវិនិយោគដែលបានអនុម័ត រយៈពេល ២ខែ គឺខែមករា និងខែកុម្ភៈភាគច្រើន គឺជាគម្រោងរោងចក្រ ឧស្សាហកម្ម។ ការកើនឡើងចំនួនវិនិយោគលើផ្នែកនេះ ជាហេតុនាំឲ្យតម្រូវការដីធ្លីសម្រាប់សង់រោងចក្រ ឃ្លាំងស្តុកមានកំណើនខ្ពស់៕

The post ក្រុមប្រឹក្សាអភិវឌ្ឍន៍កម្ពុជា ផ្តល់ភ្លើងខៀវដល់គម្រោងវិនិយោគថ្មី ២បន្ថែមក្នុងទំហំទឹកប្រាក់សរុប ៦,១លានដុល្លារ appeared first on .

ជាក់ស្តែង CDC បានធ្វើការណែនាំ អំពីការធ្វើដំណើរទៅកាន់ប្រទេសផ្សេងៗ ហើយសម្រាប់ប្រទេសថៃ និងប្រទេស ២ ផ្សេងទៀត ថ្មីៗនេះត្រូវបានដាក់ចូលក្នុង “កម្រិតទី ៤ :ខ្ពស់បំផុត” ដែល CDC ជំរុញឱ្យប្រជាជនអាមេរិក ហាមធ្វើដំណើរទៅ រួមជាមួយប្រទេស និងដែនដីប្រហែល ១៣៥ ផ្សេងទៀត ។

​ដោយឡែក CDC ក៏បានបង្ហាញពីបញ្ជីឈ្មោះប្រទេស ៣៣ ផ្សេងទៀត ដែលស្ថិតនៅ “កម្រិតទី ៣: ខ្ពស់” និងណែនាំឱ្យជនជាតិអាមេរិកណា ដែលមិនបានចាក់វ៉ាក់សាំង គឺចៀសវាង ការធ្វើដំណើរទៅប្រទេសទាំងនោះ ។

ជារួមមក មានតែប្រទេស ២៩ ប៉ុណ្ណោះ ដែលត្រូវបាន CDC ចុះបញ្ជីជាប្រទេសស្ថិតនៅ “កម្រិតទី ២:មធ្យម” និង “កម្រិតទី ១: ទាប” ដែលជាគោលដៅមានសុវត្ថិភាពបំផុត ក្នុងការធ្វើដំណើរទៅ ។

មិនតែប៉ុណ្ណោះ អ្នកតំណាងរបស់ CDC បាននិយាយថា ” ប្រសិនបើអ្នកចាំបាច់ត្រូវតែធ្វើដំណើរទៅកាន់ប្រទេសថៃ អ្នកត្រូវតែប្រាកដថាអ្នកបានចាក់វ៉ាក់សាំង និងធ្វើបច្ចុប្បន្នភាពជាមួយនឹងវ៉ាក់សាំងកូវីដ ១៩ របស់អ្នក មុនពេលធ្វើដំណើរទៅទីនោះ ។ ហើយបើទោះបីជាអ្នកបានទទួលការវ៉ាក់សាំងបន្ថែមចុងក្រោយក៏ដោយ ប៉ុន្តែអ្នកនៅតែអាច ប្រឈមមុខនឹងហានិភ័យ ក្នុងការឆ្លង និងរីករាលដាលនៃជំងឺកូវីដ ១៩ ” ។

គួរឱ្យដឹងផងដែរថា ក្រសួងសុខាភិបាលសាធារណ:ថៃបានរាយការណ៍ អំពីករណីឆ្លងកូវីដ ១៩ ថ្មី ចំនួន ១៨ ៩៤៣ នាក់ និងអ្នកស្លាប់ចំនួន ៦៩ នាក់ផ្សេងទៀត នៅថ្ងៃអង្គារនេះ ៕

ប្រភព: Bangkok Post

The post ថៃ ស្ថិតនៅក្នុងបញ្ជីប្រទេស ដែលត្រូវបាន CDC ហាមឃាត់ប្រជាជនអាមេរិក មិនឱ្យទៅកម្សាន្ត appeared first on .

ជំនួបនេះ ជាផ្នែកមួយនៃយន្តការថែទាំវិនិយោគ ដែលបានរៀបចំឡើងចាប់តាំងពីឆ្នាំ២០០៩មក ក្រោមក្របខ័ណ្ឌនៃកិច្ចព្រមព្រៀងរវាងកម្ពុជា និងជប៉ុន ស្តីពីសេរីភាវូបនីយកម្ម ការជំរុញ និងការការពារវិនិយោគ ដែលត្រូវបានចុះហត្ថលេខាដោយ សម្តេចតេជោនាយករដ្ឋមន្រ្តី ហ៊ុន សែន និងអតីតនាយករដ្ឋមន្រ្តីជប៉ុន លោក ស៊ីនហ្សូ អាបេ កាលពីថ្ងៃទី១៤ ខែមិថុនា ឆ្នាំ២០០៧។

បើតាមក្រុមប្រឹក្សាអភិវឌ្ឍន៍កម្ពុជា គិតត្រឹមដំណាច់ខែមករា ឆ្នាំ២០២២ រដ្ឋាភិបាលកម្ពុជាបានសម្រេចចុះបញ្ជីដល់គម្រោងវិនិយោគរបស់ក្រុមហ៊ុនជប៉ុនចំនួន ១៤៧គម្រោង ដែលមានទុនវិនិយោគសរុបប្រមាណ ២,៩ប៊ីលានដុល្លារអាមេរិក។

លោក សុខ ចិន្តាសោភា បានគូសបញ្ជាក់សាជាថ្មី ដល់វិនិយោគិនជប៉ុន ដែលបន្តផ្តល់ទំនុកចិត្ដខ្ពស់មកលើរាជរដ្ឋាភិបាលកម្ពុជា ក្រោមការដឹកនាំរបស់ សម្តេចតេជោនាយករដ្ឋមន្រ្តី ក្នុងការធានានូវសុខសន្តិភាព ស្ថិរភាពនយោបាយ ដែលជាកត្តាចាំបាច់ដើម្បីបង្កើតបរិស្ថានវិនិយោគដែលមានភាពអំណោយផល។

បន្ថែមលើនេះ លោករដ្ឋមន្រ្តីប្រតិភូក៏បានវាយតម្លៃខ្ពស់ និងកោតសរសើរ ចំពោះសកម្មភាពវិនិយោគរបស់វិនិយោគិនជប៉ុនទាំងអស់ ក្នុងវិស័យកម្មន្តសាលមិនមែនវាយនភណ្ឌ ដែលបានដើរតួនាទីយ៉ាងសំខាន់ ក្នុងការចូលរួមចំណែកដល់ការធ្វើពិពិធកម្មមូលដ្ឋានសេដ្ឋកិច្ចកម្ពុជា និងការអភិវឌ្ឍធនធានមនុស្សនៅកម្ពុជា។

លោក ម៉ាសាហ៊ីរ៉ុ មីខាមី ឯកអគ្គរដ្ឋទូតជប៉ុនប្រចាំកម្ពុជា បានគូសបញ្ជាក់បន្ថែមពីភាពចាំបាច់ ក្នុងការបន្តកិច្ចសហប្រតិបត្តិការល្អ រវាងស្ថាប័នរដ្ឋរបស់កម្ពុជា និងអ្នកវិនិយោគជប៉ុន ដើម្បីឈានទៅរកភាពជោគជ័យក្នុងសកម្មភាពធុរកិច្ច និងវិនិយោគនៅកម្ពុជា។ លោកសង្កត់ធ្ងន់ថា ប្រការនេះ នឹងដើរតួជាសាដ៏វិជ្ជមានសម្រាប់ទាក់ទាញវិនិយោគិនជប៉ុន មកបណ្តាក់ទុននៅកម្ពុជាបន្ថែមទៀត។

ទន្ទឹមនឹងនោះ លោកឯកអគ្គរដ្ឋទូតបានបង្ហាញនូវការប្តេជ្ញាចិត្ត ក្នុងការបន្តចូលរួមសហការជាមួយរាជរដ្ឋា-ភិបាលកម្ពុជាក្នុងកិច្ចជំរុញ និងទាក់ទាញវិនិយោគផ្ទាល់ពីជប៉ុនមកកម្ពុជា ដើម្បីឆ្ពោះទៅរកវឌ្ឍនភាព និងវិបុលភាពសេដ្ឋកិច្ចនៃប្រទេសទាំងពីរ៕

The post CDC ចុះបញ្ជីក្រុមហ៊ុនជប៉ុនចំនួន ១៤៧គម្រោង ខណៈរដ្ឋាភិបាលជប៉ុនថា ជាសាវិជ្ជមានទាក់ទាញវិនិយោគិនបន្ថែម appeared first on .

បើតាមក្រុមប្រឹក្សាអភិវឌ្ឍន៍កម្ពុជា គម្រោងទាំង ១០នោះ ប្រើប្រាស់ទុនវិនិយោគសរុបចំនួនប្រមាណ ៥៩៨លានដុល្លារអាមេរិក​ និងអាចបង្កើតការងារបានប្រមាណជាង ៥ពាន់កន្លែង រួមមាន៖

១- INDEPENDENCE CLOTHING (CAMBODIA) CO., LTD: គម្រោងបង្កើតរោងចក្រកាត់ដេរសម្លៀកបំពាក់ដែលមានទីតាំងវិនិយោគស្ថិតនៅភូមិព្រៃព្រីងខាងត្បូង ១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ៣,១លានដុល្លារអាមេរិក និងអាចបង្កើតការងារបានចំនួន៧១៤កន្លែង។

២- CAMBODIAN GUOXING YI QUN LANG PLYWOOD CO., LTD: គម្រោងវិនិយោគបង្កើតរោងចក្រកែច្នៃក្តារបន្ទះ (ពីឈើនាំចូល និងឈើដាំដុះក្នុងស្រុក) ដែលមានទីតាំងវិនិយោគស្ថិតនៅភូមិស្រឡៅតូង ឃុំបល្ល័ង្ក ស្រុកបារាយណ៍ ខេត្តកំពង់ធំ មានទុនវិនិយោគប្រមាណ ៣,៤លានដុល្លារអាមេរិក និងអាចបង្កើតការងារបានចំនួន ១៩២កន្លែង។

៣- MUTITA TEXTILE SOCIAL ENTERPRISE CO., LTD: គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិសូភី ១ សង្កាត់រតនៈ ក្រុងបាត់ដំបង ខេត្តបាត់ដំបង មានទុនវិនិយោគប្រមាណ ៣,៩លានដុល្លារអាមេរិក និងអាចបង្កើតការងារបានចំនួន៦៤៩កន្លែង។

៤- HAOPAI DECORATION MATERIAL (CAMBODIA) CO., LTD: គម្រោងវិនិយោគបង្កើតរោងចក្រផលិតការ៉ូជ័រ កម្រាលបាត ទ្រនាប់កម្រាលបាត និងជើងជញ្ជាំងជ័រ ដែលមានទីតាំងវិនិយោគស្ថិតនៅភូមិក្តាន់រយ ឃុំដំណាក់អំពិល ស្រុកអង្គស្នួល ខេត្តកណ្តាល មានទុនវិនិយោគប្រមាណ៤,២លានដុល្លារអាមេរិក និងអាចបង្កើតការងារបានចំនួន ១៩៤កន្លែង។

៥- TMH POULTRY CO., LTD: គម្រោងបង្កើតរោងចក្រកែច្នៃនិងវេចខ្ចប់សាច់ (មាន់ ទា ជ្រូក គោ) និង ផលិតម្ហូបអាហារ ដែលមានទីតាំងវិនិយោគស្ថិតនៅភូមិព្រៃច្រាបលិច ឃុំវាលពង់ ស្រុកឧដុង្គ ខេត្តកំពង់ស្ពឺ មានទុនវិនិយោគប្រមាណ៥,៧លានដុល្លារអាមេរិក និងអាចបង្កើតការងារបានចំនួន ២២៦កន្លែង។

៦- ACADEMIC SOLAR ENERGY MFG CO., LTD: គម្រោងបង្កើតរោងចក្រផលិត និងផ្គុំដំឡើងបន្ទះសូឡា ដែលមានទីតាំងវិនិយោគស្ថិតនៅភូមិសន្លុង ឃុំសន្លុង ស្រុកខ្សាច់កណ្តាល ខេត្តកណ្តាល មានទុន វិនិយោគប្រមាណ៨,២លានដុល្លារអាមេរិក និងអាចបង្កើតការងារបានចំនួន ២៦៥កន្លែង។

៧- LONGFUITER ANLONG VENG ODDOR MEANCHEY AGRICULTURE PARK CO., LTD: គម្រោងវិនិយោគកសិកម្មដំណាំចេកនិងដំណាំហូបផ្លែ ដែលមានទីតាំងវិនិយោគស្ថិតនៅភូមិលំទងចាស់ ឃុំលំទង ស្រុកអន្លង់វែង ខេត្តឧត្តរមានជ័យ មានទុនវិនិយោគចំនួន ៥១លានដុល្លារអាមេរិក និងអាចបង្កើតការងារបានចំនួន ១.៨៦៧កន្លែង។

៨- K.B.X INVESTMENT CO., LTD: គម្រោងវិនិយោគសាងសង់ និងអាជីវកម្មសណ្ឋាគារថ្នាក់ផ្កាយ៥ ចំនួន៥២៨បន្ទប់ដែលមានទីតាំងវិនិយោគស្ថិតនៅមហាវិថីព្រះមុនីវង្ស សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ មានទុនវិនិយោគចំនួន ១២៩ លានដុល្លារអាមេរិក និងអាចបង្កើតការងារបានចំនួន៧៣៧កន្លែង។

៩- CAMBODIAN UPPER TATAY HYDROPOWER CO., LTD: គម្រោងវិនិយោគអភិវឌ្ឍន៍វារីអគ្គិសនីស្ទឹងតាតៃលើ អានុភាព ១៥០ MW ដែលមានទីតាំងវិនិយោគស្ថិតនៅស្រុកថ្មបាំង និងស្រុកកោះកុង ខេត្តកោះកុង មានទុនវិនិយោគប្រមាណ ៣៨៩ លានដុល្លារអាមេរិក និងអាចបង្កើតការងារបានចំនួន ១៥៨០កន្លែង។

១០- KAMPOT LOGISTICS AND PORT COMPANY LIMITED: គម្រោងវិនិយោគអភិវឌ្ឍន៍មណ្ឌល ភ័ស្តុភារកម្ម និងកំពង់ផែពហុបំណង ដែលមានទីតាំងវិនិយោគស្ថិតនៅភូមិចង្ហោន សង្កាត់ព្រែកត្នោត ក្រុងបូកគោ ខេត្តកំពត មានទុនវិនិយោគចំនួន ១.៣០០លានដុល្លារអាមេរិក និងអាចបង្កើតការងារបានចំនួន ៥៩០កន្លែង។

The post ជិត ៦០០លានដុល្លារអាមេរិក ក្រុមប្រឹក្សាអភិវឌ្ឍន៍កម្ពុជា ផ្តល់សិទ្ធិឲ្យក្រុមហ៊ុនឯកជនវិនិយោគលើពហុវិស័យ appeared first on .

តាមរយៈការប្រកាសព័ត៌មាននៅថ្ងៃចន្ទ ទី១៧ មករានេះ ក្រុមប្រឹក្សាអភិវឌ្ឍន៍កម្ពុជា បានបញ្ជាក់ថា គម្រោងវិនិយោគសាងសង់ និងអាជីវកម្មសណ្ឋាគារថ្នាក់ផ្កាយ ៥ នេះមាន ចំនួន៥២៨បន្ទប់ ប្រើប្រាស់ទុនវិនិយោគចំនួន ១២៩ លានដុល្លារអាមេរិក រួមនឹងអាចបង្កើតការងារបានចំនួន ៧៣៧កន្លែងឲ្យប្រជាពលរដ្ឋ ស្ថិតនៅមហាវិថីព្រះមុនីវង្ស សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ។

ជាមួយគ្នានេះ គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា ក៏បានសម្រេចចេញវិញ្ញាបនបត្រចុះបញ្ជីគម្រោងវិនិយោគចំនួន ៩ផ្សេងទៀត ដែលវិនិយោគទៅលើវិស័យកាត់ដេរវាយនភ័ណ្ឌ រោងចក្រកែច្នៃក្តារបន្ទះ រោងចក្រផលិតការ៉ូជ័រ រោងចក្រកែច្នៃនិងវេចខ្ចប់សាច់ និង ផលិតម្ហូបអាហារ រោងចក្រផលិត និងផ្គុំដំឡើងបន្ទះសូឡា អភិវឌ្ឍន៍វារីអគ្គិសនី រួមនឹងការអភិវឌ្ឍន៍មណ្ឌល ភ័ស្តុភារកម្ម និងកំពង់ផែពហុបំណង។

គម្រោងវិនិយោគទាំង ១០កន្លែងដែល CDC បានចុះបញ្ជីមានទុនសរុបចំនួនប្រមាណ ៥៩៨លានដុល្លារអាមេរិក​ និងអាចបង្កើតការងារបានប្រមាណជាង ៥ពាន់កន្លែង៕

The post រដ្ឋ យល់ព្រមឲ្យក្រុមហ៊ុន K.B.X បោះទុន ១២៩ លានដុល្លារ វិនិយោគលើសណ្ឋាគារលំដាប់ផ្កាយ ៥ នៅភ្នំពេញ appeared first on .

លោក សុខ ចិន្តាសោភា លើកឡើងដូច្នេះក្នុងពេលដែលក្រុមប្រឹក្សាអភិវឌ្ឍន៍កម្ពុជា ហៅកាត់ CDC នៅថ្ងៃពុធ ទី៣ ខែវិច្ឆិកា ម្សិលមិញ បានរៀបចំសិក្ខាសាលាផ្សព្វផ្សាយពីច្បាប់ស្តីពី វិនិយោគនៃកម្ពុជាថ្មី ជូនដល់ស្ថានតំណាងកម្ពុជានៅបរទេស ដើម្បីផ្សព្វផ្សាយបន្ស៊ីគ្នា រវាងការជំរុញការវិនិយោគ និងការអនុវត្តយុទ្ធសាស្ត្រការទូត សំដៅទាក់ទាញលំហូរវិនិយោគផ្ទាល់ ពីបរទេសបង្កើនផលិតភាព នៃឧស្សាហកម្មក្នុងស្រុក ព្រមទាំងពង្រឹងការតភ្ជាប់ឧស្សាហកម្ម កម្ពុជាទៅក្នុងខ្សែច្រវ៉ាក់ផ្គត់ផ្គង់ ក្នុងតំបន់និងសកលលោក។

បើតាមលោក សុខ ចិន្តាសោភា ក្នុងការកសាងសេដ្ឋកិច្ចឡើងវិញ ច្បាស់ណាស់ច្បាប់វិនិយោគថ្មីនេះ ដើរតួនាទីយ៉ាងសំខាន់មួយ ស្ដីពី ការវិនិយោគ ហើយនិងមានច្បាប់មួយទៀត ទើបតែអនុម័តគឺច្បាប់ ស្ដីពី ភាពជាដៃគូរវាងរដ្ឋនិងឯកជន។ ច្បាប់នេះបង្កើត នូវក្របខ័ណ្ឌគតិយុត្តមួយ ដើម្បីផ្ដល់លទ្ធភាពឲ្យវិស័យឯកជនចូល រួមជាមេរដ្ឋក្នុងការកសាងហេដ្ឋារចនាសម្ព័ន្ធរូបវ័ន្តដូចជា៖ ផ្លូវថ្នល់ កំពង់ផែ ប្រព័ន្ធចែកចាយភ្លើង សាលារៀន មន្ទីរពេទ្យជាដើម។

អគ្គលេខាធិការក្រុមប្រឹក្សាអភិវឌ្ឍន៍កម្ពុជា បានបញ្ជាក់ថា៖ ដើម្បីដើរទៅមុខយើងកសាងហេដ្ឋារចនាសម្ព័ន្ធច្រើនហើយ ប៉ុន្តែយើងត្រូវការច្រើនជាងនេះទៀត ដូច្នេះថវិការដ្ឋ មិនគ្រប់យើងបើកឲ្យដៃគូឯកជន ចូលរួមជាមួយរាជរដ្ឋាភិបាល ដើម្បីវិនិយោគតាមរយៈច្បាប់វិនិយោគថ្មី និងច្បាប់ ស្តីពី ភាពជាដៃគូរវាងរដ្ឋ និងឯកជន ដែលច្បាប់នេះសុទ្ធតែបង្កើត នូវបរិយាកាសមួយអំណោយផលឲ្យអ្នកវិនិយោគទាំងក្នុងស្រុក និងក្រៅស្រុកមកចូលរួមអភិវឌ្ឍន៍សេដ្ឋកិច្ច និងសង្គមកម្ពុជា។

គួររម្លឹកឡើងវិញដែរថា ច្បាប់ស្តីពី វិនិយោគថ្មីនេះ ត្រូវបានតាក់តែងឡើងតាំងពីឆ្នាំ ២០១៥ មកម្លេះ ដោយមាន ៤២មាត្រា សំដៅការទាក់ទាញ និងជំរុញការវិនិយោគនៅកម្ពុជា ឲ្យមានគុណភាព ប្រសិទ្ធភាព និងប្រសិទ្ធផល ក្នុងការអភិវឌ្ឍសង្គម-សេដ្ឋកិច្ច៕

The post លោក សុខ ចិន្តាសោភា៖ ការកសាងសេដ្ឋកិច្ចឡើងវិញ ច្បាប់វិនិយោគថ្មីនេះ នឹងដើរតួនាទីយ៉ាងសំខាន់ appeared first on .

គម្រោងបង្កើតរោងចក្រកាត់ដេរសម្លៀកបំពាក់ក្រុមហ៊ុន FLOURISH GARMENT មានទីតាំងវិនិយោគស្ថិតនៅភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល មានទុនវិនិយោគប្រមាណ ៥លានដុល្លារអាមេរិក និងអាចបង្កើតការងារបានចំនួន ១.៤១៤កន្លែង។

គួររម្លឹកជូនថា តាមរយៈក្រុមប្រឹក្សាអភិវឌ្ឍន៍កម្ពុជា CDC កាលពីខែសីហាកន្លងទៅ បានសម្រេចអនុម័តចុះបញ្ជីដល់ក្រុមហ៊ុនចំនួន ១៥ ក្នុងការស្នើសុំវិនិយោគលើវិស័យផ្សេងៗគ្នា ដែលគិតជាទឹកប្រាក់មានប្រមាណ ៩៨.៤លានដុល្លារអាមេរិក និងអាចបង្កើតបានរាប់ពាន់កន្លែងផងដែរ៕

The post ទឹកប្រាក់ ៥ លានដុល្លារ រដ្ឋអនុម័តគម្រោងបង្កើតរោងចក្រមួយកន្លែងនៅខេត្តកណ្តាល appeared first on .