ពាន Best Guru Award នេះគឺជា ពានកិត្តិយសដំបូងគេបំផុតនៅកម្ពុជា ដើម្បីទទួលស្គាល់និងឱ្យតម្លៃខ្ពស់ដល់ទេពកោសល្យក្នុងការបណ្តុះបណ្តាល បច្ចេកទេសគរុកោសល្យក្នុងការបណ្តុះបណ្តាល ភាពច្នៃប្រឌិតក្នុងការបណ្តុះបណ្តាល ការប្តេជ្ញាចិត្តនិងពលីកម្មក្នុងការបណ្តុះបណ្តាល ជាពិសេសស្នាដៃដ៏ធំធេងរបស់លោកគ្រូនាពេលកន្លងមកក្នុងបេសកកម្មបង្វឹកបណ្តុះបណ្តាលធនធានមនុស្ស និងម្ចាស់អាជីវកម្មកម្ពុជា រាប់ម៉ឺននាក់ទាំងក្នុងនិងក្រៅប្រទេស ឱ្យក្លាយជាអ្នកដឹកនាំឆ្នើម ជាសហគ្រិនឆ្នើម និងជាមូលធនមនុស្សដ៏សំខាន់របស់កម្ពុជា ដោយមានការគោរព ស្រលាញ់ ពេញចិត្ត និង គាំទ្រជាខ្លាំងពីសំណាក់ សមាជិក សិស្ស និស្សិត សិក្ខាកាម ដែលបានចូលរួមកម្មវិធីបណ្តុះបណ្តាល របស់ CEO Master Club និង វិទ្យាស្ថានស៊ីអ៊ីអូ នាពេលកន្លងមក។

យោងតាមសេចក្តីថ្លែងរបស់លោកគ្រូធំ អោម សេងបូរ៉ា នៅក្នុងព្រឹត្តិការណ៍រាត្រីសមោសរជួបជុំម្ចាស់អាជីវកម្មកម្ពុជា CEO Award 2022 បានបង្ហាញថា CEO Master Club គឺជាក្លឹបបណ្តុំម្ចាស់អាជីវកម្មដ៏ធំមួយនៅក្នុងប្រទេសកម្ពុជាដែលមានទស្សនៈវិស័យចង់ឃើញប្រទេសកម្ពុជាក្លាយជាប្រទេសអ្នកមានបានឆាប់រហ័ស តាមរយៈការបង្វឹក និងជួយជ្រោមជ្រែងម្ចាស់អាជីវកម្មកម្ពុជាពេញមួយជីវិតឱ្យមានសមត្ថភាពបម្លែងការដឹកនាំគ្រប់គ្រងចាត់ចែងអាជីវកម្មរបស់ខ្លួនពីតូចទៅធំ ពីលក្ខណៈហេងស៊យ ឬលក្ខណៈគ្រួសារ ទៅជាលក្ខណៈស្ដង់ដារ ហើយមានសក្តានុពលអាចពង្រីកអាជីវកម្មរបស់ខ្លួនទៅទូទាំងប្រទេសបាន ក៏ដូចជាពង្រីកខ្លួនទៅកាន់ពិភពលោកបានផងដែរ។

តាមរយៈការជួយជ្រោមជ្រែងម្ចាស់អាជីវកម្មរបស់យើងឱ្យជោគជ័យ គឺជាការជួយដល់សេដ្ឋកិច្ចជាតិរបស់យើង ឱ្យមានភាពរីកចម្រើន និងរឹងមាំបានឆាប់រហ័ស ព្រោះពួកគាត់ បានចូលរួមចំណែក បង្កើតផលិតផលសេវាកម្មដែលជាតម្រូវការរបស់សង្គមបានច្រើន បង្កើតការងារនិងប្រាក់ចំណូលជូនប្រជាពលរដ្ឋបានច្រើន បណ្តុះបណ្តាលធនធានមនុស្សនៅកន្លែងការងារជាក់ស្តែងបានច្រើន បង្កើនប្រាក់ចំណូលជូនរដ្ឋតាមរយៈការបង់ពន្ធបានច្រើន និងជាមូលដ្ឋានគ្រឹះសេដ្ឋកិច្ចក្នុងស្រុកដែលមិនអាចខ្វះបានគ្រប់កាលៈទេសៈទាំងអស់។ “សហគ្រិនល្អគឺជាជនស្នេហាជាតិ” ពាក្យស្លោកនេះក៏ទទួលបានការគាំទ្រយ៉ាងពេញទំហឹងពីសំណាក់ពីឯកឧត្តមបណ្ឌិត ហ៊ុន ម៉ាណែត ផងដែរ។

ក្នុងរយៈពេល១៣ឆ្នាំកន្លងមកនេះ លោកគ្រូធំ អោម សេងបូរ៉ា បានបូជាទាំងពេលវេលា កម្លាំង កាយចិត្ត ប្រាជ្ញា ស្មារតី ដើម្បីបង្កើត កម្មវិធីបណ្តុះបណ្តាលដែលមានលក្ខណៈពិសេសនិងមានភាពច្នៃប្រឌិតខ្ពស់ ដើម្បីជួយដល់អ្នកសិក្សាដែលមានកម្រិតសិក្សាខុសគ្នា តំណែងតួនាទីខុសគ្នា វ័យខុសគ្នា អាចរៀនជាមួយគ្នាបានប្រកបដោយភាពងាយស្រួល និង ប្រសិទ្ធភាពខ្ពស់។

លោកគ្រូធំ អោម សេងបូរ៉ា ពិតជាមានសេចក្តីពេញចិត្តរីករាយក្រៃលែង ដែលលោកគ្រូបានឃើញសមាជិកពេញមួយជីវិតរបស់លោកមានភាពរីកចម្រើនសុខដុមរមនា ទាំងនៅក្នុងភាពជាខ្លួនឯង ភាពជាគ្រួសារ ភាពជាស្ថាប័នអាជីវកម្ម ការពង្រីកទំនាក់ទំនងនៅក្នុងសង្គម ក៏ដូចជាការចូលរួមចំណែកកិច្ចការសង្គមនិងមនុស្សធម៌បានច្រើនជាងមុនផងដែរ។ លោកគ្រូក៏បានលើកឡើងផងដែរថា «ភាពជោគជ័យសមាជិកពេញមួយជីវិតរបស់ CEO Master Club គឺជាភាពជោគជ័យរបស់ CEO Master Club ទាំងមូល ហើយវាក៏ជាភាពជោគជ័យក្នុងការចូលរួមចំណែកកសាងសេដ្ឋកិច្ចជាតិរបស់យើងឱ្យកាន់មានភាពល្អប្រសើរជាងមុនផងដែរ។

រហូតមកដល់ពេលនេះ CEO Master Club បានធ្វើការបណ្ដុះបណ្ដាលសហគ្រិនកម្ពុជាយើងបានចំនួនរាប់ម៉ឺននាក់ និងមានសមាជិកម្ចាស់អាជីវកម្មពេញមួយជីវិតចំនួន ១,៦១១នាក់ ទាំងនៅក្នុងនិងនៅក្រៅប្រទេស ដែលពួកគាត់ទាំងអស់បានកាន់កាប់អាជីវកម្ម ប្រមាណ ៣,០០០ក្រុមហ៊ុន និងបានចូលរួមបង្កើតប្រតិបត្តិការអាជីវកម្មជាទឹកប្រាក់ប្រមាណ ៣,០០០លានដុល្លារក្នុង១ឆ្នាំ និងបានជួយបង្កើតការងាររកប្រាក់ចំណូលសម្រាប់ប្រជាពលរដ្ឋប្រមាណ ១៥ម៉ឺននាក់ ទៀតផង។

អត្ថបទ៖ ពាណិជ្ជកម្ម

The post មេធំ CEO Master Club លោក អោម សេងបូរ៉ា ទទួលពានកិត្តិយស “លោកគ្រូធំឆ្នើម Best Guru Award“ ពីបេក្ខភាពអនាគតនាយករដ្ឋមន្ត្រីនៃកម្ពុជា appeared first on .

ក្នុងវគ្គសិក្ខាសាលានោះដែរ ក៏នឹងមានការចូលរួមចែករំលែក និងបណ្ដុះបណ្ដាលដោយផ្ទាល់ពីលោកបណ្ឌិត អោម សេងបូរ៉ា ស្ថាបនិក CEO Master Club, លោក អោ ប៊ុននាង នាយករង វិទ្យាស្ថានស៊ីអ៊ីអូ អ្នកគ្រូ កង សុខុម ឯកទេស អក្សរសាស្ត្រខ្មែរ, អ្នកគ្រូ គីម រចនា ឯកទេស គណិតវិទ្យា និងលោក ភាព សុភ័ក អតីតសិស្សឆ្នើមនិទ្ទេស A និងជាម្ចាស់ជយលាភីអ្នកបន្តវេន។

វត្ថុបំណងនៃការរៀបចំសិក្ខាសាលាដ៏មានសារៈសំខាន់នេះ ធ្វើឡើងដើម្បីចែករំលែកជុំវិញ៖

១. វិធីសាស្រ្តរៀនឱ្យបានពូកែ

២. វិធីសាស្រ្តត្រៀមខ្លួនដើម្បីប្រឡងបានពិន្ទុខ្ពស់ និងទទួលបានអាហារូបករណ៍

៣. វិធីសាស្រ្តកំណត់គោលដៅជីវិតដ៏ត្រឹមត្រូវបំផុត (សេចក្តីសុខ កិត្តិយស និងទ្រព្យសម្បត្តិ)

៤. វិធីសាស្រ្តជ្រើសរើសជំនាញឱ្យបានត្រឹមត្រូវ ដែលសមស្របទៅនឹងគោលដៅជីវិត

៥.វិធីសាស្រ្តក្លាយជានិស្សិតឆ្នើម នឹងឆ្លាតវៃ (រៀនបណ្តើរ អនុវត្តបណ្តើរ បានប្រាក់ចំណូលបណ្តើរ កសាងបទពិសោធន៍ និងកេរ្តិ៍ឈ្មោះ)

កម្មវិធីនេះនឹងធ្វើឡើងនៅទីតាំង អគារវិទ្យាស្ថានស៊ីអ៊ីអូ ចាប់ពីម៉ោង 8:00 – 12:00 នាទីព្រឹក!

The post ស្ថាបនិក CEO Master Club បើកសិក្ខាសាលាប្រមូលផ្ដុំអ្នកខ្លាំង ចែករំលែកគន្លឹះឈោងយកនិទ្ទេស A ដល់សិស្ស-និស្សិត appeared first on .

ម្ចាស់ក្រុមហ៊ុន​នាំ​ចូល​ផលិតផល​គ្រឿង​ថែម​រក្សា​សម្រស់​ផ្តាច់មុខ​ពី​​ហុងកុង រូប​នេះ ​​បាន​បង្ហោះ​សារ​លើ​បណ្តាញ​សង្គម​ហ្វេសប៊ុក កាល​ពី​ម្សិល​មិញ​ថា៖ “អរគុណខ្លួនឯង ​ដែលប្រឹងទៅរៀនបាន​រហូតដល់ ១០​វគ្គ​ ហើយ អរគុណប្តី​ដែលតែងតែធ្វើជានាឡិការោរ៍ ដាស់ហៅប្រពន្ធទៅរៀន​ នឹងធ្វើជាតៃកុងឡានដឹកទៅមក។​ មានមនុស្សជាច្រើនសួរថាអាយុប៉ុណ្ណឹងហើយទៅរៀនចេះដែលអី​? ហើយបានអីមកវិញ? បើពេលនៅក្មេង​រៀន​មិនចេះផងនាំឡូវទៀត? ខ្ញុំឆ្លើយបាន: ទៅរៀនទោះមិនចេះដូចគ្រូ​បង្រៀន១០០% តែក៏អាចដឹងថាការងារមួយ ដែលខ្ញុំធ្លាប់ធ្វើខុសហើយមិនដឹងថាខុសត្រង់ណា​ ឡូវដឹងកន្លែងខុសនឹងអាចចាប់ផ្តើមធ្វើវាឡើងវិញបាន។ ទៅរៀនមិនអាចដូចកាលនៅក្មេងបានពិន្ទុកមកផ្ទះ​ តែឡូវទៅរៀនបានចេះយកអនុវត្តផ្ទាល់​នៅផ្ទះ និងនៅកន្លែង​រកស៊ី។ ទៅរៀនឡូវខាតពេលរកស៊ីហើយអត់បានលុយទេ​ ពាក្យនេះខ្ញុំជាអ្នកគិតនឹងនិយាយពីមុន​ តែឡូវខ្ញុំដឹង​ថាការប្រឹងរកលុយដោយមិនមានចំនេះដឹងរឺក្បួនច្បាប់​ ទោះជាប្រឹងរកមួយថ្ងៃ ២៤ម៉ោង ក៏មិនអាចទទួលបាន​លទ្ធផល​គាប់ចិត្តដែល​ ​ប្រឹងដោយទទេ។ ទៅរៀនឃើញតាស្គាល់អ្នកនេះអ្នកនោះគ្មានបានការ​ (គិតអវិជ្ជមាន) តែចំពោះខ្ញុំទៅរៀនបានស្គាល់មនុស្សផ្សេងៗគ្នា បានស្តាប់និងឃោះញពីបញ្ហាដែលកើតមានឡើងផ្សេងៗគ្នា​ ហើយក៏បានលឺនូវដំណោះស្រាយ ដែលពួកគាត់យកទៅដោះស្រាយផ្សេងៗគ្នា​ ទាំងនេះជាបទពិសោធន៏ជីវិត​ និង​ការរកស៊ី។

លោកស្រី​បន្ត​ថា៖ “សួរថាកាលពីក្មេងទៅរៀនអាចបានឃើញនិងលឺអត់​? No ទៅរៀនឡូវ​យ៉ាត់ចាញ់បោក​គេ​អ្នកទៅសុទ្ធតែអ្នកចេះចុះ(អវិជ្ជមាន) តែខ្ញុំទៅទទួលបានការជួយពន្យល់​ និង​ ប្រាប់ពីចំនុចខ្វះខាតរបស់ខ្ញុំ​ថែម​ទាំងជួយខ្ញុំនៅកន្លែងដែលខ្ញុំត្រូវកាជំនួញ​ ទទួលបានពីមិត្តដែលអង្គុយរៀនក្បែរខ្ញុំ មានប្តីមានកូនហើយ​ទៅរៀន​ធ្វើអី​ តែបើមិនទៅរៀនទោះមានប្តីមានកូនហើយ​ ក៏យើងនៅតែជាកូនក្មេងមិនដឹងអីនៅក្នុងជំនួ​ញ​ នៅក្នុងជីវិត​គ្រួសារ​ និងក្នុងសង្គម​ ជារៀងរហូតគ្មានថ្ងៃធំ។ ការគិតលេងៗមនុស្សជាច្រើនថាមិនអស់លុយទេមិនអស់ថ្មទេ​ គ្រាន់តាយាយហើយគិតលេង​ …..តែបើយើងដឹងនិងយល់ពីពាក្យគិតវិជ្ជមាន​ និង​ គិតអវិជ្ជមាន​ នោះអ្នក​នឹងដឹងថាការគិតរបស់អ្នកបែបណា និងនាំអ្នកទៅរកភាពបែបនោះដែល​ ។ គិតបែបអវិជ្ជមាន​ អ្នកនឹង​ទទួលបាន​តែភាពអវិជ្ជមានពេញខ្លួន​ មិនសប្បាយចិត្ត​ ខឹងគុំគួន​ ស្អប់​ មួលម៉ៅ….។ ល។ គិតបែបវិជ្ជមាន​ អ្នកនឹងទទួល​បានសេក្តីសុខក្នុងចិត្តដែលកើតឡើងពីការទទួលស្គាល់ការពិតរបស់អ្នក សូមកុំអាលវ៉ៃយតំលៃ​លើអ្វីមួយមុន​នឹង​អ្នកមិនទាន់បានដឹងពីការពិតប្រាកដ”៕

The post CEO ក្រុមហ៊ុន ណៃនី ប៊ីយូធី ប្រឹងរៀនវគ្គជោគជ័យអាជីវកម្ម ដល់ទៅ១០វគ្គ appeared first on .

លោកបានបន្តថា ការរៀនសូត្រ ការវឹកហាត់ មិនមែនជាកិច្ចការតែមួយពេលនោះទេ គឺជាកិច្ចការបន្តបន្ទាប់របស់មនុស្សលូតលាស់ ទម្លាប់ជោគជ័យទាំង៧របស់មនុស្សដែលខ្លាំង ចំណុចុងក្រោយគឺ Sharpend ashore ហើយចំណុចមួយចុងក្រោយនៃមនុស្សខ្លាំងគឺគេសំលាងរហូត។

ដូច្នេះហើយបានជា CEO Master Club បង្កើតអោយមាននភាពជាសមាជិក ឬសមាជិកភាពគ្រួសារហើយមួយជីវិត ព្រោះលោក មើលឃើញថាយើងត្រូវរៀនមួយជីវិត ការចូលជាសមាជិកបងប្អូន អាចមករៀនមួយជីវិត។

ថ្ងៃនេះ Oknha news និងធ្វើការបង្ហាញជូនមិត្តអ្នកអាន បានស្គាល់ម្ចាស់ក្រុមហ៊ុន និងម្ចាស់អាជីវកម្ម ដែលជាសមាជិក និងជាកោសិការបស់ CEO Master Club នៅកម្ពុជា៖

១. ឧកញ៉ា ភិរម្យ វិចិត្រដារ៉ា ម្ចាស់អាជីវកម្ម One World International Trading Co.Ltd

២. ឧកញ៉ា អ៊ុច សម្បត្តិ ម្ចាស់ក្រុមហ៊ុនគ្រូសារកក់ក្ដៅ

៣. ឧកញ៉ា ម៉ន សុខា ម្ចាស់អាជីវកម្ម UTRUST INVESTMENT CO.LTD

៤. លោក ឈាង រ័ត្ន ម្ចាស់អាជីវកម្ម ផលិតផលសម្រស់ធម្មជាតិ

៥. ឧកញ៉ា ឌី ជោត ម្ចាស់អាជីវកម្ម TMEARA LEANG CO.LTD

៦. ឯកឧត្ដម ហេង ម៉េងហូ ម្ចាស់អាជីវកម្ម Libra Private Security

៧. ឯកឧត្ដម ម៉ៅ វិបុល ម្ចាស់អាជីវកម្ម Pheapbol’s BrewHouse

៨. ឯកឧត្ដម ប៊ុន ចាន់សុភាព ម្ចាស់អាជីវកម្ម TKS Group Co.LTD

៩. ឯកឧត្ដម ជុំ ប៊ុណ្ណារ័ត្ន ម្ចាស់អាជីវកម្ម លក់សំបុក្រត្រចៀកកាំ

១០. ឧត្ដមសេនីយ៍ត្រី ហ៊ុយ ប៉ូលីន ម្ចាស់អាជីវកម្ម EKATES DENTAL CLINIC

 ១១. លោកស្រី នួន ស៊ុន្ទរី ម្ចាស់អាជីវកម្ម សម្រស់ធម្មជាតិ

១២. លោកជំទាវ លាង ធារ៉ា ម្ចាស់ក្រុមហ៊ុន Thearaleang Co.LTD

១៣. លោកជំទាវ សុន កណ្ណិកា ម្ចាស់អាជីវកម្ម SK Richest Attaction

១៤. លោកជំទាវ កែវ វង្សសៀក ម្ចាស់អាជីវកម្ម Oligo Beauty Clinic

១៥. លោកជំទាវ ណុប ចិន្តា ប្រធានក្រុមហ៊ុន WLG Electroinc

The post ណែនាំឱ្យស្គាល់ប្រធានក្រុមហ៊ុន និងម្ចាស់អាជីវកម្ម ជាសមាជិករបស់ CEO Master Club appeared first on .

វិបត្តិកូវីត១៩ បានបណ្ដាលអោយអាជីវកម្មភាគច្រើនរងផលប៉ះពាល់តិច ឬច្រើន និងឈានទៅដល់ការបិទក៏មាន។ ប៉ុន្តែក៏មានម្ចាស់អាជីវកម្មមួយភាគធំបានប្រើប្រាស់វិបត្តិទៅជាការស្វែងរកឳកាស ក្នុងការបង្កើតអាជីវកម្មថ្មីៗបំពេញតាមតម្រូវរបស់ប្រជាជនក្នុងស្រុកស្របតាមស្ថានភាពជាក់ស្ដែង។ នេះបើតាមការលើកឡើងរបស់លោក អោម សេងបូរ៉ា ស្ថាបនិកស៊ីអ៊ីអូ ម៉ាស្ទឺរក្លឹប(CEO Master Club) និងជាគ្រូបង្វឹកម្ចាស់អាជីវកម្មដ៏ល្បីល្បាញមួយរូបនៅកម្ពុជា។

គ្រូបង្វឹកអាជីវកម្មកំពូលរូបនេះបញ្ជាក់ថា មិនមែនសុខៗលោកនឹកឃើញរឿងនេះឡើងនោះទេ ប៉ុន្តែកើតចេញពីការអង្កេតកន្លងមក។ ជាពិសេស តាមរយៈម្ចាស់អាជីវកម្មដែលជាសមាជិករបស់ខ្លួនបច្ចុប្បន្នមានជាង១០០០នាក់ ដែលធ្លាប់បានទទួលការបណ្ដុះបណ្ដាលពាក់ព័ន្ធទៅនឹងដំណើរការអាជីវកម្ម។

លោក សេងបូរ៉ា គូសបញ្ជាក់ថា៖ “បងប្អូនម្ចាស់អាជីវកម្មខ្លះ គាត់មើលឃើញឳកាសនៅក្នុងពេលមានវិបត្តិកូវីត១៩ វាអំណោយផល់ដល់គាត់ ដូចជាវិស័យដំណីអាហារ និងវិស័យផ្សេងៗមួយចំនួនទៀត ឃើញថា មានការកើនឡើង។ នេះជាឳកាសបើកថ្មីដោយប្រើប្រាស់ធនធានចាស់។ ហើយអ្នកមានលុយមួយចំនួន ចាប់យកឳកាសទិញអចលៈទ្រព្យលក់ប្រញ៉ាប់ ឬធូរៗថ្លៃ”។

លោកមើលឃើញម្យ៉ាងទៀតថា ជាសំណាងល្អមួយសម្រាប់អ្នករកស៊ីនៅកម្ពុជាផងដែរ ដោយសាររាជរដ្ឋាភិបាល បានគ្រប់គ្រងការរីករាលដាលជំងឺកូវីត១៩មានប្រសិទ្ធភាព ដែលអាចឱ្យអាជីវកម្មភាគច្រើននៅដំណើរការបាន។

លោក កែវ វុទ្ធី នាយកប្រត្តិបត្តិ ក្រុមហ៊ុនវុឌ្ឍីស័ក្តិ ខមមើសល ឯ.ក និងជាម្ចាស់ហាងថែរក្សាសម្ផស្ស ណារ៉ា ប៊ីយូធី បានអោយដឹងថា នៅក្នុងវិបត្តិកូវី១៩នេះបានធ្វើអោយមានការធ្លាក់ចុះប្រាក់ចំណូល ខណៈការបញ្ជារទិញពីអតិថិជនធ្លាក់ចុះ។ លោកថា៖“ប៉ុន្តែនៅក្នុងសម័យដែលយើងជូបបញ្ហាកូវីតនេះ បានធ្វើឱ្យយើងរឹងមាំខ្លាំងជាងមុន និងរិះរកវិធីទប់ស្កាត់បញ្ហាទៅថ្ងៃក្រោយ។ ជាក់ស្ដែង ខ្ញុំគ្រោងពង្រីកអាជីវកម្មរបស់ខ្ញុំចំនួនពីរទីតាំងបន្ថែមទៀត”។

ស្រដៀងគ្នានេះដែរ អ្នកស្រី ស៊ី ចាន់ណារ័ត្ន ម្ចាស់ហាងលក់គ្រឿងអល្ល័ង្កការ និងពេជ្រ នៅលើអាគារពាណិជ្ជកម្មអូឡាំព្យ៉ា បានអះអាងថា អាជីវកម្មរបស់អ្នកស្រីមានការថមថយតិចតួចប៉ុណ្ណោះ។ អ្នកស្រីថា៖ “ដោយសារខ្ញុំបានរៀននៅស៊ីអ៊ីអូ ម៉ាស្ទឺរក្លឹប ខ្្ញុំមានយុទ្ធសាស្ត្រថ្មីៗដើម្បីត្រៀុមសម្រាប់វ៉ៃលុកទីផ្សារនៅក្នុងសម័យកូវីតនេះ”។

ទោះបីជាយ៉ាងណា បើតាមអ្នកជំនាញអាជីវកម្មរូបនេះ អាជីវកម្មអាចដំណើរការទៅមុខ ឬបិទទ្វា មិនមែនអាស្រ័យទាំងស្រុងលើស្ថានភាពសង្គមនោះទេ។ វាក៏ស្រ័យលើម្ចាស់អាជីវកម្ម ត្រូវមានភាពច្បាស់លាស់ ហ្មត់ចត់លើការគ្រប់គ្រង និងចាត់ចែងផ្នែកហិរញ្ញវត្ថុផងដែរ ដើម្បីគេចចេញពីការក្ស័យធន និងមានភាពក្លាហានក្នុងបិទទ្វាអាជីវកម្ម ជៀសវាងបំណុលវ័ណ្ឌក។

“បើមនុស្សអស់ឈាម អស់អុកហ្ស៊ីហ្ស៊ែន គឺត្រូវស្លាប់ហើយ។ ចំណែកអាជីវកម្ម បើអស់លុយ គឺមិនអាចទៅមុខបានទេ ប៉ុន្តែមុននឹងបិទទ្វា ម្ចាស់អាជីវកម្មគួរព្យាយាមបង្វឹលសាច់ប្រាក់ឱ្យអស់លទ្ធភាពសិន និងកុំខ្លាចខ្មាសគេក្នុងការបិទទ្វា ហើយស្វែងរកលទ្ធភាពបើកអាជីវកម្មផ្សេងទៀត”។ លោក អោម សេងបូរ៉ា ថ្លែងយ៉ាងដូច្នេះ។

ជាមួយគ្នានោះអ្នកជំនាញផ្នែកអាជីវកម្មខាងលើ លើកទឹកចិត្តអោយម្ចាស់អាជីវកម្ម ឬអ្នកវិនិយោគ ហ៊ានបោះទុនរកស៊ីបន្ថែមទៀត ប្រសិនបើខ្លួននៅមានលទ្ធភាពគ្រប់គ្រាន។ ការធ្វើបែបនេះ ក៏ជាការចូលរួមចំណែកជម្រុញសេដ្ឋកិច្ចជាតិអោយបន្តឈានទៅមុខបាន ហើយក្នុងនាមជាគ្រូបង្វឹកម្ចាស់អាជីវកម្មនៅកម្ពុជា លោកនៅតែបន្តបេសកកម្មរបស់ខ្លួន ចូលរួមចំណែកធ្វើឱ្យម្ចាស់អាជីវកម្មជាសមាជិករបស់ខ្លួនកាន់តែមានការរីកចម្រើន និងបង្កើតការងារជូនពលរដ្ឋកាន់តែច្រើន។

The post អ្នកជំនាញផ្នែកអាជីវកម្ម ៖ វិបត្តិកូវីត១៩ បានធ្វើអោយម្ចាស់អាជីវកម្មរឹងមាំជាងមុន appeared first on .