គួរបញ្ជាក់ផងដែរថា នេះគឺជាសាខាទី១៦ របស់ធនាគារ ជីប ម៉ុង ដែលមានទីតាំងនៅតំបន់បឹងស្នោ ហើយត្រូវបានបង្កើតឡើងក្នុងគោលបំណងឆ្លើយតប ដល់តម្រូវការអតិថិជន ផ្តល់ភាពងាយស្រួល និងបង្កើនប្រសិទ្ធភាពសេវាហិរញ្ញវត្ថុជូនដល់អតិថិជនក្នុងតំបន់ ។ ការបើកសាខាថ្មីនេះ បង្ហាញពីការប្តេជ្ញាចិត្តរបស់ធនាគារ ក្នុងការពង្រីកបណ្តាញសេវាកម្ម និងផ្តល់បទពិសោធន៍ហិរញ្ញវត្ថុដោយផ្ទាល់ដែលរហ័ស និងមានគុណភាពខ្ពស់។

ធនាគារ ជីប ម៉ុង ចូលរួមយ៉ាងសកម្មក្នុងការបង្កើតឱកាសការងារ និងលើកកម្ពស់ជីវភាពរស់នៅរបស់ប្រជាជនក្នុងសហគមន៍​

ធនាគារ ជីប ម៉ុង ធនាគារខ្មែរ ដើម្បីប្រជាជនខ្មែរ​ លើកគាំទ្រកំណើនសេដ្ឋកិច្ចជាតិ តាមរយះការផ្តល់កម្ចី លើគ្រប់វិស័យ ​ពិសេសវិស័យកសិកម្ម ដែលជាសសៃឈាមដ៏សំខាន់សម្រាប់សេដ្ឋកិច្ចជាតិ

The post អបអរសាទរពិធីបើកការដ្ឋានសាងសង់ ​សាខាថ្មី របស់ធនាគារ ជីប ម៉ុង​ សាខាទី ១៦ នៅតំបន់បឹងស្នោរ​ ផ្លូវជាតិលេខ​១​ appeared first on .

នៅព្រឹកថ្ងៃទី ១៥ ខែសីហា ឆ្នាំ ២០២៤នេះ សមាគមសិល្បករខ្មែរ បានរៀបចំព្រឹត្តិការណ៍ “ស្នាមញញឹម​កម្ពុជា” នៅមុខប្រាសាទអង្គរ ក្នុងទឹកដីដ៏ពិសិដ្ឋ នៃខេត្តសៀមរាប ក្រោមអធិបតីភាព ដ៏ខ្ពង់ខ្ពស់របស់សម្តេចកិត្តិ​សង្គហ​បណ្ឌិត ម៉ែន សំអន ឧត្តមក្រុមប្រឹក្សាផ្ទាល់ព្រះមហាក្សត្រ អមដំណើរដោយលោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្ប: តំណាងព្រឹទ្ធសភា រដ្ឋសភា តំណាងក្រសួងទេសចរណ៍ និងក្រសួង​កិច្ចការនារី លោក យុន លីណេ អភិបាលរងខេត្តសៀមរាប លោកជំទាវអ្នកឧកញ៉ា ម៉ៅ ចំណាន គិតម៉េង ប្រធាន​សមាគមសិល្បករខ្មែរ រួមជាមួយឯកឧត្ដមលោកជំទាវ សិល្បករ សិល្បការិនីរៀមច្បង និងជំនាន់ក្រោយ​ជាច្រើន​ទៀត។

ក្នុងឱកាសនោះ លោកជំទាវអ្នកឧកញ៉ា ម៉ៅ ចំណាន គិតម៉េង មានប្រសាសន៍ថា “គ្រប់ពេលដែលខ្ញុំបានឈរ​ជើងនៅលើគ្រឹះប្រាសាទថ្មដ៏រឹងមាំនេះ នាងខ្ញុំហាក់មានអារម្មណ៍ស្ញប់ស្ញែងអស្ចារ្យ ចំពោះការកសាងនូវខឿន​វប្បធម៌ អរិយធម៌ ដ៏រឹងមាំ ពិសេសប្រាសាទអង្គរវត្ត ដែលជា អច្ឆរិយវត្ថុគ្មានពីរលើលោក។

ជាមួយគ្នានេះ ដើម្បីជាការដឹងគុណ តបគុណ ខ្ញុំសុំចូលខ្លួនដឹកនាំក្រុមការងារ សិល្បករសិល្បការិនី ជាអ្នកបន្ត​វេន រួមគ្នាថែរក្សា ការពារ និងផ្សព្វផ្សាយពីកេរដំណែលដ៏មហិមារបស់ដូនតា ឱ្យបានស្ថិតស្ថេរគង់វង្សយូរអង្វែង​ជានិច្ចនិរន្តន៍ និងល្បីសុះសាយនៅលើសកលលោក។

ជាមួយនឹងស្មារតីជាតិនិយមនេះហើយ ទើបជម្រុញឱ្យនាងខ្ញុំរៀបចំកម្មវិធីនេះឡើង ដោយមានកិច្ចសហការពី​ស្ថាប័ន​ពាក់ព័ន្ធនានា និងក្រោមវត្តមានគាំទ្រពីសម្តេច និងគណៈអធិបតី ព្រមទាំងសិល្បករ សិល្បការិនី ជាច្រើនរូប ដោយញ៉ាំងឱ្យព្រឹត្តិការណ៍ «ស្នាមញញឹមនៃកម្ពុជា» នេះ ដាស់បន្ថែមទៀតពីស្មារតីស្រឡាញ់ជាតិ និងជួយផ្សព្វសិល្បៈវប្បធម៌ដើម្បីទេសចរណ៍។

គួរបញ្ជាក់ថា ព្រឹត្តិការណ៍«ស្នាមញញឹមនៃកម្ពុជា» គឺជាព្រឹត្តិការណ៍នៃការជួបជុំសិល្បករ សិល្បការិនី បុគ្គល​ដែលមានឈ្មោះល្បីនៅលើបណ្តាញសង្គម និងអ្នកជំនាញបង្កើតមាតិកាល្អៗ មកស្ថិតនៅលើដែនដីអង្គរតែមួយ ក្នុងបំណងរួមគ្នា ផលិតមាតិកាវីដេអូខ្លីៗ ស្តីអំពីសុជីវធម៌ វប្បធម៌ ប្រពៃណី ទំនៀមទម្លាប់ និងតំបន់ទេសចរណ៍​ល្បីៗក្នុងតំបន់អង្គរ ដើម្បីបង្ហាញពីសក្តានុពលទេសចរណ៍វប្បធម៌ ធម្មជាតិរបស់កម្ពុជា ទៅកាន់ភ្ញៀវទេសចរជាតិ និងអន្តរជាតិ។

ដោយឡែក នៅថ្ងៃទី១៥ ខែសីហា នេះ សមាគមសិល្បករខ្មែរ មានរៀបចំពិព័រណ៍ម្ហូបអាហារ នំចំណី ផ្លែឈើ និងភេសជ្ជៈបែបខ្មែរ មានការប្រគំតន្ត្រីខា្នតតូច សំឡេងស្រាល ការសម្តែងផ្ទាំងទស្សនីយភាពសិល្បៈ​ផ្សេងៗជា​ច្រើនទម្រង់ អមដោយការអត្ថាធិប្បាយពីពិធីករពិធីការិនីល្បីៗ ដើម្បីជាកិច្ចស្វាគមន៍ និងផ្តល់ភាពសប្បាយរីក​រាយ​ជូនភ្ញៀវទេសចរ។

ក្នុងឱកាសនេះ សម្តេចកិត្តិសង្គហបណ្ឌិត ម៉ែន សំអន ឧត្តមក្រុមប្រឹក្សាផ្ទាល់ព្រះមហាក្សត្រមានប្រសាសន៍ថា «ខ្ញុំសូមកោតសរសើរដោយស្មោះ និងវាយតម្លៃខ្ពស់ចំពោះការខិតខំប្រឹងប្រែង សមាគមសិល្បករខ្មែរដែលតែងតែ​ចូលរួមលើកស្ទួយវិស័យវប្បធម៌សិល្បៈរបស់ជាតិយើងជាពិសេសសមាគមសិល្បករខ្មែរ អាណត្តិទី៦ ដែលមាន​លោកជំទាវអ្នកឧកញ៉ា ម៉ៅ ចំណាន គិតម៉េង ជាប្រធាន រួមជាមួយបងប្អូនសិល្បករ សិល្បការិនីដែលបានខិតខំ​ចូលរួមនឹងសម្រេចបាននូវសមិទ្ធផលជាបន្តបន្ទាប់ក្នុងការបង្កើតនូវស្នាដៃថ្មីៗ ដើម្បីផ្សព្វផ្សាយអំពីវប្បធម៌​សិល្បៈ​បង្កើតនូវបរិយាកាសនិងស្នាមញញឹម ដល់ភ្ញៀវទេសចរនានា ដែលអញ្ជើញមកទស្សនានៅ​ព្រះរាជាណាចក្រ​កម្ពុជា ។ យើងពិនិត្យឃើញថា ទើបតែជាង៣ខែប៉ុណ្ណោះ លោកជំទាវអ្នកឧកញ៉ា ម៉ៅ ចំណាន គិតម៉េង ជា​ប្រធានបានចេញដំណើរដឹកនាំយ៉ាងស្វាហាប់ និងរឹងមាំ ជាក់ស្តែងព្រឹត្តិការណ៍ «ស្នាមញញឹមនៃកម្ពុជា» ដែល​សមាគមសិល្បករខ្មែរយើងបានរៀបចំ នាឱកាសនេះ ជាសក្ខីភាពមួយដែលបង្ហាញពីស្នាមញញឹម​នៃប្រជាពលរដ្ឋ​ខ្មែរទៅកាន់ពិភពលោក ក៏ដូចជាសម្រស់ដ៏ស្រស់ត្រកាលនៃប្រាង្គប្រាសាទខ្មែរ ជាតំណាងនៃអរិយធម៌ដ៏រុងរឿង​របស់បុព្វបុរសខ្មែរដ៏សម្បូរបែប រួមទាំងទំនាក់ទំនងយ៉ាងស៊ីជម្រៅជាមួយ សីលធម៌សង្គម ដែលជានិមិត្តរូប​នៃ​ស្មារតី​ឯកភាពជាតិ យូរអង្វែងបន្តពីដូនតារបស់យើង»។

ក្នុងឱកាសនោះ សម្តេចកិត្តិសង្គហបណ្ឌិតបានប្រសាសន៍បញ្ជាក់យ៉ាងច្បាស់ថា កាលពីអតីតកាលកម្ពុជា ពោរពេញដោយសង្គ្រាម ពុំមានអ្នកណាមានសិទ្ធសេរីភាព រងនូវការកាប់សម្លាប់ បែកបាក់និរាសព្រាត់​ប្រាស់​គ្រួសារ គ្មានទេស្នាមញញឹម ។ ដោយឡែក ព្រឹត្តិការណ៍ថ្ងៃនេះកើតចេញពីប្រទេសមានសុខសន្តិភាព ទើប​មាន​កម្មវិធី ស្នាមញញឹមនៃកម្ពុជាថ្ងៃនេះ ដែលផ្នែកមួយនៃគោលនយោបាយ និងទិសដៅការទស្សនាខេត្ត​សៀមរាប​ឆ្នាំ​២០២៤ ដែលបានដាក់ចេញដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ​កម្ពុជាកាលពីដើមឆ្នាំកន្លងទៅ ដើម្បីជម្រុញវិស័យ ទេសចរណ៍ នៅខេត្តសៀមរាបឲ្យងើបឡើងវិញ បន្ទាប់ពីរង​ផលប៉ះពាល់ដោយសារជម្ងឺកូវីដ១៩។

សូមបញ្ជាក់ផងដែរថា នៅក្នុងព្រឹត្តិការណ៍ “ស្នាមញញឹមកម្ពុជា” នៅថ្ងៃទី ១៥ ខែសីហា ឆ្នាំ២០២៤ មានការ​រៀបចំនូវម្ហូបអាហារជាច្រើន ជាម្ហូបរបស់ខ្មែរ ជូនទៅដល់ភ្ញៀវជាតិ និងអន្តរជាតិបានភ្លក់រសជាតិអាហារ​ដ៏ឈ្ងុយ​ឆ្ងាញ់ដែលរៀបចំជូនដោយចុងភៅដែលបានចូលរួមសហការដោយមិនគិតប្រាក់ សម្រាប់ភ្ញៀវកិត្តិយស ៥០០​នាក់ នៅទីតាំងប្រារព្ធកម្មវិធី «ស្នាមញញឹមនៃកម្ពុជា» មុខប្រាសាទអង្គរ៕

The post សម្តេចកិត្តិសង្គហបណ្ឌិត ម៉ែន សំអន កោតសរសើរព្រឹត្តិការណ៍ “ស្នាមញញឹមកម្ពុជា” appeared first on .

ជាក់ស្ដែងធនាគារ ជីប ម៉ុង ដែល ជាធនាគារឈានមុខមួយនៅក្នុងស្រុកដែលមានការគាំទ្រពីសំណាក់ប្រជាពលរដ្ឋខ្មែរ ជាធនាគារដែលផ្ដល់សេវាកម្មប្រឹក្សាដ៏ល្អ ជាមួយនឹងដំណោះស្រាយហិរញ្ញវត្ថុសម្បូរបែបប្រកបទៅដោយទំនុកចិត្ដ និងប្រសិទ្ធិភាពខ្ពស់ កំពុងតែទទួលបានការគាំទ្រយ៉ាងខ្លាំងទៅលើសេវាកម្មកម្ចីអាជីវកម្មខ្នាតតូច Aនិងមធ្យម ជូនបងប្អូនអាជីវករដែលកំពុងត្រូវការទុនបន្ថែមសម្រាប់ពង្រីកអាជីវកម្ម ដោយផ្តល់អត្រាការប្រាក់ត្រឹមតែ 0.75% ក្នុងមួយខែ និងមានភាពបត់បែន។

ស្របពេលថ្មីៗនេះ ធនាគារ ជីប ម៉ុង បានបញ្ចេញនូវស៉្ពតពាណិជ្ជកម្មថ្មី ដែលបានបង្ហាញយ៉ាងច្បាស់អំពីអត្ថប្រយោជន៍និងការការប្តេជ្ញាចិត្តរបស់ធនាគារក្នុងការជួយជ្រោមជ្រែងសហគ្រាសធុនតូច និងមធ្យមនៅកម្ពុជា ឱ្យកាន់តែរីកចម្រើន ដោយការផ្តល់កម្ចីដែលមានភាពងាយស្រួល និងឆាប់រហ័ស។

គួរឲ្យសម្គាល់ផងដែរថា ធនាគារ ជីប ម៉ុង ជាធនាគារដែលមានគ្រឹះដ៏រឹងមាំ និងមាន ជីប ម៉ុង ជាក្រុមហ៊ុនមេ អាចជួយលោកអ្នកឆ្ពោះទៅរកភាពជោគជ័យ និងជាដៃគូគង់វង្សយូរអង្វែងដ៏មានទំនុកចិត្តបំផុតរបស់លោកអ្នក។

ដើម្បីជ្រាបពីព័ត៌មានកាន់តែច្បាស់ សូមទស្សនាវីដេអូស្ព៉តពាណិជ្ជកម្ម ខាងក្រោមនេះ៖ 

The post ខ្វះខាតដើមទុនពង្រីកអាជីវកម្មលែងជាបញ្ហាទៀតហើយ ធនាគារ ជីប ម៉ុង កំពុងផ្ដល់កម្ចីអត្រាការប្រាក់ដ៏ពិសេសបំផុត appeared first on .

លោក ចន ប៊ែល អគ្គនាយកនៃធនាគារ ជីប ម៉ុង មានប្រសាសន៍ថា៖  យើងមានមោទកភាពដែលធនាគារ ជីប ម៉ុង បានបង្កើនទុនចុះបញ្ជីបន្ថែមជាបន្តបន្ទាប់ នេះជាសក្ខីភាពបង្ហាញពីកិច្ចប្រឹងប្រែងដែលយើងសាងឡើងដើម្បីផ្ដល់ទំនុកចិត្តដ៏កក់ក្ដៅជូនដល់​អតិថិជន។ អស់រយៈពេលជាង៤ឆ្នាំមកនេះ ធនាគារបានកសាងភាពចាស់ទុំរបស់ខ្លួន ជាក់ស្ដែងធនាគារ ជីប ម៉ុង ដើរលើមាគ៌ាធុរកិច្ចធនាគារដែលមានចក្ខុវិស័យវែងឆ្ងាយនិងច្បាស់លាស់។

ធនាគារ ជីប ម៉ុង ត្រូវបានបង្កើតឡើងនៅឆ្នាំ២០១៩ និងជាផ្នែកមួយនៃអាជីវកម្មរបស់ក្រុមហ៊ុន ជីប ម៉ុង។ បច្ចុប្បន្នធនាគារ ជីប ម៉ុង មានសាខាដាក់ឲ្យដំណើរការប្រើប្រាស់ក្នុងរាជធានីភ្នំពេញ និងខេត្តដូចជាកំពង់ចាម បាត់ដំបង និងសៀមរាប សរុបមានចំនួន១៣សាខាធនាគារ និង២សាខាផ្សេងទៀតនឹងមានវត្តមាននៅចុងឆ្នាំនេះ។

ធនាគារ​ ជីប ម៉ុង មានម៉ាស៊ីនATM សរុបចំនួន៣៤ ដែលបម្រើការ២៤ម៉ាង ដៃគូសហការទូទាត់ចំនូន១៨៩៩ទីតាំង និងភ្នាក់ងារធនាគារចំនួន១២៦កន្លែង ទូទាំងប្រទេស៕

The post ធនាគារ ជីប​ ម៉ុង បង្កើនដើមទុនចុះបញ្ជីដល់ចំនួន ១៣៥លានដុល្លារក្នុងពាក់កណ្ដាលឆ្នាំ២០២២ appeared first on .

លោក ច​ន ប៊ែ​ល អគ្គនាយក​ធនាគារ ជីប ម៉ុង បានមានប្រសាសន៍ថា៖ “អតិថិជនរបស់ធនាគារ ជីប ម៉ុង នៅពេលនេះអាចបង្កើត Virtual Card ឬកាតនិម្មិត Union​Pay​  នៅក្នុងកម្មវិធីទូរស័ព្ទដៃរបស់ធនាគារ ជីប ម៉ុង ដើម្បីប្រើប្រាស់សម្រាប់ទូទាត់ការចំណាយនានាទៅដល់ពាណិជ្ជករ ដូចជាការទិញទំនិញតាមប្រព័ន្ធអនឡាញ e-commerce ការបង់ប្រាក់សម្រាប់សេវាកម្មដឹកជញ្ជូនម្ហូបអាហារ ការទូទាត់នៅ​តាម​ហាង ​និង​បញ្ជរ​ទំនិញនៅ​ជុំវិញ​ពិភពលោក​ដែលទទួលកាត Union​Pay ដោយងាយស្រួល ឆាប់រហ័ស ព្រមទាំងមិនអស់កម្រៃសេវាកម្មថែមទៀតផង”។

នេះគឺជាលើកដំបូងរបស់ធនាគារជីប ម៉ុង ក្នុងការដាក់ដំណើរការកាតនិមិ្មតនៅកម្ពុជា ដែលសបញ្ជាក់ពីការកើនឡើងនូវតម្រូវការនៃការទូទាត់ប្រាក់តាមបែបឌីជីថល។ កាតនិម្មិត UnionPay នេះអាចប្រើប្រាស់ដើម្បីស្គេន QR Code ជាមួយដៃគូអាជីវកម្ម UnionPay រហូតដល់ទៅ ៣១លានទីតាំងនៅក្នុង៤៥ប្រទេស ដែលក្នុងនោះក៏មានប្រទេសកម្ពុជា និងប្រទេសដទៃទៀតដែលជាគោលដៅទេសចរណ៍សម្រាប់ប្រជាជនយើងដែរដូចជា ប្រទេសចិន ជប៉ុន កូរ៉េ សិង្ហបុរី ថៃ និងវៀតណាមជាដើម។

លោក ច​ន ប៊ែ​ល បញ្ជាក់បន្ថែមទៀតថា៖ “ការដាក់ឲ្យដំណើរការកាតនិម្មិតនេះ មិនត្រឹមតែផ្តល់អត្ថប្រយោជន៍ដល់អតិថិជនរបស់​ធនាគារ ជីប ម៉ុងប៉ុណ្ណោះទេ តែក៏នឹងជួយជំរុញឲ្យមានកំណើននៃការប្រើប្រាស់កាត Union​Pay​ កាន់តែច្រើនឡើងនៅកម្ពុជា ក៏ដូចជាកាត់បន្ថយការប្រើប្រាស់សាច់ប្រាក់ផ្ទាល់ក្នុងការទូទាត់ចំណាយនានារបស់ប្រជាពលរដ្ឋ ដោយប្តូរមកជាការទូទាត់បែបឌីជីថលវិញ”។

ទន្ទឹមនឹងនេះ ធនាគារ ជីប ម៉ុង ក៏នឹងបន្តអភិវឌ្ឍផលិតផលក៏ដូចជាសេវាកម្មថ្មីៗបន្ថែមទៀតដើម្បីបំពេញតម្រូវការអតិថិជនខ្លួនដែលកំពុងមានការកើនឡើងជាបន្តបន្ទាប់។ ​

គួរបញ្ជាក់ថា ធនាគារ ជីប ម៉ុង ជាធនាគារឌីជីថលនៅកម្ពុជាដែលបានបង្កើតឡើងនៅឆ្នាំ២០១៩ និងបានពង្រីកខ្លួន បង្កើនទីតាំងកាន់តែច្រើនសាខានៅប្រទេសកម្ពុជា។ បច្ចុប្បន្ន ធនាគារ ជីប ម៉ុងមានសាខាប្រតិបត្តិការសរុបចំនួន១៣ ក្នុងនោះ១០សាខានៅរាជធានីភ្នំពេញ និង៣សាខាទៀតនៅខេត្តកំពង់ចាម បាត់ដំបង និងសៀមរាប៕

The post កាតនិម្មិតUnionPay ធនាគារ ជីប ម៉ុង អាចស្គេន QR Code ជាមួយដៃគូអាជីវកម្មបាន ៣១លានទីតាំង ក្នុង៤៥ប្រទេសលើពិភពលោក appeared first on .