នៅក្នុងដំណើរទស្សនកិច្ចលើកនេះ ក្រោយពី​បានស្តាប់របាយការណ៍បច្ចេកទេសរបស់ម្ចាស់កសិដ្ឋាន លោក ឌិត ទីណា បាន​ទទួល​យក​សំណូមពរ​ពី​ម្ចាស់កសិកដ្ឋាន ដែលស្នើឱ្យក្រសួងកសិកម្ម រុក្ខាប្រមាញ់ និងនេសាទធ្វើការផ្សព្វផ្សាយជូនកសិករយល់ដឹងឱ្យទូលំទូលាយក្នុងការចិញ្ចឹមគោសិប្បនិម្មិត​។

ជាមួយ​គ្នា​នេះ នៅថ្ងៃដដែលនោះ រដ្ឋមន្ត្រីក្រសួងកសិកម្មក៏​បាន​ចុះទៅ​ពិនិត្យកសិដ្ឋានចិញ្ចឹមជ្រូកនិងមាន់សាច់របស់ក្រុមហ៊ុន CP សាខាខេត្តកំពង់ធំ របស់លោក ងី គីមពៅ នៅភូមិអូរកោះគគី ឃុំជ្រប់ ស្រុកសន្ទុក ខេត្តកំពង់ធំ ដែលមានសមត្ថភាពផលិតជ្រូកបានចំនួន ៩ ០០០ក្បាលនិងមាន់ចំនួន ៧០ ០០០ក្បាល/វគ្គចិញ្ចឹម។

លោកថា ក្រៅ​តែ​ពី​បាន​ស្វែងយល់ពីចំណុចខ្លាំង ខ្សោយ ឱកាស និងបញ្ហាប្រឈមក្នុងការចិញ្ចឹម ក៏ដូចជាប្រសិទ្ធភាពសេដ្ឋកិច្ចផងដែរ លោកជូន​យោបល់​​ដល់​ម្ចាស់​កសិដ្ឋានអំពីបញ្ហាអគ្គីសនី ដោយបានណែនាំឱ្យម្ចាស់កសិដ្ឋានទៅស្នើសុំប្រើប្រាស់អគ្គីសនីសម្រាប់បម្រើឱ្យវិស័យកសិកម្មដែលមានតម្លៃថោកជាងតម្លៃអគ្គីសនីធម្មតា៕

The post រដ្ឋមន្ត្រីកសិកម្ម ចុះផ្ទាល់ស្តាប់បញ្ហាប្រឈមដល់កសិដ្ឋានចិញ្ចឹមគោ, ជ្រូក, មាន់ នៅខេត្តកំពង់ធំ appeared first on .

ក្នុង​ចំណោម​បុគ្គល​ទាំង ៣ រូប​ខាងលើ បងប្អូន​ត្រកូល Chearavanont គឺ​មាន​ដាច់គេ​អស់​រយៈពេល​ជាច្រើន​ឆ្នាំ​មកហើយ ស្របពេល​ប្រវត្តិអាជីវកម្ម​របស់​ស្ដេចត្រាញ់​នេះ​ក៏​ធ្លាប់​ត្រូវបាន​ឧកញ៉ាញូវស៍​ចុះផ្សាយ​រួច​ម្ដង​ដែរ ពោល​ក្រុមហ៊ុន CP Group គឺ​ល្បី​សុះសាយ​ជុំវិញ​តំបន់​អាស៊ី និង​អឺរ៉ុប ហើយ​កម្ពុជា​ក៏​ជា​ប្រទេស​នាំចូល​ផលិតផល CP មក​ចែកចាយ​ក្នុង​ស្រុក​ផង​ដែរ។

ដោយឡែក សម្រាប់​មុខជំនួញ​របស់​លោក Chalerm វិញ​គឺ​ជា​ភេសជ្ជៈប៉ូវកម្លាំង​ដែល​ប្រជាជន​គ្រប់វ័យ​សុទ្ធតែ​បាន​ស្គាល់​គឺ Red Bull ឬ​គេ​និយម​ហៅ​ថា “គោជល់” ក៏​កំពុង​មាន​ចរាចរណ៍​លើ​ទីផ្សារ​ប្រទេស​កម្ពុជា​អស់​រយៈពេល​ជាច្រើន​ឆ្នាំ​មក​ហើយ​ដែរ ដោយ​មាន​ក្រុមហ៊ុន L.Y.P Group របស់​អ្នក​ឧកញ៉ា លី យ៉ុងផាត់​ជា​អ្នកចែកចាយ​ផ្ដាច់មុខ​នៅ​កម្ពុជា។

ចុងក្រោយ​គឺ ផលិតផល​ស្រាបៀ​ឆាង​របស់​អ្នកជំនួញ​មាន​ដុង​ពី​ក្មេង Charoen ដែល​ចាប់ផ្ដើម​រកស៊ី​ជាមួយ​ឪពុក​ពី​ការ​លក់​ទឹកសុទ្ធ​តាម​ចិញ្ចើមផ្លូវ​ រហូត​ដល់​ក្លាយ​ជា​ម្ចាស់​រោងចក្រ​ផលិត​ស្រាបៀ​ធំ​បំផុត​ប្រចាំ​ប្រទេស។

ស្រាបៀ​មាន​និមិត្ត​សញ្ញា​រូប​ដំរី ធ្លាប់ជា​ផលិតផល​នាំចូល​ផ្ដាច់​មុខ​របស់​ក្រុមហ៊ុន Attwood Import and Export របស់​ឧកញ៉ា លឹម ឈីវហូ ដោយ​បាន​ចុះ​កិច្ចព្រមព្រៀង​តាំងពី​ខែមករា ២០១៦ មក​ម៉្លេះ ប៉ុន្តែ​ប៉ុន្មាន​ខែ​មុន​ក្រុមហ៊ុន​ខាងលើ​បាន​បញ្ឈប់​ការ​នាំចូល​ស្រាបៀ​ឆាង​ពី​ប្រទេស​ថៃ។ នេះបើតាមក្រុមហ៊ុន Attwood បានប្រាប់សារព័ត៌មានឧកញ៉ាញូស៍នៅរសៀលថ្ងៃចន្ទ សីហានេះ៕

The post មុខជំនួញធំៗមហាសេដ្ឋីមានបំផុតនៅថៃ ៣ រូប កំពុងវ៉ៃលុកទីផ្សារកម្ពុជា appeared first on .

លោក ប្រាស៊ីត ហានភិស៊ុត ជំនួយការក្រុមប្រឹក្សាភិបាលនៃអាជីវកម្មចំណីសត្វប្រចាំកម្ពុជាមានប្រសាសន៍ថា អតិថិជន​ដែលក្លាយជាដៃគូសហការជាមួយក្រុមហ៊ុន ក្នុងការបើកដេប៉ូលក់ចំណីសត្វឬចង់ទិញពូជសត្វរបស់ក្រុមហ៊ុន គឺចំណាយដើមទុនតិច និងបង្កើតប្រាក់ចំណូលខ្ពស់។

ការសហការបើកដេប៉ូលក់ចំណីសត្វ ឬចង់ទិញពូជសត្វរបស់ក្រុមហ៊ុនស៊ីភី ខេមបូឌា យកទៅចិញ្ចឹម អតិថិជននឹងទទួលបានការយកចិត្តទុកដាក់ពីភ្នាក់ងារ ដែលជាបុគ្គលិករបស់ក្រុមហ៊ុនចុះទៅបង្រៀនពីការលក់ ប្រឹក្សាការចិញ្ចឹម និងការធ្វើទីផ្សារផងដែរ។

លោកប្រាស៊ីត បានបញ្ជាក់ថា គោលដៅរបស់​ក្រុមហ៊ុន​ គឺមិនត្រឹមតែអាជីវកម្មលក់ចំណីសត្វ និងចិញ្ចឹមសត្វប៉ុណ្ណោះទេ ប៉ុន្តែថែមទាំងនាំមកនូវភាពជោគជ័យដល់វិស័យចិញ្ចឹមសត្វ នៅកម្ពុជាផងដែរ។

បច្ចុប្បន្ន រោងចក្រចំណីសត្វ របស់ក្រុមហ៊ុន ស៊ីភី មាន២សាខា នៅខេត្តកណ្តាល និងប៉ៃលិន ហើយបានពង្រីកអាជីវកម្មចំណីសត្វ ទៅកាន់ដៃគូសហការនៃការបើកដេប៉ូជាច្រើនខេត្តក្រុងនៅកម្ពុជា។

ដើម្បីធានាឱ្យបាននូវចំណីសត្វ ដែលមានគុណភាពល្អផ្តាច់គេ ស៊ីភី ខេមបូឌា បង្កើនគុណភាពរបស់ខ្លួនដោយមានការត្រួតពិនិត្យឆ្លងកាត់បន្ទប់ពិសោធន៍ លើគ្រប់ជំហាននៃការផលិតទាំងអស់ ហើយក៏មានក្រុមបច្ចេកទេសប្រចាំការ ដើម្បីធានាដល់កម្រិតស្តង់ដារខ្ពស់ផងដែរ។

ក្រុមហ៊ុន ស៊ីភី ខេមបូឌា ជាក្រុមហ៊ុនបុត្រសម្ព័ន្ធរបស់ក្រុមហ៊ុន CPF ដ៏ធំរបស់ប្រទេសថៃ បានវិនិយោគក្នុងប្រទេសជាង១៦ និងចែកចាយផលិតផលរបស់ខ្លួនទៅកាន់ជាង ៤០ប្រទេសនៅជុំវិញពិភពលោក និងបានប្រតិបត្តិការនៅកម្ពុជាអស់រយៈពេល ២៥ឆ្នាំមកហើយ។

អាជីវកម្មចំណីសត្វ របស់ក្រុមហ៊ុនស៊ីភី ខេមបូឌា ជាប្រភេទអាជីវកម្មដែលមានការផ្គត់ផ្គង់ចំណីសត្វជាច្រើនប្រភេទ ដូចជាចំណីមាន់ ជ្រូក ទា គោ ចំណី សត្វទឹក នឹងពូជសត្វ រួមមានពូជមាន់ ពូជជ្រូកដែលមានសុខភាព រឹងមាំ ធន់នឹងជំងឺ និងផ្តល់ទន្និផលខ្ពស់ដល់អ្នកចិញ្ចឹម៕

The post ក្រុមហ៊ុន ស៊ីភី ខេមបូឌា ពង្រីកខ្លួន​ប្រកាស​ស្វែង​រក​ដៃគូ​សហការ​ ប្រកបអាជីវកម្មលក់ចំណីសត្វ និងចិញ្ចឹមសត្វ appeared first on .

ផលិតផល​ចំណីអាហាររបស់​ក្រុមហ៊ុន CP ត្រូវ​បានមហាជនទទួលស្គាល់លើ​ស្តង់ដារ អនាម័យ គុណភាព ​និង​សុវត្តិភាព​។

លោក​​ Wittaya Kreangkriwit ក្រុមប្រឹក្សាភិបាលរងជាន់ខ្ពស់នៃក្រុមហ៊ុន CP Cambodia បាន​​ឲ្យ​ដឹង​ថា CP មាន​ទស្សនៈ​វិស័យ​លើ​ការ​ផលិតចំណីអាហាររដែលមានគុណភាព អនាម័យ នឹងជាផលិតផលផលិតក្នុងស្រុក។

លោក​​ Wittaya បានលើក​ពី​គោលការណ៍ ៥ ចំណុច លើ​ការផលិតចំណីអាហារប្រកបដោយអនាម័យល្អរបស់​ក្រុមហ៊ុន​ មានដូចជា៖

ទី១) សត្វត្រូវមានសុខភាពល្អ ដឹកចេញពីកសិដ្ឋាចិញ្ចឹមបែបស្តង់ដារ។

ទី២) ការរៀបចំទុកដាក់សត្វមុនចូលរោងពិឃាត គឺសត្វមិនទទួលរងសម្ពាធផ្នែកអារម្មណ៍ ព្រោះថាពេលដែលសត្វរងសម្ពាធនឹងធ្វើឱ្យគុណភាពសាច់ធ្លាក់ចុះ។

ទី៣) ទីកន្លែង និងឧបករណ៍ត្រូវតែភាពស្អាត ដោយជ្រើសរើសឧបករណ៍ដែលត្រឹមត្រូវ ទំនើប និងមានការថែរក្សាបានល្អ អោយរួចរាល់សម្រាប់ទុកប្រើប្រាស់។

ទី៤) ដំណើរការផលិតត្រូវតែមានស្តង់ដារត្រឹមត្រូវតាមគោលការណ៍ និងអនាម័យ មានការបែងចែករវាងផ្នែកស្អាត និងផ្នែកកខ្វក់ចេញពីគ្នាយ៉ាងច្បាស់លាស់ ត្រូវបានត្រួតពិនិត្យភ្នាក់ងារចម្លងរោគគ្រប់ដំណាក់កាលនៃការផលិត។

ទី៥) ការថែរក្សាសាច់បន្ទាប់ពីកែច្នៃហើយ សាច់ត្រូវតែរក្សាទុកនៅក្នុងសីតុណ្ហភាពត្រឹមត្រូវ ដើម្បីរារាំងការលូតលាស់នៃបាក់តេរី ដែលបណ្តាលឱ្យសាច់ខូច។

លោកលើកឡើង​ថា ដោយសារ​ការ​អនុវត្ត​គោលការណ៍​ប្រតិបត្តិបានគ្រប់ទាំង ៥ ចំណុចនេះហើយ ធ្វើឱ្យអតិថិជន​ទទួលបានសាច់សត្វដែលមានគុណភាពល្អ ស្រស់ អនាម័យ និងសុវត្ថិភាពសម្រាប់​ការ​បរិភោគ។

ក្រុមហ៊ុន CP Cambodia បាន​ដំណើរការអាជីវកម្មកសិ-ឧស្សាហកម្ម និងអាហារនៅប្រទេសកម្ពុជាជាង ២៦ ឆ្នាំមក​ហើយ ជាមួយ​​ចក្ខុវិស័យ “ផ្ទះបាយពិភពលោក”។ ថ្មីៗនេះដែរ ក្រុមហ៊ុនទើប​សម្ពោធរោងចក្រផលិតចំណីអាហារនៅក្នុងខេត្តកំពត ដែលជារោងចក្រផលិតចំណីអាហារស្តង់ដារ ឈានមុខគេមួយនៅក្នុងប្រទេស​កម្ពុជា​។

ក្រុមហ៊ុន​ផលិត​ចំណីអាហារ​មានមូលដ្ឋាននៅប្រទេសថៃនេះ គ្រប់គ្រងនិង​​បង្កើត​ឡើង​ដោយក្រុម​គ្រួសារ​មហាសេដ្ឋី​ថៃ លោក Dhanin Chearavanon៕

The post អ្នក​និយមទទួល​មាន់ CP កាន់តែទុកចិត្ត បើ​ដឹង​គោលការណ៍​ផលិត​ចំណី​អាហារ​​ក្រុមហ៊ុន​ស្តង់​ដានេះ appeared first on .

លោក​​ Wittaya Kreangkriwit ក្រុមប្រឹក្សាភិបាលរងជាន់ខ្ពស់នៃក្រុមហ៊ុន ស៊ី.ភី ខេមបូឌា ចំកាត់បាន​ឲ្យ​ដឹង​ថា ក្រុមហ៊ុនស៊ី.ភីបានដំណើរការអាជីវកម្មកសិ-ឧស្សាហកម្ម និងអាហារនៅប្រទេសកម្ពុជាជាង ២៦ឆ្នាំហើយ ជាមួយចក្ខុវិស័យ “ផ្ទះបាយពិភពលោក”។

ដោយ​ប្តេជ្ញាផ្តល់ផលិតផលប្រកបដោយគុណភាព អនាម័យ និងអាហារូបត្ថម្ភខ្ពស់ជាមួយទំនួលខុសត្រូវដល់សង្គមជាតិ និងការអភិវឌ្ឍន៍ប្រកបដោយចីរភាព ក្រុមហ៊ុន​មានទស្សនវិស័យក្នុងការធ្វើអាជីវកម្មដែលហៅថា “គោលការណ៍​​ប្រយោជន៍ទាំង ៣ ប្រការដើម្បីឆ្ពោះទៅកាន់និរន្តរភាព”។

លោក​បាន​លើក​ពី​គោលការណ៍​ទាំង ៣ នោះ​ថា ផលប្រយោជន៍ដល់ប្រទេសជាតិជាអាទិភាពទីមួយ ផលប្រយោជន៍ប្រជាជនជាអាទិភាពទីពីរ និងផលប្រយោជន៍ដល់ក្រុមហ៊ុនជាអាទិភាពចុងក្រោយ។

លោក​​ Wittaya Kreangkriwit បាន​បន្ត​ទៀត​ថា អាជីវកម្មរបស់ ស៊ី.ភីបែងចែកជា ៣ ប្រភេទ គឺ អាជីវកម្មផលិតចំណីសត្វ(Feed) អាជីវកម្មចិញ្ចឹមសត្វ(Farm) និងអាជីវកម្មចំណីអាហារ(Food)។

នៅពេលអនាគតក្រុមហ៊ុនមានគម្រោង​នឹង​ពង្រីករោងចក្រផលិតចំណីអាហារ ដែលមានគុណភាព សុវត្ថិភាព អនាម័យ នឹងស្តង់ដារបន្ថែមក្នុងប្រទេសកម្ពុជា ដើម្បីបំពេញតម្រូវ​ការរបស់ប្រជាជននៅគ្រប់ទីកន្លែង ដោយ​ឈរ​លើ​មូលដ្ឋានគ្រឹះទំនួលខុសត្រូវចំពោះសង្គមជាតិ និងបរិស្ថាន៕

The post ក្រុមហ៊ុន CP របស់មហាសេដ្ឋី​ថៃ អនុវត្ត​​ទស្សនៈ​ ៣ លើ​ការ​ធ្វើ​មុខ​ជំនួញ​នៅ​កម្ពុជា appeared first on .

ការ​បើក​រោងចក្រ​ផលិតអាហារ​ស្តង់ដារ​ដ៏​ធំនេះ ធ្វើ​ឡើង​កាលពីថ្ងៃទី១២​ ខែឧសភា ឆ្នាំ ២០២២ ក្រោម​ការ​ចូលរួមពី​សម្តេច​ក្រឡាហោម​​ ស ខេង រដ្ឋមន្ត្រីក្រសួងមហាផ្ទៃ ​និង​ភ្ញៀវកិត្តិយសសំខាន់ៗជាង ១ ០០០​ នាក់។

លោក​​ Wittaya Kreangkriwit ក្រុមប្រឹក្សាភិបាលរងជាន់ខ្ពស់នៃក្រុមហ៊ុន ស៊ី.ភី ខេមបូឌា ចំកាត់បាន​ឲ្យ​ដឹង​ថា ការបង្កើតរោងចក្រផលិតចំណីអាហារនេះឡើង ក្នុងគោលបំណងដើម្បីលើកកម្ពស់ស្តង់ដារគុណភាពនៃការផលិតចំណីអាហារនៅកម្ពុជាឱ្យមានស្តង់ដារអន្តរជាតិ និងដើម្បីឱ្យប្រជាជនកម្ពុជាទទួលទានអាហារដែលមានគុណភាព អនាម័យ នឹងដែលជាផលិតផលផលិតក្នុងស្រុក។

ក្រុមហ៊ុនស៊ី.ភី ខេមបូឌា ចំកាត់បានដំណើរការអាជីវកម្មកសិ-ឧស្សាហកម្ម និងអាហារនៅប្រទេសកម្ពុជាជាង ២៦​ឆ្នាំ​ហើយ ជាមួយនឹងចក្ខុវិស័យ “ផ្ទះបាយពិភពលោក”។

សម្តេច​ ស ខេង​ រដ្ឋមន្ត្រីក្រសួងមហាផ្ទៃបានមានប្រសាសន៍ថា វត្តមានរបស់ក្រុមហ៊ុន ស៊ីភី បានរួមចំណែកក្នុងការផ្គត់ផ្គង សាច់ស្រស់ ផលិតផលចំណីអាហារ ដែលមានអនាម័យ និងតម្លៃសមរម្យ និងបង្កើតទីផ្សារនៅកម្ពុជា ហើយក្រុមហ៊ុនជួយបានទិញ ដំណាំកសិកម្មដូចជា ពោត ដំឡូងមី ស្រូវ ពីប្រជាជនកម្ពុជា។

សម្តេច​ក៏បាន​ស្នើ​ឲ្យ​ក្រុមហ៊ុនជួយបន្តគាំទ្រ និងបង្កើតរោងចក្រផលិតចំណីអាហារបន្ថែមទូទាំប្រទេស និងផ្ដល់បច្ចេកទេស ចំណេះដឹង ដល់ស្ថាប័នក្រសួងនានា ប្រជាជនផងដែរ​។

ក្រុមហ៊ុន ស៊ី.ភី ខេមបូឌា ចំកាត់ ជាក្រុមហ៊ុនមួយដែលប្រតិបត្តិការអាជីវកម្មកសិ-ឧស្សាហកម្ម និងចំណីអាហារ ដោយអាជីវកម្មទាំងអស់ត្រូវបានបែងចែកជា ៣ ប្រភេទ គឺ អាជីវកម្មផលិតចំណីសត្វ (Feed) អាជីវកម្មចិញ្ចឹមសត្ វ(Farm) និងអាជីវកម្មចំណីអាហារ (Food)៕

The post រោងចក្រផលិតចំណីអាហារ​​របស់​​មហាសេដ្ឋី​មាន​បំផុត​​នៅ​​ថៃ​​ បើក​​ដំណើរការ​នៅ​ខេត្ត​កំពត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្រុមហ៊ុន ស៊ីភី កម្ពុជា បានបោះទុនវិនិយោគប្រមាណ ៦៧,៤ លានដុល្លារអាមេរិក ទៅលើដំណើរការអាជីវកម្ម កសិ-ឧស្សាហកម្ម និងចំណីអាហារគ្រប់ប្រភេទ រួមទាំងបសុសត្វ និងអាជីវកម្មផ្នែកវារីវប្បកម្ម ហើយប្រភេទសត្វចម្បងៗ មានជាអាទិ៍ ជ្រូក មាន់សាច់ មាន់ស្រុក មាន់ពង និងត្រី។ អាជីវកម្មទាំងនោះបែងចែកជា ៣ ប្រភេទធំៗ គឺ អាជីវកម្មផលិតចំណីសត្វ អាជីវកម្មចិញ្ចឹមសត្វ និងអាជីវកម្មផលិតចំណីអាហារ រួមទាំងដំណើរការអាជីវកម្មហាងលក់រាយ និងអាហារសម្រន់ផងដែរ។ នេះបើតាមរបាយការណ៍របស់ក្រុមហ៊ុន កាលពីថ្ងៃទី១៩ ខែមីនា ឆ្នាំ២០២១។

បើតាមរបាយការណ៍ដដែលបានឲ្យដឹងថា៖ បច្ចុប្បន្នក្រុមហ៊ុនមានរោងចក្រផលិតចំណីសត្វពីរកន្លែង គឺទីមួយនៅខេត្តកំពង់ស្ពឺ និងទីពីរនៅខេត្តប៉ៃលិន រោងចក្រទាំងពីរនេះមានសក្តានុពលផលិតចំណីសត្វគ្រប់ប្រភេទ បានចំនួន ៥៥ ០០០តោន/ខែ ដោយប្រើប្រាស់វត្ថុធាតុដើមផលិតក្នុងស្រុកមានពោតក្រហមចំនួន ២០០ ០០០តោន/ឆ្នាំ និងដំឡូងមីក្រៀមចំនួន ១០០ ០០០តោន/ឆ្នាំ។

ក្រៅពីនេះ វត្ថុធាតុដើមមួយចំនួនទៀតត្រូវបានក្រុមហ៊ុនស្នើសុំគោលការណ៍នាំចូលពីក្រសួងកសិកម្ម រុក្ខាប្រមាញ់ និងនេសាទ ដើម្បីយកមកបំពេញបង្គប់តាមតម្រូវការរបស់រោងចក្រ និងជាពិសេសអតិថិជនដែលជាអ្នកចិញ្ចឹមសត្វ ម្ចាស់ដេប៉ូចំណីសត្វ ដៃគូ និងប្រើប្រាស់ក្នុងក្រុមហ៊ុនផ្ទាល់ផងដែរ។

ក្រៅពីផលិតកម្មចំណីសត្វ ក្រុមហ៊ុនមានចិញ្ចឹមមាន់ពូជយកពងភ្ញាស់យកកូនបានចំនួន ៧០០ ០០០ក្បាល/សប្តាហ៍ ផលិតកូនជ្រូកពូជបានចំនួន ២០ ០០០ក្បាល/សប្តាហ៍។ ដើម្បីបំពេញឲ្យសេចក្តីត្រូវការសាច់មាន់ និងផលិតផលសាច់ ក្រុមហ៊ុនបានបង្កើតសត្តឃាតដ្ឋានមាន់មួយកន្លែង ដែលអាចពិឃាតមាន់សាច់បានចំនួន ១០ ០០០ក្បាល/ថ្ងៃ មួយផ្នែកលក់ជាសាច់មាន់ស្រស់ និងមួយផ្នែកទៀតលក់ជាផលិតផលកែច្នៃមានដូចជាសាច់ក្រក ប្រហិត និងសាច់ប៉ាត់តេ ដោយគិតជាមធ្យមក្នុងមួយខែរោងចក្រអាចផលិតបាន ៥០០ ០០០ គ.ក្រ។

ដើម្បី រក្សាខ្សែច្រវាក់ផលិតកម្មពី A to Z ឲ្យមាននិរន្តរភាពចាំបាច់ក្រុមហ៊ុនត្រូវការបុគ្គលិក កម្មករសរុបចំនួន ២ ៧០០នាក់ ក្នុងនោះមានបុគ្គលិកពេទ្យសត្វមានចំនួន ២០០នាក់ ដែលជានិស្សិតបានបញ្ចប់ការសិក្សានៅតាមសកលវិទ្យាល័យនានានៅទូទាំងប្រទេស។

ជាមួយគោលបំណងពង្រីកផលិតកម្មចិញ្ចឹមសត្វ ជាពិសេសចូលរួមលើកកម្ពស់សេដ្ឋកិច្ចគ្រួសារ ក្រុមហ៊ុនបាននិងកំពុងអនុវត្តផលិតកម្មកសិកម្មតាមកិច្ចសន្យា ដោយគិតមកទល់ដើមឆ្នាំ២០២១ នេះក្រុមហ៊ុនមានដៃគូសហការចិញ្ចឹមជ្រូក និងមាន់ចំនួន ១ ៤០០គ្រួសារ នៅទូទាំងប្រទេស ហើយចំនួននេះសង្ឃឹមថានឹងមានការកើនឡើងជាបន្តបន្ទាប់ ក្រោយពេលវិបត្តជំងឺឆ្លងកូវីដ-១៩។

ម៉្យាងវិញទៀត តាមផែនការគ្រោងទុក ក្រុមហ៊ុននឹងបង្កើនផលិតភាពផលិតកម្មសត្វ និងចំណីឲ្យបានពី១៥% ទៅ ២០% ដើម្បីចូលរួមផ្គត់ផ្គង់ឲ្យតម្រូវការទីផ្សារក្នុងស្រុកដែលចេះតែមានការកើនឡើងជាលំដាប់ពីមួយឆ្នាំទៅមួយឆ្នាំ និងអាចធ្វើការនាំចេញផងដែរ៕

The post មកស្គាល់ក្រុមហ៊ុន ស៊ី.ភី.កម្ពុជា ដែលកំពុងឈរជើងលើវិស័យផលិតកម្មសត្វល្បីឈ្មោះបោះទុនវិនិយោគប្រមាណ ៦៧,៤ លានដុល្លារ appeared first on .