សម្តេចធិបតី ហ៊ុន ម៉ាណែត បានបញ្ជាក់លើទំព័រហ្វេសប៊ុកថា តាងនាមប្រជាពលរដ្ឋកម្ពុជា សម្តេចបានថ្លែងអំណរគុណ លោកប្រធានាធិបតី Trump ដែលបានផ្តួចផ្តើមនិងសម្របសម្រួលឱ្យមានបទឈប់បាញ់រវាងកម្ពុជា-ថៃកន្លងមក និងសម្រេចបាននូវសេចក្ដីថ្លែងការណ៍រួមទីក្រុងគូឡាឡាំពួរ ដើម្បីស្វែងរកសន្តិភាពយូរអង្វែងសម្រាប់កម្ពុជា និងថៃ។ សម្តេចធិបតីក៏បានបញ្ជាក់ជាថ្មីអំពីការប្រកាន់ខ្ជាប់យ៉ាងម៉ឺងម៉ាត់របស់កម្ពុជា ក្នុងការបន្តអនុវត្តតាមស្មារតីសេចក្ដីថ្លែងការណ៍រួមទីក្រុងគូឡាឡាំពួ និងសង្ឃឹមថាភាគីទាំងពីរ នឹងបន្តធ្វើការជាមួយគ្នាស្របតាមគោលការណ៍ និងយន្តការទ្វេភាគីដែលបានឯកភាពគ្នា»។

ជាមួយគ្នានោះ លោកប្រធានាធិបតី Trump បានគូសបញ្ជាក់ជំហរយ៉ាងច្បាស់លាស់ថា លោកចង់ឃើញសន្តិភាពស្ថិតស្ថេររវាងកម្ពុជានិងថៃ។ ក្នុងន័យនេះ លោកប្រធានាធិបតីនឹងបន្តតាមដានកិច្ចការនេះដោយយកចិត្តទុកដាក់ ដើម្បីធានាមិនឱ្យមានការផ្ទុះអាវុធឡើងវិញនៅបណ្តោយព្រំដែនកម្ពុជា-ថៃ។

ក្នុងឱកាសនោះ សម្តេចធិបតីនាយករដ្ឋមន្រ្តក៏បានគូសបញ្ជាក់ថា កម្ពុជាបន្តរក្សាជំហរក្នុងការដោះស្រាយបញ្ហាព្រំដែនដោយសន្តិវិធី ដោយអនុលោមតាមគោលការណ៍ និងយន្តការ ដែលបានឯកភាពគ្នាកន្លងមក ដើម្បីដោះស្រាយបញ្ហាព្រំដែនកម្ពុជា-ថៃ និងកសាងសន្តិភាពយូរអង្វែងរវាងប្រទេសទាំងពីរ៕

The post ពិភាក្សាតាមទូរសព្ទជាមួយសម្តេចធិបតី! លោក ដូ​ណាល់ ត្រាំ ថានឹងបន្តតាមដានដោយយកចិត្តទុកដាក់ ធានាមិនឱ្យមានការផ្ទុះអាវុធឡើងវិញនៅបណ្តោយព្រំដែនកម្ពុជា-ថៃ appeared first on .

នៅឯវេទិកាសេដ្ឋកិច្ចកាតា ធ្វើឡើងនៅទីក្រុងដូហា កាលពីថ្ងៃទី២១ ខែឧសភា កូនប្រុសច្បងរបស់ប្រធានាធិបតីអាមេរិករូបនេះ ត្រូវបានគេសួរថា តើលោកអាចនឹងពិចារណាឈរឈ្មោះសម្រាប់តំណែងជាប្រធានាធិបតី នៅពេលដែលឪពុករបស់លោក ចាកចេញពីតំណែងនៅឆ្នាំ២០២៨ ដែរឬអត់។ ស្របពេលលោក Trump Jr. បានឆ្លើយតបវិញថា ៖”ចម្លើយនោះ គឺប្រហែលអាចជាថ្ងៃណាមួយ អ្នកមិនដែលដឹងនោះទេថានឹងមានអ្វីកើតឡើងនាពេលខាងមុខ”។

លោក Trump Jr. បាននិយាយទៀតថាលោកតែងតែជាអ្នកតស៊ូមតិដ៏ស្វិតស្វាញម្នាក់ សម្រាប់ចលនា “Make America Great Again” (MAGA) ដែលឪពុករបស់ខ្លួនបានបង្កើតឡើង។

“ខ្ញុំគិតថាឪពុករបស់ខ្ញុំពិតជាបានផ្លាស់ប្តូរគណបក្សសាធារណរដ្ឋ។ មិនថាអ្នកចង់មើលវាយ៉ាងណានោះទេ ខ្ញុំគិតថា គណបក្សសាធារណរដ្ឋឥឡូវនេះគឺជាគណបក្ស America First និង MAGA” ។ នេះបើតាមការបញ្ជាក់បន្ថែមពីលោក Trump Jr.។

ជម្រាបជូនផងដែរថា លោក Donald Trump Jr. បច្ចុប្បន្នវ័យ ៤៧ឆ្នាំ គឺជាអនុប្រធានប្រតិបត្តិនៃក្រុមហ៊ុន Trump Organizationនិងជាអ្នកគាំទ្រដ៏រឹងមាំនៃកម្មវិធី MAGA របស់ឪពុកខ្លួន។យោងតាម Reuters បានរាយការណ៍កាលពីខែវិច្ឆិកាឆ្នាំមុនថា Trump Jr គឺជាសមាជិកដ៏មានឥទ្ធិពលបំផុតនៃគ្រួសារលោក ត្រាំ ក្នុងអំឡុងពេលធ្វើនយោបាយ ទាំងមុន និងក្រោយពេលបោះឆ្នោត៕

The post កូនប្រុសច្បងលោក ត្រាំ បង្ហើបចង់ឈរឈ្មោះជាប្រធានាធិបតី ស្នងតំណែងពីឪពុក appeared first on .