ក្នុងចំណោមនោះ ប្រធានាធិបតីទី៤៥ និងទី៤៧ របស់សហរដ្ឋអាមេរិកគឺលោក ដូណាល់ ត្រាំ ទើបតែជាប់ឆ្នោតថ្មីៗ ក៏ជាមហាសេដ្ឋីមួយរូបផងដែរ។ កាលពីអំឡុងបានជាប់ឆ្នោតជាប្រធានាធិបតីដំបូងនៅឆ្នាំ២០១៧ លោកមានទ្រព្យត្រឹមតែប្រមាណ ៣,៧ពាន់លានដុល្លារ ខណៈទ្រព្យសម្បត្តិរបស់លោកនាពេលបច្ចុប្បន្នបានកើនឡើងដល់ទៅចំនួន ៥,៣ពាន់លានដុល្លារ ជាមួយនឹងប្រភពចំណូលគឺបានមកពីការវិនិយោគលើអចលនទ្រព្យ និងក្រុមហ៊ុន Trump Media & Technology Group ក្រោមចំណែកភាគហ៊ុនកើនឡើងដល់ចំនួន៥៩% នៅឆ្នាំនេះ។

ជាមួយគ្នានោះ ប្រធានាធិបតីទី៤៧ របស់សហរដ្ឋអាមេរិក លោក John F. Kennedy ក៏មាននូវទ្រព្យសម្បត្តិខ្ទង់ពាន់លានដុល្លារ ពោលមានចំនួន ១,៣ពាន់លានដុល្លារ ខណៈប្រភពចំណូលដ៏ច្រើនរបស់លោក គឺដោយសារបានកេរ្តិ៍មរតកពីឳពុក គឺលោក Joseph Kennedy ដែលកាលនោះឳពុករបស់លោកបានក្លាយជាអ្នកមានពីការវិនិយោគ និងត្រូវបានតែងតាំងជាប្រធានគណៈកម្មការមូលបត្រអំឡុងឆ្នាំ១៩៣៤ ។

ទន្ទឹមគ្នានេះដែរ ប្រធានាធិបតីដំបូងបង្អស់របស់សហរដ្ឋអាមេរិកលោក George Washington ក៏មាននូវទ្រព្យសម្បត្តិប្រមាណ ៧០៩លានដុល្លារផងដែរ។ បើតាមអ្នកប្រវត្តិវិទូ Douglas Brinkley បានលើកឡើងដូច្នេះថា៖ “ប្រធានាធិបតីដំបូងបង្អស់របស់ពួកយើង គឺជាអ្នកមាន ហើយគាត់មាននូវអចលនទ្រព្យជាច្រើនកន្លែង”។ យ៉ាងណាម៉ិញ អ្នកប្រវត្តិវិទូខ្លះទៀត លើកឡើងថា៖ “លោក Washington ទទួលបាននូវទ្រព្យសម្បត្តិដ៏ច្រើនដូច្នេះ គឺមកពីការធ្វើកសិកម្មដាំដុះពោត ហើយយកវាធ្វើស្រា Whiskey”។

ដោយឡែក ប្រធានធិបតីទីពីររបស់សហរដ្ឋអាមេរិកវិញ លោក Thomas Jefferson ក៏មាននូវទ្រព្យសម្បត្តិចំនួន ២៨៦លានដុល្លារ ដោយទ្រព្យដែលលោកកាន់កាប់ភាគច្រើន គឺបានមកពីដីកេរ្តិ៍អាករឳពុក ក្រោយឳពុកខ្លួនបានចែកឋានទៅ នៅអំឡុងដែលខ្លួនទើបតែមានអាយុ ១៤ឆ្នាំ។

ជាមួយគ្នា ប្រធានាធិបតីទី២៦ របស់សហរដ្ឋអាមេរិកលោក Theodore Roosevelt មានទ្រព្យសម្បត្តិប្រមាណ ១៦៩លានដុល្លារ។ លោកមានដើមកំណើតក្នុងគ្រួសារអភិជន និងមានបំផុតក្នុងទីក្រុង New York ខណៈទ្រព្យសម្បត្តិរបស់លោកគឺទទួលបានពីកេរ្តិ៍មរតកគ្រួសារ។ ជាពិសេសនោះ បងប្អូនជីដូនមួយរបស់ខ្លួនគឺលោក Franklin Delano Roosevelt ក៏ជាប្រធានាធិបតីទី៣២ របស់សហរដ្ឋអាមេរិកផងដែរ៕

The post ណែនាំប្រធានាធិបតីអាមេរិក ៥រូបមានទ្រព្យច្រើនដាច់គេ ខណៈក្នុងនោះមាន ២នាក់ប៉ុណ្ណោះជាមហាសេដ្ឋី appeared first on .

តាមរយៈការចុះផ្សាយពីសារព័ត៌មាន Anadolu បានឲ្យដឹងថា អតីតប្រធានាធិបតីរូបនេះ បានលើកឡើងនៅលើវេទិកាសន្និបាតជាតិប្រជាធិបតេយ្យ (DNC) ក្នុងទីក្រុង Chicago រដ្ឋ Illinois ថា អាមេរិកគឺរួចរាល់ហើយសម្រាប់ការបើកទំព័រជំពូកថ្មី, អាមេរិកគឺរួចរាល់ហើយសម្រាប់ការធ្វើរឿងដ៏ល្អប្រសើរមួយ។ ដោយផ្តោតជាសំខាន់ចំពោះប្រវត្តិរបស់លោកស្រី កាមេឡា ហារីស លោកថា នាងធ្លាប់ជារដ្ឋអាជ្ញាធ្វើការតាមបណ្តាក្រុមហ៊ុនធំៗ ក៏ដូចជាធ្វើការនៅតាមស្ថាប័ន ដែលមានកិច្ចការងារពាក់ព័ន្ធនឹងការរំលោភផ្លូវភេទលើកុមារ។ លោកក៏បានសន្យាជាមួយគណបក្សប្រជាធិបតេ្យថា លោកស្រី ហារីស នឹងផ្តោតលើបញ្ហាទាំងអស់នោះ និងធ្វើការជូនប្រជាពលរដ្ឋអាមេរិកគ្រប់ៗរូប។

បន្ថែមពីនោះ លោកក៏បានស្ងើចសរសើរចំពោះមិត្តរួមការងាររបស់លោកស្រី ហារីស គឺលោក Tim Walz អភិបាលរដ្ឋ Minnesota គឺជាដៃគូដ៏ឆ្នើម ដែលប្រភេទមនុស្សដែលគួរតែនៅក្នុងជួរនយោបាយ ជាមនុស្សដែលកើតនៅទីក្រុងតូចមួយ តែបម្រើប្រទេសជាតិ បង្រៀនក្មេងៗ បង្វឹកបាល់ទាត់ ហើយក៏ជាមនុស្សយកចិត្តទុកដាក់ចេះមើលថែអ្នកនៅក្បែរខ្លួន។

គួរជម្រាបផងថា ដោយផ្អែកតាមសារព័ត៌មាន CBS និង YouGov បានបង្ហាញការស្ទង់មតិក្រៅផ្លូវការទូទាំងប្រទេស គិតត្រឹមថ្ងៃទី១៦ ខែសីហ ថា ការគាំទ្រមកកាន់លោកស្រី កាមេឡា ហារីស ឲ្យក្លាយជាប្រធានាធិបតីមានចំនួនប្រហាក់ប្រហែល៤៩% រីឯការគាំទ្រចំពោះលោក ដូណាល់ ត្រាំ វិញមានត្រឹម៤៧% ប៉ុណ្ណោះ៕

The post មិនទាន់បោះឆ្នោតផង លោក អូបាម៉ា ចុចឈ្មោះបុគ្គលម្នាក់នេះ ថានឹងក្លាយជាប្រធានាធិបតីទី៤៧ របស់អាមេរិក appeared first on .

យោងតាមការចុះផ្សាយពីសារព័ត៌មាន Forbes បានបង្ហាញថា បន្ទាប់ពីទទួលបានដំណឹងដ៏គួរឲ្យតក់ស្លុតនេះហើយ មហាសេដ្ឋីអាមេរិកជាច្រើនរូបបាននាំគ្នា រៃអង្គាសប្រាក់ជូនដល់ជនរងគ្រោះ តាមរយៈគេហទំព័រ GoFundMe រហូតដល់ចំនួន ៤,៧លានដុល្លារឯណោះ។

ក្នុងនោះមហាសេដ្ឋីដែលបរិច្ចាគទឹកប្រាក់ច្រើនបំផុតនោះគឺ លោក Elon Musk បរិច្ចាគទឹកប្រាក់ ១សែនដុល្លារ មហាសេដ្ឋី Ken Griffin បរិច្ចាគ ១សែនដុល្លារ មហាសេដ្ឋី Steve Wynn បរិច្ចាគ ៥ម៉ឺនដុល្លារ ចៅហ្វាយក្រុង Florida លោក Rick Scott និងភរិយា បរិច្ចាគ ៥ម៉ឺនដុល្លារ រួមទាំងប្រធានសហព័ន្ធកីឡាគុនចម្រុះ UFC លោក Dana White ក៏ចូលរួមបរិច្ចាគ ៥ម៉ឺនដុល្លារផងដែរ។

សូមជម្រាបដែរថា ទឹកប្រាក់ដែលប្រមូលបានពីការរៃអង្គាសមួយនេះ នឹងត្រូវគ្រប់គ្រងដោយមូលនិធិលោក ដូណាល់ ត្រាំ ដោយលោកអះអាងថា នឹងយកទៅជួយដល់គ្រួសារជនរងគ្រោះ ដែលបានស្លាប់ និងរងរបួសក្នុងហេតុការណ៍ដ៏សោកសង្រេងមួយនេះ៕

The post មហាសេដ្ឋីអាមេរិកច្រើនរូប បរិច្ចាគទឹកប្រាក់ដល់ជនរងគ្រោះ ក្នុងហេតុការណ៍លួចធ្វើឃាតលោក ដូណាល់ ត្រាំ appeared first on .

កន្លងមក មេធំ Tesla គឺជាអ្នកគាំទ្រគណបក្សប្រជាធិបតេយ្យ ក៏ប៉ុន្តែមួយរយៈចុងក្រោយនេះ លោកបានបង្ហាញការមិនពេញចិត្តជាមួយការដឹកនាំ របស់គណបក្សប្រជាធិបតេយ្យ ជាពិសេសលើការសម្រេចចិត្ត ចំពោះជម្លោះព្រំដែន និងគ្មានផែនការច្បាស់លាស ដល់ការគាំទ្រចំពោះសហជីពការងារជាដើម។

សូមជម្រាបបន្ថែមថា ប៉ុន្មានខែចុងក្រោយនេះ Elon Musk តែងតែចេញមុខប្រឆាំងនូវចំណាត់ការរបស់រដ្ឋបាលប្រធានាធិបតីអាមេរិក ចូ បៃដិន និងគាំទ្រដល់លោក ដូណាល់ ត្រាំ តួយ៉ាងលោកបានបង្ហោះសារជូនពរលោក ត្រាំ ឲ្យឆាប់ជាសះស្បើយពីរបួស ជាមួយនឹងការគាំទ្ររូបលោកពេញទំហឹង ក្នុងការបោះឆ្នោតនាខែវិច្ឆិកាខាងមុខនេះ៕

The post PAC៖ មហាសេដ្ឋី Elon Musk នឹងបរិច្ចាគប្រាក់ ៤៥លានដុល្លាររៀងរាល់ខែ គាំទ្រដល់ដូណាល់ ត្រាំ appeared first on .

យោងតាមសេចក្តីថ្លែងការណ៍ ក្រុមហ៊ុន TMTG បានផ្សព្វផ្សាយជាសាធារណៈនូវការខាត់បង់ទឹកប្រាក់របស់ក្រុមហ៊ុនខ្លួនអស់ចំនួន ៣២៧,៦លានដុល្លារ ចាប់ពីខែមករាដល់ខែមីនា ហើយបើធៀបទៅនឹងត្រីមាសដំបូងដូចគ្នាកាលពីឆ្នាំមុនវិញ ក្រុមហ៊ុនខាតបង់ប្រាក់សុទ្ធអស់ចំនួន ២១០ ៣០០ដុល្លារប៉ុណ្ណោះ។

ក្នុងនោះ អតីតសមាជិកសភាមកពីគណបក្សសាធារណរដ្ឋ និងក៏ជានាយកប្រតិបត្តិ TMTG លោក Devin Nunes បានធ្វើការចោទប្រកាន់មូលនិធិការពារហានិភ័យថា បានគ្រប់គ្រងទីផ្សារដោយមិនត្រឹមត្រូវ ជាហេតុនាំឱ្យតម្លៃភាគហ៊ុនរបស់ TMTG មានការធ្លាក់ចុះ។

លើសពីនោះ ក្រុមហ៊ុនក៏បានបញ្ជាក់ដែរថា ការខាតបង់ប្រចាំត្រីមាសក៏មានការទាក់ទងទៅនឹងការទូទាត់មិនមែនជាសាច់ប្រាក់ (Non-Cash Expenses) ដែលមានតម្លៃដល់ទៅ ៣១១លានដុល្លារ រួមទាំងការសងបំណុលពីមុនៗផងដែរ។

គួរជម្រាបផងដែរថា អតីតប្រធានាធិបតីអាមេរិកលោក Donald Trump ក៏ជាម្ចាស់ភាគហ៊ុនម្នាក់របស់ក្រុមហ៊ុន TMTG ផងដែរ ពោលរូបលោកមានចំណែកភាគហ៊ុនដល់ទៅ៥៧,៣% ឯណោះ៕

The post ក្រុមហ៊ុនមេរបស់វេទិកាប្រព័ន្ធផ្សព្វផ្សាយ Truth Social របស់លោក Donald Trump ខាតបង់ប្រាក់ជិត ៣២៨លានដុល្លារ appeared first on .

សារព័ត៌មាន Reuters បានចុះផ្សាយយ៉ាងដូច្នេះថា​ ជំនួយការលោក Biden យល់ឃើញថា​ ការជជែកដេញដោលនឹងអាចធ្វើឲ្យលោក Trump ឈឺចាប់ ដ្បិតនឹងមានការលាតត្រដាងអំពីបញ្ហាផ្សេងៗ រួមទាំងរឿងរំលូតកូនជាដើម សុទ្ធសឹងតែអាចចាត់ទុកបានថា ជាចំណុចខ្សោយផ្នែកនយោបាយរបស់គាត់។

ទន្ទឹមនឹងនោះ ជំនួយការលោក Trump ក៏យល់ឃើញដែរថា​ លោក Biden នឹងបង្កើនការព្រួយបារម្ភអំពីសំឡេងឆ្នោត ដ្បិតលោកប្រធានាធិបតីមានវ័យ ៨១ឆ្នាំទៅហើយ ខណៈដែលលោក Trump វិញមានវ័យ ៧៨ឆ្នាំ នឹងចាក់សួររឿងនេះពេលជជែកដេញដោលដំបូងៗ។

គួរជម្រាបដែរថា​ ការជជែកដេញដោលលើកដំបូងនឹងត្រូវធ្វើឡើងបន្ទាប់ពីបញ្ចប់កិច្ចប្រជុំ G7 នៅក្នុងប្រទេសអ៊ីតាលីនាថ្ងៃទី១៥ ខែមិថុនា និងការកាត់ក្តីឧក្រិដ្ឋកម្មរបស់លោក Trump នៅទីក្រុងញូវយ៉ក។ មិនត្រឹមតែប៉ុណ្ណោះ ​ការជជែកដេញដោលក៏នឹងអាចទាក់ទាញទស្សនិកជនតាមទូរទស្សន៍បានរាប់សិបលាននាក់ តែយ៉ាងណាវាក៏មានផលលំបាកផងដែរសម្រាប់បេក្ខជនទាំងពីរ ព្រោះប្រឈមមុខតតាំងសម្តីគ្នាយ៉ាងតឹងតែង និងមានការសារទរតិចតួចប៉ុណ្ណោះពីអ្នកគាំទ្រ៕

The post លោក Biden និងលោក Trump យល់ព្រមជជែកដេញដោលពាក្យសម្តីទល់មុខគ្នា appeared first on .

ការចោទប្រកាន់ទាំងនោះ កើតមានឡើងបន្ទាប់ពីមានការស៊ើបអង្កេតដោយ​លោក Alvin Bragg មេធាវីក្រុង Manhattan មកពីគណបក្សប្រជាធិបតេយ្យ ក្រោយទទួលដំណឹងថាលោកត្រាំ ស្វែងរកការតែងតាំងពីគណបក្សសាធារណរដ្ឋដើម្បីឈរឈ្មោះម្តងទៀតនៅឆ្នាំ ២០២៤។ នេះបើតាមការចុះផ្សាយពី CNA។

យ៉ាងណា អតីតប្រធានាធិបតីអាមេរិករូបនេះអះអាងថា លោកមានភាពស្អាតស្អំ និងរក្សាគោល​ជំហរ​ក្នុងការ​ឈរឈ្មោះជា​បេក្ខភាព​ប្រធានាធិបតីបន្តទៀត។

សូមជម្រាបដែរថា ការចោទប្រកាន់ជាក់លាក់មិនទាន់ត្រូវបានដឹងទេ ហើយការចោទប្រកាន់ទំនងជានឹងត្រូវបិទ ដោយចៅក្រមនៅប៉ុន្មានថ្ងៃខាងមុខនេះ ខណៈលោកត្រាំ នឹង​ត្រូវ​ធ្វើ​ដំណើរ​ទៅទីក្រុង Manhattan ដើម្បី​ស្កេន​ក្រយៅដៃ និង​ចុះហត្ថលេខា​លើ​លិខិត​ផ្សេង​ទៀត​នាពេលនោះ៕

The post ដូណាល់ ត្រាំ ក្លាយជាអតីតប្រធានាធិបតីអាមេរិកតំបូង ប្រឈមនឹងការចោទប្រកាន់ព្រហ្មទណ្ឌ appeared first on .

សារព័ត៌មានបរទេសជាច្រើន បានរាយការណ៍ថា ការបើកឱ្យលោក ត្រាំ ប្រើប្រាស់ឡើងវិញ បន្ទាប់ពីលោក អ៊ីលុន ម៉ាស់ រៀបចំការស្ទង់មតិមួយដែលបង្ហាញថាមានការគាំទ្រភាគច្រើនចំពោះ សម្រេចចិត្តនេះពីអ្នកលេង Twitter ១៤.៨លាននាក់បានចូលរួម ហើយលទ្ធផលដែលត្រូវបានប្រកាស៤០នាទី មុនបិទបញ្ចប់ការបោះឆ្នោត បានបង្ហាញថាអត្រាអ្នកគាំទ្រឱ្យលោក ត្រាំ ប្រើប្រាស់គណនី Twitter របស់លោកឡើងវិញ មានចំនួន ៥១.៨ភាគរយ។

យ៉ាងណា ការសម្រេចចិត្តពីមហាសេដ្ឋី អ៊ីលុន ម៉ាស់ ត្រូវបានលោក ត្រាំ បដិសេធដោយនិយាយថា លោកមិនចាប់អារម្មណ៍ត្រឡប់មកប្រើ Twitter វិញនោះទេ ដោយបញ្ជាក់ថាលោកពេញចិត្តលេងបណ្ដាញទំនាក់ទំនងសង្គម Truth Social ដែលបង្កើតឡើងដោយក្រុមហ៊ុនបច្ចេកវិទ្យារបស់លោក គឺ Trump Media & Technology Group ពីព្រោះវាមានភាពល្អប្រសើរជាង Twitter។

គួររម្លឹកថា គណនី Twitter របស់លោក ត្រាំ ត្រូវបានបិទ កាលពីដើមឆ្នាំ២០២១ បន្ទាប់ពីត្រូវបានចោទប្រកាន់ថា បានញុះញង់ ឱ្យអ្នកគាំទ្ររូបលោកវាយប្រហារលើវិមាន Capitol កាលពីថ្ងៃទី៦ ខែមករាឆ្នាំ២០២១ ដើម្បីរារាំងការប្រកាសជ័យជម្នះរបស់លោក ចូ បៃដិន។

ការសម្រេចចិត្តបើកគណនី Twitter លោក ត្រាំឡើងវិញពីលោក អ៊ីលុន ម៉ាស់ ស្របពេលអតីតប្រធានាធិបតីអាមេរិករូបនេះប្រកាសចូលរួមក្នុង ការបោះឆ្នោតជ្រើសរើសប្រធានាធិបតីនៅឆ្នាំ២០២៤ខាងមុខ៕

The post មហាសេដ្ឋី អ៊ីលុន ម៉ាស់ បើកឱ្យអតីតប្រធានាធិបតីអាមេរិក ត្រាំ ប្រើប្រាស់ Twitter ឡើងវិញ appeared first on .

ថ្មីៗនេះ Forbes បាន​បញ្ចេញ​បញ្ជី​ឈ្មោះ​មហាសេដ្ឋី​អាមេរិក​មាន​បំផុត ៤០០ រូប​ជាលើក​ទី ៤១ ហើយ​ក្នុងនោះ​ក៏​មាន​វត្តមាន​របស់​អតីត​ថ្នាក់ដឹកនាំ​មហាអំណាចសេដ្ឋកិច្ចទី ១ លើ​លោក​ផងដែរ បន្ទាប់​ពី​លោក​មិនមាន​មុខ​ក្នុង​បញ្ជី​មួយ​នេះ​កាលពី​ឆ្នាំ​ទៅ។

យោងតាម​ការ​អះអាង​ពី Forbes បាន​ឲ្យ​ដឹង​ថា ទ្រព្យសម្បត្តិ​របស់ Donald Trump បាន​កើនឡើង​ពី ២,៥ ទៅ ៣,២ ពាន់​លាន​ដុល្លារ ហើយ​ក៏​បាន​ជួយ​ឲ្យ​មហាសេដ្ឋី​រូបនេះ​មាន​វត្តមាន​ក្នុង​បញ្ជី Forbes 400 នៅ​លេខរៀង​ទី ៣៤៣ ផងដែរ។

ការកើនឡើង​ទ្រព្យសម្បត្តិជាង ៧០០ លាន​ដុល្លារ​របស់​ Donald Trump គឺ​បាន​មក​ពី​ក្រុមហ៊ុន The Trump Media and Technology Group ដែលភាគហ៊ុន ៨០% សរុប គឺ​ជា​កម្មសិទ្ធិ​ផ្ទាល់ខ្លួន​របស់​អតីតប្រធានាធិបតី​អាមេរិក។

បើ​តាម​ការ​សន្និដ្ឋាន​ពី Forbes តម្លៃ​ភាគហ៊ុន​នៃ​ក្រុមហ៊ុន​ខាងលើ​គឺ ១០ ដុល្លារ/ហ៊ុន ស្របពេល​ Trump មាន​ភាគហ៊ុន ៧៣ លាន​ហ៊ុន​ក្នុងដៃ ដូច្នេះ​អ្នកជំនួញ​រូបនេះ​មាន​ ៧៣០ លាន​ដុល្លារ​ជាស្រេច៕

The post អតីតប្រធានាធិបតីអាមេរិក លេចមុខក្នុងបញ្ជី Forbes 400 ជាថ្មី ក្រោយបាត់ឈ្មោះមួយរយៈ appeared first on .

គួរឱ្យដឹងថា ការកើនឡើងយ៉ាង​គំហុក​​នេះ បានកើតឡើងបន្ទាប់ពីនាយកប្រតិបត្តិរបស់ក្រុមហ៊ុន Tesla លោក Musk បានប្រកាសកាលពីថ្ងៃសុក្រថា គាត់កំពុងដកខ្លួនចេញពីកិច្ចព្រមព្រៀង ក្នុងការទិញយកក្រុមហ៊ុនបណ្តាញសង្គម Twitter ដោយលើកឡើងអំពីកង្វះខាតព័ត៌មាន ជុំវិញភាគរយនៃគណនីក្លែងក្លាយ ។

រំលឹកផងដែរថា លោក Trump បានងាកទៅបង្កើតបណ្តាញសង្គមថ្មីមួយ ឈ្មោះថា Truth Social ស្ថិតនៅក្រោមការគ្រប់គ្រងរបស់ក្រុមហ៊ុន Trump Media & Technology Group ដែលជាកម្មវិធីស្រដៀងគ្នា ទៅនឹង Twitter ផងដែរ បន្ទាប់ពីអតីតប្រធានាធិបតីរូបនេះ ត្រូវបានហាមឃាត់ពី Twitter និង Facebook កាលពីខែមករា ឆ្នាំ ២០២១ ។

បញ្ជាក់ផងដែរថា បណ្តាញសង្គមថ្មីនេះ ហាក់ទទួលបានប្រជាប្រិយភាពយ៉ាងខ្លាំង តាមរយ:កេរ្តិ៍ឈ្មោះរបស់ លោក Trump ដែលអាចឱ្យអ្នកគាំទ្ររបស់អតីតប្រធានាធិបតី អាចប្រើប្រាស់ប្រព័ន្ធផ្សព្វផ្សាយសង្គមនេះ ធ្វើការប្រាស្រ័យទាក់ទងគ្នា ប៉ុន្តែបើនិយាយអំពីអ្នកប្រើប្រាស់វិញ វាហាក់មានចំនួនតិចតួចខ្លាំងណាស់ បើធៀបទៅនឹង Twitter ដោយបច្ចុប្បន្នមានអ្នកប្រើប្រាស់សកម្មប្រមាណ ២ លាននាក់ ខណ: Twitter មានអ្នកប្រើប្រាស់ដល់ទៅ ៣០០ លាននាក់ឯណោះ ៕

The post ភាគហ៊ុនបណ្តាញសង្គមរបស់ លោក Trump ហក់ឡើងខ្លាំង ក្រោយ Elon Musk ប្រកាសឈប់ទិញ Twitter appeared first on .