ក្រុមហ៊ុនខ្នាតយក្សអ៊ីតាលី Eni និង Petronas បណ្តាក់ទុនរកស៊ីរួមគ្នាលើវិស័យថាមពល នៅអាស៊ីអាគ្នេយ៍

ឧកញ៉ាសាមញ្ញ — Tue, 09 Jun 2026 08:32:12 +0000

ក្រុមហ៊ុន Eni របស់ប្រទេសអ៊ីតាលី និងក្រុមហ៊ុន Petronas របស់ប្រទេសម៉ាឡេស៊ី បានសម្រេចបង្កើតក្រុមហ៊ុនបណ្តាក់ទុនរួមគ្នាថ្មីមួយ ដោយបែងចែកភាគហ៊ុនម្នាក់ពាក់កណ្តាល លើអាជីវកម្មថាមពលនៅទូតាំងប្រទេសឥណ្ឌូណេស៊ី និងម៉ាឡេស៊ី បន្ទាប់ពីបានចុះហត្ថលេខាលើកិច្ចព្រមព្រៀងវិនិយោគមួយ កាលពីខែវិច្ឆិកាឆ្នាំមុន។ នេះបើតាមការចុះផ្សាយពីសារព័ត៌មាន CNA។

ជុំវិញការផ្លាស់ប្តូរនេះ គឺជាផ្នែកមួយនៃយុទ្ធសាស្រ្តផ្កាយរណបរបស់ក្រុមហ៊ុន Eni ដើម្បីបំបែកទ្រព្យសកម្មជាក់លាក់ និងអភិវឌ្ឍវាដោយឡែកពីគ្នា ដោយមានជំនួយពីដៃគូអាជីវកម្មរបស់ខ្លួន។

យ៉ាងណាមិញ ក្រុមហ៊ុនថ្មីដែលមានឈ្មោះថា Search នឹងចាប់ផ្តើមពីមូលដ្ឋានផលិតកម្មដំបូងជាង ៣០០ ០០០ បារ៉ែលក្នុងមួយថ្ងៃ និងបង្កើនដល់ ៥០០ ០០០ បារ៉ែលក្នុងមួយថ្ងៃ សម្រាប់រយៈពេលបីឆ្នាំខាងមុខ។ មិនតែប៉ុណ្ណោះ ក្រុមហ៊ុននេះ ក៏នឹងកាន់កាប់ផលប័ត្រទ្រព្យសកម្មផលិត និងអភិវឌ្ឍឧស្ម័នចំនួន ១៩ ផងដែរ ដោយក្នុងនោះ ១៤ កន្លែងនៅឥណ្ឌូណេស៊ី និង ៥ កន្លែងនៅម៉ាឡេស៊ី។

យោងតាម លោក Claudio Descalzi នាយកប្រតិបត្តិក្រុមហ៊ុន Eni បានមានប្រសាសន៍ថា ៖”Searah គឺជាអង្គភាពថ្មីដ៏រឹងមាំមួយនៅអាស៊ីអាគ្នេយ៍ ដោយរួមបញ្ចូលគ្នានូវជំនាញរបស់យើង ជាមួយក្រុមហ៊ុន Petronas ដើម្បីគាំទ្រដល់ការអភិវឌ្ឍធនធានថាមពលនៅឥណ្ឌូណេស៊ី និងម៉ាឡេស៊ី ជាមួយនឹងការប្តេជ្ញាចិត្តយ៉ាងមុតមាំចំពោះការការពារបរិស្ថាន និងកំណើនក្នុងស្រុក”។

គួរជម្រាបជូនផងដែរថា ជុំវិញការណ្តាក់ទុនរួមគ្នាបង្កើតក្រុមហ៊ុន Searah ថ្មីនេះ មានដើមទុនវិនិយោគសរុបប្រមាណ ២០ពាន់លានដុល្លារ៕

The post ក្រុមហ៊ុនខ្នាតយក្សអ៊ីតាលី Eni និង Petronas បណ្តាក់ទុនរកស៊ីរួមគ្នាលើវិស័យថាមពល នៅអាស៊ីអាគ្នេយ៍ appeared first on .

អស់ពី TotalEnergies ឥឡូវក្រុមហ៊ុនខ្នាតយក្សអ៊ីតាលីមួយ ប្រកាសចូលរួមក្នុងគម្រោងហ្គាស់របស់កាតា

ឧកញ៉ាសាមញ្ញ — Mon, 20 Jun 2022 07:04:09 +0000

កាលពីថ្ងៃអាទិត្យ ក្រុមហ៊ុនខ្នាយយក្សរបស់អ៊ីតាលី Eni បានប្រកាសចូលរួមនៅក្នុងគម្រោងរបស់ក្រុមហ៊ុន Qatar Energy ដើម្បីពង្រីកផលិកកម្ម ពីតំបន់បូមយកហ្គាស់ ដ៏ធំបំផុតរបស់ពិភពលោក ពោលគឺនៅត្រឹមប៉ុន្មានថ្ងៃប៉ុណ្ណោះ បន្ទាប់ពីប្រទេសរុស្ស៊ី បានកាត់បន្ថយការផ្គត់ផ្គង់ហ្គាស់របស់ខ្លួន ទៅឱ្យប្រទេសអ៊ីតាលី ។

បើយោងតាមការចុះផ្សាយពីកាសែត Bangkok Post បានបង្ហាញថា នាយកប្រតិបត្តិរបស់ក្រុមហ៊ុន Qatar Energy បាននិយាយនៅក្នុងពិធីចុះហត្ថលេខា នៅទីក្រុង Doha ថា Eni នឹងទទួលបានសិទ្ធិកាន់កាប់ភាគហ៊ុនត្រឹមតែ ៣% នៅក្នុងគម្រោងហ្គាស់ North Field East ដែលមានតម្លៃសរុបប្រមាណ ២៨ ពាន់លានដុល្លារ ។

គួរឱ្យដឹងថា ប្រទេសកាតា ក៏បានប្រកាសអំពីការចូលរួមរបស់ក្រុមហ៊ុន TotalEnergies របស់ប្រទេសបារាំងផងដែរ ខណ:ពួកគេ គឺជាដៃគូបរទេសដំបូងគេ និងធំបំផុតរបស់ខ្លួន ទៅលើការអភិវឌ្ឍន៍គម្រោងនេះ កាលពីសប្តាហ៍មុន ជាមួយនឹងចំណែកភាគហ៊ុនប្រមាណ ៦,២៥% ។

ជាមួយនឹងការឈ្លានពានរបស់ប្រទេសរុស្ស៊ី ទៅលើអ៊ុយក្រែន ដែលកំពុងបន្ត បានធ្វើឱ្យក្រុមហ៊ុនថាមពលធំៗជាច្រើន នៅជុំវិញពិភពលោក ត្រូវងាកទៅស្វែងរកប្រភពថាមពលថ្មី ខណ:ពេលដែលបណ្តាប្រទេសលោកខាងលិច ព្យាយាមកាត់បន្ថយការពឹងផ្អែកទាំងស្រុង ទៅលើរុស្ស៊ី ។

មិនតែប៉ុណ្ណោះ កាលពីថ្ងៃសុក្រ ក្រុមហ៊ុន Eni បាននិយាយថា ខ្លួនទទួលបានត្រឹមតែ ៥០% ប៉ុណ្ណោះ នៃហ្គាស់ ដែលបានស្នើសុំពីក្រុមហ៊ុន Gazprom របស់រុស្ស៊ី ខណ:នេះគឺជាថ្ងៃទី ៣ ហើយដែលការផ្គត់ផ្គង់ហ្គាស់ពីក្រុមហ៊ុនធំបំផុតរបស់រុស្ស៊ី ត្រូវបានកាត់បន្ថយ ។ ហើយជាមួយបញ្ហានេះ រដ្ឋាភិបាលរបស់អ៊ីតាលី បានចោទប្រកាន់ទៅកាន់ក្រុមហ៊ុន Gazprom ថាបានបោកប្រាស់ ជុំវិញការកាត់បន្ថយនេះ ដែលជាលទ្ធផល ធ្វើឱ្យពួកគេ ត្រូវស្វែងប្រភពថាមពលថ្មី ៕

The post អស់ពី TotalEnergies ឥឡូវក្រុមហ៊ុនខ្នាតយក្សអ៊ីតាលីមួយ ប្រកាសចូលរួមក្នុងគម្រោងហ្គាស់របស់កាតា appeared first on .