នាយកប្រតិបត្តិក្រុមហ៊ុន លោក Benedetto Vigna បាននិយាយថា Ferrari ដែលធ្លាប់តែជាក្រុមហ៊ុនផលិតរថយន្តបែបស្ព័រមានកម្លាំងម៉ាស៊ីនខ្លាំង ប៉ុន្តែបានត្រៀមខ្លួនរួចជាស្រេចហើយ ដើម្បីចូលរួមក្នុងការប្រកួតប្រជែងក្នុងទីផ្សាររថយន្ត EV ដែលកំពុងមានភាពរីកចម្រើនខ្លាំង ជាមួយនឹងការដាក់បង្ហាញរថយន្តអគ្គិសនីដំបូងបំផុតរបស់ខ្លួន នាថ្ងៃទី៩ ខែតុលា នៅទីស្នាក់ការកណ្តាល Maranello របស់ក្រុមហ៊ុន នៅក្នុងប្រទេសអ៊ីតាលីផ្ទាល់តែម្តង។

ទន្ទឹមនឹងនេះ លោក Vigna បានបដិសេធមិនផ្តល់ព័ត៌មានលម្អិតណាមួយបន្ថែមទៀតអំពីម៉ូដែលរថយន្តអគ្គិសនីថ្មីនេះនៅឡើយទេ ដោយគ្រាន់តែបង្ហើបត្រួសៗថា រថយន្ត EV របស់ខ្លួននឹងចេញមកតាមរបៀបប្លែក និងច្នៃប្រឌិតបំផុត ខុសពីរថយន្ត EV ដទៃទៀត។

លោក Vigna បានបន្តទៀតថា រថយន្តអគ្គិសនី Ferrari នឹងក្លាយជាម៉ូដែលថ្មីមួយក្នុងចំណោមម៉ូដែលថ្មីៗចំនួនប្រាំមួយផ្សេងទៀត ដែលក្រុមហ៊ុនគ្រោងនឹងដាក់ចេញលក់ នៅឆ្នាំនេះ ដោយបន្ថែមថាផែនការរបស់ខ្លួននឹងមិនរងផលប៉ះពាល់ដោយសារគោលនយោបាយពន្ធគយរបស់លោក ត្រាំ នៅសហរដ្ឋអាមេរិក ឬដោយសារហានិភ័យនៃសង្គ្រាមពាណិជ្ជកម្ម នោះឡើយ។

ជម្រាបជូនផងដែរថា Ferrari បានចាប់ផ្តើមផ្តល់ជូននូវម៉ូដែលកូនកាត់ ដល់អតិថិជនសុទ្ធតែជាអ្នកមានទ្រព្យសម្បត្តិស្តុកស្តម្ភរបស់ខ្លួនរួចទៅហើយ កាលពីក្នុងឆ្នាំ២០១៩ ដោយក្នុងនោះការលក់រថយន្តប្រភេទកូនកាត់ Hybrids មានចំនួនដល់ទៅ ៥១% នៃការលក់រថយន្តសរុបរបស់ខ្លួន នៅក្នុងឆ្នាំ២០២៤។

មិនតែប៉ុណ្ណោះ ក្រុមហ៊ុនផលិតរថយន្តខ្នាតយក្សរបស់អ៊ីតាលី កាលពីថ្ងៃអង្គារ បានព្យាករថាប្រាក់ចំណូលរបស់ខ្លួនមុនពេលបង់ពន្ធ អាចនឹងកើនឡើងដល់យ៉ាងហោចណាស់ ២,៦៨ពាន់លានអឺរ៉ូ (២,៧៧ពាន់លានដុល្លារ) ក្នុងឆ្នាំ២០២៥ នេះ ពោលគឺកើនឡើងពី ២,៥៦ពាន់លានអឺរ៉ូ ក្នុងឆ្នាំ២០២៤៕

The post Ferrari គ្រោង​បញ្ចេញរថយន្ត​អគ្គិសនី​​ដំបូងរបស់ខ្លួន ​ក្នុង​ប្រទេស​អ៊ីតាលី​ នា​ខែ​តុលា​ខាងមុខ appeared first on .

ក្រុមហ៊ុនរថយន្តអ៊ីតាលីមួយនេះ បានបន្ថែមទៀតថា រថយន្តអគ្គិសនីដំបូងរបស់ពួកគេ នឹងលេចវត្តមានលើទីផ្សារនៅក្នុងឆ្នាំក្រោយ ខណៈតម្លៃជាងកន្លះលានដុល្លារនេះ គឺមិនថ្លៃឡើយ ដោយសារអតិថិជនគោលដៅរបស់ Ferrari សុទ្ធតែជាអភិជន លុយរាប់រយលានដុល្លារ។

ទោះជាតម្លៃថ្លៃដល់ទៅជាងកន្លះលានដុល្លារមែន តែតម្លៃរថយន្តអគ្គិសនីរបស់ Ferrari នេះ មិនបានរាប់បញ្ចូលពីគ្រឿងតុបតែងបន្ថែមទៀត ដែលជាទូទៅអតិថិជនរបស់ Ferrari អាចមានសិទ្ធឲ្យក្រុមហ៊ុនរចនាផ្ទៃខាងក្នុង ពណ៌ ក៏ដូចជាយ៉ាន់រថយន្ត ឲ្យមានលក្ខណៈខុសប្លែកពីរថយន្តធម្មតា ដោយតម្រូវឲ្យបង់ប្រាក់បន្ថែមចន្លោះពី ១៥ ទៅ ២០% នៃថ្លៃដើមរថយន្ត។

សូមជម្រាបដែរថា Ferrari បានប្រកាសថា គម្រោងផលិតរថយន្តអគ្គិសនីរបស់ខ្លួន អាចនឹងបង្កើនប្រាក់ចំណូលដល់ក្រុមហ៊ុនបន្ថែមមួយកម្រិតទៀត ដោយសារវិស័យរថយន្តអគ្គិសនី កំពុងមានតម្រូវការខ្លាំង ដ្បិតគូប្រជែងធំៗដូចជា Porsche ជាដើម សុទ្ធតែបានងាកមកផលិតរថយន្តអគ្គិសនីជាបណ្ដើរៗហើយ៕

The post ក្រុមហ៊ុនរថយន្តកំពូល Ferrari គ្រោងចេញលក់រថយន្តអគ្គិសនីដំបូង តម្លៃជាងកន្លះលានដុល្លារ appeared first on .

ចំនួនអតិថិជនដែលជាមនុស្សស្រីនៅប្រទេសចិន របស់ក្រុមហ៊ុន Ferrari គឺមានរហូតដល់ ២៦% ក្នុងរយៈពេល ២៦ឆ្នាំចុងក្រោយ ខណៈតួលេខមួយនេះមិនរាប់បញ្ចូលពីទិន្នន័យនៅទីក្រុង​ហុងកុង និងកោះតៃវ៉ាន់ឡើយ។ នេះបើតាមការចុះផ្សាយពីសារព័ត៌មាន SCMP។

តួលេខនៃការលក់រថយន្តសរុបរបស់ក្រុមហ៊ុន Ferrari នៅប្រទេសចិន ទីក្រុងកុងហុង និង​កោះតៃវ៉ាន់ កើនឡើងជិត ១ ៦០០គ្រឿង ដែលច្រើនជាងទ្វេដង បើធៀបនឹងរយៈពេល ៥ឆ្នាំមុន ខណៈអ្នកគ្រប់គ្រងជាន់ខ្ពស់ក្រុមហ៊ុនរថយន្តអ៊ីតាលី សុំមិនបញ្ចេញតួលេខជាក់លាក់ ពីការទិញរថយន្តរបស់អតិថិជនស្រីៗឡើយ។

សូមជម្រាបបន្ថែមថា ទីផ្សារសម្ភារៈនិយមនៅប្រទេសចិន​ហាក់មានកំណើនវិជ្ជមានឡើងវិញ បន្ទាប់ពីមានការលុបចោលនូវវិធានការរឹតបន្តឹងកូវីដ ១៩ កាលពីដើមឆ្នាំនេះ ខណៈវិនិយោគិន​បរទេសធំៗជាច្រើនរូប ចាប់ផ្ដើមបោះទុនជាបន្តបន្ទាប់នៅប្រទេសចិនឡើងវិញ៕

The post ក្រុមហ៊ុនរថយន្តស្ព័រ Ferrari ត្រូវប៉ាន់ខ្លាំងលើទីផ្សារចិន ជាមួយអតិថិជនជាមនុស្សស្រី appeared first on .

យោង​តាម​ការ​ចុះផ្សាយ​ពី Bleedingedgedigital បាន​ឲ្យ​ដឹងថា Mercedes-Benz 300 SLR Uhlenhaut Coupe គឺ​ផលិត​ឡើង​តែ ២ គ្រឿង​គត់​នៅ​ឆ្នាំ ១៩៥៥ ដោយ​បាន​ដាក់​ឈ្មោះ​តាម​អ្នក​ផលិត និង​ប្រធាន​វិស្វករ Rudolf Uhlenhaut។

រថយន្ត​ដ៏​ប្រណីត​ប្រភេទ​នេះ​មាន​តម្លៃ​ថ្លៃ ដោយសារ​តែ​វា​ជា​វត្ថុ​កម្រ មាន​ល្បឿនលឿន និង​គុណភាព​នៃ​រថយន្ត ស្របពេល​រថយន្ត​ដែល​ដាក់​ដេញថ្លៃ​នេះ​គឺជា​កម្មសិទ្ធិ​របស់​បុគ្គល​ដែល​ចូលចិត្ត​ប្រមូល​រថយន្ត​ទុក ខណៈ​មួយ​គ្រឿង​ទៀត​គឺ​កំពុង​ដាក់​តាំងនៅ​សារមន្ទីរ Mercedes Museum នៅ​ទីក្រុង Stuttgart។

រថយន្ត​ដ៏​ប្រណីត​មួយ​នេះ​បំពាក់​មក​ជាមួយ​នូវ​ម៉ាស៊ីន ៣ លីត្រ ស៊ីឡាំង ៨ វា​អាច​ផលិត​កម្លាំង​ដល់ ៣១០ Hp ឬ​អាច​បើកបរ​ដល់​ល្បឿន ៣០០ គម/ម៉ោង និង​មាន​ចង្កឹះ​លេខ​ដៃ ៥ វគ្គ​ផងដែរ។ នេះ​បើតាម​ការ​ចុះផ្សាយ​ពី Supercar។

សូម​ជម្រាប​ដែរ​ថា រថយន្ត​ដ៏​កម្រ​មួយ​នេះ​ត្រូវបាន​ដាក់​ដេញថ្លៃ​កាលពី​ថ្ងៃទី ២២ ឧសភា ហើយ​ត្រូវបាន​លក់ចេញ​ក្នុង​តម្លៃ​ប្រមាណ ១៤៣ លាន​ដុល្លារ ជាប់ជា​រថយន្ត​ដេញថ្លៃ​មាន​តម្លៃ​ថ្លៃ​បំផុត​ប្រចាំប្រវត្តិ​សាស្ត្រ ស៊ីដាច់​រថយន្ត Ferrari 250 GTO ដែល​ធ្លាប់​លក់​ចេញ​ក្នុង​តម្លៃ​ប្រហែល ៧០ លាន​ដុល្លារ​កាលពី​ឆ្នាំ ២០១៨៕

The post ឡាន​​ Mercedes-Benz ផលិត​តែ ២ គ្រឿង​លើ​លោក ជាប់​ជា​ឡាន​ថ្លៃ​បំផុត​ប្រចាំ​ប្រវត្តិសាស្ត្រ appeared first on .

ទើប​នឹង​ដាក់​ឈ្មោះ JB ចូល​ក្នុង​ Black List មិន​បាន​ប៉ុន្មាន​ផង ស្រាប់តែ​ថ្មីៗ​នេះ​លឺ​ល្ហៀងៗ​មក​ទៀត​ថា ក្រុមហ៊ុន​អ៊ីតាលី​បាន​កំណត់​មុខ​សញ្ញា​ថ្មី​គឺ តារា​សម្ដែង Kim Kardashian ដែល​មាន​ទ្រព្យសម្បត្តិ​ពាន់​លាន​ដុល្លារ​ចូល​ក្នុង​ការ​ហាម​ឃាត់​សម្រាប់​ការ​ទិញ​រថយន្ត​មួយ​ចំនួន​ផង​ដែរ។​

យោង​តាម​ការ​បកស្រាយ​ពី​អ្នកនាំពាក្យ​ក្រុមហ៊ុន Ferrari បាន​ឲ្យ​ដឹង​ថា ក្រុមហ៊ុន​មិន​បាន​ហាម​បុគ្គល​ទាំងនោះ​ក្នុង​ការ​ទិញ​រថយន្ត Ferrari គ្រប់​ប្រភេទ​ឡើយ ពោល​គ្រាន់តែ​ពួកគេ​គ្មាន​សិទ្ធ​ក្នុង​ការ​ទិញ​រថយន្ត​ប្រភេទ Limited Edition ឬ​ប្រភេទ Exclusive ឡើយ ដោយសារ​បាន​ល្មើស​នឹង​លក្ខខណ្ឌ​ក្រុមហ៊ុន​មួយ​ចំនួន។

បញ្ជាក់​ដែរ​ថា Ferrari អាច​និយាយ​បាន​ថា មិនមែន​ត្រឹម​ជា​ក្រុមហ៊ុន​លក់​តែ​ផលិតផល​ឡើយ ពោល​គឺ​ពួកគេ​តែងតែ​បារម្ភ និង​យកចិត្ត​ទុកដាក់​ចំពោះ​កិត្តិយស​នៃ​ក្រុមហ៊ុន​ណាស់ ដ្បិត​រាល់ពេល​លក់​រថយន្ត​បែប Limited Edition ម្ដងៗ ពួកគេ​មាន​សិទ្ធ​ជ្រើសរើស​ភ្ញៀវ​ មិនមែន​មាន​លុយ​ចេះ​តែ​អាច​ទិញ​បាន​ឡើយ៕

ប្រភព: Marca

The post អស់​ពី JB ក្រុមហ៊ុន Ferrari ដាក់​ឈ្មោះមហាសេដ្ឋី​ម្នាក់​ទៀត​​ក្នុង​បញ្ជី​ខ្មៅ​ក្នុង​ការ​ទិញ​រថយន្ត appeared first on .

លោក Felisa ធ្លាប់​ដឹកនាំ​ក្រុមហ៊ុន Ferrari ចន្លោះ​ពី​ឆ្នាំ ២០០៨ ដល់ ២០១៦ ខណៈ​ដែល​ក្រុមហ៊ុន​រថយន្ត​ទំនើប​មួយ​នេះ​នៅ​ជា​ចំណែក​មួយ​នៃ​ក្រុមហ៊ុន Fiat Group នៅ​ឡើយ ហើយ​មូលហេតុ​ដែល Aston Martin សម្រេច​យក​រូប​លោក​មក​កាន់​តំណែង CEO ដោយសារ ចង់​ផ្ដោត​សំខាន់​លើ​ចក្ខុវិស័យ​ផលិត​រថយន្ត​អគ្គិសនី​ទាំងអស់​នៅ​ឆ្នាំ ២០២៥។

ទន្ទឹម​នឹង​នោះ ម្ចាស់​ភាគហ៊ុន​ធំ​បំផុត​នៃ​ក្រុមហ៊ុន​ផលិត​រថយន្ត​ទំនើប​អង់គ្លេស គឺ​មហាសេដ្ឋី Lawrence Stroll បាន​បង្ហើប​ឲ្យ​ដឹង​ថា គោលបំណង​បន្ទាប់​របស់ Aston Martin គឺ​នឹង​បើក​ទទួល​ការ​កុម្ម៉ង់​កែច្នៃ​រថយន្ត​តាម​ចំណង់ចំណូលចិត្ត​របស់​អតិថិជន ដើម្បី​ប្រកួតប្រជែង​ជាមួយ​ក្រុមហ៊ុន Ferrari។

ក្រៅពី​ចុច​ឈ្មោះ​លោក Felisa ជា CEO ថ្មី​ប្រចាំ​ក្រុមហ៊ុន​ Aston Martin ក៏​បាន​ចាត់តាំង​លោក Roberto Fedeli ដែលជា​អតីត​ថ្នាក់ដឹកនាំ​ក្រុមហ៊ុន Ferrari និង BMW មក​កាន់កាប់​តំណែង​ប្រធានផ្នែកបច្ចេកទេស​នៃ​ក្រុមហ៊ុន​ផង​ដែរ៕

ប្រភព: RT

The post Aston Martin ចាត់តាំង​អតីត​មេធំ Ferrari មក​បន្ត​តំណែង CEO ប្រចាំ​ក្រុមហ៊ុន appeared first on .

ឡាន​ Ferrari ដែល​មាន​តម្លៃ​ទាប​បំផុត​គឺ​ប្រហែល​ជាង ២០ ម៉ឺន​ដុល្លារ​ផ្អែក​តាម​ទីផ្សារ​ក្រៅ​ប្រទេស ខណៈ​ក្រុមហ៊ុន​អ៊ីតាលី​មួយ​នេះ​ក៏​មាន​វិន័យ​តឹងរ៉ឹង​មួយ​ផង​ដែរ គឺ​មិនមែន​មាន​លុយ​ចេះតែ​អាច​ទិញ​ផលិតផល​របស់​ពួកគេ​បាន​នោះ​ទេ។

ជាក់ស្ដែង កាលពី​ពេលថ្មីៗនេះ ក្រុមហ៊ុន​អ៊ីតាលី​ខាងលើ​បាន​ដាក់​ឈ្មោះ​តារា​ចម្រៀង​កាណាដា Justin Bieber ចូល​ក្នុង​បញ្ជី​ខ្មៅ ហាម​លក់​រថយន្ត​ឲ្យ​បុគ្គល​ម្នាក់​នេះ​តទៀត បន្ទាប់​ពី​តារា​ចម្រៀង​ល្បី​ឈ្មោះ​ខាងលើ​ធ្វើ​ខុស​វិន័យ​ក្រុមហ៊ុន​។

ក្រុមហ៊ុន Ferrari បាន​ចេញ​វិន័យ​ទៅ​កាន់​អតិថិជន​របស់​ពួកគេ ក្នុង​ការ​ព្យាយាម​ថែរក្សា​សភាព​ដើម​នៃ​រថយន្ត និង​ចូលរួម​គោរព​ច្បាប់​ចរាចរណ៍ ក៏​ប៉ុន្តែ​ Justin Bieber បាន​ល្មើស​នឹង​វិន័យ​ខាងលើ ពោល​គឺ​បាន​ចត​រថយន្ត Ferrari របស់​គេ​ដល់​ទៅ ២​ សប្ដាហ៍ ទាំង​មិន​ចាំ​កន្លែង​ចត​យានយន្ត ហើយ​ត្រូវបាន​ភ្នាក់ងារ​ក្រុមហ៊ុន​ទៅ​យក​ឡាន​នោះ​មក​វិញ។

មិន​តែប៉ុណ្ណោះ តារា​ចម្រៀង​ខាងលើ​ធ្លាប់​បាន​តុបតែង​រថយន្ត Ferrari របស់​គេ​ដោយ​ប្ដូរ​ពណ៌​រថយន្ត​ទាំងស្រុង និង​បាន​ដាក់​ដេញ​ថ្លៃ​លក់​ថែម​ទៀត ដែល​នេះ​គឺ​ល្មើស​ពី​វិន័យ​ដែល​ក្រុមហ៊ុន​បាន​ដាក់​ទាំងស្រុង ហើយ​ចាប់​តាំងពី​មាន​ហេតុការណ៍​នោះ​មក Ferrari បាន​សម្រេច​ចិត្ត​ឈប់​លក់​រថយន្ត​ពួកគេ​ទៅ​ឲ្យ Justin Bieber ត​ទៀត​ហើយ៕

ប្រភព: Marca

The post ទោះ​មាន​លុយ​រយ​លាន​ដុល្លារ​ក៏​ទិញ​លែង​បាន Ferrari ដាក់​ឈ្មោះ​តារា​ចម្រៀង​ល្បី​ម្នាក់​ចូល​បញ្ជី​ខ្មៅ appeared first on .