ថ្លែងនៅក្នុងសន្និសីទសារព័ត៌មានផ្លូវការ ស្ដីពីការប្រកួត «CAMBO RAPPER» លោកជំទាវឧកញ៉ា ឡេង បញ្ចពណ៌ តំណាងអ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុនហ្គាឡាក់ស៊ី ណាវាត្រា គ្រុប មានប្រសាសន៍ថា៖ “តាងនាមឱ្យផលិតកម្ម ខ្ញុំសូមថ្លែងអំណរគុណយ៉ាងជ្រាលជ្រៅចំពោះក្រុមហ៊ុនខ្មែរ ប៊ែវើរីជីស (KHB) និងស្ថានីយ៍ទូរទស្សន៍ CTN ដែលផ្តល់កិច្ចសហការក្នុងការរៀបចំកម្មវិធីដ៏ពិសេសនេះ។ ផលិតកម្ម Galaxy Navatra តែងតែបានជំរុញ និងព្យាយាមប្រមូលផ្តុំតារាចម្រៀងរ៉េបដែលមានសមត្ថភាពនិងព្រមទាំងបានជំរុញដុសខាត់សមត្ថភាពប្អូនៗជំនាន់ក្រោយជាច្រើនរូបក្នុងវិស័យចម្រៀងរ៉េបនេះ។ផលិតកម្ម Galaxy Navatra មានមហិច្ឆិតាខ្ពស់ក្នុងការចូលរួមអភិវឌ្ឍនិងពង្រឹងវិស័យរ៉េបនេះឱ្យកាន់តែឈានឆ្ពោះទៅមុខជាលំដាប់។

ក្នុងឱកាសនោះដែរ លោកជំទាវឧកញ៉ា ឡេង បញ្ចពណ៌ បន្ថែមទៀតថា៖ “ត្បិតថា កម្ពុជា បានបោះជំហានក្រោយគេនៅលើឆាកអន្តរជាតិពិតមែន តែតារារ៉េបកម្ពុជាមានភាពលេចធ្លោ និងទទួលបានការចាប់អារម្មណ៍យ៉ាងសម្បើមពីមហាជនទាំងក្នុងនិងក្រៅប្រទេស។ តារាចម្រៀងរ៉េបដែលមានសមត្ថភាព ត្រូវចេះទាំងការនិពន្ធទំនុកច្រៀង និពន្ធបទភ្លេង និងជាពិសេសមានទឹកដមសម្លេងអាចច្រៀងរ៉េប ទៅតាមស្ទាយរបស់ខ្លួន ខុសប្លែកពីគេទៀតផង។”

កម្មវិធី «CAMBO RAPPER» នឹងកាន់តែពិសេស ហើយប្លែកពីកម្មវិធីប្រឡងចម្រៀងដទៃទៀត ជាមួយវត្តមាន Coach ពិសេសៗ និងវត្តមានគណៈកម្មការពិសេសនៅក្នុងកម្មវិធី ដោយមិនបញ្ចេញមុខ (Secret Coach) ជាដើម។ កាន់តែពិសេសទៀតនោះ កម្មវិធីមានប្រភេទ Theme និងនីតិវិធីជ្រើសរើសក្នុងវគ្គនីមួយៗ ដែលមានលក្ខណៈថ្មី មិនដែលមានពីមុនមក និងប្រកបដោយភាពរំភើប ញាប់ញ័រ ភ្ញាក់ផ្អើល និងមិនអាចទាយដឹងមុនបាន នៅគ្រប់ៗវគ្គ មានភាពពិសេសទាំងការប្រកួតប្រជែងសង្គ្រាមចង្វាក់ភ្លេង ពាក្យពេជន៍ កាយវិការ និងទឹកដមនៃការ Rap ពីសំណាក់បេក្ខជនគ្រប់ៗរូប និងអាចបង្កើតនូវចំណីអារម្មណ៍ថ្មីសម្រាប់ទស្សនិកជនទូទាំងប្រទេស កម្ពុជា។

សូមជម្រាបជូនថា ការប្រកួតនឹងចាប់ផ្តើមនាពេលឆាប់ៗខាងមុខហើយនឹងមានការជ្រើសរើសបេក្ខជនបេក្ខនារីជាច្រើនរូបដើម្បីប្រកួត ប្រជែង។ កម្មវិធីនេះនឹងប្រព្រឹត្តទៅក្នុងរយៈពេល 16 សប្តាហ៍ ដែលតម្រូវឲ្យបេក្ខជន បេក្ខនារីចូលរួមប្រកួតដើម្បីដណ្ដើមជ័យលាភី និងប្រាក់រង្វាន់រហូតដល់ទៅ ១០០លានរៀលនិងនាឡិកាពេជ្រតំណាងឱ្យពានរង្វាន់ ក្រៅពីប្រាក់រង្វាន់ធំ កម្មវិធីក៏ផ្តល់ជូនបេក្ខជនម្ចាស់ជ័យលាភី នូវឱកាសក្លាយទៅជាតារាចម្រៀងកុងត្រានៅក្នុងផលិតកម្ម Galaxy Navatra និងមានឱកាស Collaboration ជាមួយរៀមច្បងល្បីៗនិងមានទេពកោសល្យរបស់ផលិតកម្មផងដែរ៕

The post កម្មវិធីប្រឡងចម្រៀងរ៉េប CAMBO RAPPER ម្ចាស់ជ័យលាភី ១០០លានរៀល សហការរៀបចំរវាងផលិតកម្ម Galaxy Navatra ក្រុមហ៊ុនខ្មែរ ប៊ែវើរីជីស នឹងចាក់បញ្ចាំងលើស្ថានីយ៍ទូរទស្សន៍ CTN appeared first on .

ក្នុងបរិយាកាសប្រកបដោយក្តីខ្សឹកខ្សួលរំជួលចិត្តនេះ អ្នកឧកញ៉ា និងគណៈប្រតិភូ Galaxy Navatra Group បានចូលរួមរំលែកមរណទុក្ខដោយក្តីសោក ស្តាយស្រណោះអាឡោះអាល័យនិងសោកសង្រេងជាទីបំផុតជាមួយ សម្តេចអគ្គមហាសេនាបតីតេជោ និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ព្រមទាំងក្រុមគ្រួសារ ចំពោះការបាត់បង់ដ៏ធំធេងនូវបង ប្រុសធំ បងថ្លៃ បិតា បិតាក្មេក និងជីតាជាទីគោរពស្រឡាញ់ដ៏ជ្រាលជ្រៅ ប្រកបដោយព្រហ្មវិហារធម៌ និងទឹកចិត្ត សណ្ដោសប្រណីដ៏ថ្លៃថ្លាបំផុត ដែលក្នុងមួយជីវិតរបស់លោកបានតស៊ូលះបង់មិនខ្លាចនឿយហត់ ពុះពារចិញ្ចឹម បីបាច់ថែរក្សា និងផ្គត់ផ្គង់ទំនុកបម្រុងដល់ក្រុមគ្រួសារ។

មរណភាព ឯកឧត្តម អ្នកឧកញ៉ា ឧត្តមមេតី វិសិដ្ឋ ហ៊ុន សាន គឺជាការបាត់បង់ឥស្សរជនជាន់ខ្ពស់មួយរូប ដែលបានខិតខំប្រឹងប្រែងយកអស់កម្លាំងកាយ កម្លាំងចិត្ត ប្រាជ្ញា និងស្មារតី ក្នុងបុព្វហេតុបម្រើជាតិ សាសនា ព្រះមហាក្សត្រ និងប្រជាជនកម្ពុជា ។ គុណបំណាច់ ដ៏ធំធេងនេះ យើងខ្ញុំនឹងចងចាំទុកក្នុងជម្រៅនៃដួងចិត្តយើងខ្ញុំទាំងអស់គ្នា។

ក្នុងវេលាដ៏សែនរន្ធត់ក្រៀមក្រំនេះ អ្នកឧកញ៉ា និងគណៈប្រតិភូ បានលើកដៃឧទ្ទិសបួងសួងសូមឱ្យដួងវិញ្ញាណ ក្ខន្ធរបស់ ឯកឧត្តម អ្នកឧកញ៉ា ឧត្តមមេត្រីវិសិដ្ឋ សូមឆាប់បានចាប់បដិសន្ធិនៅទីឋានបរមសុខក្នុង សុគតិភពកុំបីឃ្លៀងឃ្លាតឡើយ៕

The post អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group អញ្ជើញគោរពវិញ្ញាណក្ខន្ធសព ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន appeared first on .

ការចុះ MoU នេះធ្វើឡើងក្រោមអធិបតីភាពលោក នេត ភក្រ្តា រដ្ឋមន្រ្តីក្រសួងព័ត៌មាន និងប្រធានគណៈកម្មការទទួលបន្ទុកផ្សព្វផ្សាយអប់រំ តំណាងលោកសន្តិបណ្ឌិត នេត សាវឿន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដោយមានការចូលរួមពីសំណាក់រដ្ឋលេខាធិការ អនុរដ្ឋលេខាធិការ ក្រសួង ស្ថាប័នពាក់ព័ន្ធ ភ្ញៀវអន្តរជាតិ ក៏ដូចជាអ្នកឧកញ៉ា ឧកញ៉ា លោក លោកស្រី តំណាងក្រសួង ស្ថាប័ន តំណាងវិស័យសិល្បៈខ្មែរសរុបជិត៣០០នាក់។

នាយឧត្តមសេនីយ៍ មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន ក្នុងនាមអាជ្ញាធរជាតិប្រយុទ្ធប្រឆាំងគ្រឿងញៀន បានចុះហត្ថលេខា ជាមួយអ្នកឧកញ៉ា ឡេង ណាវ៉ាត្រា (ឡេង ភក្រ្តា) ជាអគ្គនាយកក្រុមហ៊ុនហ្កាឡាក់ស៊ីណាវ៉ាត្រា គ្រុប។

អ្នកឧកញ៉ា ឡេង ភក្រ្តា បានថ្លែងថា នេះជាលើកដំបូងសម្រាប់ក្រុមហ៊ុនដែលបានចុះអនុស្សរណៈនៃការយោគយល់ជាមួយអាជ្ញាធរជាតិប្រយុទ្ធប្រឆាំងគ្រឿងញៀនដើម្បីមានឱកាសកាន់តែទូលំទូលាយក្នុងការចូលរួមជួយសង្គម តាមរយៈការពង្រឹង និងលើកកម្ពស់ប្រសិទ្ធភាពផ្សព្វផ្សាយអប់រំដល់ប្រជាពលរដ្ឋគ្រប់វ័យ និងគ្រប់មជ្ឈដ្ឋាននៃសង្គម ឲ្យយល់ដឹងកាន់តែស៊ីជម្រៅ និងចូលរួមកាន់តែសកម្មក្នុងការបង្ការ និងទប់ស្កាត់រាល់បញ្ហា ដែលមានការពាក់ព័ន្ធនឹងគ្រឿងញៀន។

ជាមួយគ្នានោះ ដើម្បីសម្រេចឲ្យបានការខិតខំប្រឹងប្រែងរបស់អាជ្ញាធរជាតិប្រយុទ្ធប្រឆាំងគ្រឿងញៀន និងការងារអាទិភាពរបស់រាជរដ្ឋាភិបាលកម្ពុជា ក្រុមហ៊ុនហ្គាឡាក់ស៊ីណាវ៉ាត្រា គ្រុប នឹងដាក់ចេញនូវផែនការគោលដូចខាងក្រោម៖

ទី១៖ ពង្រឹងសមត្ថភាព និងចំណេះដឹងដល់ បុគ្គលិកក្រុមហ៊ុនទាំងអស់ និងសិល្បករសិល្បការិនី ឲ្យកាន់តែទូលំទូលាយបន្ថែមទៀត ពាក់ព័ន្ធនឹងផលប៉ះពាល់ និងគ្រោះថ្នាក់នៃគ្រឿងញៀន មុនពេលផ្សព្វផ្សាយ និងអប់រំ។

ទី២៖ ចូលរួមគ្រប់សកម្មភាពការងារផ្សព្វផ្សាយ និងអប់រំដែលជាតម្រូវការរបស់ អាជ្ញាធរជាតិប្រយុទ្ធ ប្រឆាំងគ្រឿងញៀន និងរាជរដ្ឋាភិបាល។

ទី៣៖ លើកទឹកចិត្ត បំផុសស្មារតី និងជំរុញឲ្យបុគ្គលិកគ្រប់ជាន់ថ្នាក់របស់ក្រុមហ៊ុន និងសិល្បករ សិល្បការិនី អ្នកផលិតកម្មវិធី អ្នកគ្រប់គ្រងកម្មវិធីឱ្យជួយបញ្ជ្រៀបពីខ្លឹមសារអប់រំពាក់ព័ន្ធនឹងបញ្ហាគ្រឿងញៀន។

ទី៤៖ ខិតខំបង្កើតមាតិកាអប់រំល្អៗដើម្បីចាក់ឲ្យចំបេះដូងអ្នកស្តាប់ និងទស្សនា។

ថ្លែងក្នុងនាមលោកសន្តិបណ្ឌិត នេត សាវឿន ឧបនាយករដ្ឋមន្រ្តី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ក្នុងនាមជាអធិបតី និងជាសាក្សី ក្នុងពិធីចុះហត្ថលេខា លើអនុស្សរណៈនៃការយោគយល់ នាពេលនោះ លោក នេត្រ ភក្រ្តា បានមានមតិសំណេះសំណាល និងថ្លែងអំណរគុណយ៉ាងជ្រាលជ្រៅចំពោះសណ្តានចិត្ត និងឧត្តមគតិដ៏ប្រសើរថ្លៃថ្លារបស់អ្នកឧកញ៉ា ឡេង ភក្រ្តា ក្នុងការចូលរួមចំណែកជាមួយអាជ្ញាធរជាតិប្រយុទ្ធប្រឆាំងគ្រឿងញៀន និយាយដោយឡែក និយាយជារួម គឺចូលរួមជួយសង្គមជាតិយ៉ាងសកម្ម ក្នុងការដោះស្រាយបញ្ហាគ្រឿងញៀន ដែលបានបង្កជាផលប៉ះពាល់ និងជាក្តីកង្វល់យ៉ាងធ្ងន់ធ្ងរដល់សុខុមាលភាពរបស់ប្រជាពលរដ្ឋ ប៉ះពាល់ដល់សន្តិសុខ និងសណ្តាប់ធ្នាប់សង្គម ដែលជាមូលដ្ឋានក្នុងការកសាង និងអភិវឌ្ឍន៍សង្គមជាតិ។

ជាមួយនោះ ក្នុងនាមលោកសន្តិបណ្ឌិត ឧបនាយករដ្ឋមន្រ្តី, លោក នេត្រ ភក្រ្តា ក៏បានពាំនាំនូវការអរគុណ និងកោតសរសើរដោយស្មោះរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ចំពោះថ្នាក់ដឹកនាំក្រុមហ៊ុនហ្កាឡាក់ស៊ីណាវ៉ាត្រា និងអ្នកពាក់ព័ន្ធនានា ក៏ដូចជាសិល្បករ សិល្បការនីទាំងអស់ ដែលកន្លងមក ក៏ដូចជាបច្ចុប្បន្នបានយកចិត្តទុក និងឆ្លើយតបប្រកបដោយប្រសិទ្ធភាពចំពោះអនុសាសន៍ដែល សម្តេចមហាបវរធិបតី បានដាក់ចេញនាពេលកន្លងមក ពិសេសឲ្យចាត់ទុក «គ្រឿងញៀនជាបញ្ហារួមរបស់សង្គមជាតិ ដែលយើងទាំងអស់គ្នាត្រូវតែចូលរួមលុបបំបាត់» ដើម្បីឈានឆ្ពោះទៅសម្រេចទស្សនៈវិស័យច្បាស់លាស់ក្នុងការកសាងកម្ពុជា ទៅជាប្រទេសមួយដែលគ្រឿងញៀនលែងជាឧបសគ្គ និងបញ្ហារបស់សង្គមជាតិ។

លោក នេត្រ ភក្រ្តា បានថ្លែងលើកបន្ថែមថា សំដីអ្នកសិល្ប:អ្នកឆាប់ចាក់ចូលជ្រៅក្នុងក្រអៅបេះដូងទស្សនិកជន ហើយការបញ្ជូនសារអប់រំពីបញ្ហាគ្រឿងញៀនតាមរយៈអ្នកសិល្ប:ល្បីៗ នឹងឆាប់ជ្រាបសុសសាយនិងចាកចេញឆ្ងាយពីបញ្ហា គ្រឿងញៀន និងសំណូមពរឱ្យក្រុមហ៊ុនហ្កាឡាក់ស៊ីផផលិតចម្រៀងនិងរឿងអប់រំពីគ្រឿងញៀនឱ្យបានច្រើនដើម្បីផ្សព្វផ្សាយឱ្យបានកាន់តែទូលំទូលាយ និងចូលរួមជំរុញការទាញយក App Nodrug៕

The post ហ្កាឡាក់ស៊ីណាវ៉ាត្រាគ្រុប ចុះ MOU ជាមួយអាជ្ញាធរជាតិប្រយុទ្ធប្រឆាំងគ្រឿងញៀន លើកកម្ពស់ប្រសិទ្ធភាពផ្សព្វផ្សាយអប់រំពីផលប៉ះពាល់ និងគ្រោះថ្នាក់នៃគ្រឿងញៀន appeared first on .

ដំណើរទស្សនកិច្ចរបស់គណៈប្រតិភូក្រុមហ៊ុន Galaxy Navatra ធ្វើឡើងដើម្បីសិក្សាស្វែងយល់អំពីសាកលវិទ្យាល័យ Sun Moon និងកម្មវិធីសិក្សាផ្នែកបច្ចេកវិទ្យា ឌីជីថល (Digital) ព្រមទាំងបង្កើតកិច្ចសហការលើវិស័យអប់រំផ្នែកបច្ចេកវិទ្យាឌីជីថលរវាងភាគីទាំងពីរនាពេលអនាគត។

ក្នុងឱកាសនៃជំនួបនោះ អ្នកឧកញ៉ា ឡេង ប្រុស បានជម្រាបជូនគណៈប្រតិភូសាកលវិទ្យាល័យ Sun Moon អំពីក្រុមហ៊ុន Galaxy Navatra Group ដែលជាសាជីវកម្មដ៏ធំមួយវិនិយោគក្នុងពហុវិស័យនៅប្រទេសកម្ពុជា ដូចជា៖ វិស័យអចលនទ្រព្យ កម្សាន្ត ហិរញ្ញវត្ថុ កសិ-ឧស្សាហកម្ម កសិកម្ម អប់រំ និងប្រព័ន្ធផ្សាយជាដើម។

ជាមួយគ្នានេះ លោក Seong Jea Moon សកលវិទ្យាធិការនៃសាកលវិទ្យាល័យ Sun Moon បានសម្តែងនូវការរីករាយ ស្វាគមន៍យ៉ាងកក់ក្តៅចំពោះវត្តមានគណៈប្រតិភូក្រុមហ៊ុន Galaxy Navatra អញ្ជើញបំពេញទស្សនកិច្ចនៅសាកលវិទ្យាល័យ Sun Moon។ លោកក៏បានជម្រាបជូនគណៈប្រតិភូក្រុមហ៊ុន Galaxy Navatra អំពីសាកលវិទ្យាល័យ Sun Moon ដែលជាសាកលវិទ្យាល័យដ៏ធំមួយនៅប្រទេសកូរ៉េខាងត្បូងក្នុងការបណ្ដុះបណ្ដាលលើវិស័យបច្ចេកវិទ្យា Digital កម្រិតឈានមុខមួយដែលមានអគារសិក្សាលើផ្ទៃដី ៤០ហិកតា មាននិស្សិតសិក្សាជាង ២ម៉ឺននាក់ ក្នុងនោះនិស្សិតបរទេសជាង ៥ពាន់នាក់ ហើយក៏មាននិស្សិតកម្ពុជាផងដែរ។

ក្នុងឱកាសនៃជំនួបទ្វេភាគីនេះដែរ ភាគីទាំងពីរគ្រោងនឹងចុះអនុស្សរណៈនៃការយោគយល់គ្នា (MoU) ដើម្បីផលប្រយោជន៍ប្រជាជននៃប្រទេសទាំងពីរសិក្សាលើវិស័យបច្ចេកវិទ្យា Digital ខណៈភាគីសាកលវិទ្យាល័យSUN MOON ត្រៀមនឹងអញ្ជើញមកបំពេញទស្សនកិច្ចតបតាមការអញ្ជើញរបស់អ្នកឧកញ៉ាឡេង ប្រុសនៅប្រទេសកម្ពជានាពេលខាងមុខឆាប់ៗនេះផងដែរ៕

The post អ្នកឧកញ៉ា ឡេង ប្រុស ដឹកនាំគណៈប្រតិភូ Galaxy Navatra Group ទស្សនកិច្ចសាកលវិទ្យាល័យ Sun Moon នៅប្រទេសកូរ៉េ appeared first on .

នៅក្នុងពិធីគោរពវិញ្ញាណក្ខន្ធផ្លូវការ មានគណៈប្រតិភូជាច្រើនក្រសួង ស្ថាប័ន និងវិស័យឯកជនអញ្ជើញចូលរួមដាក់កម្រផ្កា និងគោរពវិញ្ញាណក្ខន្ធសពមហាឧបាសិកា យិប ថាំកេសន ក្នុងនោះក៏មានវត្តមានសម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ ព្រះមហាក្សត្រនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចវិបុលសេនាភក្តី សាយ ឈុំ ប្រធានព្រឹទ្ធសភា, ឯកឧត្តម នេត សាវឿន ឧបនាយករដ្ឋមន្រ្តី, ឯកឧត្តម ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ, ឯកឧត្តម នាយឧត្ដមសេនីយ៍ សៅ សុខា អគ្គមេបញ្ជាការរងនៃ ខ.ភ.ម មេបញ្ជាការកងរាជអាវុធហត្ថលើផ្ទៃប្រទេស និងឯកឧត្តម នាយឧត្ដមសេនីយ៍ ហ៊ីង ប៊ុនហៀង អគ្គមេបញ្ជាការរង ខ.ភ.ម មេបញ្ជាការ បញ្ជាការដ្ឋានអង្គរក្ស ព្រមទាំងថ្នាក់ដឹកនាំជាច្រើនរូបទៀត។

នៅក្នុងពិធីគោរពវិញ្ញាណក្ខន្ធដដែលនេះអ្នកឧកញ៉ា ឧកញ៉ា និងគណៈប្រតិភូពីវិស័យឯកជនជាច្រើនក្រុមហ៊ុនចូលរួម ដូចជា៖ អ្នកឧកញ៉ា ហ៊ុន តូ អគ្គនាយក​ក្រុមហ៊ុន LHR Asean Inversment, អ្នកឧកញ៉ា លី​ យ៉ុង ផាត់ អគ្គនាយកក្រុមហ៊ុន L.Y.P Group, អ្នកឧកញ៉ា កុក អាន ស្ថាបនិកក្រុមហ៊ុន អានកូ គ្រុប, អ្នកឧកញ៉ា​ ឡេង ប្រុស តំណាងដ៏ខ្ពង់ខ្ពស់អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន ហ្គាឡាក់ស៊ី ណាវ៉ាត្រា គ្រុប, អ្នកឧកញ៉ា ទៀ វិចិត្រ អគ្គនាយក​ក្រុមហ៊ុន​ទូកល្បឿនលឿន GTVC Speedboat Cambodia និងអ្នកឧកញ៉ា ជា ទ្រី អគ្គនាយកក្រុមហ៊ុន ហុង ឡេងហ៊ួរ គ្រុប ជាដើម។

សូមជម្រាបជូនបន្ថែមថា នៅក្នុងពិធីគោរពវិញ្ញាណក្ខន្ធផ្លូវការនោះ សម្តេចតេជោ ហ៊ុន សែន ព្រមទាំងគណៈប្រតិភូតាមក្រសួង ស្ថាប័ន និងក្រុមហ៊ុនឯកជនក៏បានអញ្ជើញចារលើសៀវភៅមរណទុក្ខជាមួយក្រុមគ្រួសារ នៃសពមហាឧបាសិកា យិប ថាំកេសន ផងដែរ៕

The post ថ្នាក់ដឹកនាំកំពូូល និងអ្នកឧកញ៉ាច្រើនរូបអញ្ជើញដាក់កម្រងផ្កា និងគោរពវិញ្ញាណក្ខន្ធសពមហាឧបាសិកា យិប ថាំកេសន ត្រូវជាម្តាយក្មេកសម្តេចពិជ័យសេនា ទៀ បាញ់ appeared first on .

តាមរយៈសារនយោបាយពិសេសនេះ សម្តេចតេជោ ហ៊ុន សែន បានប្រកាសថា ឯកឧត្តមបណ្ឌិត ហ៊ុន ម៉ាណែត នឹងក្លាយជានាយករដ្ឋមន្ត្រីថ្មីនៅល្ងាចថ្ងៃទី២២ ខែសីហា ឆ្នាំ២០២៣ខាងមុខ។

យើងខ្ញុំទាំងអស់គ្នា សូមប្រកាសគាំទ្រទាំងស្រុងចំពោះការសម្រេចចិត្តដ៏ត្រឹមត្រូវរបស់សម្តេចតេជោ ហ៊ុន សែន និងសូមប្រកាសគាំទ្រទាំងស្រុងចំពោះឯកឧត្តមបណ្ឌិត ហ៊ុន ម៉ាណែត សម្រាប់កាន់តួនាទីជានាយករដ្ឋមន្រ្តីថ្មី សម្រាប់អាណត្តិទី៧នេះ ដើម្បីបន្តដឹកនាំប្រទេសកម្ពុជា ពង្រឹងសុខសន្តិភាពកាន់តែរឹងមាំ, ប្រទេសជាតិកាន់តែមានការអភិវឌ្ឍរីកចម្រើន និងមានមោទនភាព ហើយប្រជាជនកាន់តែមានជីវភាពធូរធា និងរស់នៅប្រកបដោយសេចក្តីសុខសាន្តបន្តទៀត។

ក្នុងឱកាសដ៏ប្រសើរថ្លៃថ្លានេះ យើងខ្ញុំទាំងអស់គ្នាសូមលើកហត្ថប្រណមបួងសួង ដល់គុណបុណ្យព្រះរតនត្រ័យ គុណកែវទាំងបី ព្រមទាំងវត្ថុស័ក្តិសិទ្ធិក្នុងលោកសូមតាមជួយថែរក្សាការពារ និងប្រោះព្រំប្រទានពរជ័យបវរសួស្តី ជ័យមង្គល និងវិបុលសុខគ្រប់ប្រការ ជូនចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, ឯកឧត្តមបណ្ឌិត ហ៊ុន ម៉ាណែត និងលោកជំទាវព្រមទាំងបុត្រា បុត្រី ចៅប្រុស ចៅស្រី។

សូមសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, លោកបណ្ឌិត ហ៊ុន ម៉ាណែត ព្រមទាំងបុត្រា បុត្រី ចៅប្រុស ចៅស្រី បានសមប្រកបតែនឹងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ថ្នាក់ដឹកនាំ និងសិល្បៈករ សិល្បការិនី ផលិតកម្ម Galaxy Navatra ប្រកាសគាំទ្រប្រសាសន៍សម្តេចតេជោ ហ៊ុន សែន និងគាំទ្រឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តីថ្មី នីតិកាលទី៧ appeared first on .

លោក​ឧកញ៉ា ព្រាប សុវត្ថិ ​​បាន​លើក​ឡើង​ក្នុង​វីដេអូ​ឃ្លិប​ថា កន្លង​មក​ លោក​ឃើញ​មាន​​ការ​បញ្ចេញ​មតិ​លើ​បណ្តាញ​សង្គម​​ គឺ​មាន​ទាំង​ការ​​សរសើរ និង​ការ​បញ្ចេញ​មតិខ្លះ​​មិនល្អ​គួរ​ឱ្យ​ស្តាប់។ លោក​បាន​បន្ត​ថា ​​មួយ​ការ​បញ្ចេញ​មតិ​លើក​ទឹកចិត្ត និង​មួយ​ទៀត​ការ​បញ្ចេញមតិ​បន្ទោស​បង្អាប់​នូវ​ផ្លូវ​ចិត្ត​ណាមួយ ​​ដូចជា​មាន​បងប្អូន​មួយ​ចំនួន​តូច​ខ្លះ​បញ្ចេញ​មតិ​ដល់​ថ្នាក់​ជេរ​ប្រមាថ​ក៏​មាន។ លោក​ឧកញ៉ា យល់​ថា​យើង​គ្រប់គ្នា គួរ​តែ​ជ្រើសរើស​យក​ពាក្យ​ណា ឬ​សម្តីណា​ដែល​ល្អ​មក​ប្រើ ​ព្រោះ​ការ​បញ្ចេញ​មតិ​មួយៗ អាច​នឹង​មាន​មនុស្ស​ច្រើន​ណាស់ ​នឹង​មើល​ឃើញ ហើយ​សរ​បញ្ជាក់​ឱ្យ​ឃើញ​ថា យើង​មាន​កម្រិត​​ចេះ​ដឹង​ប៉ុណ្ណា ឬ​ការ​យល់ដឹង​ប៉ុណ្ណា។

ក្នុង​នាម​ជា​អ្នកចម្រៀង​មួយ​រូប ទម្រាំ​តស៊ូ​មក​ដល់​ថ្ងៃ​នេះ លោក​ឧកញ៉ា​ ព្រាប សុវត្ថិ ​​​យល់​ថា​ នៅ​តែ​មាន​ភាព​លំបាក​ដដែល ​​ហើយ​ភាព​លំបាក​ដូចជា​ការ​អន្ទោល​តាម​ប្រាណ​របស់​យើង ប៉ុន្តែ​ពេល​យើង​ឆ្លងកាត់​ភាព​លំបាក​ច្រើន និង​យល់​ពី​កាលៈទេសៈ ពេលវេលា ដែល​យើង​អាច​រស់​បាន​ដោយ​សីលធម៌ សុជីវធម៌ អាកប្បកិរិយា​ណា​មួយ ដែល​សង្គម​​ត្រូវការ​ដូចជា ភាព​ស្មោះត្រង់ និង​ធ្វើ​អ្វី​ដែល​ល្អៗ​ មាន​សីលធម៌​ទាំង​ពាក្យ​សម្តី ​ការ​សរសេរ​ និង​កាយ​វិការ​សព្វគ្រប់​បែបយ៉ាង។ មក​ដល់​យុគសម័យ​នេះ ជាសម័យ​មួយ​ជឿនលឿន​ណាស់ ដូច្នេះ​​យើង​គួរ​តែ​ប្រើ​ពាក្យ​សម្តី ឬ​ការសរសេរ​ ឱ្យ​បាន​សមរម្យ ទោះ​បី​ខឹង​នរណា​ម្នាក់​ក៏​ដោយ។

ឧកញ៉ា ព្រាប សុវត្ថិ ក៏​សូម​អរគុណ​ដល់​បងប្អូន​ទាំង​អស់​គ្នា ដែល​បាន​គាំទ្រ​នូវ​បទចម្រៀង «ស្រឡាញ់​អ្វី​ដែល​ខ្មែរ​មាន» របស់​ក្រុមហ៊ុន​ Galaxy ដែល​​​បទនេះ​មាន​អ្នក​មើល​​ដល់​ទៅ ៧០លាន​នាក់​ ឬ​៨០​លាន​​នាក់។ ក្នុង​ការ​ផលិត​បទនេះ អ្នកឧកញ៉ា ឡេង ណាវ៉ាត្រា ក៏​ដូចជា​ក្រុមហ៊ុន បាន​ចំណាយ​ធនធាន​អស់​ច្រើន។ អ្នកឧកញ៉ា ក៏​បាន​ផ្តួចផ្តើម​ ខ្នះខ្នែង​ចំណាយ​ពេលវេលា​សព្វគ្រប់​បែប​យ៉ាង​ ​រហូត​ដល់​បទនេះ​អាច​ក្លាយ​ជា​បទចម្រៀង​ល្បី​​តំណាង​របស់​ជាតិ។

អគ្គនាយកក្រុមហ៊ុន ព្រាប សុវត្ថិ អ៊ីនវេសមេន បាន​បន្ថែម​ថា ប៉ុន្មាន​ឆ្នាំ​ចុង​ក្រោយ​នេះ អ្នកឧកញ៉ា ឡេង ណាវ៉ាត្រា ​​បាន​ជួយ​ដល់​សង្គម​ច្រើន​មែនទែន ដូចជា​បញ្ហា​កូវីដ-១៩ ទឹកជំនន់ ពេទ្យ​គន្ធបុប្ផា និង​ព្រឹត្តិការណ៍​ផ្សេងៗ​ទៀត ដោយ​ចំណាយ​ទាំង​ពេលវេលា និង​ថវិកា​ក្នុង​ការ​ជួយ​ដល់​សង្គម​ជាតិ។ លោកឧកញ៉ា បានបន្តថា លោករស់នៅជាមួយអ្នកឧកញ៉ា ត្រឹមតែជាង ២ឆ្នាំ ប៉ុន្តែហាក់ដូចជារាប់សិបឆ្នាំ ដោយសារជម្រៅចិត្ត នៅក្នុងការទទួលខុសត្រូវ ហើយលោកពិតជាមិនអាចភ្លេចបាន។

សូម​ទស្សនាវីដេអូខាងក្រោម៖

The post ឧកញ៉ា ព្រាប សុវត្ថិ ចេញវីដេអូបង្ហាញអារម្មណ៍ពិតចំពោះអ្នកឧកញ៉ា ឡេង ណាវ៉ាត្រា បន្ទាប់ពីធ្វើការងារក្បែរគ្នាជាង ២ឆ្នាំ appeared first on .

ក្នុងនោះដែរ បងប្អូនអ្នកទស្សនាទាំងអស់នឹងមានឱកាសបានជួបវត្តមានផ្ទាល់កំពូលតារាចម្រៀង ឧកញ៉ា ព្រាប សុវត្ថិ និងឧកញ៉ា ខេមរៈ សិរីមន្ត នៅលើឆាកតន្រ្តីយ៉ាងរំភើបរីករាយ។ ក្រៅពីនោះក៏មានវត្តមានលោក ខេម កញ្ញា តន់ ចន្ទសីម៉ា ព្រមជាមួយនឹងកំពូលតារាចម្រៀងល្បីៗជាច្រើនរូបទៀតរបស់ផលិតកម្មហ្គាឡាក់ស៊ី ណាវ៉ាត្រា។ ព្រឹត្តិការណ៍ដ៏កក្រើកមួយនេះ ក៏នឹងមានបង្ហាញនូវទស្សនីយភាព ល្ខោនខោល និងមរតកក្បាច់គុនបុរាណខ្មែរ យុទ្ធក្រមខម ផងដែរ។

វត្តមានដ៏អស្ចារ្យ រួមជាមួយនឹងកម្មវិធីទស្សនីយភាពយ៉ាងល្អឥតខ្ចោះទាំងនេះ នឹងធ្វើឱ្យបងប្អូនប្រជាពលរដ្ឋ អ្នកទស្សនាកម្សាន្ត អ្នកគាំទ្រ និងអ្នកស្នេហាតន្ត្រីទទួលបាននូវការជួបជុំដ៏រីករាយ រំភើបចំពោះការសម្ដែងដ៏កក្រើកនៅក្រុងកំពត ខេត្តកំពត។

សូមបញ្ជាក់ថា បេសកកម្មប្រគំតន្រ្តីដ៏ធំបំផុតតែមួយគត់ GANZBERG Premium Concert ដែលកើតឡើងចេញពីការចាប់ដៃសហការគ្នារវាងផលិតកម្មហ្គាឡាក់ស៊ី ណាវ៉ាត្រា និងស្រាបៀរ GANZBERG នេះ នឹងនាំយកមកនូវវត្តមានកំពូលតារាចម្រៀងល្បីៗជួរមុខប្រចាំព្រះរាជាណាចក្រកម្ពុជា ដែលបានត្រៀមខ្លួនរួចរាល់ធ្វើដំណើរទៅទូទាំងប្រទេសជាច្រើនខេត្តក្រុងនាពេលឆាប់ៗខាងមុខ ដើម្បីបង្កើតនូវភាពសប្បាយរីករាយអស្ចារ្យមិនធ្លាប់មានជូនដល់ហ្វេន និងទស្សនិកជនរាប់ពាន់នាក់។

មហាព្រឹត្តិការណ៍ប្រគំតន្រ្តីដ៏ធំបំផុត Ganzberg Premium Concert ដែលប្រមូលផ្តុំដោយកំពូលតារាចម្រៀងល្បីៗនឹងបង្ហាញវត្តមាននៅលើទឹកដីខេត្តសម្បូរធុរេនជាប់មាត់សមុទ្រយើងហើយ

ជួបគ្នាថ្ងៃទី១៨-១៩ខែកុម្ភៈ ឆ្នាំ២០២៣ នាពហុកីឡដ្ឋានខេត្តកំពត

ក្រេបរសជាតិស្រាបៀរ GANZBERG ឈ្ងុយឆ្ងាញ់កម្រិតពិភពលោក

#galaxynavatra 

#BeerGanzberg #AmazingTaste

#GanzbergPremiumConcert

#NanoSoundCambodia

The post Galaxy Navatra និងGANZBERG beer នាំយកកំពូលតារាចម្រៀងកំពូលៗប្រចាំប្រទេស ឡើងឆាកប្រគំតន្រ្តី GANZBERG Premium Concert 25 ខេត្ត-រាជធានី appeared first on .

នាពេលឆាប់ៗខាងមុខនេះ សម្ព័ន្ធក្រុមហ៊ុន ANDAMI Group នឹងឈានជើងចូលមកកាន់ទីផ្សារប្រទេសកម្ពុជា លើការបង្កើតរោងចក្រកែច្នៃអាហារ ជាពិសេសគឺផលិតផលទឹកផ្លែឈើ និងដំណាប់ នៅក្នុងប្រទេសកម្ពុជា នាំចេញទៅប្រទេសកូរ៉េខាងត្បូង ជប៉ុន ចិន សាំងហ្គាពួរ និងហុងកុង។ល។

ជាមួយនឹងការងារជាBrand Ambassador កញ្ញា តន់ ចន្ទសីម៉ា និងត្រូវធ្វើការងារជាច្រើន មួយក្រុមហ៊ុនកូរ៉េក្នុងនាមជាផ្សព្វផ្សាយផលិតផលក្រុមហ៊ុន តាមការព្រមព្រៀងគ្នា។ នេះជាជោគជ័យថ្មីមួយទៀតរបស់ តន់ ចន្ទសីម៉ា បន្ទាប់ពីប្រជាប្រិយភាពរបស់នាង កាន់តែទទួលបានការគាំទ្រខ្លាំងវ៉ាដាច់គេ។ បែបណាក្ដី ហ្គាឡាក់ស៊ី ណាវ៉ាត្រា មិនបានទម្លាយពីតម្លៃខ្លួនរបស់កញ្ញា តន់ ចន្ទសីម៉ា លើកការងារជាBrand Ambassador ជាមួយANDAMI Groupនោះឡើយ។

The post តន់ ចន្ទសីម៉ា ត្រូវបានសម្ព័ន្ធក្រុមហ៊ុនANDAMI Group របស់កូរ៉េជ្រើសរើសជា Brand Ambassador appeared first on .

ព្រឹត្តិការណ៍ដ៏ធំលើទឹកដីកូរ៉េខាងត្បូងដែលប្រារព្ធធ្វើជារៀងរាល់ឆ្នាំនេះ នឹងត្រូវប្រារព្ធធ្វើ នៅ ថ្ងៃ ទី ១៨ ខែ កញ្ញា ឆ្នាំ២០២២ នៅទីក្រុង អានសាន នាពហុកីឡាដ្ឋាន WA STADIUM កម្មវិធីនេះត្រូវបានរៀបចំដោយ៖

• ក្រសួងការងារ និងបណ្ដុះបណ្ដាលវិជ្ជាជីវៈ
• ស្ថានឯកអគ្គរាជទូតកម្ពុជាប្រចាំប្រទេសកូរ៉េ
• សាលាក្រុងអានសាន
• ក្រុមការងារយុវជន ESEA
  សហការឧបត្ថម្ភ
  Galaxy Navatra Group
  GmoneyTrans

តារាចម្រៀងល្បីៗដែលត្រូវចូលរួមមាន កំពូលតារាចម្រៀងរបស់ផលិតកម្ម Galaxy Navatra មានកញ្ញា តន់ ចន្ទសីម៉ា លោក ខេម លោក Tempo Tris លោក Rawyer។ ក្រៅពី តារាចម្រៀងក្នុងផលិតកម្ម Galaxy ក៏មានតារាចម្រៀង ជាច្រើនទៀតដូចជា រ៉ូលីន កញ្ញា សុន ស្រីណុន លោក ផាន់ ស៊ីថេត កញ្ញា ចាន់ ឡៃវល័ក្ខ លោក វណ្ណ ផាន់ណារ៉ា លោក យ៉ែម សំអូន និងតារាកិត្តិយសជាច្រើនរូបទៀត។

ដូចដែលបានរៀបរាប់ខាងលើ សូមគោរពអញ្ជើញពុកម៉ែបងប្អូន អញ្ជើញទៅចូលរួម ដោយកម្មវិធីគ្រោងធ្វើរួមមាន: ពិធីសាសនាភ្ជុំបិណ្ឌ ល្បែងប្រជាប្រិយ សម្តែងសិល្បៈ ការប្រគុំតន្រ្តី រាំលេងកម្សាន្តរហូតដល់ចប់ ចូលរួមដោយសេរី ។ អាស័យដ្ឋាន: 경기 안산시 단원구 초지동 (안산와스타디움)បងប្អូនដែល ចង់បានស្តង់ សូមទំនាក់ទំនង: ០១០-៨០៥៥-០៨០១ ០១០-៥៩៤៤-២១២៧។

មហាជនបានដាក់ក្ដីរំពឹងថា ព្រឹត្តិការណ៍ដ៏ធំលើទឹកដីកូរ៉េខាងត្បូងដែលប្រារព្ធធ្វើជារៀងរាល់ឆ្នាំនេះ នឹងមានបងប្អូនខ្មែរយើងទៅចូលរាប់ម៉ឺននាក់ ជាក់ជាមិនខាន ត្បិតអីក្រៅពីការសប្បាយរីករាយ បែបប្រពៃណីខ្មែរ ក៏ជាឱកាសអាចឲ្យបងប្អូនខ្មែរយើងមកពីតំបន់ឆ្ងាយ ធ្វើការងាររកស៊ីក្នុងប្រទេសកូរ៉េ មកជុំគ្នានៅទីនោះតែម្ដង៕

The post Idolតន់ ចន្ទសីម៉ា ខេម ទៅដល់កូរ៉េហើយ ត្រៀមបងប្អូនខ្មែរយើងនៅកូរ៉េ សប្បាយឲ្យអស់ដៃ appeared first on .