ក្រុមហ៊ុនជីករ៉ែ Hancock Prospecting របស់ស្រី Rinehart មិនបានបញ្ជាក់ពីទំហំនៃភាគហ៊ុនរបស់ខ្លួននៅក្នុង SpaceX របស់មហាសេដ្ឋី Elon Musk នោះឡើយ។ តែទោះជាយ៉ាងណាក៏ដោយ លោកស្រី បាននិយាយនៅក្នុងសេចក្តីថ្លែងការណ៍មួយថា ៖”នេះគឺជាការវិនិយោគដ៏សំខាន់មួយសម្រាប់ Hancock ហើយយើងមានសេចក្តីសោមនស្សរីករាយដែលបានទទួលការបែងចែកនៅក្នុងអ្វីដែលជា IPO ដ៏ពេញនិយម និងមានអ្នកជាវច្រើនបំផុតមិនធ្លាប់មាន”។

មិនតែប៉ុណ្ណោះ​ លោកស្រី Rinehart បាននិយាយទៀតថា ៖”យើងមើលឃើញ SpaceX ជាអាជីវកម្មដ៏កម្រមួយ ដែលដឹកនាំដោយមនុស្សដ៏អស្ចារ្យម្នាក់ មានលក្ខណៈបច្ចេកទេសល្អឥតខ្ចោះ និងដំណើរការក្នុងវិស័យសំខាន់ៗ និងមានសក្តានុពលរយៈពេលវែង”។

បើយោងតាមក្រុមហ៊ុន Hancock បានបង្ហាញថា លោកស្រី Rinehart ដែលត្រូវបាន Forbes ប៉ាន់ប្រមាណថាមានទ្រព្យសម្បត្តិសរុបជាង ៣៨ពាន់លានដុល្លារ មានគោលបំណងធ្វើការជាមួយ SpaceX ដើម្បីផ្តោតទៅលើការផ្គត់ផ្គង់តម្រូវការរ៉ែរបស់ខ្លួនបន្ថែមទៀត។

គួរជម្រាបជូនថា ក្រុមហ៊ុន Hancock គឺជាអ្នកវិនិយោគដ៏សំខាន់បំផុតមួយ នៅក្នុងក្រុមហ៊ុនរ៉ែកម្រជាច្រើន រួមទាំង MP Materials ដែលមានមូលដ្ឋាននៅសហរដ្ឋអាមេរិក និង Rare Earths Americas និង Lynas Rare Earths របស់អូស្ត្រាលី ក៏ដូចជាក្រុមហ៊ុនផលិតលីចូមធំបំផុត Liontown Resources ផងដែរ៕​

The post មហាសេដ្ឋីមានដាច់គេនៅអូស្រ្តាលី ចាយលុយជាង ១ពាន់លានដុល្លារ ទិញភាគហ៊ុនរបស់ SpaceX appeared first on .