យោងតាមការចុះផ្សាយពីគេហទំព័រ RankingRoyals បានបង្ហាញថា ក្នុងចំណោមក្រុមហ៊ុនផលិតបន្ទះឈីបទាំងអស់ ក្រុមហ៊ុន TSMC របស់តៃវ៉ាន់ គឺឈរនៅចំណុចកំពូល ជាក្រុមហ៊ុនរកប្រាក់ចំណូលបានច្រើនបំផុត ដោយសារមានម៉ូយដុំធំៗ​ដូចជា ក្រុមហ៊ុន Apple, Nvidia និង AMD ជាដើម។

ជាមួយគ្នា ក្នុងចំណោមក្រុមហ៊ុនផលិតបន្ទះឈីប រកប្រាក់ចំណូលបានច្រើនបំផុតទាំង ១០ គិតត្រឹមត្រីមាសទីមួយ នៃឆ្នាំ២០២៣ គឺមានក្រុមហ៊ុនអាមេរិកតែមួយគត់ ឈ្មោះថា GlobalFoundries។

ខាងក្រោមគឺជាបញ្ជីឈ្មោះក្រុមហ៊ុនផលិតបន្ទះឈីបទាំង ១០ ដែលមានប្រាក់ចំណូលខ្ពស់​ដាច់គេ គិតត្រឹមត្រីមាសទីមួយនៃឆ្នាំ២០២៣៖

១/ក្រុមហ៊ុន TSMC របស់កោះតៃវ៉ាន់ មានប្រាក់ចំណូល ១៦,៧ពាន់លានដុល្លារ

២/ក្រុមហ៊ុន Samsung របស់ប្រទេសកូរ៉េខាងត្បូង មានប្រាក់ចំណូល ៣,៤ពាន់លានដុល្លារ

៣/ក្រុមហ៊ុន GlobalFoundries របស់សហរដ្ឋអាមេរិក មានប្រាក់ចំណូល ១,៨ពាន់លានដុល្លារ

៤/ក្រុមហ៊ុន UMC របស់កោះតៃវ៉ាន់ មានប្រាក់ចំណូល ១,៧ពាន់លានដុល្លារ

៥/ក្រុមហ៊ុន SMIC របស់ប្រទេសចិន មានប្រាក់ចំណូល ១,៤ពាន់លានដុល្លារ

៦/ក្រុមហ៊ុន HuaHong Group របស់ប្រទេសចិន មានប្រាក់ចំណូល ៨៤៥លានដុល្លារ

៧/ក្រុមហ៊ុន Tower Semiconductor របស់ប្រទេសអ៊ីស្រាអែល មានប្រាក់ចំណូល ៣៥៦លានដុល្លារ

៨/ក្រុមហ៊ុន PSMC របស់កោះតៃវ៉ាន់ មានប្រាក់ចំណូល ៣៣២លានដុល្លារ

៩/ក្រុមហ៊ុន VIS របស់កោះតៃវ៉ាន់ មានប្រាក់ចំណូល ២៦៩លានដុល្លារ

១០/ក្រុមហ៊ុន DB Hitek របស់ប្រទេសកូរ៉េខាងត្បូង មានប្រាក់ចំណូល ២៣៤លានដុល្លារ៕

The post ក្រុមហ៊ុនបន្ទះឈីបធំបំផុតលើលោកទាំង១០ រកប្រាក់ចំណូលបានច្រើនដាច់គេ មានមួយគត់នៅអាមេរិក appeared first on .

រោងចក្រថ្មីរបស់អាមេរិក ដែលលាតសន្ធឹងលើផ្ទៃដី ២៣ ០០០ ម៉ែត្រការ៉េនេះ នឹងមានសមត្ថភាពអាចផលិតបន្ទះឈីប semiconductor បានចំនួន ៤៥០ ០០០ ក្នុងមួយឆ្នាំ នៅពេលវាដំណើរការពេញលេញ ហើយនឹងអាចបង្កើតការងារថ្មីៗបានចំនួន ១ ០០០ កន្លែង ផងដែរ ។

លោក Tan Yew Kong អ្នកគ្រប់គ្រងទូទៅរបស់ក្រុមហ៊ុន GlobalFoundries ប្រចាំប្រទេសសិង្ហបុរី បានប្រាប់អ្នកយកព័ត៌មានថា ប្រសិនបើរោងចក្រថ្មីនេះ ដំណើរការពេញលេញ នោះក្រុមហ៊ុន នឹងអាចទទួលបានប្រហែល ៤៥% នៃប្រាក់ចំណូលសរុប ខណ:ពេលដែលតម្រូវការសកល សម្រាប់បន្ទះឈីប រំពឹងថានឹងអាចកើនឡើង នៅឆមាសទី២ ឆ្នាំ ២០២៤ ខាងមុខ។

ជម្រាបជូនផងដែរថា GlobalFoundries ជាក្រុមហ៊ុនផលិតបន្ទះឈីបធំជាងគេទី៣ របស់ពិភពលោក ដោយផ្នែកលើប្រាក់ចំណូល តាមពីក្រោយក្រុមហ៊ុន TSMC របស់តៃវ៉ាន់ និងក្រុមហ៊ុន Samsung Electronic របស់កូរ៉េខាងត្បូង។ នេះបតាមទិន្នន័យទទួលបានពីស្ថាប័នស្រាវជ្រាវទីផ្សារ Trendforce៕

The post ក្រុមហ៊ុនបន្ទះឈីបខ្នាតយក្សអាមេរិក បើករោងចក្រតម្លៃ ៤ពាន់លានដុល្លារ នៅសិង្ហបុរី appeared first on .