ក្រុមហ៊ុនផលិតរថយន្តខ្នាតយក្សរបស់អាមេរិកនេះ កំពុងបន្ថែមការវិនិយោគ ៣០០លានដុល្លារ ទៅក្នុងផែនការចំណាយ ៣០០លានដុល្លារផ្សេងទៀតដែលបានប្រកាសនៅក្នុងខែធ្នូ។

ក្រុមហ៊ុន GM បាននិយាយទៀតផងដែរថា ការវិនិយោគនេះ នឹងឆ្ពោះទៅរកការធ្វើទំនើបកម្មរោងចក្រចំនួនពីររបស់ខ្លួននៅក្នុងប្រទេសកូរ៉េខាងត្បូង ដោយប្រើប្រាស់ម៉ូដែលម៉ាស៊ីនជំនាន់ចុងក្រោយបំផុត។ មូលនិធិនេះក៏នឹងត្រូវចំណាយលើការធ្វើឱ្យប្រសើរឡើងនូវសមត្ថភាពផលិតកម្ម ការកែលម្អគុណភាពផលិតផល និងជំរុញការប្រកួតប្រជែងផ្នែកបច្ចេកវិទ្យាសម្រាប់រថយន្តស្ព័រខ្នាតតូច នៅរោងចក្ររបស់ខ្លួន ក្នុងប្រទេសកូរ៉េខាងត្បូងផងដែរ។

ជម្រាបជូនថា ក្រុមហ៊ុន GM នៅកូរ៉េ បានលក់រថយន្តចំនួន ៤៦២ ៣១០ គ្រឿង ក្នុងឆ្នាំ ២០២៥ ដែលភាគច្រើនតាមរយៈការនាំចេញទៅកាន់សហរដ្ឋអាមេរិក ពោលគឺបានធ្លាក់ចុះ ៧,៥ភាគរយពីឆ្នាំ២០២៤ ដោយសារតែពន្ធរបស់សហរដ្ឋអាមេរិកលើរថយន្តនាំចូល៕​

The post ក្រុមហ៊ុនយក្សអាមេរិក GM គ្រោងបោះលុយវិនិយោគ ៦០០លានដុល្លារនៅក្នុងប្រទេសកូរ៉េខាងត្បូង appeared first on .

ក្រុមហ៊ុន GM កាលពីថ្ងៃទី៨ ខែមករា បានប្រកាសថា ការខាតបង់សរុបរបស់ខ្លួនអាចនឹងមានចំនួនរហូតដល់ ៧,១ពាន់លានដុល្លារ គិតនៅត្រឹមត្រីមាសទី៤ នៃឆ្នាំ២០២៥ របស់ខ្លួន។ ក្នុងចំណោមនោះ ក្រុមហ៊ុនទទួលរងការខាតបង់អស់ ៦ពាន់លានដុល្លារ ដោយសារការថយចុះទាក់ទងការវិនិយោគលើរថយន្តអគ្គិសនី ខណៈ ១,១ពាន់លានដុល្លារផ្សេងទៀត គឺជាការចំណាយទៅលើការរៀបចំរចនាសម្ព័ន្ធរបស់ក្រុមហ៊ុនឡើងវិញសម្រាប់ក្រុមហ៊ុនបណ្តាក់ទុនរួមគ្នា SAIC General Motors នៅក្នុងប្រទេសចិន។

គួរឲ្យដឹងថា នៅត្រីមាសទី៣ នៃឆ្នាំ២០២៥ ក្រុមហ៊ុន GM ក៏ទទួលរងនូវការខាតបង់ទឹកប្រាក់អស់ប្រមាណ ១,៦ពាន់លានដុល្លារ ផងដែរ ដោយសារតែការកែសម្រួលយុទ្ធសាស្ត្រ ខណៈពេលដែលគោលនយោបាយយានយន្តអគ្គិសនីបានផ្លាស់ប្តូរយ៉ាងខ្លាំងក្រោមការដឹកនាំរបស់ប្រធានាធិបតីអាមេរិក លោក ដូណាល់ ត្រាំ។ មុនពេលលោក ត្រាំ ចូលកាន់តំណែង ក្រុមហ៊ុន GM បានវិនិយោគទឹកប្រាក់យ៉ាងច្រើនទៅលើសមត្ថភាពផលិតយានយន្តអគ្គិសនី។

ជម្រាបជូនថា ចាប់តាំងពីលោក ត្រាំ​ ចូលកាន់តំណែងមក សហរដ្ឋអាមេរិក បានបញ្ចប់គំនិតផ្តួចផ្តើមលើវិស័យរថយន្តអគ្គិសនីសំខាន់ៗជាច្រើនដែលត្រូវបានអនុម័តដោយអតីតប្រធានាធិបតី លោក ចូ បៃដិន។ ហើយដោយបន្ថែមពីលើការលុបចោលការលើកទឹកចិត្តពន្ធសម្រាប់អ្នកទិញរថយន្តអគ្គិសនី រដ្ឋាភិបាលសហរដ្ឋអាមេរិកក៏បានបន្ធូរបន្ថយបទប្បញ្ញត្តិស្តីពីការបំភាយឧស្ម័នកាបូនផងដែរ៕​

The post ក្រុមហ៊ុនខ្នាតយក្សអាមេរិក GM រងការខាតបង់ ៦ពាន់លានដុល្លារ ដោយសារការវិនិយោគលើរថយន្ត EV appeared first on .

ជុំវិញរបាយការណ៍នេះ ត្រូវបានប្រកាសដោយក្រុមហ៊ុន General Motors កាលពីថ្ងៃទី១៤ ខែតុលា ដោយចំនួនទឹកប្រាក់ខាតបង់ខាងលើត្រូវបានគណនាពីការធ្លាក់ចុះនៃទ្រព្យសកម្មមិនមែនសាច់ប្រាក់ ចំនួន ១,២ពាន់លានដុល្លារ ដោយសារតែការថយចុះនៃសមត្ថភាពផលិតរថយន្ត EV និងទឹកប្រាក់ ៤០០លានដុល្លារផ្សេងទៀត ក្នុងថ្លៃលុបចោលកិច្ចសន្យា និងការទូទាត់ពាណិជ្ជកម្ម។

យ៉ាងណាមិញ ជុំវិញបញ្ហានេះ ក្រុមហ៊ុន GM កំពុងទទួលរងនូវការខាតបង់សរុប ១,៦ពាន់លានដុល្លារ ដើម្បីរៀបចំរចនាសម្ព័ន្ធឡើងវិញនូវយុទ្ធសាស្រ្តរថយន្តអគ្គិសនីរបស់ខ្លួន បន្ទាប់ពីរដ្ឋបាលរបស់ប្រធានាធិបតី ដូណាល់ ត្រាំ បានលុបចោលឥណទានពន្ធរហូតដល់ ៧ ៥០០ដុល្លារ សម្រាប់រថយន្ត។

ប៉ុន្តែទោះជាយ៉ាងណាក៏ដោយ ការផ្លាស់ប្តូរនេះមិនប៉ះពាល់ដល់ម៉ូដែលរថយន្តអគ្គិសនីដែលមានស្រាប់ដូចជា Chevrolet, GMC និង Cadillac នោះទេ ប៉ុន្តែពួកគេបានព្រមានថា ការត្រួតពិនិត្យដែលកំពុងដំណើរការលើសមត្ថភាពផលិតអាចបង្កើនការគិតថ្លៃលើប្រភេទរថយន្តទាំងនោះ។

ជម្រាបជូនថា ក្រុមហ៊ុន GM គឺជាក្រុមហ៊ុនដំបូងគេបំផុតមួយដែលបានបណ្តាក់ទុនរាប់ពាន់លានដុល្លារក្នុងទីផ្សាររថយន្តអគ្គិសនី ប៉ុន្តែវាមិនបានជោគជ័យឡើយ។ កាលពី​ ៤ឆ្នាំមុន ក្រុមហ៊ុននេះ គ្រោងនឹងវិនិយោគ ៣០ពាន់លានដុល្លារលើរថយន្តនៅឆ្នាំ២០២៥ រួមទាំងការដាក់ចេញនូវម៉ូដែលថ្មីៗជាច្រើន និងការបង្កើនសមត្ថភាពផលិតថ្ម ផងដែរ។ តែទោះជាយ៉ាងណាក៏ដោយ ផែនទីបង្ហាញផ្លូវរថយន្តអគ្គិសនីរបស់ក្រុមហ៊ុន ត្រូវបានធ្លាក់ចុះដោយសារតម្រូវការទាបជាងការរំពឹងទុក និងការផ្លាស់ប្តូរគោលនយោបាយរបស់សហរដ្ឋអាមេរិក បន្ទាប់ពីលោក ត្រាំ ត្រូវបានជាប់ឆ្នោតជាប្រធានាធិបតី៕​

The post ក្រុមហ៊ុនខ្នាតយក្ស GM ខាតបង់អស់ ១,៦ពាន់លានដុល្លារ ដោយសារបន្ថយការវិនិយោគលើរថយន្ត EV appeared first on .

គួរឲ្យដឹងថា រោងចក្ររបស់ក្រុមហ៊ុន GM ដែលនឹងត្រូវបិទឈប់ដំណើរនេះ កំពុងផលិតរថយន្តខ្នាតតូច ដូចជា Buick GL8 និងរថយន្ត Chevrolet Tracker SUV សម្រាប់ទីផ្សារប្រទេសចិន។

ក្រុមហ៊ុន GM កំពុងរៀបចំរចនាសម្ព័ន្ធអាជីវកម្មរបស់ខ្លួនឡើងវិញ នៅក្នុងប្រទេសចិន ចំពេលមានការប្រកួតប្រជែងកាន់តែខ្លាំង បន្ទាប់ពីក្រុមហ៊ុនគូប្រជែងក្នុងស្រុកសុទ្ធសឹងតែទទួលបានការគាំទ្រជាពិសេស ដោយការឧបត្ថម្ភធនរបស់រដ្ឋាភិបាល ដើម្បីកាន់កាប់ទីផ្សារ។

នៅក្នុងត្រីមាសទី៤ ក្រុមហ៊ុន GM បានរាយការណ៍ថា អាចនឹងត្រូវចំណាយទឹកប្រាក់ដល់ទៅ ៤ពាន់លានដុល្លារ ដើម្បីរៀបចំរចនាសម្ព័ន្ធក្រុមហ៊ុនឡើងវិញ នៅក្នុងប្រទេសចិន ដែលក្នុងនោះក៏រាប់បញ្ចូលទាំងការបិទរោងចក្រ ផងដែរ។

ទន្ទឹមនឹងនេះ ក្នុងអំឡុងចូលរួមសន្និសិទរថយន្តនៅទីក្រុងញូវយ៉ក កាលពីសប្តាហ៍មុន នាយកប្រតិបត្តិក្រុមហ៊ុន GM លោកស្រី Mary Barra បាននិយាយថា ចាប់ពីពេលនេះទៅក្រុមហ៊ុន GM នៅក្នុងប្រទេសចិនដែលជាទីផ្សាររថយន្តដ៏ធំបំផុតរបស់ពិភពលោក នឹងងាកមកផ្តោតតែលើការលក់រថយន្ត Cadillac​ និងBuick ដែលផលិតនៅទីនោះ និងម៉ូដែលនាំចូលមួយចំនួនទៀត។

ជម្រាបជូនផងដែរថា ក្រុមហ៊ុន GM បច្ចុប្បន្ន កំពុងចាប់ដៃគូសហការជាមួយក្រុមហ៊ុនក្នុងស្រុក SAIC Motors ដើម្បីផលិតរថយន្តសម្រាប់ម៉ូដែលពេញនិយមដូចជា Buick, Chevrolet និង Cadillac នៅក្នុងប្រទេសចិន៕​

The post ក្រុមហ៊ុនខ្នាតយក្សអាមេរិក GM ប្រកាសបិទរោងចក្រធំមួយនៅចិន ដើម្បីរៀបចំរចនាសម្ព័ន្ធឡើងវិញ appeared first on .

ជុំវិញការបរិច្ចាគនេះ ត្រូវបានធ្វើឡើង បន្ទាប់ពីគោលនយោបាយស្តីពីពន្ធគយថ្មី និងរថយន្តអគ្គិសនីដែលកំពុងស្ថិតនៅក្រោមការពិចារណាដោយរដ្ឋបាលរបស់លោក ត្រាំ អាចនឹងធ្វើឲ្យប៉ះពាល់ដល់ក្រុមហ៊ុនផលិតរថយន្តធំៗជាច្រើន នៅទីក្រុង Detroit រួមទាំង Ford ផងដែរ ដែលកំពុងជួបការលំបាកក្នុងការបង្កើន និងលក់ម៉ូដែលដែលប្រើថាមពលអគ្គិសនីរបស់ខ្លួន។

ទន្ទឹមនឹងនេះ នាយកប្រតិបត្តិក្រុមហ៊ុន Ford លោក Jim Farley បានប្រាប់អ្នកសារព័ត៌មាន ដោយមានសុទិដ្ឋិនិយមថា លោក ត្រាំ នឹងបើកចំហរក្នុងការស្តាប់ទស្សនៈរបស់ក្រុមហ៊ុនផលិតរថយន្តរបស់អាមេរិកទាំងអស់ លើសកម្មភាពពន្ធថ្មីទាំងនេះ។

មិនតែប៉ុណ្ណោះ ក្រុមហ៊ុន GM ក៏បាននិយាយកាលពីថ្ងៃចន្ទថា ខ្លួនកំពុងបរិច្ចាគទឹកប្រាក់ចំនួន ១លានដុល្លារ ហើយនឹងផ្តល់រថយន្តរបស់ខ្លួនមួយចំនួន ទៅឲ្យរដ្ឋបាលរបស់លោក ត្រាំ នៅក្នុងពិធីស្បថចូលកាន់តំណែងនាខែក្រោយនេះផងដែរ។

ជម្រាបជូនផងដែរថា កន្លងមកក្រុមហ៊ុនធំៗផ្សេងទៀត រួមទាំង Amazon និង Meta Platforms ក៏បានបរិច្ចាគដល់មូលនិធិរបស់លោកត្រាំនេះផងដែរ ស្របពេលថ្នាក់នាំកំពូលៗ និងមហាសេដ្ឋីជាច្រើន បាននាំគ្នាទៅជួបពិភាក្សាផ្ទាល់ជាមួយលោក ត្រាំ នៅឯលំនៅដ្ឋាន Mar-a-Lago ក្នុងរដ្ឋ Florida នៅរយ:ពេលប៉ុន្មានសប្តាហ៍ចុងក្រោយនេះ៕

The post ក្រុមហ៊ុន Ford និង GM ប្រកាសបរិច្ចាគម្នាក់ ១លានដុល្លារ ទៅកាន់មូលនិធិស្បថចូលកាន់តំណែងរបស់លោក ត្រាំ appeared first on .

នៅក្នុងអ៊ីមែលមួយជាមួយ The Verge លោក James Cain នាយកប្រតិបត្តិផ្នែកហិរញ្ញវត្ថុ និងទំនាក់ទំនងផ្នែកលក់របស់ GM បានសរសេរថា ការលក់បានកើនឡើងដូច្នេះ គឺកើតឡើងចាប់តាំងពីពេលដែលក្រុមហ៊ុនបានបង្កើតវេទិកា EV ( ពីមុនត្រូវបានគេស្គាល់ថា Ultium ) ហើយបានចាប់ផ្តើមផលិតកោសិកាថ្ម តាមរយៈការបណ្តាក់ទុនរួមគ្នាជាមួយក្រុមហ៊ុន LG និងក្រុមហ៊ុន Samsung SDI ។ ការលក់រថយន្ត EV នៅត្រីមាសទីបីរបស់ GM បានយកឈ្នះគូប្រកួតប្រជែង Ford ប្រហែល ៨ ៦០០គ្រឿង នេះបើយោងតាម Kelley Blue Book ដូចដែលបានរាយការណ៍ដោយកាសែត The New York Times ។

មិនត្រឹមតែប៉ុណ្ណោះ ក្រុមហ៊ុន GM បានលើកឡើងថា ខ្លួនបានលក់រថយន្ត EV សរុបបានចំនួន ៣៧០ ០០០គ្រឿងនៅអាមេរិកខាងជើង ចាប់តាំងពីឆ្នាំ២០១៦ រួមទាំង ៣០០ ០០០គ្រឿងផ្សេងទៀតនៅសហរដ្ឋអាមេរិក។ ដោយឡែក ក្រុមហ៊ុន Tesla នៅតែជាអ្នកលក់រថយន្ត EV ដាច់ជាងគេ ពោលមានរថយន្តជាង ៥លានគ្រឿងត្រូវបានលក់ចាប់តាំងពីឆ្នាំ២០០៨ ៕

The post GM ថាខ្លួនជាក្រុមហ៊ុនលំដាប់ទីពីរ ដែលលក់រថយន្តអគ្គិសនីដាច់ជាងគេបំផុតនៅអាមេរិក appeared first on .

ប្រភពដដែលបាននិយាយទៀតថា ចំពោះច្បាប់ថ្មី​នេះ ​ក៏​នឹង​ប៉ះ​ពាល់​ដល់​ក្រុមហ៊ុន​ផលិត​រថយន្ត​ផ្សេង​ទៀត​ដែល​លក់ ​ឬ​ផលិត​រថយន្ត​នៅ​អាមេរិក​ដូច​ជា Volvo និងក្រុមហ៊ុនរថយន្តអគ្គិសនី BYD របស់ចិនផងដែរ។

គួរឲ្យដឹងថាក្រុមហ៊ុន GM កំពុងលក់រថយន្តម៉ូដែល Buick Envision ខណ:ក្រុមហ៊ុន Ford លក់រថយន្តម៉ូដែល Lincoln Nautilus ដែលដំឡើងក្នុងប្រទេសចិន នៅទីផ្សារសហរដ្ឋអាមេរិក។

ជុំវិញបញ្ហានេះ ខាងក្រុមហ៊ុនផលិតរថយន្តលំដាប់កំពូលទាំងពីរមិនទាន់មានការឆ្លើយតបអ្វីនៅឡើយទេ ខណ:រយៈពេល ៦ខែដំបូងនៃឆ្នាំ២០២៤ នេះ ក្រុមហ៊ុន GM បានលក់រថយន្តម៉ូដែល Envisions ប្រហែល ២ ២០០០ គ្រឿង ស្របពេល Ford បានលក់រថយន្ត Nautilus SUV របស់ខ្លួន ចំនួន ១ ៧៥០០ គ្រឿង​ នៅទឹកដីសហរដ្ឋអាមេរិក។

ទន្ទឹមនឹងនេះ លោកស្រី Liz Cannon ដែលជាប្រធានការិយាល័យបច្ចេកវិទ្យាព័ត៌មាន និងទំនាក់ទំនងនៃក្រសួងពាណិជ្ជកម្ម បាននិយាយថា ក្រោមច្បាប់ថ្មីនេះ រថយន្តណាដែលផលិតនៅក្នុងប្រទេសចិន ហើយយកមកលក់នៅសហរដ្ឋអាមេរិក អាចប្រឈមមុខនឹងការហាមឃាត់។ លោកស្រីបន្ថែមទៀតថាទាំង GM និង Ford ត្រូវត្រៀមខ្លួនទុកមុន ព្រោះថាការផលិតរថយន្តនៅក្នុងប្រទេសចិន សម្រាប់ទីផ្សារសហរដ្ឋអាមេរិក គួរតែត្រូវបិទ ហើយផ្លាស់ប្តូរទៅផលិតនៅកន្លែងផ្សេងទៀត៕

The post ក្រុមហ៊ុន Ford និង​ GM អាចនឹងត្រូវបញ្ឈប់ពីការនាំចូលរថយន្តដែលផលិតនៅចិន មកលក់ក្នុងទីផ្សារអាមេរិក appeared first on .

ក្រុមហ៊ុន Samsung SDI បាននិយាយនៅក្នុងសេចក្តីថ្លែងការណ៍មួយថា តាមរយ:កិច្ចព្រមព្រៀងខាងលើក្រុមហ៊ុនទាំងពីរនឹងបោះទុនវិនិយោគទឹកប្រាក់ប្រហែល ៣,៥ពាន់លានដុល្លារ ដើម្បីបង្កើតរោងចក្រផលិតអាគុយរថយន្ត EV ដែលមានសមត្ថភាពផលិតប្រចាំឆ្នាំ ២៧ ជីហ្គាវ៉ាត់ម៉ោង (Gwh) ។

គួរឲ្យដឹងថា ផែនការនេះត្រូវបានប្រកាសជាលើកដំបូង នៅក្នុងខែមេសា ឆ្នាំ២០២៣ មកម្លេះ នៅពេលដែលក្រុមហ៊ុន GM និង Samsung SDI បាននិយាយថាការបណ្តាក់ទុនរួមគ្នានឹងត្រូវចំណាយសរុបជាង ៣ពាន់លានដុល្លារ ជាមួយនឹងសមត្ថភាពផលិត ៣០ GWh ដែលបានគ្រោងទុក ហើយប្រតិបត្តិការនឹងត្រូវចាប់ផ្តើមនៅឆ្នាំ២០២៦។

ជម្រាបជូនទៀតផងដែរថា បើតាមក្រុមហ៊ុនផលិតអាគុយខ្នាតយក្សរបស់កូរ៉េខាងត្បូង Samsung SDI បាននិយាយនៅថ្ងៃពុធនេះថារោងចក្ររួមគ្នានេះ មានគោលបំណងផលិតអាគុយទ្រង់ទ្រាយធំ នៅឆ្នាំ២០២៧ ហើយសមត្ថភាពប្រចាំឆ្នាំត្រូវបានគេរំពឹងថានឹងកើនឡើងដល់ ៣៦ GWh ក្រោមផែនការពង្រីកចុងក្រោយបង្អស់៕

The post Samsung ចាប់ដៃគ្នាជាមួយ GM សាងសង់រោងចក្រផលិតអាគុយរថយន្ត EV តម្លៃជាង ៣ពាន់លានដុល្លារ នៅអាមេរិក appeared first on .

​ជុំវិញការកើនឡើងភាគហ៊ុនដ៏ច្រើននេះ បានធ្វើឲ្យ Xiaomi បន្ថែមទឹកប្រាក់ប្រហែល ៧,៦ពាន់លានដុល្លារ ទៅក្នុងតម្លៃ​មូលធន​ទីផ្សាររបស់ខ្លួន ដែលជាចំនួនកើនឡើងដល់កម្រិតខ្ពស់បំផុតមិនធ្លាប់មាន ចាប់តាំងពីខែមករា ឆ្នាំ២០២២ មក បន្ទាប់ពីពួកគេបានចាប់ផ្តើម​បញ្ជា​លក់រថយន្ត EV ដំបូងរបស់ខ្លួន កាលពីថ្ងៃទី២៨ ខែមីនាកន្លងទៅ។

គួរឲ្យដឹងផងដែរថា ក្រុមហ៊ុនចិនដែលធ្លាប់តែកើបប្រាក់ចំណូលពីការលក់ស្មាតហ្វូនមួយនេះ ឥឡូវបានកើនឡើងតម្លៃទីផ្សាររហូតដល់ទៅ ៥៥,២ពាន់លានដុល្លារ ពោលគឺបានវ៉ាដាច់ទៅលើក្រុមហ៊ុនផលិតរថយន្តកំពូលរបស់អាមេរិក General Motors (GM) ដែលមានតម្លៃទីផ្សារ ៥២,៤ពាន់លានដុល្លារ និងក្រុមហ៊ុន Ford ដែលមានតម្លៃទីផ្សារ ៥៣,១ពាន់លានដុល្លារ។

ជម្រាបជូនផងដែរថា Xiaomi បានដាក់លក់រថយន្តអគ្គិសនីដំបូង ម៉ូដែល SU7 ទៅក្នុងទីផ្សាររថយន្ត EV របស់ប្រទេសចិន នៅក្រោមតម្លៃ ៣០ ០០០ដុល្លារ សម្រាប់ប្រភេទធម្មតា ខណ:ក្រុមហ៊ុនក៏បាននិយាយកាលពីថ្ងៃទី២៩ ខែមីនាកន្លងទៅថា រថយន្តរបស់ពួកគេទទួលបានការបញ្ជាទិញក្នុងចំនួន ៨៨ ៨៩៨ គ្រឿងរួចទៅហើយ ក្នុងរយ:ពេលត្រឹម ២៤ម៉ោងដំបូងនៃការលក់៕

The post Xiaomi ផ្តួលក្រុមហ៊ុន GM និង Ford ក្រោយតម្លៃទីផ្សារកើនឡើងដល់ជាង ៥៥ពាន់លានដុល្លារ appeared first on .

យោងតាមការចុះផ្សាយពីគេហទំព័រ Reuters បានរាយការណ៍ថា លោក Jim Farley នាយកប្រតិបត្តិក្រុមហ៊ុន Ford បានប្រកាសស្វែងរកដៃគូសហការនានា មិនមែនតែជាមួយក្រុមហ៊ុន GM ឡើយ ដើម្បីទប់ស្កាត់ការពង្រីកខ្លួនរបស់ក្រុមហ៊ុនរថយន្តចិន ចូលមកក្នុងទីផ្សាររថយន្តនៅអឺរ៉ុប និងលោកខាងលិច។

គួររំលឹកបន្តិចថា ក្រុមហ៊ុនលំដាប់កំពូលៗនៅអឺរ៉ុប និងលោកខាងលិច កំពុងរងផលរំខានជាខ្លាំង ពីសំណាក់ក្រុមហ៊ុនរថយន្តចិនដូចជា BYD ជាដើម កំពុងតែជ្រៀតចូលទីផ្សាររថយន្តអន្តរជាតិ ជាមួយតម្លៃទាប ហើយបច្ចេកវិទ្យាក៏ខ្ពស់ថែមទៀត។

ដើម្បីត្រៀមទប់ទល់ជាមួយការពង្រីកខ្លួនរបស់ក្រុមហ៊ុនចិន មេធំរបស់ក្រុមហ៊ុន Ford បានរៀបចំយុទ្ធសាស្ត្រថ្មីៗដូចជា ស្វែងរកការសហការពីក្រុមហ៊ុនរថយន្តដទៃ និងព្យាយាមផលិត​រថយន្តដែលមានតម្លៃសមរម្យជាងមុនជាដើម៕

The post មេធំ Ford និង GM គ្រោងចាប់ដៃគ្នា ប្រកួតជាមួយក្រុមហ៊ុនរថយន្តចិន appeared first on .