មហាសេដ្ឋីក្រុមហ៊ុនថ្នាំលាប Nippon Paint ទទួលមរណភាព ក្នុងវ័យ ៩៨ឆ្នាំ

ឧកញ៉ាសាមញ្ញ — Tue, 12 Aug 2025 05:43:26 +0000

អ្នកមានដាច់គេរបស់សិង្ហបុរី និងជាមហាសេដ្ឋីក្រុមហ៊ុនថ្នាំលាបដ៏ល្បីឈ្មោះ Nippon Paint លោក Goh Cheng Liang បានទទួលមរណភាពហើយ នៅក្នុងវ័យ ៩៨ឆ្នាំ កាលពីថ្ងៃអង្គារ ទី១១ ខែសីហា។ នេះបើតាមការចុះផ្សាយពីសារព័ត៌មាន Bloomberg។

យោងតាមសេចក្តីថ្លែងការណ៍មួយរបស់ក្រុមហ៊ុន Nippon Paint បានបញ្ជាក់ថា ៖” ស្ថាបនិកនៃ Wuthelam Group និងជាសប្បុរសជនជាទីគោរព លោក Goh បានទទួលមរណភាពហើយ ដោយមានការជួបជុំជាមួយក្រុមគ្រួសាររបស់គាត់”។

កើតនៅក្នុងឆ្នាំ១៩២៧ លោក Goh បានធំធាត់ឡើងជាមួយឪពុកម្តាយ និងបងប្អូនបួននាក់របស់លោក នៅហាងមួយស្ថិតលើផ្លូវ River Valley ក្នុងប្រទេសសិង្ហបុរី ហើយបានកសាងអាជីពរបស់ខ្លួន នៅក្នុងឧស្សាហកម្មថ្នាំលាប និងអភិវឌ្ឍន៍អចលនទ្រព្យ។

លោក Goh បានបង្កើតក្រុមហ៊ុនថ្នាំលាបមួយឈ្មោះថា Pigeon Brand ក្នុងឆ្នាំ១៩៤៩ ហើយក្រោយមកបានបង្កើតភាពជាដៃគូជាមួយ Nippon Paint ដែលជាក្រុមហ៊ុនផលិតថ្នាំលាបធំជាងគេទីបួនរបស់ពិភពលោក។ នៅឆ្នាំ១៩៦២ ក្រុមហ៊ុនរបស់លោក បានក្លាយជាអ្នកចែកចាយដ៏ធំបំផុតរបស់ក្រុមហ៊ុនថ្នាំលាបជប៉ុន នៅសិង្ហបុរី។

ជម្រាបជូនផងដែរថា បច្ចុប្បន្ន លោក Goh កាន់កាប់ជិត ៦០% នៃ Nippon Paint Holdings តាមរយៈក្រុមហ៊ុន Wuthelam Group របស់ខ្លួន។ ហើយតាមការចុះផ្សាយពី Forbes លោក Goh មានទ្រព្យសម្បត្តិសរុបប្រមាណ ១៣ពាន់លានដុល្លារ៕

The post មហាសេដ្ឋីក្រុមហ៊ុនថ្នាំលាប Nippon Paint ទទួលមរណភាព ក្នុងវ័យ ៩៨ឆ្នាំ appeared first on .

ទោះទ្រព្យសម្បត្តិធ្លាក់ចុះជាង ២០% តែ Li Xiting នៅរក្សាងារជាអ្នកមានដាច់គេនៅសិង្ហបុរី

ឧកញ៉ាសំពៅ — Fri, 07 Oct 2022 08:27:00 +0000

លោក Li Xiting នៅតែអាចរក្សាតំណែងជាមហាសេដ្ឋីមានដាច់គេនៅសិង្ហបុរីសម្រាប់ឆ្នាំ ២០២២ បើទោះជាទ្រព្យសម្បត្តិរបស់លោកបានធ្លាក់ចុះប្រហែល ២១,៤% ក៏ដោយ។ នេះបើតាមការចុះផ្សាយពី Forbes។

សារព័ត៌មានដដែលបានបន្ថែមថា បច្ចុប្បន្នទ្រព្យសម្បត្តិសរុបរបស់ស្ថាបនិក Shenzhen Mindray Bio-Medical Electronic គឺ មានប្រមាណ ១៥,៦ ពាន់លានដុល្លារ ថយចុះកាលពីឆ្នាំ ២០២១ ដែលមានប្រហែល ២១,៥ ពាន់លានដុល្លារ។

ដោយឡែក បុរសដែលធ្លាប់មានរហស្សនាមអ្នកមានបំផុតនៅសាំងហ្គាពួរ Goh Cheng Lieang បានខ្ទាតមកកាន់តំណែងលេខ ៣ ជាមួយទ្រព្យសម្បត្តិជាង ១២ ពាន់លានដុល្លារ ថយចុះ ៤៤,២% កាលពីឆ្នាំ ២០២១ ដែលមានប្រមាណជិត ២២ ពាន់លានដុល្លារ។

តទៅនេះគឺជាបញ្ជីឈ្មោះមហាសេដ្ឋីមានបំផុត ១០ រូបនៅសិង្ហបុរីសម្រាប់ឆ្នាំ ២០២២ ចេញផ្សាយដោយ Forbes៖

1/ Li Xiting មានទ្រព្យសម្បត្តិសរុបប្រមាណ ១៥,៦ ពាន់លានដុល្លារ

2/ Robert & Philip Ng មានទ្រព្យសម្បត្តិសរុបប្រមាណ ១៥,២ ពាន់លានដុល្លារ

3/ Goh Cheng Liang មានទ្រព្យសម្បត្តិសរុបប្រមាណ ១៣ ពាន់លានដុល្លារ

4/ Eduardo Saverin មានទ្រព្យសម្បត្តិសរុបប្រមាណ ៩,៦ ពាន់លានដុល្លារ

5/ Kwek Leng Beng និងគ្រួសារមានទ្រព្យសម្បត្តិសរុបប្រមាណ ៩,៣ ពាន់លានដុល្លារ

6/ Zhang Yong & Shu Ping មានទ្រព្យសម្បត្តិសរុបប្រមាណ ៧,៧ ពាន់លានដុល្លារ

7/ Leo Koguan មានទ្រព្យសម្បត្តិសរុបប្រមាណ ៧,៦ ពាន់លានដុល្លារ

8/ គ្រួសារត្រកូល Khoo មានទ្រព្យសម្បត្តិសរុបប្រមាណ ៦,៩ ពាន់លានដុល្លារ

9/ Wee Cho Yaw មានទ្រព្យសម្បត្តិសរុបប្រមាណ ៦,៨ ពាន់លានដុល្លារ

10/ បងប្អូនត្រកូល Kwee មានទ្រព្យសម្បត្តិសរុបប្រមាណ ៥,៨ ពាន់លានដុល្លារ៕

The post ទោះទ្រព្យសម្បត្តិធ្លាក់ចុះជាង ២០% តែ Li Xiting នៅរក្សាងារជាអ្នកមានដាច់គេនៅសិង្ហបុរី appeared first on .