ក្នុងសន្និសីទសារព័ត៌មាន កាលពីថ្ងៃទី២៣ ខែមករា ឆ្នាំ២០២៦ ប្រធាន និងនាយកប្រតិបត្តិរបស់ក្រុមហ៊ុន​ហ៊ីយ៉ាន់ដាយ បានលើកឡើងពីវត្តមានដ៏អស្ចារ្យរបស់ The all-new Hyundai PALISADE នេះថា៖ «យើងជឿ​ជាក់​ថា The all-new Hyundai PALISADE នឹងកំណត់ស្តង់ដារថ្មីមួយ សម្រាប់រថយន្ត SUV នៅប្រទេសកម្ពុជា ជាមួយនឹងការរចនាថ្មី ភាពទំនើប ផ្នែកខាងក្នុងធំទូលាយ ប្រព័ន្ធសុវត្ថិភាពវៃឆ្លាតជំនួយដល់អ្នកបើកបរកម្រិតខ្ពស់ និងបទពិសោធន៍នៃការបើកបរ។»

The all-new Hyundai PALISADE ត្រូវបានរចនាឡើងអមជាមួយនឹងប្រណិតភាព ផាសុកភាព បច្ចេកវិទ្យាថ្មី និងសុវត្ថិភាពដែលប្រកបដោយទំនុកចិត្ត សម្រាប់ប្រើប្រាស់បែបគ្រួសារ និងអាជីវកម្ម។

ក្នុងសន្និសីទសារព័ត៌មាន ក៏មានការចូលរួមជាភ្ញៀវកិតិ្តយសពីសំណាក់ម្ចាស់កំពូលរថយន្ត SUV The all-new Hyundai PALISADE ឆ្នាំ២០២៦ ដែលបង្ហាញជាសក្ខីភាពអំពីទំនុកចិត្ត និងការគាំទ្រមកកាន់ក្រុមហ៊ុន​ហ៊ីយ៉ាន់ដាយ​ផងដែរ។

ចក្ខុវិស័យរបស់ក្រុមហ៊ុនហ៊ីយ៉ាន់ដាយ គឺផ្តល់នូវវឌ្ឍនភាពសម្រាប់មនុស្សជាតិ ដោយបង្កើតយានជំនិះសម្រួលជីវិត​រស់នៅ​ប្រចាំថ្ងៃ ផ្តល់ទំនុកចិត្តពេលធ្វើដំណើរ និងបំពេញតម្រូវការរបស់គ្រួសារ និងជីវិតរស់នៅបែបទំនើប។

សូមបញ្ជាក់ថា Hyundai Cambodia ត្រូវបានបង្កើតឡើងនៅឆ្នាំ២០០៩ ហើយបានផ្តល់សេវាកម្មដែលមាន​គុណភាព​ខ្ពស់ជូនអតិថិជន។ ក្រុមហ៊ុន ខេមកូ ម៉ូធ័រ ខមភេនី ជាក្រុមហ៊ុននាំចូល និងចែកចាយផ្តាច់មុខតែមួយគត់​នៅក្នុងព្រះរាជាណាចក្រកម្ពុជា ជាពិសេសផ្គត់ផ្គង់នូវរថយន្តប្រភេទ SUV និង MPV ជាច្រើនក្នុងរយៈពេល ១៦ឆ្នាំ​ចុងក្រោយនេះ។ បច្ចុប្បន្នក្រុមហ៊ុនហ៊ីយ៉ាន់ដាយ មានអគារដាក់តាំងបង្ហាញរថយន្តហ៊ីយ៉ាន់ដាយ ៣សាខា មជ្ឃមណ្ឌល​ថែទាំរថយន្តហ៊ីយ៉ាន់ដាយ ៣សាខា និងរោងចក្រដំឡើងរថយន្ត​ដោយកូនខ្មែរក្នុងព្រះរាជាណាចក្រ​កម្ពុជា។

ទំនាក់ទំនងមកឥឡូវនេះ ទីប្រឹក្សាផ្នែកលក់រីករាយស្វាគមន៍ នឹងជម្រាបជូនរាល់ព័ត៌មានលម្អិត

តាមរយៈលេខទូរស័ព្ទ៖ 010 755 133, 097 755 8133

ឬតាមរយៈតេឡេក្រាម៖ https://t.me/hyundaihotline

សាខាព្រះមុនីវង្ស៖ https://goo.gl/maps/ZGCcvYvkoNayGzNn8

សាខា City Store៖ https://goo.gl/maps/1efL4VwHqhzVZr479 សាខាសៀមរាប៖ https://goo.gl/maps/homjsR1AZ7AZS4e77

The post The all-new Hyundai PALISADE ឆ្នាំ២០២៦ បានមកដល់កម្ពុជាហើយ appeared first on .

ជុំវិញការប្រកាសពីផែនការវិនិយោគដ៏ធំនេះ ត្រូវបានធ្វើឡើង បន្ទាប់ពីរដ្ឋាភិបាលទីក្រុងសេអ៊ូល បានឈានដល់ការចុះហត្ថលេខាព្រមព្រៀងពាណិជ្ជកម្មមួយ ដោយកាត់បន្ថយពន្ធគយរបស់សហរដ្ឋអាមេរិក មកលើរថយន្តរបស់កូរ៉េខាងត្បូង មកត្រឹម ១៥% ពីកម្រិត ២៥% ពីមុន។

គួរឲ្យដឹងផងដែរថា ប្រធានាធិបតីកូរ៉ែខាងត្បូង លោក Lee Jae Myung បានជួបជាមួយលោក Euisun Chung ប្រធានក្រុមហ៊ុន Hyundai និងថ្នាក់ដឹកនាំសាជីវកម្មធំៗផ្សេងទៀត កាលពីថ្ងៃអាទិត្យ ពោលគឺក្រោយពេលពីរថ្ងៃ បន្ទាប់ពីព័ត៌មានលម្អិតត្រូវបានចេញផ្សាយលើកិច្ចព្រមព្រៀងពាណិជ្ជកម្ម ដែលរួមមានទាំងការសន្យារបស់កូរ៉េខាងត្បូង ក្នុងការវិនិយោគទឹកប្រាក់ចំនួន ៣៥០ពាន់លានដុល្លារអាមេរិក នៅក្នុងវិស័យយុទ្ធសាស្ត្ររបស់សហរដ្ឋអាមេរិកផងដែរ។

ជម្រាបជូនផងដែរថា ក្នុងចំណោមការវិនិយោគក្នុងស្រុករបស់ក្រុមហ៊ុន Hyundai ទឹកប្រាក់ចំនួន ៥០,៥ទ្រីលានវ៉ុន (៣៥ពាន់លានដុល្លារ) នឹងត្រូវបែងចែកទៅក្នុងវិស័យ AI និងឱកាសអាជីវកម្មនាពេលអនាគតផ្សេងទៀត រូមទាំងទឹកប្រាក់ ៤៨,៤ទ្រីលានវ៉ុន ក្នុងការស្រាវជ្រាវ និងអភិវឌ្ឍន៍ និង ៣៦,២ទ្រីលានវ៉ុន លើការបង្កើនប្រសិទ្ធភាពរោងចក្រផលិត និងការសាងសង់អគារខ្ពស់កប់ពពក។ នេះបើយោងតាមក្រុមហ៊ុន Hyundai៕

The post ក្រុមហ៊ុន Hyundai ប្រកាសបោះលុយវិនិយោគជិត ៩០ពាន់លានដុល្លារ នៅកូរ៉េខាងត្បូង ក្រោយអាមេរិកកាត់ពន្ធ appeared first on .

ជុំវិញបញ្ហានេះ រដ្ឋបាលសុវត្ថិភាពចរាចរណ៍ផ្លូវជាតិអាមេរិក (NHTSA) បាននិយាយថា ការប្រមូលមកវិញសារនេះ នឹងប៉ះពាល់ដល់រថយន្ត Hyundai Palisade ផលិតឆ្នាំ២០២០ ដល់ឆ្នាំ២០២៥ មួយចំនួន។

ទីភ្នាក់ងារដដែលនេះ បានបញ្ជាក់ឲ្យផងដែរទៀតផងដែរថា អតិថិជនដែលជាម្ចាស់រថយន្តមានបញ្ហាខាងលើ នឹងត្រូវណែនាំឲ្យយករថយន្តរបស់ពួកគេមកត្រួតពិនិត្យ ខណៈពេលដែលក្រុមហ៊ុននឹងធ្វើការជួសជុលវិញ ដោយឥតគិតថ្លៃ៕​

The post ក្រុមហ៊ុន Hyundai អូសរថយន្តជាងកន្លះលានគ្រឿងចូលឃ្លាំងវិញ ដោយសារបញ្ហាខ្សែក្រវាត់ appeared first on .

ជុំវិញការប្រកាសនេះ ត្រូវបានធ្វើឡើង បនញទាប់ពីប្រធានក្រុមហ៊ុន Hyundai លោក Chung Euisun បានចូលរួមនៅក្នុងកិច្ចប្រជុំតុមូលធុរកិច្ចកូរ៉េ-អាមេរិក ដាច់ដោយឡែកមួយទៀត ដែលធ្វើឡើងនៅទីក្រុងវ៉ាស៊ីនតោន កាលពីថ្ងៃចន្ទ បន្ទាប់ពីកិច្ចប្រជុំកំពូលកូរ៉េ-អាមេរិក ត្រូវបានបញ្ចប់។

យោងតាមន្ត្រីម្នាក់មកពីក្រុមហ៊ុន Hyundai Motor Group បាននិយាយថា៖”​ការវិនិយោគបន្ថែម ៥ពាន់លានដុល្លារនេះ នឹងផ្តោតជាចម្បងលើរោងចក្រមនុស្សយន្តថ្មីៗ ក៏ដូចជាវិស័យរថយន្ត ដែក ការបើកបរដោយស្វ័យប្រវត្តិ បញ្ញាសិប្បនិម្មិត និងវិស័យអាជីវកម្មនាពេលអនាគត”។

ជម្រាបជូនផងដែរថា​ ជុំវិញការបង្កើនការវិនិយោគនេះ ក្រុមហ៊ុន Hyundai គ្រោងនឹងសាងសង់រោងចក្រផលិតមនុស្សយន្តដែលមានសមត្ថភាពផលិតប្រចាំឆ្នាំចំនួន ៣០ ០០០ គ្រឿង ដោយបង្កើតវាជាមជ្ឈមណ្ឌលមនុស្សយន្ត នៅសហរដ្ឋអាមេរិក និងជាផ្នែកសំខាន់នៃប្រព័ន្ធអេកូឡូស៊ីមនុស្សយន្តដែលកំពុងរីកចម្រើន៕​

The post ក្រុមហ៊ុន Hyundai នឹងបង្កើនការវិនិយោគនៅសហរដ្ឋអាមេរិក ដល់ ២៦ពាន់លានដុល្លារ appeared first on .

ប្រភពដដែលនេះ បាននិយាយទៀតថា ក្រុមហ៊ុនផលិតរថយន្តខ្នាតយក្សរបស់កូរ៉េខាងត្បូង ត្រូវបានគេរំពឹងថានឹងបញ្ឈប់ប្រតិបត្តិការលើខ្សែសង្វាក់ផលិតកម្មមួយចំនួន ចាប់ពីថ្ងៃទី២៤ ដល់ថ្ងៃទី៣០ ខែមេសា នៅឯរោងចក្រ Ulsan របស់ខ្លួន ដែលជាកន្លែងពួកគេផលិតរថយន្តអគ្គិសនី ម៉ូដែល Ioniq 5 និង Kona ។

Yonhap ក៏បានបន្ថែមទៀតថា ការផ្អាកផលិតកម្មរថយន្ត EV នេះ ត្រូវបានធ្វើឡើង នៅពេលដែលការបញ្ជាទិញរថយន្ត EV ពីទីផ្សារធំៗបានធ្លាក់ចុះយ៉ាងខ្លាំង នៅក្នុងខែមេសា បន្ទាប់ពីផែនការផ្តល់ប្រាក់ឧបត្ថម្ភសម្រាប់រថយន្ត EV របស់រដ្ឋាភិបាល ត្រូវបានដកចេញ និងមានការដាក់ពន្ធគយរបស់សហរដ្ឋអាមេរិក លើយានយន្តនាំចូល ផងដែរ។

ជម្រាបជូនផងដែរថា រដ្ឋបាលប្រធានាធិបតីអាមេរិក លោក ដូណាល់ ត្រាំ បានប្រកាសដំឡើងពន្ធរហូតដល់ ២៥ភាគរយលើរថយន្តនាំចូល និងរថយន្តធុនស្រាលពីគ្រប់បណ្តាប្រទេសទាំងអស់ នៅក្នុងខែមេសានេះ៕

The post Hyundai គ្រោងផ្អាកផលិតរថយន្តអគ្គិសនីរបស់ខ្លួន នៅកូរ៉េខាងត្បូង ចំពេលមានវិធានពន្ធរបស់ ត្រាំ appeared first on .

ការវិនិយោគនេះ នឹងរួមបញ្ចូលទាំងការសាងសង់រោងចក្រផលិតដែក Hyundai Steel ថ្មីដែលមានតម្លៃប្រមាណ ៥,៨ពាន់លានដុល្លារ នៅរដ្ឋ Louisiana ដោយរំពឹងថារោងចក្រថ្មីនេះ នឹងផលិតដែកថែបបានជាង ២,៧ លានតោន ក្នុងមួយឆ្នាំ ក៏ដូចជាអាចបង្កើតការងារបានជាង ១ ៤០០ កន្លែង ផងដែរ។

Hyundai បាននិយាយទៀតថា ក្នុងចំណោមទឹកប្រាក់វិនិយោគសរុបនោះ ក្រុមហ៊ុន ក៏មានគម្រោងវិនិយោគ ៩ពាន់លានដុល្លារ នៅត្រឹមឆ្នាំ២០២៨ ដើម្បីបង្កើនសមត្ថភាពផលិតរថយន្តរបស់ខ្លួន នៅសហរដ្ឋអាមេរិក ឲ្យដល់ចំនួន ១,២ លានគ្រឿង និងទឹកប្រាក់ចំនួន ៦ពាន់លានដុល្លារ ផ្សេងទៀត នឹងត្រូវយកទៅពង្រីកភាពជាដៃគូយុទ្ធសាស្ត្រជាមួយក្រុមហ៊ុនអាមេរិក នៅក្នុងបច្ចេកវិទ្យាបើកបរដោយស្វ័យប្រវត្តិ មនុស្សយន្ត និងបញ្ញាសិប្បនិម្មិតផងដែរ។

ក្រៅពីនោះ ក្រុមហ៊ុន Hyundai Motor ក៏គ្រោងនឹងរៀបចំពិធីបើកសម្ពោធរោងចក្រផលិតរថយន្ត និងអាគុយថ្មីមួយដែលមានតម្លៃប្រមាណ ៧,៥៩ពាន់លានដុល្លារ នៅរដ្ឋ Georgia ផងដែរ។

គួរឲ្យដឹងផងដែរថា ក្រុមហ៊ុនខ្នាតយក្សរបស់កូរ៉េខាងត្បូងមួយនេះ កំពុងមានរោងចក្រផលិតរថយន្តរបស់ខ្លួននៅ Alabama ខណៈពេលដែលក្រុមហ៊ុន Kia ដែលជាក្រុមហ៊ុនបុត្រសម្ព័ន្ធ ក៏មានរោងចក្រផ្ទាល់ខ្លួន នៅក្នុងរដ្ឋ Georgia ផងដែរ។ រោងចក្រចាស់ទាំងពីរនេះ អាចផលិតរថយន្តសរុបបានចំនួន ៧សែនគ្រឿងក្នុងមួយឆ្នាំ ហើយចំពោះរោងចក្រថ្មីនៅរដ្ឋ Georgia នោះនឹងមានសមត្ថភាពផលិតរថយន្តបានចំនួន ៣សែនគ្រឿង នៅពេលវាដំណើរការពេញលេញ។

ជម្រាបជូនផងដែរថា ការប្រកាសនេះ ត្រូវបានធ្វើឡើងនៅចំពេលដែលលោក ត្រាំ គំរាមដំឡើងពន្ធទៅវិញទៅមកលើប្រទេសជាច្រើន គិតចាប់ពីថ្ងៃទី២ ខែមេសាតទៅ ដែលអាចកំណត់គោលដៅជាពិសេសទៅលើប្រទេសកូរ៉េខាងត្បូង ដែលមានអតិរេកពាណិជ្ជកម្មដ៏ធំជាមួយសហរដ្ឋអាមេរិក។

ជាមួយគ្នានេះ លោក ត្រាំ បាននិយាយបាននិយាយកាលពីថ្ងៃចន្ទថា ៖”ការវិនិយោគនេះ គឺជាការបង្ហាញយ៉ាងច្បាស់ថាផែនការពន្ធគយរបស់យើងកំពុងដំណើរការហើយ”។ ប្រធានាធិបតីអាមេរិក ក៏បានបន្ថែមទៀតថា ពន្ធបន្ថែមលើរថយន្តទំនងជាត្រូវបានប្រកាសនៅក្នុងអំឡុងសប្តាហ៍នេះ៕

The post Hyundai និងលោក ត្រាំ ប្រកាសផែនការវិនិយោគទឹកប្រាក់ជាង ២០ពាន់លានដុល្លារ នៅអាមេរិក appeared first on .

ជុំវិញការប្រមូលរថយន្តត្រលប់មកវិញរបស់ក្រុមហ៊ុន Hyundai លើកចុងក្រោយនេះ នឹងប៉ះពាល់ដល់ម៉ូដែលពេញនិយមរបស់ខ្លួន ដូចជា Santa Fe និង Elantra ដែលផលិតនៅឆ្នាំ ២០២១ និង ២០២២ ។

ទន្ទឹមនឹងនេះ បើយោងតាមការបញ្ជាក់របស់ NHTSA បានបង្ហាញឲ្យដឹងទៀតថា ក្រុមហ៊ុន Hyundai នឹងដោះស្រាយបញ្ហានេះជូនដល់អតិថិជន ដោយជំនួសមកវិញនូវការប្តូរកាមេរ៉ាមើលក្រោយ ដោយមិនគិតថ្លៃ៕

The post Hyundai កំពុងប្រមូលរថយន្តជាង ២ សែនគ្រឿងត្រលប់មកវិញ ដោយសារបញ្ហាប្រព័ន្ធកាម៉េរាមើលក្រោយ appeared first on .

ចំពោះការប្រមូលត្រលប់ទៅវិញនេះ បានមើលឃើញថាប៉ះពាល់ដល់រថយន្តអគ្គិសនីម៉ូដែលជាច្រើន ដូចជា IONIQ 5 និង IONIQ 6 រួមជាមួយទាំងរថយន្តប្រណីតមួយចំនួនទៀត ដូចជា Genesis GV60, Genesis GV70 និង Genesis G80 ដែលផលិតនៅចន្លោះឆ្នាំ២០២២ ដល់ឆ្នាំ២០២៥។

ទន្ទឹមនឹងនេះ និយតករសុវត្ថិភាពស្វ័យប្រវត្តិរបស់សហរដ្ឋអាមេរិក បាននិយាយទៀតថា ប្រព័ន្ធត្រួតពិនិត្យការបញ្ចូលថ្មរួមគ្នា នៅក្នុងរថយន្តអគ្គិសនី Hyundai មួយចំនួន ទំនងជាខូចក្នុងអំឡុងពេលណាមួយ ដែលធ្វើឲ្យប៉ះពាល់ដល់អាគុយរថយន្តអគ្គិសនីកម្លាំង ១២វ៉ុល ដែលអាចបណ្តាលឲ្យការសាកបញ្ចូលបញ្ឈប់ដោយស្វ័យប្រវត្តិ និងធ្វើឲ្យអាគុយនោះលែងមានថាមពលតែម្តង។

ជម្រាបជូនថា បើតាមការបញ្ជាក់ពីរដ្ឋបាលសុវត្ថិភាពចរាចរណ៍ផ្លូវជាតិអាមេរិក បានបន្ថែមឲ្យទៀតថា ការប្រមូលត្រលប់ទៅវិញនេះ នឹងមិនតម្រូវឲ្យម្ចាស់រថយន្តទាំងនោះចំណាយប្រាក់នោះឡើយ ដោយក្រុមហ៊ុន Hyundai នឹងទទួលខុសត្រូវលើការត្រួតពិនិត្យ ជួសជុល និងធ្វើបច្ចុប្បន្នភាពលើផ្នែកដែលរងផលប៉ះពាល់ដោយឥតគិតថ្លៃ៕

The post Hyundai ប្រមូលរថយន្តអគ្គិសនីជាង ១៤ម៉ឺនគ្រឿងចូលឃ្លាំងវិញ ក្រោយជួបបញ្ហាអាគុយ appeared first on .

លោក Munoz វ័យ ៥៩ឆ្នាំ បានចូលបម្រើការងារជាមួយក្រុមហ៊ុន Hyundai ក្នុងឆ្នាំ២០១៩ ក្នុងនាមជាប្រធានប្រតិបត្តិការសកល ជាមួយនឹងការទទួលខុសត្រូវសម្រាប់ប្រតិបត្តិការផលិត នៅអាមេរិកខាងជើង និងខាងត្បូងរបស់ក្រុមហ៊ុន។ ពីមុនមកលោក ក៏ធ្លាប់បានធ្វើការនៅក្រុមហ៊ុន Nissan Motor Co អស់រយៈពេល ១៥ឆ្នាំ រួមទាំងតំណែងជាប្រធានក្រុមហ៊ុនរថយន្តនៅប្រទេសចិន ផងដែរ។

នៅក្នុងសេចក្តីថ្លែងការណ៍មួយ ក្រុមហ៊ុន Hyundai បាននិយាយថា បុរសដែលមានដើមកំណើតអេស្ប៉ាញរូបនេះ នឹងត្រូវចូលជំនួសតំណែង លោក Jaehoon Chang ដែលកំពុងត្រូវបានតែងតាំងឲ្យឡើងធ្វើជាអនុប្រធានផ្នែករថយន្តថ្មីរបស់ Hyundai ហើយការផ្លាស់ប្តូរនេះនឹងត្រូវចាប់ផ្តើមនៅថ្ងៃទី១ ខែមករា ឆ្នាំ២០២៥ ខាងមុខ។

គួរឲ្យដឹងថាលោក Munoz នឹងត្រូវទទួលភារកិច្ចធំ ដើម្បីដឹកនាំក្រុមហ៊ុន Hyundai ឆ្ពោះទៅរកការផ្លាស់ប្តូរដ៏ធំមួយក្នុងឧស្សាហកម្មរថយន្តពិភពលោក ដែលកំពុងតែប្រឈមនឹងការធ្លាក់ចុះ ដោយសារតែការវិត្តន៍យ៉ាងឆាប់រហ័សនៃថយន្តអគ្គិសនី។

ជម្រាបជូនទៀតថា នៅក្នុងការផ្លាស់ប្តូរមុខតំណែងផ្សេងទៀត លោក Sung Kim ត្រូវបានតែងតាំងជាប្រធានក្រុមហ៊ុន Hyundai Motor ហើយលោក Jun Young Choi ត្រូវបានតែងតាំងជាប្រធានក្រុមហ៊ុន Kia Corporation ដែលបុត្រសម្ព័ន្ធ ខណ:លោក Euisun Chung នឹងបន្តកាន់តំណែងជានាយកក្រុមហ៊ុន Hyundai របស់ខ្លួនដដែល៕

The post ក្រុមហ៊ុនផលិតរថយន្ត Hyundai ផ្លាស់ប្តូរក្បាលម៉ាស៊ីនដឹកនាំថ្មី ជាជនបរទេសលើកដំបូង appeared first on .

ភាគហ៊ុនដែលបានចុះបញ្ជីនៅលើផ្សារហ៊ុនជាតិ ត្រូវបានផ្តល់ជូនក្នុងតម្លៃ ១ ៩៣៤រូពី ពោលគឺក្រោមតម្លៃស្នើសុំរបស់ខ្លួន ១ ៩៦០រូពី ហើយបានបន្តធ្លាក់ចុះដល់ ៧,៤% មកត្រឹម ១ ៨១៩រូពី មុនពេលបិទទីផ្សារ។ ខណ:តម្លៃមូលធនទីផ្សាររបស់ក្រុមហ៊ុន ត្រូវបានផ្តល់ជូនក្នុងតម្លៃ ១៧,៦ពាន់លានដុល្លារ។

Hyundai ដែលជាក្រុមហ៊ុនផលិតរថយន្តកំពូលលំដាប់ទី២ របស់ប្រទេសឥណ្ឌា និងមានចំណែកទីផ្សារដល់ ១៥% កំពុងកំណត់គោលដៅរបស់ខ្លួន ក្នុងការឈានដល់តម្លៃមូលធនទីផ្សារ ១៩ពាន់លានដុល្លារ តាមរយៈការបោះផ្សាយលក់មូលបត្រជាសាធារណៈដំបូងរបស់ខ្លួន (IPO) នេះ។

គួរឲ្យដឹងថាការបោះផ្សាយលក់ IPO របស់ក្រុមហ៊ុន Hyundai នេះ មានតម្លៃសរុបប្រហែលជាង ៣ពាន់លានដុល្លារ ដែលជាទំហំធំជាងគេបំផុតក្នុងប្រវត្តិសាស្រ្តនៅក្នុងប្រទេសឥណ្ឌា គិតមកទល់ពេលបច្ចុប្បន្ននេះ។

យ៉ាងណាមិញ ភាគហ៊ុនរបស់ផលិតរថយន្តគូប្រជែង នៅក្នុងប្រទេសឥណ្ឌាក៏បានធ្លាក់ចុះផងដែរ ក្នុងរយ:ពេលប៉ុន្មានសប្តាហ៍ថ្មីៗនេះ ដោយសារការលក់រថយន្តមានការថយចុះ ចំពេលអតិថិជនពន្យារពេលការទិញ ដោយសារការព្រួយបារម្ភអំពីអតិផរណា។

ទន្ទឹមនឹងនេះ លោក Arun Kejriwal ស្ថាបនិកក្រុមហ៊ុន Kejriwal Research បាននិយាយថា បញ្ហាចម្បងរបស់ក្រុមហ៊ុន Hyundai គឺពួកគេមានតម្លៃថ្លៃខ្លាំងពេក ហើយវាក៏បានប៉ះពាល់លើការចុះបញ្ជីក្នុងទីផ្សារហ៊ុនរបស់ខ្លួនផងដែរ។

ជម្រាបជូនថា ការចុះបញ្ជីក្នុងទីផ្សារហ៊ុនឥណ្ឌា គឺជាការបង្ហាញខ្លួនលើកដំបូងរបស់ក្រុមហ៊ុន Hyundai Motor នៅខាងក្រៅទីផ្សារប្រទេសកូរ៉េខាងត្បូង ខណ:ពេលដែលទីផ្សារភាគហ៊ុនរបស់ប្រទេសឥណ្ឌា បានកើនឡើងយ៉ាងខ្លាំង៕

The post ភាគហ៊ុន Hyundai ធ្លាក់ចុះជាង ៧% ក្រោយការបោះផ្សាយលក់ IPO ជាលើកដំបូងក្នុងប្រទេសឥណ្ឌា appeared first on .