អ្នកនាំពាក្យរដ្ឋាវិមានក្រឹមឡាំង លោក Dmitry Peskov បាននិយាយថា រុស្ស៊ីមិនមែនជាផ្នែកនៃសន្ធិសញ្ញា Rome Statute ដែលបង្កើតនូវស្ថាប័ន ICC ដូច្នេះរដ្ឋាភិបាលក្រុងមូស្គូ មិនទទួលស្គាល់នូវដីកាចាប់ខ្លួនមួយនេះឡើយ។

រំលឹកបន្តិចថា កាលពីដើមសប្ដាហ៍នេះ ICC បានចេញនូដីកាចាប់ខ្លួនមេបញ្ជាការកងទ័ពរុស្ស៊ី ២រូប គឺលោក Sergei Kobylash និងលោក Viktor Sokolov ដោយចោទប្រកាន់ថា អ្នកទាំង២ បានបញ្ជាឲ្យមានការបាញ់មីស៊ីលទៅលើហេដ្ឋារចនាសម្ព័ន្ធអគ្គិសនីអ៊ុយក្រែន។

សូមជម្រាបបន្ថែមថា នេះមិនមែនជាលើកទីមួយឡើយ ដែល ICC ចេញបញ្ជាចាប់ខ្លួន​បុគ្គលសំខាន់ៗនៅក្នុងជួរកងទ័ពរុស្ស៊ី ពោលកាលពីខែមីនាឆ្នាំទៅ ពួកគេក៏បានចេញដីកាតាមចាប់ខ្លួនប្រធានាធិបតី លោក វ៉្លាឌីមៀ ពូទីនផងដែរ ដោយចោទមេដឹកនាំរុស្ស៊ីថា ជាអ្នកបង្កាត់ភ្លើងសង្គ្រាមនៅប្រទេសអ៊ុយក្រែន ក៏ប៉ុន្តែវិមានក្រឹមឡាំងមិនរវីរវល់ជាមួយដីកាចាប់ខ្លួននេះឡើយ៕

The post រដ្ឋាភិបាលរុស្ស៊ីច្រានចោលដីកាចាប់ខ្លួនមេបញ្ជាការ ២រូប ពីតុលាការឧក្រិដ្ឋកម្មអន្តរជាតិ appeared first on .

មេដឹកនាំប្រទេសប្រេស៊ីលរូបនេះបានបន្ថែមទៀតថា​ លោកមិនមានឥទ្ធិពលលើប្រព័ន្ធតុលាការប្រេស៊ីលទាក់ទងនឹងការអនុវត្តដីកាចាប់ខ្លួនដែលចេញដោយតុលាការឧក្រិដ្ឋកម្មអន្តរជាតិ (ICC) ទាក់ទងនឹងមេដឹកនាំរុស្ស៊ីនោះទេ។

​ថ្លែង​ក្នុង​អំឡុង​ពេល​បំពេញ​ទស្សនកិច្ច​នៅ​ប្រទេស​អាល្លឺម៉ង់ កាល​ពី​ថ្ងៃ​អង្គារ​ លោក Lula បាន​បញ្ជាក់​ថា ទោះបីជាលោក Putin ទៅ ឬ​មិន​ទៅក៏ដោយ​ លោក​ត្រូវតែអញ្ជេីញគាត់​ ដើម្បី​ឲ្យចូល​រួម​កិច្ច​ប្រជុំ​កំពូល G20 ដែល​គ្រោង​នឹង​ធ្វើ​ឡេីងនៅ​ទីក្រុង Rio de Janeiro ក្នុង​ខែ​វិច្ឆិកា ឆ្នាំ ២០២៤​ ខាងមុខ។

មួយវិញទៀត​ បេីរំលឹកកាល​ពី​ខែ​កញ្ញាកន្លងទៅ​ ប្រធានាធិបតី​ប្រេស៊ីល​រូបនេះបាន​និយាយ​ថា លោកពូទីន អាច​ទៅ​ប្រេស៊ីល​បាន​យ៉ាង​ងាយ​ ដើម្បី​ចូលរួម​ព្រឹត្តិការណ៍​អន្តរជាតិផ្សេងៗ។ គាត់បាននិយាយនៅពេលនោះថា ប្រសិនបើខ្ញុំនៅតែកាន់តួនាទីជាប្រធានាធិបតី​ ហើយគាត់មកទីនេះ វាគ្មានផ្លូវដែលគាត់នឹងត្រូវចាប់ខ្លួននោះទេ។

យ៉ាងណាមិញ​ ប្រេស៊ីលគឺជាសមាជិកដើមដំបូងនៃ ICC ខណៈកាលពីខែមីនាបានចោទប្រកាន់ទាំងលោកពូទីន និងលោកស្រី Maria Lvova-Belova ដែលជាស្នងការរបស់ប្រទេសទទួលបន្ទុកសិទ្ធិកុមារ ទាក់ទិនពីបទប្រព្រឹត្តឧក្រិដ្ឋកម្មសង្គ្រាមដែលពាក់ព័ន្ធនឹងការនិរទេសដោយខុសច្បាប់របស់កុមារអ៊ុយក្រែនទៅកាន់ប្រទេសរុស្ស៊ី។

មន្ត្រីរុស្ស៊ីបាននិយាយម្តងហើយម្តងទៀតថា ការសម្រេចចិត្តជម្លៀសកុមារអ៊ុយក្រែនចេញពីតំបន់ជម្លោះគឺផ្អែកលើការព្រួយបារម្ភអំពីសុវត្ថិភាព ដោយបានរំលឹកឡើងវិញថា អនីតិជននឹងត្រូវប្រគល់ជូនឪពុកម្តាយ ឬអាណាព្យាបាលស្របច្បាប់វិញភ្លាមៗតាមការស្នើសុំ៕

The post ប្រធានាធិបតីប្រេស៊ីលអញ្ជេីញលោកពូទីន​ ឲ្យចូលរួមវេទិកា​ G20 នៅឆ្នាំក្រោយ appeared first on .

លោក Khan បានបំពេញទស្សនកិច្ចរយៈពេល ៤ថ្ងៃ ទៅកាន់ទីតាំងសង្គ្រាមផ្ទាល់ និងបានទទូច​ឲ្យភាគីទាំងសងខាង ត្រូវតែបង្កើតនូវច្រករបៀង សម្រាប់ផ្ដល់ជំនួយមនុស្សធម៌ ដែលស្របទៅតាមច្បាប់អន្តរជាតិ។

“តាមច្បាប់អន្តរជាតិ ការផ្ដល់ជំនួយមនុស្សធម៌គឺជារឿងដែលត្រូវតែអនុញ្ញាត។ ជនស៊ីវិលទាំងអស់ត្រូវតែទទួលបាននូវស្បៀងអាហារ និងថ្នាំសង្កូវ ដោយគ្មានការពន្យារពេល និងធានាឲ្យបាននូវចំនួនផ្គត់ផ្គង់គ្រប់គ្រាន់”។ នេះបើសម្ដីរបស់លោក Khan បាននិយាយ។

ព្រះរាជអាជ្ញារូបនេះ​សង្កត់ធ្ងន់ទៀតថា៖ ភាគីទាំងអស់ត្រូវតែគោរពតាមច្បាប់មនុស្សធម៌អន្តរជាតិ ឲ្យខាងតែបាន បើមិនដូច្នោះទេ អ្នកកុំហ៊ានត្អូញត្អែរឲ្យសោះ នៅពេលដែលពួកខ្ញុំចាប់ផ្ដើមប្រើធម៌ក្ដៅ។

សូមជម្រាបបន្ថែមថា លោក Karim Khan ក៏បានដាក់សំណើជួយដល់តុលាការអ៊ីស្រាអែល ក្នុងការស្រាវជ្រាវលើបទឧក្រិដ្ឋ ដែលបង្កឡើងដោយក្រុមហាម៉ាស កាលពីថ្ងៃទី០៧ ខែតុលា បើទោះជាប្រទេសមួយនេះមិនមែនជាសមាជិករបស់ ICC ដែលមានមូលដ្ឋាននៅទីក្រុងឡាអេ​ក្ដី៕

The post ព្រះរាជអាជ្ញា ICC ទទូចឲ្យអ៊ីស្រាអែល និងក្រុមហាម៉ាស គោរពច្បាប់អន្តរជាតិ appeared first on .

យោងតាមការចុះផ្សាយពីសារព័ត៌មានរុស្ស៊ី TASS បានរាយការណ៍ថា លោក ពូទីន បានធ្វើដំណើរទៅដល់កៀហ្ស៊ីស៊ីស្ថាន នាពេលព្រឹកថ្ងៃព្រហស្បតិ៍ ហើយលោកនឹងជួបជាមួយ​ប្រធានាធិបតី លោក Sadyr Japarov។

បន្ថែមពីនោះ លោកក៏នឹងចូលរួមនៅក្នុងកិច្ចប្រជុំ The Commonwealth of Independent States ជាមួយសម្ព័ន្ធមិត្ត គឺប្រធានាធិបតីបេឡារុស លោក Alexander Lukashenko និងមេដឹកនាំក្នុងតំបន់​ផ្សេងទៀត។

ជម្រាបបន្ថែមថា បន្ទាប់ពីបំពេញទស្សនកិច្ចនៅកៀហ្ស៊ីស៊ីស្ថានរួចរាល់ ប្រធានាធិបតីរុស្ស៊ី អាចនឹងបន្តដំណើរទស្សនកិច្ចទៅកាន់ប្រទេសកូរ៉េខាងជើង និងប្រទេសចិនបន្ទាប់ក៏ថាបាន។

គួររំលឹកដែរថា តាំងពីរុស្ស៊ីបើកការឈ្លានពានចូលក្នុងប្រទេសអ៊ុយក្រែន កាលពីចុងខែកុម្ភៈ​ឆ្នាំ២០២២ មកទល់នឹងពេលបច្ចុប្បន្ន មេដឹកនាំ ពូទីន កម្រចាកចេញពីប្រទេសខ្លាំងណាស់ គួបផ្សំនឹង​មានដីការចាប់ខ្លួនពី ICC ទៀត វារឹតតែធ្វើឲ្យលោកបាត់មុខពីឆាកអន្តរជាតិរឹតតែខ្លាំង៕

The post ប្រធានាធិបតីរុស្ស៊ីបំពេញទស្សនកិច្ចក្រៅប្រទេសលើកដំបូង តាំងពីមានដីកាចាប់ខ្លួនពី ICC appeared first on .

បច្ចុប្បន្ន ICC មានលោក ពីយ៉ូត ហាហ្វម៉ាញស្គី (Piotr Hofmański) ជាប្រធានដែលបន្តកាន់​តំណែង​តាំងពីឆ្នាំ ២០២១ ខណៈនេះគឺជាអាណត្តិតំបូងរបស់លោក សម្រាប់ការកាន់​តួនាទី​កំពូល​នៃ​អង្គការអន្តររដ្ឋាភិបាលមួយនេះ។

តើប្រធាន ICC មានប្រវត្តិបែបណាខ្លះ មុននឹងអាចក្លាយជាក្បាលម៉ាស៊ីនស្ថាប័ន​អន្តរជាតិ​ដ៏​ធំ​មួយនេះ?

លោកហាហ្វម៉ាញស្គី កើតនៅថ្ងៃទី ០៦ មីនា ១៩៥៦ គឺជាមេធាវី និងចៅក្រមជនជាតិប៉ូឡូញ បានបញ្ចប់ការសិក្សាថ្នាក់អនុបណ្ឌិត និងបណ្ឌិតផ្នែកច្បាប់ពីសកលវិទ្យាល័យ Nicolaus Copernicus University ក្នុងទីក្រុងទូរីន នាឆ្នាំ ១៩៧៨ និង ១៩៨១។

លោកបានចាប់ផ្ដើមអាជីពផ្នែកតុលាការតំបូងក្នុងឆ្នាំ ១៩៩៤ ជាចៅក្រមនៃសាលាឧទ្ធរណ៍នៅ Białystok និងត្រូវបានតែងតាំងជាចៅក្រម​នៃអង្គជំនុំជម្រះព្រហ្មទណ្ឌ​ នៃតុលាការកំពូលប៉ូឡូញក្នុងឆ្នាំ ១៩៩៦។

ក្រោយមកទៀត លោកក៏បានចូលរួមជាមួយនឹងគម្រោងការជាច្រើន ដែលដឹកនាំដោយគណៈកម្មាការអឺរ៉ុប ក្នុងនាមជាសមាជិក​នៃគណៈកម្មាធិការ​អ្នកជំនាញ​នៃក្រុមប្រឹក្សាអឺរ៉ុប ដែលត្រូវបានគេហៅថា ក្រុមឆ្លុះបញ្ចាំងអំពីការអភិវឌ្ឍន៍ ក្នុងកិច្ចសហប្រតិបត្តិការអន្តរជាតិ ក្នុងរឿងឧក្រិដ្ឋកម្មពីឆ្នាំ ២០០១ ដល់ ២០០២។

បន្ទាប់មក លោកក៏ត្រូវបានតែងតាំងជាសមាជិកនៃគណៈកម្មការអ្នកជំនាញយុត្តិធម៌ឆ្លងប្រទេស ដែលបង្កើតឡើងដើម្បីបន្តការងារដល់ក្រុមឆ្លុះបញ្ចាំងអំពីការអភិវឌ្ឍន៍ ដែលមានអាណត្តិពីឆ្នាំ ២០០៤ ដល់ ២០០៦។

នៅខែធ្នូ ២០១៤ លោកត្រូវបានជ្រើសតាំងជាចៅក្រមនៃតុលាការឧក្រិដ្ឋកម្មអន្តរជាតិ សម្រាប់អាណត្តិពីឆ្នាំ ២០១៥-២០២៤ និងជាបុគ្គលដំបូងមកពីប្រទេសប៉ូឡូញ ដែលទទួលបាន​ការ​តែងតាំងមួយនេះ។

លុះដល់ខែមីនា ២០២១ លោកក៏ត្រូវបាន​ជាប់ឈ្មោះជាប្រធាននៃស្ថាប័ន ICC សម្រាប់អាណត្តិ ២០២១-២០២៤ ហើយចៅក្រមបទពិសោធន៍ពេញខ្លួនម្នាក់នេះក៏ជំនាញលើភាសាអន្តរជាតិផង​ដែរ ពោលលោកអាចនិយាយយ៉ាងស្ទាត់ជំនាញសម្រាប់ភាសាប៉ូឡូញ អង់គ្លេស និងអាល្លឺម៉ង់។

សូមជម្រាបដែរថា លោក ហាហ្វម៉ាញស្គី ក៏ជាអ្នកនិពន្ធ និងសហអ្នកនិពន្ធសៀវភៅច្រើនជាង ៣០០ ក្បាលដែលបានបោះពុម្ពផ្សាយ ទាក់ទងនឹងទិដ្ឋភាពផ្សេងៗនៃច្បាប់ និងនីតិវិធីព្រហ្មទណ្ឌ កិច្ចសហប្រតិបត្តិការអន្តរជាតិក្នុងរឿងព្រហ្មទណ្ឌ និងការការពារសិទ្ធិមនុស្ស ហើយការបោះពុម្ពរបស់គាត់ភាគច្រើនត្រូវបានសរសេរ និងបោះពុម្ពជាភាសាអាល្លឺម៉ង់ និងភាសាអង់គ្លេស៕

The post តើលោក ពីយ៉ូត ហាហ្វម៉ាញស្គី ប្រធានតុលាការឧក្រិដ្ឋកម្មអន្តរជាតិជានរណា? appeared first on .

យោងតាមការចុះផ្សាយពី Reuters បាន​បង្ហាញថា ICC ចោទប្រកាន់លោក ពូទីន ជាប់​ពាក់ព័ន្ធ​នឹងបទឧក្រិដ្ឋកម្មសង្គ្រាម ដោយចាប់ក្មេងរាប់រយនាក់ពីប្រទេសអ៊ុយក្រែន ខណៈរដ្ឋាភិបាល​រុស្ស៊ី​ច្រានចោលការចោទប្រកាន់ខាងលើ និងបញ្ជាក់ទៀតថា ទង្វើមួយនេះមិនអាចទទួលយកបាន ដ្បិតរុស្ស៊ីមិនមែនជាសមាជិក ICC ដូច្នេះពួកគេគ្មានសិទ្ធអារកាត់លើផ្លូវច្បាប់បែបនេះឡើយ។

“ពួកយើងប្រជុំគ្នានៅទីក្រុងឡុងដ៍ថ្ងៃនេះ គឺក្នុងគោលបំណងតែមួយគត់ ដើម្បីចាប់ឧក្រិដ្ឋជនសង្រ្គាម ឱ្យទទួលខុសត្រូវចំពោះអំពើឃោរឃៅដែលបានប្រព្រឹត្តនៅអ៊ុយក្រែន ក្នុងអំឡុងពេលការលុកលុយដោយអយុត្តិធម៌ គ្មានញុះញង់ និងខុសច្បាប់នេះ”។ នេះបើតាមសម្ដីឧបនាយករដ្ឋមន្ត្រីអង់គ្លេស Dominic Raab បាននិយាយ។

ចក្រភពអង់គ្លេសបានសន្យាផ្តល់ប្រាក់ចំនួន ១ លានផោន (១,២២ លានដុល្លារ) ដល់ ICC ក្នុងឆ្នាំនេះ ហើយក្រសួងយុត្តិធម៌បាននិយាយថា ប្រទេសផ្សេងទៀតត្រូវបានគេរំពឹងថានឹងផ្តល់ជំនួយផ្នែកហិរញ្ញវត្ថុក្នុងអំឡុងពេលសន្និសីទនៅទីក្រុងឡុងដ៍ ដែលនឹងត្រូវធ្វើជាម្ចាស់ផ្ទះរួមគ្នាដោយចក្រភពអង់គ្លេស និងហូឡង់។

ក្រសួងបាននិយាយថា មូលនិធិនេះនឹងឆ្ពោះទៅរកការបណ្តុះបណ្តាលសម្រាប់អ្នកស៊ើបអង្កេតដើម្បីពិនិត្យមើលឧក្រិដ្ឋកម្មសង្គ្រាមដែលត្រូវបានចោទប្រកាន់ ក៏ដូចជាជំនួយផ្លូវចិត្ត និងជាក់ស្តែងសម្រាប់ជនរងគ្រោះ៕

The post រដ្ឋមន្ត្រីយុត្តិធម៌ជុំវិញពិភពលោកនឹងជុំនុំគ្នា គាំទ្រ ICC ចំពោះដីការចាប់ខ្លួនលោក ពូទីន appeared first on .

យោងតាមការចុះផ្សាយពី NYT បានបញ្ជាក់ថា សំណុំរឿងឧក្រិដ្ឋកម្មនេះ នឹងក្លាយជាសំណុំរឿង​អន្តរជាតិលើកដំបូង ដែលបានដាក់មកលើរុស្ស៊ី តាំងពីបើកការឈ្លានពានចូលអ៊ុយក្រែនតាំងពី​ឆ្នាំទៅ បន្ទាប់ពីឆ្លងកាត់ការស៊ើបអង្កេតពិសេសពី ICC។

ដោយឡែក សំណុំរឿង ២ ករណីដែល ICC គ្រោងដាក់ទៅលើរុស្ស៊ីគឺ ករណីទីមួយ ចោទរុស្ស៊ីពាក់ព័ន្ធនឹងការចាប់ជំរិតកុមារៗអ៊ុយក្រែន ខណៈករណីទីពីរគឺចោទចំពោះការ​វាយប្រហារលើហេដ្ឋារចនាសម្ព័ន្ធស៊ីវិលនានា ដូចជាអាងស្តុកទឹក និងឥន្ធនៈជាដើម។

ទន្ទឹមនឹងនោះ មន្ត្រីជាន់ខ្ពស់អ៊ុយក្រែនមួយរូបបានប្រាប់ទៅកាន់ CNN កាលពីថ្ងៃច័ន្ទថា ពួកគេបានព្យាយាមជំរុញ ICC ក្នុងការចេញដីការចាប់ខ្លួនមនុស្សមួយក្រុម ដែលជាប់ពាក់ព័ន្ធ​នឹង​បញ្ហាសង្គ្រាមនៅអ៊ុយក្រែន៕

The post តុលាការឧក្រិដ្ឋកម្មអន្តរជាតិ នឹងបើកសំណុំរឿងឧក្រិដ្ឋកម្មសង្រ្គាមទៅលើរុស្ស៊ី appeared first on .