ទីតាំងដីខាងលើនេះ ព្រះភិក្ខុជោតញ្ញាណោ អ្នកឧកញ៉ា អុឹង ប៊ុនហ៊ូវ បានជាវទុកក្នុងគោលបំណងប្រើប្រាស់​សម្រាប់រៀបចំជាទីតាំងគោរពសក្ការៈក្នុងវិស័យព្រះពុទ្ធសាសនា (រួមមាន វត្តអារាម និងទីកន្លែងប្រតិបត្តិ​សមាធិ​ជាដើម) និងការរៀបចំជាទីតាំងទេសចរណ៍ធម្មជាតិ ដោយផ្សារភ្ជាប់នឹងព្រះពុទ្ធសាសនា និងការការពារ អភិរក្ស ធនធានធម្មជាតិនៅក្នុងភូមិសាស្ត្រនេះ។

ការបរិច្ចាគដីរបស់អ្នកឧកញ៉ា អុឹង ប៊ុនហ៊ូវ ដល់ពុទ្ធិកសាកលវិទ្យាល័យព្រះសីហនុរាជនេះ គឺដោយសារ​អ្នកឧកញ៉ា មានសទ្ធាជ្រះថ្លាយ៉ាងជ្រាលជ្រៅចំពោះព្រះពុទ្ធសាសនា។ សម្រាប់ដីដែលបានបរិច្ចាគនេះ ពុទ្ធិក​សាកលវិទ្យាល័យព្រះសីហនុរាជ នឹងប្រើប្រាស់សម្រាប់ការសាងសង់ជាអគារពុទ្ធិកសាកលវិទ្យាល័យ អគារ​បណ្ណាល័យសិក្សា អគាររដ្ឋបាល វិទ្យាស្ថានស្រាវជ្រាវ អគារអន្តេវាសិក រួមទាំងសំណង់ សិល្បការ្យ និងសំណង់​ស្ថាបត្យកម្មផ្សេងទៀតតាមតម្រូវការរបស់ពុទ្ធិកសកលវិទ្យាល័យ។

សូមជម្រាបជូនថា ព្រះភិក្ខុជោតញ្ញាណោ អ្នកឧកញ៉ា អុឹង ប៊ុនហូវ កាលពីពេលថ្មីៗ​កន្លងទៅ​ ក៏ទើបតែបាន​បរិច្ចាគដីមានទំហំជាង ២ហិកតា (២២.៤២៨ ម៉ែត្រការ៉េ) ដល់ពុទ្ឋិកសាកលវិទ្យាល័យព្រះសីហនុរាជ ស្ថិតនៅ​តាមបណ្តោយមហាវិថី ឈុន គង់ តំបន់អភិវឌ្ឍន៍ទីក្រុងរណប អ៉ឹង ស៊ីធី (ING CITY) ស្ថិតក្នុងភូមិសាស្ត្រ សង្កាត់​ចាក់អង្រែក្រោម ខណ្ឌមានជ័យ និង សង្កាត់ជើងឯក ខណ្ឌដង្កោ រាជធានីភ្នំពេញ៕

The post អ្នកឧកញ៉ា អុឹង ប៊ុនហ៊ូវ ចុះពិនិត្យទីតាំងដីទំហំ ២០០ហិកតា ដែលបានប្រគេន ដល់ពុទ្ធិកសាកលវិទ្យាល័យ​ព្រះសីហនុរាជ appeared first on .

​ពិធីបុណ្យបំបួសកុលបុត្រ បំពេញឧបសម្បទាជា ភិក្ខុភាវៈ រួមមាន អ្នកឧកញ៉ា អុឹង ប៊ុនហ៊ូវ ឯកឧត្តម ម៉ូវ ចរិយា ឯកឧត្តម ហេង សុផល និងលោក ហុឺ សុគា ដែលបាន​​ធ្វើ​ឡើង​នៅថ្ងៃទី ២៩ ខែឧសភា ឆ្នាំ២០២៤។ កម្មវិធី​បំបួសកុលបុត្រ​​ខាង​លើ​នេះ មាន​ពិធីសុំខមាទោស និងកោរសក់, ពិធីចម្រើនព្រះបរិត្ត ដោយសម្តេច​ព្រះព្រហ្មរតនមុនី ពិន សែម សិរីសុវណ្ណោ និង​ពិធីដង្ហែរនាគ យកទៅ​បំបួស ក្នុងវត្តរាជបូណ៌ និងដង្ហែរ​នាគ ទៅកាន់ពុទ្ធមណ្ឌលវិបស្សនាអន្តរជាតិនៃកម្ពុជា បំពេញឧបសម្បទាជា ភិក្ខុភាវៈ ដែលមាន​ការ​អញ្ជើញ​ចូលរួម​ពី​​ក្រុមគ្រួសារ និង​ញាតិមិត្ត​ជិតឆ្ងាយ​​ពុទ្ធបរិស័ទ​ជា​ច្រើន​រូប​ផង​ដែរ។

សូមជម្រាបថា អ្នកឧកញ៉ា អុឹង ប៊ុនហ៊ូវ ជាអ្នកជំនួញ​​លេចធ្លោរមួយរូប​ក្នុងវិស័យ​អចលនទ្រព្យ។ អ្នកឧកញ៉ា ជា​សហស្ថាបនិក និង​ជា​អគ្គនាយក​​​ក្រុមហ៊ុន​ អាយអិនជី ហូលឌីង គ្រុប (I.N.G Holding Group) ដែលផ្តោតលើ​គម្រោងអភិវឌ្ឍន៍ដីធំៗនៅភាគខាងត្បូង និងខាងកើតនៃរាជធានីភ្នំពេញ ដូចជា ការអភិវឌ្ឍទីក្រុងរណប អ៊ឹង ស៊ីធី (ING City) តាមបណ្តោយមហាវិថីសម្តេច ហ៊ុន សែន (ផ្លូវ៦០ម៉ែត្រ) រួមនឹងទំហំដីដ៏សន្ធឹក​សន្ធាប់នៅខេត្ត​សៀមរាប និងព្រះសីហនុ៕

The post អ្នកឧកញ៉ា អុឹង ប៊ុនហ៊ូវ សម្រេចចិត្តចូលសាងផ្នួសជា ភិក្ខុភាវៈ រយៈពេល១ខែ appeared first on .

​​​​​​​ប្រភព​ខាង​លើ​ បាន​បញ្ជាក់​ថា ប្រាង្គចេតិយ​​ដ៏​ប្រណិត​នេះ​ ត្រូវ​បានសាងសង់ឡើងដោយប្រើប្រាស់​នូវការ៉ូម៉ាបមានប្រភព​មក​ប្រទេសអុីតាលី ផ្ទៃខាងក្នុងចេតិយមានរូបគំនូរពុទ្ធប្រវត្តិ ចំណែកឯតួប្រាង្គចេតិយ បិទដោយសន្លឹកមាស និងប្រាក់ ភ្លឺចែងចាំង ប្រកបដោយសោភ័ណភាពដ៏លេចធ្លោ។ ព័ទ្ធជុំវិញខាងក្រោមជើងប្រាង្គចេតិយ មានក្រាលកំរ៉ាលថ្មក្រានីត និង​ចុងខឿនក្រានីតមានដាក់ចង្អូរទឹកក្រាលទម្រដែកក្រាស់មិនច្រេះ (Stainless Steel) និងដាក់ត្បូងលម្អ នាំចូលពីប្រទេស​អាហ្រ្វិក អមដោយមាសស្រួយ មានបង្កប់ភ្លើងបំភ្លឺ LED និងគ្របដោយគម្របកញ្ចក់កម្រាស់ ២០ ម.ម ដ៏រឹងមាំដើម្បី​ការពារ។

ការរៀបចំដ៏ល្អិតល្អន់ ល្អឥតខ្ចោះ ប្រកបដោយភាពអស្ចារ្យយ៉ាងប្រណិតបំផុតនៃប្រាង្គចេតិយនេះ បានស​បញ្ជាក់នូវទឹកចិត្ត​ស្រលាញ់ដ៏ជ្រាលជ្រៅ និងធំធេងរបស់ក្រុមគ្រួសារចំពោះ មហាសប្បុរសមង្គលសិរី អគ្គមហាឧបាសកពុទ្ធសាសនូបត្ថម្ភក៍ លឹម ឈុន ដែលលោកបានបន្សល់ទុកនូវស្លាកស្នាមអនុស្សាវរីយ៍ដ៏គួរឱ្យ​ចងចាំ និងយកគំរូតាម សម្រាប់មនុស្សជំនាន់​ក្រោយ ពិសេសក្នុងចំណោមសាច់សារលោហិត តរៀងទៅ។

នៅរសៀល​ថ្ងៃទី១២ ខែមីនា​នេះ អគ្គមហាឧបាសិកាពុទ្ធសាសនូបត្ថម្ភក៍ ចាយ គង់ បុត្រាបុត្រី ចៅ និងចៅទួត ក៏​បានរៀបចំ​ពិធីរាប់បាត្រព្រះសង្ឃ ៩៧អង្គ នៃពិធីបុណ្យឆ្លងប្រាង្គចេតិយ ដើម្បី​ឧទ្ទិសដល់ មហាកុសលផលបុណ្យជូនដល់វិញ្ញាណក្ខន្ធ មហាសប្បុរសមង្គលសិរី អគ្គមហាឧបាសកពុទ្ធសាសនូបត្ថម្ភក៍ លឹម ឈុន ផងដែរ។

គួររំឭក​ថា អគ្គមហាឧបាសក លឹម ឈុន បានទទួលមរណភាព នៅថ្ងៃអាទិត្យ ទី១៣ ខែមីនា ឆ្នាំ២០២២ នៅវេលា​ម៉ោង​៣៖០៦នាទីទៀបភ្លឺ ក្នុងជន្មាយុ ៩៧ វស្សា។ លោក លឹម ឈុន​ និងភរិយា លោកស្រី ចាយ គង់ មានកូនចំនួន ៧នាក់ (ស្រី ១នាក់) រួមមាន លោក អ៊ឹង ប៊ុនហូរ (មរណភាពសម័យ ប៉ុល ពត), លោកស្រី អ៊ឹង ម៉េងហួរ, អ្នកឧកញ៉ា លឹម រស់, ឧកញ៉ា លឹម ប៊ុនសួរ, អ្នកឧកញ៉ា អ៊ឹង ប៊ុនហូវ, ឧកញ៉ា លឹម ប៊ុនហាក់ និង​ ឧកញ៉ា លឹម ប៊ុនហៀក៕

The post អ្នកឧកញ៉ា អុឹង ប៊ុនហ៊ូវ ដឹកនាំរៀបចំប្លង់ប្រាង្គចេតិយរបស់ឪពុកដោយផ្ទាល់ដៃ ប្រើរយៈពេលកសាងជាង១ឆ្នាំ appeared first on .

អ្នកឧកញ៉ា លឹម រស់ និងអ្នកឧកញ៉ា សុទ្ធី ម៉ូលីកា ប្រធានក្រុមប្រឹក្សាភិបាល និងជាស្ថាបនិកក្រុមហ៊ុន រ៉ូសម៉ាវែល ប្រផឹធី ឌីវេឡុកម៉ិន ឯ.ក ដែលកំពុងវិនិយោគយ៉ាងសកម្មក្នុងវិស័យអចលនទ្រព្យ បុរី មានជ័យ រ៉េស៊ីដិនស៍ ស្ថិតនៅតាមមហាវិថី សម្តេច ហ៊ុន សែន ឬផ្លូវ៦០ម៉ែត្រ បើកការដ្ឋានសាងសង់កាលពីឆ្នាំ២០២២កន្លងទៅ។

បើតាមសេចក្តីរាយការណ៍ជាច្រើនបានឲ្យដឹងថា អ្នកឧកញ៉ាទាំងពីរនេះ ក្រៅពីជាប្រធានក្រុមប្រឹក្សាភិបាលក្រុមហ៊ុន រ៉ូសម៉ាវែល ហើយលោកក៏នៅកាន់កាប់ភាគហ៊ុន និងគ្រប់គ្រងក្រុមហ៊ុនធំៗជាច្រើន ដូចជា៖ ក្រុមហ៊ុន COGETEL LTD គ្រប់គ្រងលើបុត្តសម្ព័ន្ធ នៃក្រុមហ៊ុន ONLINE ISP និង Internet Home , ក្រុមហ៊ុន MICROMAX CO., LTD ជាដៃគូជិតស្និទ្ធរបស់ក្រុមហ៊ុន AEON Mall, ក្រុមហ៊ុន AZ DISTRIBUTION CO., LTD, ក្រុមហ៊ុន AZ INVESTMENT CO., LTD , ក្រុមហ៊ុន ING HOLDINGS CO., LTD ដែលកំពុងកាន់គម្រោងដ៏ធំ ING City នៅលើមហាវិថីសម្ដេចតេជោហ៊ុនសែន ៦០ម៉ែត្រ, ក្រុមហ៊ុនស៊ីម៉ង់ត៍ចក្រីទីងកម្ពុជា CAMBODIA CEMENT CHAKREY TING FACTORY CO., LTD និងមានក្រុមហ៊ុនមួយចំនួនទៀត។

បន្ថែមទៀតនោះ អ្នកឧកញ៉ាក៏ជាថ្នាក់ដឹកនាំកំពូលក្នុងតួនាទីជាសហស្ថាបនិក​ក្រុមហ៊ុន​ អាយអិនជី ហូលឌីង គ្រុប (I.N.G Holding Group) ជាក្រុមហ៊ុន​អភិវឌ្ឍន៍​អចលនទ្រព្យ​ដ៏​ធំ​មួយ​នៅ​កម្ពុជា ​​ដែល​ត្រូវ​បានអ្នកឧកញ៉ា រួមនឹង​ឧកញ៉ា ១រូបទៀត គឺអ្នក​​​ឧកញ៉ា អ៊ឹង ប៊ុនហូវ និង​ឧកញ៉ា លឹម ប៊ុនសួរ​ រួមគ្នា​បង្កើត​ឡើង​​រយៈពេល​ជិត ២០ឆ្នាំ​មក​ហើយ។

សូមជម្រាបជូនថា អ្នកឧកញ៉ា លឹម រស់ និងភរិយា គឺអ្នកឧកញ៉ា សុទ្ធី ម៉ូនីកា ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារ «អ្នកឧកញ៉ា» ​​​​​​​កាលពី​​ថ្ងៃទី​០៦ ខែមេសា ឆ្នាំ២០២៣ តាមព្រះរាជក្រឹត្យដាច់ដោយឡែកពីគ្នា ធ្វើឡើងតាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្រ្តី៕

The post អ្នកឧកញ៉ាប្តីប្រពន្ធមួយគូរនេះកាន់កាប់ភាគហ៊ុន និងគ្រប់គ្រងក្រុមហ៊ុនជាច្រើននៅកម្ពុជា appeared first on .

នៅឆ្នាំ ១៩៩៣ លោក អ៉ឹង ប៊ុនហ៊ូវ បានចាប់ផ្តើមក្រុមហ៊ុនដំបូងរបស់ខ្លួនដែលមានឈ្មោះថា AZ  ចូលរួមជាមួយបងប្អូនពីរនាក់របស់លោក ដោយសារបានឃើញសក្តានុពលគ្មានដែនកំណត់នៅក្នុងប្រទេសកម្ពុជា។ អាជីវកម្មនេះបានរីកដុះដាលក្រោមការណែនាំរបស់លោក អ៉ឹង ប៊ុនហ៊ូវ រហូតពង្រីកវិសាលភាពក្លាយទៅជា AZ Group ។

ក្នុងឆ្នាំ ២០១០ បន្ទាប់ពីទទួលបានជោគជ័យក្រុមហ៊ុន AZ Group បង្កើតសាជីវកម្មជាច្រើនទៀត ដូចជា ក្រុមហ៊ុន AZ Group, ក្រុមហ៊ុន Daun Penh Construction និងក្រុមហ៊ុន Daun Penh (Cambodia) Import-Export ដែលត្រូវបានបញ្ចូលទៅក្នុងក្រុមក្រុមហ៊ុនតែមួយគឺ Daun Penh (Cambodia) Group ចាប់តាំងពីឆ្នាំ ២០១១ មក ដូនពេញ ខេមបូឌា គ្រុប បានបង្កើតអង្គភាពអាជីវកម្មចំនួន ៦ បន្ថែមទៀតមានជាអាថ៍ក្រុមហ៊ុន Daun Penh Land, ធនាគារ Daun Penh Specialized Bank, ក្រុមហ៊ុន H&K International School, ក្រុមហ៊ុន ING Holding Group ក្រុមហ៊ុន Daun Penh Medpharm, ក្រុមហ៊ុន Daun Penh Singapore និងក្រុមហ៊ុន  People & Partner Insurance។

ក្រុមហ៊ុន ដូនពេញ ខេមបូឌា គ្រុប ដឹកនាំដោយឧកញ៉ា អ៉ឹង ប៊ុនហ៊ូវ ជាប្រធានក្រុមប្រឹក្សាភិបាល និងប្រធានអគ្គនាយក ដែលមានវ័យ៥៥ឆ្នាំ ជាពាណិជ្ជករចាស់វស្សាមួយរូបនៅក្នុងពិភពជំនួញក្នុងប្រទេសកម្ពុជា ដែលបានឈរជើងយ៉ាងរឹងមាំបំផុត។

ដើម្បីអភិវឌ្ឍន៍ក្រុមហ៊ុន ដូនពេញ គ្រុប ឧកញ៉ា ប៊ុនហ៊ូវ បានសម្រេចតែងតាំងថ្នាក់ដឹកនាំសំខាន់ៗ ក្នុងនោះក៏មានកូនប្រុសច្បងលោកម្នាក់ដែរ គឺលោក អ៉ឹង ស៊ីវម៉េង ដែលប្រកាសតួនាទីអគ្គនាយកក្រុមហ៊ុន ដូនពេញ គ្រុប កាលពីថ្ងៃទី១០ ខែមិថុនា ឆ្នាំ២០២២។ លោកបានចូលបម្រើការងារនៅក្នុងក្រុមហ៊ុនដូនពេញ តាំងពីដើមឆ្នាំ២០២១ ក្នុងតួនាទីជាអគ្គនាយករង។ លោក អ៉ឹង ស៊ីវម៉េង បញ្ចប់បរិញ្ញាបត្រផ្នែកសេដ្ឋកិច្ច និងបរិញ្ញាបត្រជាន់ខ្ពស់ផ្នែកគ្រប់គ្រង ពាណិជ្ជកម្មពីសាកលវិទ្យាល័យ Oxford Brookes នៅចក្រភពអង់គ្លេស។

ក្នុងពិធីអបអរសាទរការតែងតាំងលោក អ៉ឹង ស៊ីវម៉េង ជាអគ្គនាយកក្រុមហ៊ុន លោកឧកញ៉ា អ៉ឹង ប៊ុនហ៊ូវ ដែល ជាឳពុក បានបញ្ជាក់ថា ពេលនេះជាពេលវេលាដ៏សក្កិសមបំផុតក្នុងការ ផ្ដល់ឱកាសបន្តវេនទៅលោក អ៉ឹង ស៊ីវម៉េង ជាកូនប្រុសច្បង ដើម្បីបន្តដឹកនាំក្រុមហ៊ុនឱ្យកាន់តែរីកចម្រើនទៅមុខ ។  

បើតាមឧកញ៉ា អ៉ឹង ប៊ុនហ៊ូវ ការសម្រេចតែងតាំងលោក អ៉ឹង ស៊ីវម៉េង ជាអគ្គនាយកក្រុមហ៊ុន គឺឈរលើហេតុ ផលធំៗចំនួន ៥៖ ទី១-ជាតម្រូវការចាំបាច់របស់ក្រុមហ៊ុននាពេលបច្ចុប្បន្ន  ទី២ លោក ស៊ីវម៉េង មានចំណេះដឹងគ្រប់គ្រាន់ដោយបានបញ្ចប់បរិញ្ញាបត្រ ផ្នែកសេដ្ឋកិច្ច និងបរិញ្ញាបត្រជាន់ខ្ពស់ ផ្នែកគ្រប់គ្រងពាណិជ្ជកម្ម ពីសាកលវិទ្យាល័យ Oxford Brookes នៅចក្រភពអង់គ្លេស  ទី៣ លោកមានបទពិសោធន៍ធ្លាប់ជាសមាជិក្រុមប្រឹក្សាភិបាល និងជាស្ថាបនិកក្រុមហ៊ុន បច្ចេកវិទ្យាមួយនៅចក្រភពអង់គ្លេស ហើយនៅបន្តជាម្ចាស់ភាគហ៊ុនរហូតមកដល់បច្ចុប្បន្នទី៤ លោកមានទេពកុសល្យ និងភាពច្នៃប្រឌិតខ្ពស់ ដឹកនាំដោយមានយុទ្ធសាស្ត្រច្បាស់ លាស់តាម បែបឌីជីថល និងទី៥ លោកមានភាពជាអ្នកដឹកនាំ មានអត្តចរិតល្អ ផ្តល់ភាពជាគំរូ ស្តាប់ហេតុផល និងបានគិតគូរ ដល់មនុស្សជំវិញខ្លួន ជាពិសេសបុគ្គលិកក្រោមឱវាទ និងតែងគិតគូរការជួយត្រឡប់ទៅវិញដល់សង្គមជាតិ។

ជាមួយគ្នានោះដែឬ លោកឧកញ៉ា បានសង្ឃឹមយ៉ាងមុតមាំថា ក្រោមការដឹកនាំរបស់កូនប្រុសច្បងក្រុមហ៊ុន នឹងមានការរីកចម្រើន និងអភិវឌ្ឍជាបន្តបន្ទាប់ ព្រមទាំងបន្តពង្រឹងភាពជាដៃគូរបង្កើតនិងបង្កើនទំនាក់ទំនងថ្មីៗបន្ថែមទៀត។

សម្រាប់លោក អ៉ឹង ស៊ីវម៉េង បានថ្លែងថា នេះជាពេលវេលាដ៏អស្ចារ្យបំផុតសម្រាប់រូបលោកផ្ទាល់ ហើយក៏ជា ព្រឹត្តិការណ៍ប្រវត្តិសាស្ត្ររបស់ក្រុមហ៊ុន ដូនពេញ គ្រុប ដែលតួនាទីជាអគ្គនាយកក្រុមហ៊ុន ស្ថិតក្រោមការគ្រប់ គ្រងយកចិត្តទុកដាក់ខ្ពស់របស់លោកឧកញ៉ា អ៉ឹង ប៊ុនហ៊ូវ ដែលជាស្ថាបនិក និងជាអគ្គនាយកអស់រយៈពេលជាង មួយទស្សវត្សមកហើយ រហូតដល់ថ្ងៃទី១៥ ខែឧសភា ឆ្នាំ២០២២ ដែលបានជ្រើសរើសយ៉ាងយកចិត្តទុកដាក់បំ ផុតក្នុងការផ្ទេរតួនាទីដ៏សំខាន់មួយនេះដល់រូបលោក។

នៅចំពោះមុខប្រធានអគ្គនាយកក្រុមហ៊ុន និងក្រុមគ្រួសារ ដៃគូអាជីវកម្ម ថ្នាក់ដឹកនាំ ព្រមទាំងនិយោជិក សរុបជាង៤០០ នាក់ លោក អ៉ឹង ស៊ីវម៉េង បានប្តេជ្ញាចិត្តទទួលយកតួនាទីថ្មីនេះ ប្រកបដោយទំនុកចិត្តខ្ពស់និងការ ទំនួលខុសត្រូវដើម្បីបន្តដឹកនាំក្រុមហ៊ុនវិវឌ្ឍន៍ទៅជាក្រុមហ៊ុនដ៏រឹងមាំវិបុលភាព និងនាំមកនូវកិត្តិយសសម្រាប់អ្នកទាំងអស់គ្នា។ លោកក៏មានទិសដៅច្បាស់លាស់ នឹងដាក់ចេញនូវយុទ្ធសាស្ត្រ និងគោលការណ៍ សំខាន់ៗដើម្បីជាកាតាលីករសម្រាប់ការរីកចម្រើន និងការច្នៃប្រឌិត របស់ក្រុមហ៊ុន ដោយបើកទ្វារថ្មី មិនត្រឹមតែសម្រាប់ប្រជាជន កម្ពុជានា ពេលបច្ចុប្បន្ននេះប៉ុណ្ណោះទេ ប៉ុន្តែ ថែមទាំងយុវជនជំនាន់ក្រោយ នាពេលអនាគតផងដែរ។

គួរបញ្ជាក់ថា ដ្បិតតែផ្តល់ជូនភារកិច្ច ដឹកនាំចាត់ចែងប្រតិបត្តិការប្រចាំថ្ងៃទៅកូនប្រុសច្បង លោក អ៉ឹង ស៊ីវម៉េង ជា អគ្គនាយកក្រុមហ៊ុន ប៉ុន្តែឧកញ៉ា អ៉ឹង ប៊ុនហ៊ូវ នៅតែបន្តដឹកនាំក្រុមហ៊ុនក្នុងមុខតំណែងជា ប្រធានអគ្គនាយកក្រុមហ៊ុន។

ថ្មីៗនេះ ក្រុមហ៊ុន ដូនពេញ ខេមបូឌា គ្រុប ក៏បានប្រកាសសម្រេចតែងតាំងកូនប្រុស ឧកញ៉ា អ៉ឹង ប៊ុនហ៊ូវ ម្នាក់ទៀត គឺលោក អ៉ឹង ស៊ីវឈន់ ជាអគ្គនាយកក្រុមហ៊ុន CEO នៃក្រុមហ៊ុន ដូនពេញ ត្រេឌីង ឯ.ក ដែលជាតំណែងកំពូល ខណៈលោកមានបទពិសោធន៍ការសិក្សាពីបរទេស។

ក្រៅតែពីថ្នាក់ដឹកនាំជាន់ខ្ពស់ជាកូនប្រុសទាំងពីរហើយនោះ ឧកញ៉ា អ៉ឹង ប៊ុនហូវ ក៏មានថ្នាក់ដឹកនាំជាន់ខ្ពស់ជាច្រើនរូបទៀតផងដែរ រួមមាន៖ លោក វ៉ន សាម៉េឌី  នាយកផ្នែកគ្រប់គ្រងហិរញ្ញវត្ថុ Chief Financial Officer លោក អ៊ិត សុខា ប្រធានការិយាល័យធនធានមនុស្ស លោក ជួន វ៉ាន់ឌន ជាប្រធានផ្នែកដីធ្លី លោក Philip Zimmer ជានាយកគម្រោង លោក សុផល ហេង ប្រធានផ្នែក CORA និងលោក សំ ភក្តី នាយកអភិវឌ្ឍន៍ដីធ្លី និងអចលនទ្រព្យ៕

The post ឧកញ៉ា អ៉ឹង ប៊ុនហ៊ូវ បញ្ចេញសមាសភាពយុវជនអ្នកបន្តវេនចំនួន ១រូបបន្ថែមមកដឹកនាំអាណាចក្រជំនួញ appeared first on .