នៅក្នុងជំនួបនោះ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានថ្លែងអំណរគុណចំពោះកិច្ចសហប្រតិបត្តិការល្អរវាង IRRI និងក្រសួងកសិកម្ម រុក្ខាប្រមាញ់ និងនេសាទ ពិសេសកិច្ចការស្រាវជ្រាវអំពីពូជស្រូវ ស្របតាមគោលនយោបាយរបស់ក្រសួង។

ជាមួយគ្នានេះ លោកថា សម្រាប់ការផ្តួចផ្តើមរបស់ IRRI អំពីពូជស្រូវមានជាតិស្ករទាបនៅកម្ពុជា (Low Glycemic Index – Low GI) លោករដ្ឋមន្ត្រី ក៏បានណែនាំដល់ IRRI ឱ្យសហការជាមួយ CARDI និងនាយកដ្ឋានសហប្រតិបត្តិការអន្តរជាតិ ហើយត្រូវសិក្សាវិភាគដោយត្រូវយកចិត្តទុកដាក់ទាំងការងារស្រាវជ្រាវពូជស្រូវ និងការអភិវឌ្ឍទីផ្សារ។

លើសពីនេះទៀត លោក ឌិត ទីណា ក៏បានផ្តល់ការណែនាំដល់ស្ថាប័ន IRRI ក៏ត្រូវផ្តោតលើការអភិវឌ្ឍធនធានមនុស្ស ដែលជាទម្រង់នៃភាពជោគជ័យប្រកបដោយនិរន្តរភាព ពេលគម្រោងបិទបញ្ចប់។

បើតាម ក្រសួងកសិកម្ម រុក្ខាប្រមាញ់ និងនេសាទ បានអះអាងដែរថា គម្រោងស្រាវជ្រាវពូជស្រូវមានជាតិស្ករទាបនៅកម្ពុជាទាំងអស់នេះ គឺត្រូវបានគិតគូរយ៉ាងយកចិត្តទុកដាក់លើសុខភាពប្រជាពលរដ្ឋ សុវត្ថិភាពសង្គម ថែមទាំងធ្វើឱ្យកសិករមានចំណូលមានស្ថិរភាពសេដ្ឋកិច្ច និងនិរន្តរភាពផងដែរ៕

អត្ថបទ៖ ពិសី

The post ក្រសួងកសិកម្ម- ស្ថាប័ន IRRI កំពុងជំរុញកិច្ចសហការ​លើគម្រោងស្រាវជ្រាវពូជស្រូវ​មានជាតិស្ករទាបនៅកម្ពុជា appeared first on .