ការលេីកទឹកចិត្តទៅកាន់វិនិយោគិនជប៉ុន​ដូច្នេះ​ ក្នុងន័យ​សំដៅដល់ការបង្កេីនកិច្ចសហប្រតិបត្តិការឲ្យកាន់តែរឹងមាំ​ និងទូលំទូលាយជាមួយសមាគមឧកញ៉ាកម្ពុជា​ ជាពិសេសបង្កេីនឱកាសវិនិយោគបន្ថែមទៀត​ ជាមួយសមាជិកសមាគមឧកញ៉ា​កម្ពុជា​ ដើម្បីជំរុញកិច្ចអភិវឌ្ឍន៍សេដ្ឋកិច្ចដល់កម្រិតខ្ពស់រវាងកម្ពុជា-ជប៉ុន លើគ្រប់វិស័យ។

ក្រៅតែពីមា​នការចូលរួមពីសំណាក់ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថា​ន​,​ សន្និសីទនេះក៏មានការអញ្ជើញចូលរួមពីសំណាក់ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ, ឯកឧត្តម UENO Atshushi ឯកអគ្គរាជទូតជប៉ុនប្រចាំនៅកម្ពុជា, លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា, ព្រមទាំងភ្ញៀវកិត្តិយស និងវាគ្មិនជាអ្នកជំនាញនិងធុរជនក្នុងប្រទេសកម្ពុជា និងជប៉ុនជាច្រើនរូបទៀត ដោយមាន​ការ​សម្របសម្រួលដោយផ្ទាល់ពី អ្នកឧកញ៉ា ហ៊ុន ឡាក់ ប្រធានក្រុមប្រឹក្សាភិបាលគោលនយោបាយស្រូវអង្ករ សហព័ន្ធស្រូវអង្ករកម្ពុជា និងអគ្គលេខាធិការសមាគមឧកញ៉ាកម្ពុជា។

នារសៀលថ្ងៃទី៧ ខែសីហានេះដែរ ក៏នឹងមានកម្មវិធី «ជំនួបផ្គូផ្គងធុរកិច្ចកម្ពុជា-ជប៉ុន» ក្រោមប្រធានបទ៖ «ធុរកិច្ចឥណទានកាបូន និងបរិយាកាសវិនិយោគនៅកម្ពុជា» ដែលនឹងប្រព្រឹត្តទៅក្រោមអធិបតីភាពឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ព្រមទាំងថ្នាក់ដឹកនាំជាតំណាង ក្រសួងពាណិជ្ជកម្ម និងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក៏ដូចជាក្រុមប្រឹក្សា អភិវឌ្ឍន៍ កម្ពុជា ព្រមទាំងថ្នាក់ដឹកនាំ និងសមាជិកនៃសមាគមឧកញ៉ាកម្ពុជា ព្រមទាំងធុរជនជប៉ុន សរុបប្រមាណ ៣០០នាក់ ផងដែរ៕

The post រដ្ឋមន្ត្រីក្រសួងបរិស្ថាន លើកទឹកចិត្ដដល់វិនិយោគិនជប៉ុន បន្តសហការជាមួយ សមាគមឧកញ៉ាកម្ពុជា appeared first on .

លោកស្រី Marisa Haruta ប្រធានតំណាងអង្គការ JETRO ប្រចាំកម្ពុជា ដែលទើបតែងតាំងថ្មី ក្នុងពេលផ្តល់បទសម្ភាសន៍ផ្តាច់មុខជាមួយលោក យិន សំបូរ ការីនិពន្ធជាន់ខ្ពស់នៃសារព័ត៌មានឧកញ៉ាញូស៍ បានលើកឡើងថា តាមរយៈការបង្កើតដំណាងការិយាល័យនៅភ្នំពេញ ហើយមានការគាំទ្រពីថ្នាក់ដឹកនាំនៃប្រទេសទាំងពីរ ទើបកម្ពុជា និងជប៉ុន បន្តចាប់ដៃជាមួយគ្នា យ៉ាងពេញទំហឹង និងកាន់តែមានឱកាសបន្តសហការសឹងគ្រប់វិស័យទៅវិញទៅមក។ លោកស្រីនិយាយថា កិច្ចសហការលើវិស័យពាណិជ្ជកម្ម ការនាំចេញ នាំចូល រួមទាំងសកម្មភាពវិនិយោគជប៉ុនកម្ពុជា កាន់តែល្អប្រសើរឡើងៗ។ 

លោកស្រីនិយាយបន្តថា ជាការពិត សកម្មភាពពាណិជ្ជកម្មទ្វេភាគរវាងប្រទេសជប៉ុន និងប្រទេសកម្ពុជា មានការកើនឡើងខ្ពស់ បើគិតចាប់តាំងពីឆ្នាំ២០១៥មក ហើយកិច្ចសហការស្ទើរគ្រប់វិស័យនេះ បានបន្តកើនឡើងជាលំដាប់គួរឱ្យកត់សម្គាល់។ ជាសក្ខីភាព ខាងអង្គការ JETRO យើងខ្ញុំ ក៏បាននឹងកំពុងបន្តសកម្មភាពកៀរគងវិនិយោគិនជប៉ុនឱ្យបន្តចាប់អារម្មណ៍ វិនិយោគក្នុងប្រទេសកម្ពុជាឱ្យបានកាន់តែច្រើនផងដែរ។ 

យ៉ាងណាលោកស្រី Marisa Haruta បានបង្ហាញនូវហេតុផលមួយចម្បង ដែលក្រុមហ៊ុនវិនិយោគជប៉ុនជាច្រើនផ្សេងទៀត មិនទាន់បន្តដាក់គោលដៅវិនិយោគមកកម្ពុជានៅឡើយ ក៏ព្រោះតែពួកគាត់ មិនទាន់បានទទួលព័ត៌មានពីឱកាសវិនិយោគនៅកម្ពុជាបានគ្រប់ជ្រុងជ្រោយ ដូច្នេះហើយ ទើបអង្គការ JETRO យើងខ្ញុំ ព្យាយាមផ្សព្វផ្សាយ និងបង្កើតវីដេអូបង្ហាញពីកាលានុវត្តភាពនៃឱកាសវិនិយោគជាច្រើនរបស់កម្ពុជា ឱ្យអ្នកវិនិយោគជប៉ុនបានឃើញកាន់តែទូលំទូលាយ។

បើតាមលោកស្រី ជំហ៊ានបន្ទាប់ ក្រោយពីខាងក្រុមហ៊ុនជប៉ុនគាត់ចាប់អារម្មណ៍ ពួកគាត់អាចចុះមកសិក្សាស្វែងយល់ដោយផ្ទាល់ ដល់ទីតាំងក្រុមហ៊ុន ឬសហគ្រាសដែលពួកគាត់ចង់សហការនៅកម្ពុជា។ ទាំងអស់នេះហើយ ដែលអង្គការ JETRO យើងខ្ញុំ ក្នុងនាមតំណាងឱ្យរាជរដ្ឋាភិបាលជប៉ុន ក្នុងការដឹកនាំអ្នកវិនិយោគជប៉ុនមកកម្ពុជា។

លោកស្រីគូសបញ្ជាក់ថា មកទល់ពេលនេះ បញ្ហាកូវីដ១៩ នៅកម្ពុជា លែងជាឧបសគ្គទៀតហើយ តាមរយៈកិច្ចសហការជាមួយរាជរដ្ឋាភិបាល និងសមាគមមួយចំនួននៅកម្ពុជា យើងខ្ញុំនឹងជំរុញការផ្សព្វផ្សាយពីឱកាសវិនិយោគនៅកម្ពុជា ទៅដល់ក្រុមហ៊ុនវិនិយោគជប៉ុនឱ្យបានកាន់តែខ្លាំងថែមទៀត។ លោកស្រីបន្ថែមទៀតថា មានក្រុមហ៊ុនជប៉ុនជាច្រើនកំពុងចង់ចាប់ផ្ដើមរកឱកាសវិនិយោគក្នុងវិស័យផ្សេងៗ នៅកម្ពុជាកាន់តែច្រើន ជាពិសេសខាងជប៉ុនក៏កំពុងសំឡឹងមើលក្រុមហ៊ុន សហគ្រាសជាដៃគូនៅកម្ពុជា ដែលពួកគាត់មានឈ្មោះបោះសំឡេង និងផ្ដល់ទំនុកចិត្តខ្ពស់ដល់ពួកគាត់។

របាយការណ៍ពីក្រសួងពាណិជ្ជកម្ម នៅក្នុង​ឆ្នាំ​ ២០២១ ទំហំ​ពាណិជ្ជកម្ម​ទ្វេភាគី​រវាង​កម្ពុជា​-​ជប៉ុនមាន​ទឹកប្រាក់​ប្រមាណ​ជាង ១ ៧០០​ លាន​ដុល្លារ ក្នុងនោះ​កម្ពុជា​នាំ​ចេញទៅ​ជប៉ុនមាន​ទឹកប្រាក់​ប្រមាណ​ជាង ១ ០៩៣​ លាន​ដុល្លា​អាមេរិក ខណៈដែល​ជប៉ុន​នាំ​ចូលមក​កម្ពុជាមាន​ទឹកប្រាក់​ប្រមាណ​ជាង ៦០៧ ​លាន​ដុល្លា​មេ​រិ​ក​។ ការនាំចេញ​របស់​កម្ពុ​ជា​ទៅកាន់​ប្រទេស​ជប៉ុនមាន​ផលិតផល​ដូចជាសម្លៀកបំពាក់ស្បែកជើងកាបូបនិង​ផលិតផល​ផ្សេងៗទៀត​

ដោយឡែក នៅក្នុង​កិច្ចប្រជុំ​ពិភាក្សា​ការងារ​ជាមួយ​គណៈប្រតិភូ​វិនិយោគិន​ជប៉ុន​រៀបចំ​ដោយ​អង្គការ​ពាណិជ្ជកម្មក្រៅប្រទេស​ជប៉ុន (JETRO) ដោយមាន​ការចូលរួម​ពី​តំណាង​វិនិយោគិន​ជប៉ុន​ក្នុង​វិស័យ​ចំណីអាហារ អេឡិចត្រូនិក សុខាភិបាល ឡូ​ជី​ស្ទិក ធនាគារ សំណង់ និង​អចលនទ្រព្យ កាលពី​ថ្ងៃទី​៣០ ខែសីហា កន្លងទៅ លោក សុខ ចិន្តា​សោភា អគ្គ​លេខា​ធិការ​ក្រុម​ប្រឹក្សា​អភិវឌ្ឍន៍​កម្ពុជា​បាន​បញ្ជាក់ថា គិត​ត្រឹម ​ខែកក្កដា ឆ្នាំ​ ២០២២នេះ ​ក្រុម​ប្រឹក្សា​អភិវឌ្ឍន៍​កម្ពុជា​ (CDC) បាន​អនុម័តលើ​គម្រោង​វិនិយោគ​របស់​ក្រុមហ៊ុន​ជប៉ុនចំនួន ១៤៨ ​គម្រោង ដែលមាន​ទុនវិនិយោគ​សរុប​ប្រមាណ ២,៨៥ ប៊ី​លាន​ដុល្លារអាមេរិក៕ 

The post អង្គការ JETRO កំពុងកៀរគរវិនិយោគិនជប៉ុនឱ្យបន្តចាប់អារម្មណ៍វិនិយោគក្នុងប្រទេសកម្ពុជា appeared first on .

ខាងក្រោមនេះ គឺជាសម្រង់សម្ដីផ្ទាល់របស់ លោកស្រី Marisa Haruta (ម៉ារីសា ហារុតា) ក្នុងបទសម្ភាសន៍ដាច់ដោយឡែក ជាមួយ Oknha News៖

The post គណៈប្រតិភូជប៉ុន បានសំដែងនូវការភ្ញាក់ផ្អើល និងវាយតម្លៃខ្ពស់ ចំពោះស្តង់ដារផលិតនំស្រួយលីលី appeared first on .