នៅក្នុងសេចក្តីថ្លែងការណ៍មួយ ទីភ្នាក់ងារអន្តោប្រវេសន៍អាមេរិក បាននិយាយថា ៖”ក្រុមមន្ត្រីអនុវត្តន៍ច្បាប់អន្តោប្រវេសន៍ និងគយរបស់សហរដ្ឋអាមេរិក បានសម្រេចឃុំខ្លួនលោក Serigne Khabane Lame វ័យ ២៥ឆ្នាំ ដែលមានសញ្ជាតិសេណេហ្គាល់ និងអ៊ីតាលី នៅថ្ងៃទី៦ ខែមិថុនា នៅឯអាកាសយានដ្ឋានអន្តរជាតិ Harry Reid ទីក្រុង Las Vegas រដ្ឋ Nevada ពីបទរំលោភបំពានលើច្បាប់អន្តោប្រវេសន៍” ។

សេចក្តីថ្លែងការណ៍ដដែលនោះ បាននិយាយបន្ថែមទៀតថា Khaby Lame ត្រូវបានចាប់ឃាត់ខ្លួន និងត្រូវបានដោះលែងវិញ នៅថ្ងៃដដែលនោះ ហើយក្រោយមកត្រូវបានអនុញ្ញាតឲ្យចាកចេញពីប្រទេសដោយស្ម័គ្រចិត្ត”។

គួរឲ្យដឹងផងដែរថា Khaby Lame គឺជាតារា TikTok ដ៏ល្បីឈ្មោះម្នាក់ ដែលមានអ្នកតាមដានរហូតដល់ទៅជាង ១៦២ លាននាក់ ឯណោះ។ អ្នកនាំពាក្យរបស់ ICE បាននិយាយថាលោក Lame បានមកដល់សហរដ្ឋអាមេរិកនៅថ្ងៃទី ៣០ ខែមេសា ហើយបានស្នាក់នៅហួសលក្ខខណ្ឌនៃទិដ្ឋាការរបស់លោក។

ជ​ម្រាបជូនផងដែរថា ចាប់តាំងពីឡើងកាន់អំណាចក្នុងខែមករាមក ប្រធានាធិបតីអាមេរិក លោក ដូណាល់ ត្រាំ បានប្រកាសថានឹងរឹតបន្តឹងកាន់តែខ្លាំង ទៅលើជនអន្តោប្រវេសន៍ និងអនុវត្តការនិរទេសទ្រង់ទ្រាយធំ៕

The post កំពូលតារា​ TikTok ល្បីឈ្មោះ Khaby Lame ត្រូវបង្ខំឲ្យចេញពីទឹកដីអាមេរិក ក្រោយល្មើសច្បាប់អន្តោប្រវេស៍ appeared first on .

នៅខែមីនាឆ្នាំ២០២០ Khaby គ្រាន់តែជាកម្មកររោងចក្រនៅក្នុងប្រទេសអ៊ីតាលីម្នាក់ប៉ុណ្ណោះ ប៉ុន្តែលោកត្រូវបានបញ្ឈប់ពីការងារដោយសារតែជំងឺរាតត្បាត និងចាប់ផ្តើមចូលលេងនៅក្នុង TikTok ខណ:ពេលនោះហើយភាពល្បីល្បាញរបស់លោកបានផ្ទុះឡើង តាមរយ:វីដេអូងាយៗ ដោយគាត់បានធ្វើឲ្យអ្នកទស្សនាយល់ថា ជីវិត ពិតជាមិនស្មុគស្មាញពេកទេ។

យ៉ាងណាមិញបើតាមគេហទំព័រហ្វេសប៊ុកមួយឈ្មោះថា Fresh News ថ្មីៗនេះ បានព្យាករថា Khaby ទំនងនឹងអាចក្លាយជាមហាសេដ្ឋី នៅត្រឹមឆ្នាំ២០២៩ ខាងមុខ ដោយសារតែលោកមានចំណុចពិសេសៗមួយចំនួននេះ ៖

១. ភាពសាមញ្ញ
នៅក្នុងពិភពលោកដែលពោពេញទៅដោយភាពស្មុគស្មាញ ប៉ុន្តែសម្រាប់វីដេអូរបស់ Khaby ដែលចេញមក តែងតែមានភាពសាមញ្ញ និងស្រស់ស្រាយជានិច្ច។ ជុំវិញសកម្មភាពសាមញ្ញៗបែបនេះហើយ បានធ្វើឲ្យលោកទាក់ទាញបានចិត្តមនុស្សជាច្រើន។

២.ភាពត្រឹមត្រូវ
Khaby គ្រាន់​តែ​ជា​បុរស​ធម្មតា​ម្នាក់​ដែលតែងតែប្រតិកម្ម​នឹង​ភាព​មិនត្រឹមត្រូវរបស់មនុស្សដែលបង្ហាញនៅលើប្រព័ន្ធអ៊ីនធឺណិត។ គាត់តែងប្រកាន់ភ្ជាប់ទៅនឹងការធ្វើរឿងត្រឹមត្រូវជានិច្ច ដែលជាប្រតិកម្មពិតប្រាកដដើម្បីជាការឆ្លើយតបទៅនឹងមនុស្សរាប់លាននាក់។

៣. ភាពជាប់លាប់
Khaby បង្ហោះ​វីដេអូរបស់ខ្លួនជាច្រើន​ដង​ជា​រៀង​រាល់​ថ្ងៃ ពេល​ខ្លះ​មានដល់​ទៅ ៣-៤ វីដេអូ។
របៀបនៃការបង្ហោះជាប់លាប់របស់គាត់នេះ គឺស្របទៅតាមក្បួនរបស់ TikTok ដោយធានានូវចំនួនមើលឃើញថេរ។
ប៉ុន្តែសម្រាប់ Khaby វាមិនមែនគ្រាន់តែជាបរិមាណនោះទេ ស្របពេលគុណភាពវីដេអូរបស់គាត់ គឺនៅតែខ្ពស់ដដែល ផងដែរ។

៥. យុទ្ធសាស្ត្រឆ្លងវេទិកា
ខណៈពេលដែល TikTok គឺជាវេទិកាសំខាន់ ប៉ុន្តែ Khaby មិននៅតែមួយកន្លែងនោះទេ ដោយគេបានភ្ជាប់ជាមួយនឹងទៅនឹងបណ្តាញសង្គមធំៗផ្សេងទៀត។ ក្នុងនោះ Khaby មាន​ Instagram ដែលមានអ្នកចុះតាមដានជាង ៨០លាននាក់ និង YouTube មានអ្នក Subscribe ប្រមាណ ១០ លាននាក់ ផងដែរ។

៦.ការរកប្រាក់ចំណូល
តាមរយ:ភាពល្បីល្បាញនេះ Khaby មិនផ្តោតតែលើប្រាក់ចំណូលពីបណ្តាញសង្គមមួយមុខនោះឡើយ ដោយគេបានបង្កើនប្រាក់ចំណូលតាមរយ:ប្រភពជាច្រើនទៀត ក្នុងនោះរួមមាន ផ្សព្វផ្សាយជាមួយម៉ាកយីហោ Xbox, Netflix និង Amazon , មានភាពជាដៃគូជាមួយ Cryptocurrency
និងការប្រមូលទុក NFT ជាដើម។​

ជម្រាបជូនផងដែរថា ទ្រព្យសម្បត្តិសរុបរបស់ Khaby Lame បច្ចុប្បន្ន ត្រូវបានគេប៉ាន់ប្រមាណថាមានចំនួន ២០លានដុល្លារ តាមរយ:ការកើនឡើងភាពល្បីល្បាញនៅលើ TikTok និងភាពជាដៃគូសំខាន់ៗជាមួយម៉ាកយីហោលំដាប់ពិភពលោក៕

The post កំពូលតារា TikTok, Khaby Lame ទំនងក្លាយជាមហាសេដ្ឋីនៅឆ្នាំ២០២៩ ដោយសារចំណុចពិសេសៗនេះ appeared first on .