ក្នុងចំណោមរថយន្តរបស់ Lexus សេរីចុងក្រោយបំផុតទាំងអស់ ត្រកូល LX ហាក់ធ្វើឲ្យអ្នកស្រឡាញ់រថយន្តប្រណីតៗ តាមសម្លឹងមើលមិនដាក់ភ្នែក ដោយសារតែការរចនាដ៏ស៊ីវិល័យ គួបផ្សំជាមួយប្រណីតភាព ស្របពេលបច្ចេកវិទ្យានៃរថយន្តរឹតតែមិនបាច់បរិយាយថែមទៀត។

Lexus LX 600 ឆ្នាំ ២០២២ ផលិតមកជាមួយជម្រើសជាច្រើន ប៉ុន្តែអត្ថបទមួយនេះ ឧកញ៉ាញ៉ូវស៍សូមលើកយកតែម៉ូដែលពិសេសបំផុតមួយគឺ All New Lexus LX 600 F-Sport Launch Edition មករៀបរាប់ត្រួសៗប៉ុណ្ណោះ ដោយសាររថយន្តប្រភេទមួយនេះផលិតឡើងតែ ១០០ គ្រឿងប៉ុណ្ណោះលើពិភពលោក។

ខុសប្លែកពីសេរី LX 600 F-Sport ធម្មតាដែលមាន ៧ កៅអី F-Sport Launch Edition មានតែ ៥ កៅអីប៉ុណ្ណោះ ប៉ុន្តែកម្លាំងម៉ាស៊ីនគឺខ្លាំងដូចគ្នាពោល ដំណើរការដោយម៉ាស៊ីនសាំង V6 3,5L អាចផលិតកម្លាំងដល់ទៅ ៤០៩ Hp និងមានចង្កឹះលេខអូតូ ១០ វគ្គ។

លក្ខណៈពិសេសផ្សេងៗទៀតដែលបំពាក់មកជាមួយរថយន្តស្រាប់មានដូចជា កាមេរ៉ា ៣៦០ ដឺក្រេ ប្រព័ន្ធហ្វ្រាំង ABS ប្រព័ន្ធទប់លំនឹង ដំបូលអាចបញ្ជាបិទបើកបាន ហើយដៃចង្កូតបញ្ជាដោយប្រព័ន្ធអេឡិចត្រូនិក ងាយស្រួលដល់ការបើកបរទាំងលើផ្លូវធម្មតា និងផ្លូវបែប Off-road។

ដ្បិតតែផលិតមកតែ ១០០ គ្រឿងលើលោកក៏ពិតមែន ប៉ុន្តែរថយន្តដ៏ប្រណីតមួយនេះក៏មានវត្តមានលើទីផ្សាររថយន្តកម្ពុជាផងដែរ ដោយមានលក់នៅហាងរថយន្ត Deluxe AUTO ហើយរថយន្តដែលកំពុងបង្ហាញខ្លួននៅកម្ពុជាមួយនេះមានលេខរៀងទី ៧១។

ទាក់ទងនឹងតម្លៃ របស់កំពូលរថយន្ត LX 600 F-Sport ខ្នាតធំប្រចាំត្រកូល LX ដែលផលិតឡើងចំនួនតែ ១០០គ្រឿង លើពិភពលោកនេះ ហាងលក់រថយន្ត Deluxe AUTO បានទម្លាយឱ្យ Oknha News ដឹងថា ជាង ៣៥ម៉ឺនដុល្លារ។

តម្លៃនេះ បើប្រៀបធៀបជាមួយបងប្អូនរួមជំនាន់ត្រកូល Lexus LX600 VIP Kuro 2022 មាន ៤កៅអី គឺទាបជាងបន្តិចបន្ទួច ពោលរថយន្តលំដាប់អភិជន LX600 VIP Kuro ៤កៅអី តម្លៃជិត ៤០ម៉ឺនដុល្លារឯណោះ៕

The post Lexus LX600 F-Sport Launch Edition ផលិតតែ ១០០ គ្រឿងលើលោក នៅខ្មែរមានតែមួយគ្រឿងគត់ appeared first on .

រថយន្តម៉ាក Rolls Royce Cullinan ដ៏ល្បីល្បាញ និងផលិតតាមការកុម្ម៉ង់ មានតែមួយគ្រឿងគត់លើពិភពលោកនេះ មានឈ្មោះពេញហៅថា Rolls Royce Cullinan Black Badge Long Armored and Extended។

តាមការឱ្យដឹងពីអ្នកគ្រប់គ្រងទូទៅនៅហាងលក់រថយន្តទំនើបដ៏ល្បីឈ្មោះនៅកម្ពុជា Kimsrun Premium Auto បញ្ជាក់ថា រថយន្ត Rolls Royce Cullinan មួយគ្រឿងនេះ ត្រូវបានក្រុមហ៊ុនលក់រថយន្តលោក កុម្ម៉ង់យក option ដ៏ពិសេសដាច់គេ និងមានតែមួយលើលោក។ ជាប្រភេទរថយន្តដែលផ្ដល់សុវត្ថិភាពខ្ពស់កម្រិតពិភពលោក ជាពិសេស មានសមត្ថភាពអាចធន់នឹងការបាញ់ដោយគ្រាប់កាំភ្លើង និងដាក់គ្រាប់បែកបំផ្ទុះបាន ដោយគ្មានបញ្ហាឡើយ!

រថយន្តស្បែកគង់ តម្លៃជាង ១,៧លានដុល្លារ ប្រភេទ SUV តួខ្លួនវែង ដ៏ទំនើប និងប្រណិតផុតគេលើលោក Rolls Royce Cullinan Black Badge Long Armored and Extended 1 of 1 កំពុងដាក់តាំងលក់ជូនអតិថិជននៅហាងលក់រថយន្តទំនើប គឹមស្រ៊ុនព្រីមៀមអូតូ ទីតាំង ៖ ស្ថិតលើ វិថី ព្រះមុនីវង្ស , ជាប់ សណ្ឋាគារ ភ្នំពេញ។ សម្រាប់អតិថិជន ដែលចាប់អារម្មណ៍ចង់ក្លាយជាម្ចាស់រថយន្តលំដាប់អភិជនផលិតជាពិសេស និងមានតែមួយគ្រឿងលើលោកនេះ អាចទាក់ទងទៅលេខ ៖ 017 98 5555/060 98 5555 /097 98 55555 ៕ ប្រភព និងរូបភាព៖ ហាងលក់រថយន្ត គឹមស្រ៊ុនព្រីមៀមអូតូ

The post រថយន្ត Rolls Royce ស្បែកគង់បាញ់មិនធ្លុះ បំផ្ទុះមិនប៉ើងតម្លៃ ១,៧លានដុល្លារ បង្ហាញខ្លួននៅកម្ពុជា appeared first on .