lamborghini

Lamborghini ផលិតនាវាលំដាប់អភិជន ចំនួនមានកំណត់ រីឯតម្លៃវិញញាក់សាច់

ឧកញ៉ាសំពៅ — Fri, 25 Nov 2022 03:49:00 +0000

ក្រុមហ៊ុន Lamborghini គឺជាក្រុមហ៊ុនផលិតរថយន្តលំដាប់កំពូលមួយលើលោក ដ្បិតបើសិនជានិយាយពីឡានប្រណីត គេនឹកឃើញ Rolls Royce តែបើនិយាយពីឡានស្ព័រ Lamborghini គឺជាជម្រើសតំបូងដែលគ្រប់គ្នានឹកឃើញមុនគេ។

យ៉ាងណា ក្រៅពីរថយន្តក្រុមហ៊ុនខ្នាតយក្សមួយនេះក៏បានផលិតជានាវាឯកជនផងដែរ ដោយទូកកំសាន្តផលិតដោយក្រុមហ៊ុនមានឡូហ្គោរូបគោ មានតម្លៃរហូតដល់ ៤ លានដុល្លារ ហើយចំនួនផលិតក៏មានកំណត់ដូចគ្នាន ពោលផលិតតែ ៦៣ គ្រឿងប៉ុណ្ណោះ។

យោងតាមការចុះផ្សាយពីវេបសាយផ្លូវការរបស់ក្រុមហ៊ុនបានទម្លាយថា នាវានេះគឺមានឈ្មោះថា Technomar Lamborghini 63 ផលិតឡើងជាពិសេស ក្នុងគោលបំណងអបអរគម្រប់ខួបនៃការបង្កើតក្រុមហ៊ុន និងបានយកគម្រូតាមឡាន Sián FKP 37 ដែលជារថយន្តស្ព័រកំពូលតំបូងរបស់ Lamborghini។

មួយតួខ្លួននៃនាវាលំដាប់អភិជននេះ គឺប្រើប្រាស់កាបូនហ្វាយបឺស្ទើរទាំងស្រុង ដែលធ្វើឲ្យវាមានទម្ងន់ស្រាល ត្រឹម ២៤ តោន បើធៀបនឹងនាវាដែលមានទំហំប៉ុនគ្នា។ វាក៏មានបំពាក់មកជាមួយនូវម៉ាស៊ីន MAN V2-2000HP ២ គ្រាប់ ដែលធ្វើឲ្យវាក្លាយជានាវាលឿនបំផុត សម្រាប់ត្រកូល Tecnomar។

The post Lamborghini ផលិតនាវាលំដាប់អភិជន ចំនួនមានកំណត់ រីឯតម្លៃវិញញាក់សាច់ appeared first on .

Lamborghini Huracan Tecnica រថយន្តក្នុងក្ដីស្រមៃរបស់មនុស្សគ្រប់គ្នា បង្ហាញខ្លួននៅកម្ពុជា

ឧកញ៉ាសំពៅ — Sat, 30 Jul 2022 07:09:55 +0000

ក្រុមហ៊ុនផលិតរថយន្ត Lamborghini គឺមានឈ្មោះល្បីរន្ទឺពាសពេញពិភពលោក ហើយសូម្បីតែនៅប្រទេសកម្ពុជាផ្ទាល់ក៏មានតំណាងចែកចាយរថយន្តលំដាប់ពិភពលោកនេះផងដែរ។

កាលពីពេលថ្មីៗនេះ តំណាងចែកចាយនៅកម្ពុជាបានសម្ពោធរថយន្ត Lamborghini មួយប្រភេទមានឈ្មោះថា Lamborghini Huracan Tecnica ដែលជាកំពូលរថយន្តស្ព័រដែលមនុស្សជាច្រើនប្រាថ្នា ចង់អង្គុយក្នុងឡានអភិជនមួយនេះ។

ក្រឡេកមកមើលលក្ខណៈពិសេសរបស់កំពូលរថយន្តមួយនេះវិញ បានបំពាក់ជាមួយម៉ាស៊ីន V10 និងមានកម្លាំងរមួល ៥៦៥ Nm អាចបើកបរដល់ល្បឿន ៣២៥ គីឡូម៉ែត្រ/ម៉ោង អាចជាន់ពីល្បឿន ០-១០០ គម/ម ប្រើពេលត្រឹម ៣,២ វិនាទី ឬពី ០-២០០ គម/ម ប្រើត្រឹម ៩,១ វិនាទី។

រថយន្តលំដាប់ជាន់ខ្ពស់មួយនេះ ស៊ីសាំងប្រហែល ១៤,៥ លីត្រសម្រាប់ការបើកបរ ១០០ គីឡូម៉ែត្រ និងមានធុងសាំងផ្ទុកបានចំណុះ ៨០ លីត្រ ខណៈរចនាបថខាងក្នុងវិញ គឺរឹតតែស៊ីវិល័យទំនើប សក្ដិសមឥតខ្ចោះសម្រាប់អ្នកជំនួញគ្រាក់ៗ មហាសេដ្ឋីក្នុងការកាន់ចង្កូតនៃរថយន្តមានឡូហ្គោរូបគោជល់។

អ្វីដែលកាន់តែអស្ចារ្យនោះគឺ អតិថិជនអាចមានសិទ្ធកុម្ម៉ង់នូវពណ៌របស់រថយន្តបានតាមចិត្ត និងអាចលេងគ្រឿងឡានបានតាមស្តង់ដារបន្ថែមផងដែរ តាមរយៈការ Pre-Order ជាមួយក្រុមហ៊ុនដោយផ្ទាល់៕

The post Lamborghini Huracan Tecnica រថយន្តក្នុងក្ដីស្រមៃរបស់មនុស្សគ្រប់គ្នា បង្ហាញខ្លួននៅកម្ពុជា appeared first on .

Lamborghini ត្រៀមវិលមកកាន់ទីផ្សារប្រទេសវៀតណាមវិញ ក្រោយបាត់ខ្លួនអស់ជាង ១ ឆ្នាំ

ឧកញ៉ាសាមញ្ញ — Sat, 02 Apr 2022 05:26:13 +0000

រថយន្តប្រណីតម៉ាក Lamborghini គ្រោងនឹងវិលត្រលប់មកកាន់ទីផ្សាររបស់ប្រទេសវៀតណាមវិញ នៅក្នុងត្រីមាសទីពីរ ឆ្នាំនេះ បន្ទាប់ពីបាត់ខ្លួនអស់រយ:ពេលជាងមួយឆ្នាំ ។

ជាក់ស្តែងក្រុមហ៊ុនរថយន្តរបស់អ៊ីតាលីមួយនេះ បានសម្រេចចិត្តជ្រើសរើសយកក្រុមហ៊ុនក្នុងស្រុក S&S Automotive ជាអ្នកចែកចាយថ្មីរបស់ខ្លួន នៅក្នុងប្រទេសវៀតណាមវិញ ដោយជំនួសក្រុមហ៊ុន CT Wearnes ។ ហើយ Lamborghini មិនបានបញ្ជាក់ច្បាស់លាស់ថាហេតុអ្វី បានជាការចាប់ដៃគូរកស៊ីជាមួយ CT Wearnes ត្រូវបានបញ្ចប់នោះទេ ។

គួរឱ្យដឹងផងដែរថា ក្រុមហ៊ុន S&S Automotive ដែលចែកចាយរថយន្តប្រណីតម៉ាក Rolls-Royce និង McLaren ដែរនោះ បាននិយាយថា បន្ទប់ដាក់តាំងបង្ហាញរថយន្ត Lamborghini ថ្មី កំពុងតែត្រូវបានសាងសង់ ហើយនឹងចាប់ផ្តើមបើកដំណើរការនៅត្រីមាសទីពីរ ខាងមុខ ។

មិនតែប៉ុណ្ណោះ ក្រុមហ៊ុន S&S Automotive ក៏នឹងដាក់ដំណើរការកន្លែងថែទាំថ្មី នៅក្នុងស្រុក Tan Binh សម្រាប់រថយន្ត Lamborghini និង Rolls-Royce ផងដែរ ៕

ប្រភព: VN Express

The post Lamborghini ត្រៀមវិលមកកាន់ទីផ្សារប្រទេសវៀតណាមវិញ ក្រោយបាត់ខ្លួនអស់ជាង ១ ឆ្នាំ appeared first on .

Lamborghini ក្រហមឆេះទៅចាក់សាំងថ្ងៃមុន ដឹងថាឧកញ៉ា ឡេង ណាវ៉ាត្រា មានរថយន្តនេះប៉ុន្មាន?

ឧកញ៉ាកោះក្របី — Tue, 05 Jan 2021 05:40:46 +0000

ត្បិតថា គេដឹងថាមានរថយន្តប្រណិតៗច្រើនគ្រឿង សម្រាប់ធ្វើដំណើរទៅទីជិតឆ្ងាយ ប៉ុន្តែ ឧកញ៉ា ឡេង ណាវ៉ាត្រា មិនសូវបើកបង្ហាញពីរឿងនេះទេ ប៉ុន្តែកាលពីចុងឆ្នាំ ២០២០ កន្លងទៅ មានការលេចរូបលោកឧកញ៉ា បើករថយន្តប្រណិត lamborghini ក្រហមឆេះមួយគ្រឿងទៅចាក់សាំងដោយខ្លួនឯង ធ្វើឲ្យមានការចាប់អារម្មណ៍។

នេះជាទិដ្ឋភាពយ៉ាងកម្រ ដែលប្រិយមិត្តអាចឃើញ ឧកញ៉ាល្បីឈ្មោះខាងជួយឧបត្ថម្ភរាជរដ្ឋាភិបាល បើករថយន្តដោយខ្លួនឯងទៅចាក់សាំងនៅទីសាធារណៈ និងរឹតតែពិសេសសម្រាប់រថយន្តលំដាប់អភិជន lamborghini នេះ ដែលតាមដំណឹងឧកញ៉ាវ័យក្មេងរូបនេះ ទើបតែទិញជិះបានប៉ុន្មានថ្ងៃប៉ុណ្ណោះ មុនលេចចេញរូបភាពខាងលើ។ គេមិនទាន់ដឹងនៅឡើយពីឆ្នាំផលិតរបស់រថយន្តមួយនេះ ហើយចំពោះ តម្លៃផ្លូវការក៏មិនទាន់មានការទម្លាយឲ្យដឹងនៅឡើយដែរ ខណៈឧកញ៉ា ឡេង ណាវ៉ាត្រា មិនទាន់អាចភ្ជាប់ទំនាក់ទំនងសុំការអធិប្បាយបាន។

យ៉ាងនេះក្ដី គេដឹងថា រថយន្តប្រភេទនេះ គឺមានតម្លៃកប់សម្បើមណាស់នៅលើទីផ្សារ និងពេញនិយមសម្រាប់បុគ្គលលំដាប់សេដ្ឋីវ័យក្មេងបំផុត។ ដូច្នេះហើយ ទើបមានតែលំដាប់អភិជនប៉ុណ្ណោះ ទើបមានលទ្ធភាពទិញជិះ ព្រោះក្នុងនោះ បើតាមអ្នកជំនាញខាងរថយន្តបង្ហើបពីតម្លៃមិនផ្លូវការមួយថា lamborghini មួយគ្រឿងស៊េរីឆ្នាំ ២០២០ មានតម្លៃប្រមាណ ចាប់ពីជាង ៥០ម៉ឺនដុល្លារអាមេរិកឡើងទៅឯណោះ សម្រាប់ទីផ្សារក្នុងស្រុក។

ត្បិតថា តម្លៃខ្ពស់កប់ពពកបែបនេះក្ដី ប៉ុន្តែមានប្រភពមួយលួចបង្ហើបទៀតថា ឧកញ៉ាដែលជាកូនអ្នកព្រៃវែងរូបនេះ មានរថយន្តប្រភេទនេះ ដល់ទៅ៣គ្រឿងឯណោះ គិតត្រឹមបច្ចុប្បន្ន។ នេះមិនទាន់គិតពីរថយន្តម៉ាកផ្សេងៗទៀតដែលឧកញ៉ាមានប្រើប្រាស់រាល់ថ្ងៃផង។

តាមប្រភព រថយន្ត lamborghini ទាំង៣គ្រឿង ដែលឧកញ៉ា ឡេង ណាវ៉ាត្រា មាននេះ មានពណ៌ខុសៗគ្នា ទី១ ពណ៌ក្រហមខាងលើ ទី២ពណ៌ លឿង និងទី៣ គឺពណ៌ខ្មៅ។ ដោយឡែកតម្លៃ ក៏ខុសៗគ្នាដែរ ប៉ុន្តែប្រភពមិនបានលម្អិតលើរឿងនេះទេ ដោយសារថា រូបគេក៏មិនច្បាស់លើរឿងនេះដែរ។

ក្រៅពីរថយន្តប្រណិត lamborghini ឧកញ៉ា ឡេង ណាវ៉ាត្រា គេដឹងថា មានរថយន្តទំនើបៗជាច្រើនទៀតដូចជា Lexus, Porsche, Alphard, និង Mclarence ជាដើម៕

The post Lamborghini ក្រហមឆេះទៅចាក់សាំងថ្ងៃមុន ដឹងថាឧកញ៉ា ឡេង ណាវ៉ាត្រា មានរថយន្តនេះប៉ុន្មាន? appeared first on .

lamborghini

Lamborghini ផលិតនាវាលំដាប់អភិជន ចំនួនមានកំណត់ រីឯតម្លៃវិញញាក់សាច់

Lamborghini Huracan Tecnica រថយន្ត​ក្នុង​ក្ដី​ស្រមៃ​របស់​មនុស្ស​គ្រប់គ្នា បង្ហាញខ្លួននៅ​កម្ពុជា

Lamborghini ត្រៀមវិលមកកាន់ទីផ្សារប្រទេសវៀតណាមវិញ ក្រោយបាត់ខ្លួនអស់ជាង ១ ឆ្នាំ

Lamborghini ក្រហម​ឆេះ​ទៅ​ចាក់​សាំង​ថ្ងៃ​មុន ដឹង​ថា​ឧកញ៉ា ឡេង ណាវ៉ាត្រា មាន​រថយន្ត​នេះ​ប៉ុន្មាន​?

Lamborghini Huracan Tecnica រថយន្តក្នុងក្ដីស្រមៃរបស់មនុស្សគ្រប់គ្នា បង្ហាញខ្លួននៅកម្ពុជា

Lamborghini ក្រហមឆេះទៅចាក់សាំងថ្ងៃមុន ដឹងថាឧកញ៉ា ឡេង ណាវ៉ាត្រា មានរថយន្តនេះប៉ុន្មាន?